拾號公社

營業中

休息中

住屯門的朋友介紹我來這間酒吧餐廳，有戶外&室內座位，主打西餐、手工啤酒&Cocktail等。最喜歡是店主的熱情招待，充滿人情味，週六晚上還會有live band 表演。🔶熊貓樂園拼盤小食拼盤加入熊貓擺設裝飾真係可愛到暈🥰特別喜歡蘑菇釀雞翼、洋蔥圈，好味到停唔到口，仲有蝦枝條、魚手指、法蘭克福腸，呢個拼盤好啱同朋友飲酒傾計時Share。🔶慢煮美式BBQ燒豬肋骨上枱時會點火🔥好有儀式感🤩，慢煮12 小時的豬肋骨加上BBQ醬燒，食落肉質軟腍，骨肉容易分離，醬汁很惹味，超好吃👍🏻🔶芝士蒜蓉焗波士頓龍蝦拌安格斯牛仔柳龍蝦🦞大隻厚肉，肉質彈牙，加上芝士蒜香味食落更香。牛仔柳肉粉嫩，食落好軟腍又多汁。🔶冬陰功海鮮扁意粉有魷魚、青口、大蝦，海鮮好鮮味，冬陰功醬汁好辣好惹味。🔶Yellow Duck Mocktail呢杯好得意打卡💯，用了浴缸🛁做容器裝Mocktail，係芒果菠蘿味，仲有玫瑰花花瓣，加埋爆炸糖落去好過癮，唔只得個樣仲幾好飲👍🏻🔶凍檸多Cocktail益力多+Vodka &Gin酒，加上少許檸檬汁，好易入口。🔶貢菊花杞子茶唔飲酒的朋友可以試吓養生系列花茶，加入少許蜂蜜嘅菊花杞子茶，清新滋潤

一間位於屯門超有人情味嘅西餐廳，雖然係小店，但係一啲都唔輸蝕嘅大型西餐廳😎， 今次我哋就叫咗佢哋嘅招牌菜🔥火焰🐷豬手/海鮮🦐🦞🦑拼盤/ 黃金流沙🍗雞翼拼🍟薯條/鵝肝多士🍞火焰豬手除咗好有儀式感之外，個外皮脆卜卜，裏面啲肉一啲都唔硬好嫩😍好滑，因為佢哋用咗慢煮方式去烹調😚，而且仲有幾款醬汁配搭，我個人就最鍾意芥辣醬真係好鬼正🤩海鮮🦐🦞拼盤佢哋加入咗🧊乾冰勁有仙氣，非常打卡📸able , 海鮮拼盤裏面仲有🦞龍蝦添啖啖肉又新鮮, 而且佢哋仲做緊Promotion 可以選擇白酒或者紅酒一支🍷🍾超級推介佢哋嘅黃金流沙🍗雞翼拼薯條🍟， 呢個真係超級邪惡肥10磅都抵🤣，因為真係勁好食😋熱辣辣脆卜卜又香口好濃郁嘅鹹蛋黃😋仲有佢哋鵝肝多士🍞做緊特價$64兩件, 好香嘅鵝肝油脂,入口即溶😍而家消費夠$500仲送埋一個閃令令✨✨💗粉紅色嘅巴黎鐵塔甜品，好鬼sweet 😍逢禮拜六晚佢哋仲有🎤🎵🎶live Band添, 鍾意聽歌嘅朋友就啱晒😎

先唔講抵唔抵食！我入到去坐低係3:27pm,個唔知職員定老闆走埋嚟崔速我哋快啲落單，話落單時間至到3:30! 後來食完，見佢換咗餐牌3:30開始下午茶，差唔多一樣野食，差唔多係半價！ 再講番性價比，叫左個$122 All Day Breafast, 有一半係沙律菜，同張相差距太遠！我冇影相，因為原先冇諗住要俾評語，係出左餐廳見到換牌先決定要寫！BTW Open Rice 如果要求要打200字先可以俾食評，係咪應該一早講？

間野開左1段日子，終於今日有機會試下，但非常失望。飲品係比較特色，個drink list 都幾多選擇，而且好多本地啤酒。但食物就非常一般。食左個青醬扁意粉，中規中矩，幾十蚊無投訴。個白湯就好難飲，得麵撈味。最失望係個凱撒沙律set，直情係詐騙，求其雜菜加沙律醬就算，雖然好大份量，但唔係想食既野，個廚師話個汁係凱撒沙律汁，所以叫凱撒沙律，但佢個汁只係普通法汁黎已經無煙肉芝士生菜麵包粒，仲要當個客傻。唔會再黎呢度食野。

之前食過一次，印象不錯，今日再去吃拾號公社，門口有幾張檯，入去得一台客，睇menu set 以呢個地點都算幾貴，4個意大利粉set $60-1xx? 我哋叫了：A. 忌廉蘑菇粟米天使麵 /1 X $60 $53C. 瑞士汁雞翼配天使麵/1 X $79  $70D. 法式咖哩大蝦扁意粉/1 X$88   $77F.漢堡配薯波/1 X $108                   $95/（午）轉和牛漢堡4 個前菜湯及沙律   2 跟餐凍飲綠茶          $41跟餐凍飲蜜                 $41跟餐凍飲特濃朱古力（凍）$12  $11折扣＄%：$-41（12%）總數：$318每個餐都好有質素，忌廉蘑菇粟米天使麵，個汁好香忌廉味，瑞士汁雞翼隻雞翼好得，好耐未食過咁好食嘅雞翼，唔會乾爭爭，又入味，唔會有雪味。人不多，職員服務態度超好，埋單，$318，人均$80，原來星期一至日都有88折！所見人唔多，但係味道好好，好寫意啊！

一行三人去食lunch，叫咗個車打芝士蕃茄牛肉醬螺絲粉，意式四重奏芝士薄餅同全日早餐。螺絲粉-醬汁香杰，但偏少，掂唔到醬就會淡，但味道係優質嘅。薄餅-對同枱人好大衝擊，因為佢應該有blue cheese啲friend，都幾重味，但本人可以接受。望落白la la，但芝士幾香，又滑。全日早餐-雖然係最貴，但係堅好食。芝士蘑菇釀雞翼最香口，車打芝士腸唔肯定係咪自己最愛嗰隻，有爆芝，粟米脆片點茄汁豆好好味。南瓜忌廉湯有三個，有一個人唔喜好，自己飲咗差唔多兩碗，勁香口，無錯，係香口。凍飲正常款。

清明時節熱辣辣，去完曾咀欲食tea, 借問餐廳何處有？不一定只有大商場。距離屯門港鐵站5分鐘路程的這家餐廳，是我這兩年清明拜山後必去搵食的地方。來到剛3:30pm，下午茶時間開始，餐牌上有小食/意粉/甜品選擇很多，最近還有留港消費88折優惠呢，相當抵食。今次叫了「黃金流沙單骨雞翼拼黃金薯條」。沙鏟形狀的碟子裝著炸得金黃的雞翼和薯條，很配合黃金流沙的名字，一上枱已經聞到鹹蛋黃的香味，急不及待怱怱拍個照就立即開動了先試單骨雞翼，單骨的做法不但吃得容易，也增加表面的面積可以多沾一點惹味的鹹蛋黃醬汁。咬下去外皮雖然略厚但非常鬆脆，而雞翼依然很有肉汁，鹹香帶少少的辣味令人欲罷不能不過薯條也不只是配角，炸得外脆內鬆化，均勻地沾滿爆香了的鹹蛋黃，味道豐富但不油膩，明知邪惡還是會不知不覺地吃光餐飲加$4要了涷蜜桃紅茶，果味自然，清甜中有紅茶的甘香，冰涼又解渴配香口的食物就對了。希望下次不用等拜山才來，或者可以晚飯時間試試其他主菜和手工啤酒

✧拾號公社✧今次又入咗大西北搵友人，今次佢帶咗我去一間充滿人情味嘅小店，席間仲見到佢煲咗一啲熱飲去派比周圍嘅店舖（因為當日天氣好凍）～🥗前菜、餐湯同沙律蕃茄🍅湯好香濃，牛角包🥐好脆好香😍黑醋沙律夠晒好清新! 呢個跟餐嘅沙律同湯誠意十足呀!🫶🏻🍝雞翼天使麵天使麵口感少少Q彈~🍛忌廉黑松露魚手指芝士意大利飯每粒飯麵充滿黑松露味😍仲有濃厚嘅芝士味但又唔會好滯👍🏻小朋友好鍾意脆脆嘅魚手指🍤大蝦扁意粉蝦🦐夠彈，扁意粉軟硬度適中~🍳AII Day Breakfast前菜•黑松露炒滑蛋•煙三文魚花•茄汁豆•栗米脆片•車打芝士腸•薯波•芝士蘑菇釀雞翼•烤菠蘿片 $ 138黑松露炒滑蛋夠晒香同滑，菠蘿片好Juicy，薯波同埋釀雞翼好香口😍#美食可以令人開心💛 #堅持只食值得幫襯的✊🏻 #拾號公社 #屯門必食

早前的星期日，跟靚女朋友一起走到屯門食下午茶及 Shopping！原先，我們打算食一間在何福堂附近的 Cafe，可是小店內只有3張枱，店外有2張枱！我們要等4張枱便放棄了！於是，她即刻幫忙搜尋附近的餐廳，找到了一間在屯門西鐵站 F 出口附近的酒吧餐廳 <拾號公社>！設有室內及室外用餐區，室外可讓食客吸煙及方便帶狗！Menu玫瑰牛奶咖啡 $35 跟餐價 $10到埋單才知跟餐優惠價享用，令我喜出望外！溫熱的水溫令咖啡香發揮得淋漓盡致，加入玫瑰糖漿，入口甘甜平衡！不錯喝！健康水果茶：綠茶配菠蘿及藍莓+ $22冰涼透心又清爽！ 而且都幾大杯！Tacos $66底部那些較多辣椒粉，所以越食越辣！黑松露甘筍湯 跟薄餅餐有驚喜！色澤看似南瓜湯，質感濃稠，入口香濃黑松露的菌味，夾雜甘筍碎粒！口感比預期豐富！迷你牛角包外表已經凹陷，所以我對這牛角包口感不抱什麼期望！我個人喜歡麵包沾湯食，別有一番風味！四重奏芝士薄餅 $86長方外型獨特，厚身鬆軟的質感，芝味滿載！

雖然店舖比較細，不過裝修環境有格調，食物亦都好有質數，野食有水準。墨西哥脆片個汁好驚喜，問職員話連個汁都係自己整，個日頌叫左個焗豬手，上菜個時職員會先淋上少少酒再點火燒一燒個面，豬手外皮焗得好脆，但肉質一點都唔太乾👍佢地連擺盤都好有心思，正宗又好睇又好食，視覺同味覺都有享受，睇得出佢地用心製作，而且價錢同分量都好合理。鍾意飲酒既人都有好多選擇，除左一般既啤酒，佢地頌有多種本地手工啤🍻每種口味都有特色。鋪頭有戶外坐位可以帶寵物，適合各位愛寵人士，星期六過去既時候頌有music live 表演，好好氣氛，估唔到屯門竟然有咁高質既餐廳，絕對會再encore❤️

外觀：這個手作漢堡包真是令人驚艷。它呈現出完美的外觀，麵包金黃酥脆，散發著誘人的香氣。肉餅則完美地放在麵包中間，上面還有新鮮的生菜、蕃茄片和脆脆的培根。整個漢堡包看起來非常豪華，讓我充滿期待。口感：當我品嚐第一口時，我驚訝地發現這個漢堡包的口感非常出色。麵包酥脆的外層和柔軟的內部形成了完美的對比，每一口都讓人愉悅。肉餅非常鮮嫩多汁，完全沒有過於油膩的感覺。生菜和蕃茄提供了清新的口感，而培根則增添了一絲鹹香的風味。整個口感的層次感讓我難以忘懷，每一口都是一種享受。味道：這個手作漢堡包的味道簡直是絕妙的。肉餅經過精心調味，每一口都散發著濃郁的肉香和微妙的香料味道。麵包的香氣與肉餅的味道相融合，形成了一種完美的和諧。生菜和蕃茄的清新味道平衡了肉餅的油膩感，讓整個漢堡包更加清爽。培根的鹹香味道則為整個味道提供了一個美味的尾聲。這個手作漢堡包的味道絕對能夠滿足所有挑剔的味蕾。

好開心係屯門搵到唔錯的西餐廳🥳佢既裝飾都好有特色 好有feel座位有室內室外天氣涼涼地坐室外飲住酒傾計都幾正🤩南瓜湯及迷你牛角包🥐有南瓜湯好開心平時d餐廳多數得羅宋湯或者忌廉湯🎃湯好濃郁加埋脆卜卜嘅牛角包絕配👍🏻⭐️芝士磨菇釀雞翼雞翼係無骨依個已經好加分😍雞翼裏面有焗好的芝士及蘑菇口感好得😙好味⭐️龍蝦汁青口帆立貝煮螺絲粉青口及帆立貝都大大隻夠新鮮😋螺絲粉煮得剛剛好軟硬適中加埋龍蝦汁非常入味⭐️法式黑毛豬鞍蜜糖芥末醬黑毛豬鞍煮得剛剛好唔會好靭熱辣辣🥳配埋蜜糖芥茉醬口感一流而且配埋黑醋汁沙律🥗更滿足⭐️紀念日cocktail佢嘅Cocktail都好多選擇最後我揀咗外表一流嘅紀念日好啱我打卡😙有藍橙、玫瑰、石榴、vodka甜甜地飲落好fresh超級推介👍🏻⭐️健康水果茶依個特別一讚佢比客人自選水果好窩心❤️我揀左蘋果、菠蘿、蜜桃好飲😆果味夠出⭐️甜品拼盤只要消費夠$500之後係社交平台打卡就可以有甜品拼盤送🫰🏻賣相一流好精緻泡芙同水果都好好食食埋甜品依餐真係超級滿足😉

💛拾號公社 (屯門)🫶🏻碎蛋蟹籽迷你牛角包 $46大推💓牛角包酥脆，碎蛋唔膩蟹籽豐富口感~加分🤤.👍🏻蒜香白酒蜆肉什菌天使麵 $55拎出黎已經聞到勁香既菇味🤤天使麵軟滑，索晒汁😋最估唔到係份量都幾多下我同朋友都添左好幾次😆性價比高✨.🫶🏻黄金雙拼(雞翼薯條) $72大推💓薯條份量多，雞翼脆卜卜條條薯條都裹滿鹹香既蛋黃醬🤤.👍🏻薄荷朱古力(跟餐) $12味道香濃有層次🍃.👍🏻榛子牛奶咖啡(跟餐) $10咖啡入口順滑，有淡淡堅果香☕️📸19.07.2023.💁🏻‍♀️#大推有Heart小店💗#Bar&Restaurant坐得舒適，食物用心製作😋👍鐘意既請Follow/Share/Like🙏ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʔ.🧸#Labubu 💁🏻‍♀️ #龍家昇 🤞🏻#no852黃店🤞🏻#no852屯門🤞🏻#no852推介🤞🏻#no852西餐🤞🏻#no852cafe🤞🏻#no852bar

聽朋友講哩間小店啲野食好好食 嚟到屯門就試試佢 果然真係冇失望🤩挪威煙三文魚凱撒沙律🥗一嚟到嘅時候就覺得佢好靚🤩成個擺盤都好靚 要好多唔同種類嘅沙律菜 啲菜都好新鮮 唔會見到啲菜會好黃咁🙈卡邦尼蟹肉蟹籽意粉🍝一嚟到都真係忍唔住嘩左一聲 真係好多蟹肉同蟹籽🤩🤩🤩個意粉就偏硬身 好啱我口味 好creamy 我同個朋友都食到汁都清埋🤤🤤芝士溶岩極上和牛漢堡🍔個burger好大個 塊牛肉都好厚 佢仲要有好多唔同沙律菜 再加埋佢秘製嘅沙律醬 成個口感好豐富 最特別嘅係佢唔係配薯條 而係配薯寶 姐係薯餅仔 外脆內軟 好好食😋雞泡魚干🐡第一次食雞泡魚干 幾特別 唔會太硬 甜甜地咁 係送酒一流嘅小食👍🏻Cocktail -- Sangria🍹我哋聽到隔離枱嘅人話哩杯好飲 所以就同個frd叫嚟試下 不過我哋都唔係好飲酒嘅 所以就叫左少酒 不過啲酒同啲水果味都好夾 仲要啲蘋果同橙喺杯酒入面可以食 真係好似酒釀水果咁😋Mocktail -- Transformer🍹我係比餐牌個樣吸引之後先會叫嘅 佢用芒果汁做base 之後再加蝶豆花茶 做到橙汁慢慢漸變到紫色真係好靚 兩個味都好夾 唔會話有一隻搶左另一隻嘅味

拾號公社咁啱食完飯想飲兩杯，就就見到呢間屯門西餐酒吧叫拾號公社見佢可以叫香港本地啤酒，就無諗即刻入去，要支持香港本地手工啤！我哋叫咗Lion rock冰山雪蓮同dragon king龍王福建柚子啤Lion rock冰山雪蓮 （左）$62ABV 4.5% IBU 60係新興的啤酒種類，用美式IPA方法釀造比利時的小麥飲落好fresh好順，好多生果味會散發出嚟，唔苦，回甘佢寫有藍莓、橘子、熱情果、荔枝味，仲有玫瑰花及檸檬香味我就覺得荔枝同檸檬味好出，同埋好香，太易入口，飲多幾枝會醉😂😂Dragon king龍王福建柚子啤 $58ABV 3.5%佢攞過香港澳門國際啤酒大獎賽2016全場最佳味道帶少少果酸，好香柚子味，呢隻苦味比Lion rock冰山雪蓮仲低，好啱女仔飲～