拉麵兔

佩服佢， 加玉竟然係叮熱就算， 隻碗超熱但麵唔熱， 大家心照吧。玉子又係叮熱就算…. 初開業時係烤玉子， 現在的出品質素係劣食級。 開業時， 真係好食的。 現在係貴而難食！！😖😖…查看更多

本人住咗喺粉嶺十年有多一直都知北區冇乜好拉麵食（山下近年越做越差、嗚屋還好、爵士我已經寫過，大伏👎）最近喺地區group見到好幾個人推薦呢間拉麵兔（らーめん兎）諗住近近地就去試吓，點知一試從此愛上，依家一個星期去食三四次😂首先，未入去見到門口寫住「湯底採用真材實料熬製」，已經有啲期待。Menu好簡單，主打豬骨湯，三款湯底+幾款小食。三款湯底我都試過，要我排我會揀魚介>蕃茄=黑蒜油魚介湯一入口有驚喜，竟然有魚乾😳問過店家，佢哋話係專登加入魚乾同香味油一齊炸，等味道層次再豐富啲，所以係專登冇隔走～呢樣嘢我係幾鍾意，雖然啲魚乾有啲難咬，不過食落係幾香幾惹味蕃茄同黑蒜油都各有特色，我認為三款湯底都值得一試👍🏻最抵讚嘅係佢哋嘅醬汁（タレ)，食得出好香嘅醬油味，我平時最鍾意點多醬汁，啱晒我呢啲重口味人士🤣湯底亦都食得出有落豬油，有陣陣豬油嘅香味👍🏻麵就同台風有8成似，無論係粗度定口感都好相近👍🏻溏心蛋真係「溏心」，唔係「流心」😂而且都醃得好入味同埋佢俾夠一隻，呢個價錢有原隻蛋食，抵👍🏻叉燒就還好，食得到肉香，肥瘦均勻，不過覺得可以再大塊啲就好啦～整體而言，我認為呢間拉麵兔有8.5分/10分👍🏻食得出無味精，湯底夠濃，有醬油香+豬油香😋仲要呢個年代少可有拉麵店仲會提供冰水，非常抵讚唯獨是門口時間有啲唔穩定，試過好幾次放飯去食飯摸門釘😂同埋如果有埋幼麵揀，有多一至兩款湯就更好啦Btw已經2025年啦，我認為港式拉麵係舊時代嘅產物。呢個年代邊個仲會想食一陣鹼水味嘅拉麵+用濃縮劑開出嚟嘅湯底呀🤡唔好再話嗰間爵X拉麵係粉嶺區代表啦我作為一個粉嶺人，講出嚟都覺得7呀（肥牛粟米鹼水麵收$100，離唔離譜啲）🤡粉嶺區拉麵我只推薦拉麵兔👍🏻…查看更多

去過兩次，有三種湯底揀。湯非常好，一飲就知係日本正宗煮法。餸係正常日式拉麵嗰 d，叉燒特別好食，比較惹味 d。另外，通常其他拉麵舖只俾半邊蛋，佢哋俾全隻。其他小食例如章魚丸都好正宗好好食。用 QR code 落單，暫時人手少，所以人多時可能要等一下。不過我上次去，其實都只係等咗10 分鐘，店員就送上全部嘢都係即整嘅拉麵。等候時間絕對合理。店員非常有禮貌，陰聲細氣完全唔會黑面粗魯，有日本人風範。地點唔係最就腳，但不枉專登入去食。睇得出好用心經營，講求質素。加油！…查看更多