捌捌陸

營業中

休息中

平時返工經過間餐廳 都見好多人入去食 由朝到晚都咁多人 店舖名咁有特色 但店舖好細 所以位置好窄 但佢係一間好有特色的店舖 趁今日星期日 今朝又食咗個早餐 所以就入咗886叫咗個蛋餅 蛋餅好足料 份量又多 啱曬啲唔想食咁飽嘅人食 同埋價錢同性價比都好抵 早餐三文治價錢食咗個咁好嘅質素 相當唔錯

【觀塘搵食推介 🍜 捌捌陸 - 新派中台 fusion 工廈小店】隱身觀塘工廈嘅捌捌陸，將中式同台式嘅美食完美融合！今次試咗兩個招牌菜式，真係令人驚喜！ 🌟首先推介香脆奶油豬配薯條 $38 🍖外脆內嫩嘅奶油豬配埋香脆薯條，絕對係完美組合！個豬扒外層金黃香脆，入口即化，仲要保持住奶油香，食落唔會太肥膩。配埋啱啱炸好嘅薯條，真係完全停唔到口！主打金湯酸菜魚飯套餐 $57 🐟個湯底香濃得嚟帶微酸，魚片新鮮㗎！仲有豆芽菜、芫茜等配料，成個碗湯都好開胃！配埋白飯就啱晒！啲魚肉嫩滑無腥味，一啖接一啖停唔到口添～捌捌陸嘅環境企理舒適，啱晒打工仔午飯或者輕鬆約會。要記住喺工廈底層，唔係咁易搵，但絕對值得專登搵嚟食！ 🏢✨

今日lunch 朋友介紹e間 帶我去台灣風味午餐價錢還可以$62 台灣鹽酥雞配新竹米粉 +熱奶茶 +配 溫泉雞蛋 😁味道都好食 ！唔會太咸 炸到脆卜卜 仲大大件雞粒新竹米粉+了小辣 份量夠飽 lunch時間都滿坐

呢年來有好多人北上消費，但係都冇乜機會食到台式嘅美食，呢間餐廳就唔同，今晚過後，我哋對台灣充滿期待。荔枝角平時經過見到好多工廠大廈，但係其實有唔少好餐廳收埋。今日多得搵食達人女朋友帶我嚟搵好嘢食，入嚟見到餐廳別有用心，見餐牌啲食物價錢同出邊差唔多，我叫咗幾樣嘢食。咁小食嚟講青瓜同芽菜都幾爽口，幾開胃。跟住叫咗啲肉同埋一碗牛湯麵同一碗牛拌麵，仲有一份香芋丸，當然唔少得兩杯廢水，咁先夠似係食緊台式㗎嘛。味道唔錯㗎，餐廳位置嚟過一次就識搵，服務正正常常啦，如果之後再喺荔枝角搵台式餐廳，我哋覺得可以再嚟。

鹽酥雞——炸得還好，正常發揮，但咬落去啖肉完全冇味蛋餅———個皮軟糯到不堪入目，可以話差到侮辱咗台式蛋餅，肉鬆冇味，芝士冇味，冇心整不如唔好係餐牌冇呢個選擇，唔好令客人咁失望 西多——麵包冇問題，牛油好足夠可惜都係完全冇牛油香味雞翼———最正常嘅味道本身係想行去紅島食個下午茶沿路見到佢新開啲員工阿姨又咁熱情拉客飲食業都唔容易 諗住幫襯支持吓點知咁失望 唔放相唔係因為我冇影低只不過放埋相可能更加冇人想俾機會唔想搞到啲態度幾好嘅阿姨冇工開 希望廚房或者老闆睇到可以正視下食物質素嘅問題

用心制作，雖不是非常好味，但以價格評論算是不錯的！本人更覺得是有意外驚喜地方也覺得清新簡潔。略嫌餐廳地方太細太狹窄。老闆都算不錯，不但有禮貌而且更經常臉帶笑容！

Order咗一個中午套餐，M2 蚵仔米線餐，一杯凍檸茶都要等15分鐘先到，見到隔籬枱遲過我入座都已經食緊我個餐仲未到最後等咗半個鐘頭都未嚟。我已經由肚餓變到唔肚餓，氣忿離開佢仲有本事要收我個一杯凍檸茶錢，佩服！不知所謂，完全唔識乜嘢係顧客之道！絕對冇下次幫襯！

今日去到駿業街發現一間食台式面線的茶餐廳，裝修好，價錢經濟，裝修乾淨企理，食物味道好，服務極好的茶餐廳，必須要介紹👍👍👍💯💯💯 excellent!— at 捌捌陸