手作功夫茶 (京瑞廣場1期)

營業中

休息中

今日黎到呢間手作功夫茶，係石門京瑞廣場一期地下，超級易搵，一行就見到。我同呀妹叫佐兩杯飲品，我就叫佐健康既蜂蜜檸檬蘆薈🤓$28一杯好大杯，淺黃色既一杯好明顯就係由滿滿既檸檬同蜂蜜組成，上半部分淺色既就係甜甜粘粘既蘆薈，蘆薈食落仲有啲爽口，成杯酸酸甜甜，好健康既感覺，飲完超解渴！呀好就叫佐邪惡既黑糖波霸鮮奶😈鮮奶係3.6牛乳，好鮮甜好重奶味，極為香濃滑身，原杯鮮奶加上黑糖波霸，大大粒既珍珠完全符合波霸既呢個名，黑糖珍珠令鮮奶有適量既甜味，但唔係死甜，有黑糖獨有既甜味，好香好濃，超級好飲，肥死都抵呀！

今次來到位於沙田石門京瑞廣場個到嘅手作功夫茶分店，去買返杯廢水飲先，見到都唔少人排隊，不過都唔阻我買廢水飲嘅興緻~ 見到餐牌都好多不同款式嘅飲品揀，睇到心多多，眼花撩亂，都唔知叫邊杯揀邊款好~朱古力可可拿鐵結果叫左杯朱古力可可拿鐵，諗住試下，拿鐵個咖啡味好香，加左奶幾好飲，朱古力味好香好甜，呢杯朱古力可可拿鐵真心好正，我個人口味來講好岩飲，我好欣賞，呢杯野一次過滿足我，又甜又重朱古力味，仲係咖啡即時醒神~

外出工作實在行到有啲熱， 行到京瑞廣場見到有間《手作功夫茶》手搖茶飲店，於是買杯野飲填充下體力再努力過。好在今日唔算好多人，可以唔洗等好耐，大約五分鐘到就拎得啦！店面貼滿了好多飲品的圖片，亦有份好清晰的meun比客人睇。店面以黑白色系為主，睇落去又好乾淨整潔。猶豫了一陣，叫左杯🥤芝士奶蓋紅茶，走糖走冰咁就可以飲到芝士奶蓋和紅茶的原味👍。芝士奶蓋幼滑濃郁，紅茶淳香清爽，飲落去舒緩了身體的疲勞😗。因為走糖所以好香茶味，亦飲到芝士奶蓋的微咸奶茶味。

小妹有一期成日都飲肥仔水，最鍾意就係黑糖珍珠鮮奶類既飲品😅不過我都知成日飲真係好肥仔架啦🥲所以都為自己著想戒左一排，再唔係就只係飲無糖茶或無糖鮮奶茶😅不過真係會飲到好無癮架,早兩日我喺沙田附近見到有間賣肥仔水既地方，見未試過🤣一於買埋俾自己❗️❤️伯爵拿鐵❤️飲落都幾舒服，鐵觀音茶底唔算好濃，呢杯嘅伯爵茶味道出，一入口就慢慢慘入淡淡既茶香，唔會得奶味，奶味香濃，又唔會蓋過伯爵茶嘅茶味，兩者配搭啱啱好，正常甜度都吾會話好甜，最中意佢個口感好滑身，好飲！

下次飲嘢如果附近有“手作功夫茶”一定要試下，呢間真係做得唔錯。本人奶茶就麻麻哋，比較鍾意啲清啲嘅綠茶，所以就點左💚”柚香晶球綠茶”💚。外表淡黃色非常之清新，上面白色，下面係漸變嘅淡黃色，好有夏日色彩。味道方面，同佢顏色一樣非常清新，綠茶好香好清幽，有種淡淡回甘，加上柚子味道，就係甘香同微微酸甜。飲嘅時候一定會飲埋晶球，成個層次口感好充實，晶球粒粒爽口過癮。😋口渴嘅時候飲返杯，真係好解渴。整體感覺非常之清甜，我係幾鍾意呢種味道。😚

石門呢間手作功夫茶係香港都有唔同既分店，呢間分店既飲品同其他分店一樣，質素好好，門口有個好大既招牌寫住‘功夫’，好有氣勢😜黑糖波霸鮮奶🖤🧋好耐無聽過既名，波霸奶茶，估唔到呢間仲有得飲，緊係要叫黎試下。鮮奶好新鮮，係北海道3.6牛乳，濃濃既奶香唔會騷，好香好滑，珍珠粒粒都好大粒，真波霸🤪黑糖珍珠唔會太甜，反而好香，又夠煙韌，口感爆好，圓古碌一杯好好飲，超級正，勁快就飲晒一杯！雖然肥仔茶真係好肥，但好似呢間咁咁好飲，有時係要破下戒，飲下開心下既😛

放左學，經過沙田石門安群街3號京瑞廣場1期地下G11C號舖的《手作功夫茶 》，它的店面以黑白色系為主，睇落去好乾淨整潔。一直都好鐘意飲佢的黑糖波霸鮮奶，所以今日又黎一杯。香滑濃郁，又有口感，真係令人飲上癮的。黑糖波霸鮮奶🥛黑糖波霸鮮奶係冇得自行調節甜度，冰量和加料的。不過店家本家已經調配好最好味的配方，所以我們直接飲就係啦😍 。香滑的黑糖鮮奶配上煙韌的珍珠，好香好濃郁的黑糖味和鮮奶香味，配上煙韌的珍珠，冇得挑剔。見到佢的厚奶蓋好厚好雪白😋，下次想試下佢的厚奶蓋系列。

之前聽人介紹過呢間沙田既手工功夫茶，都好似幾好飲咁，今晚經過見冇咩人排隊，即管買杯試下啦🤭🤭今次簡左呢杯朱古力可可拿鐵，作為一個朱古力迷，一見到就簡左呢杯，見到個色就已經知道係好濃既朱古力呀🤤🤤果然冇慳皮，唔係全部都得奶既朱奶，隻色係深深啡色，飲落真係食緊朱古力咁，入口好滑好舒服，又唔會膩👍🏻👍🏻👍🏻最重要係佢既朱古力味係好真實既，唔係糖漿果隻假朱古力味，好正！！！飲完好味開心曬🤣🤣

3Q奶茶☕️:👍🏻👍🏻👍🏻👍🏻👍🏻你一杯奶茶除咗查底甘香順口，奶味濃郁之外佢仲係咁3Q 🤤可能你會問我3Q係乜嘢🤣 3Q。即係珍珠、仙草、同埋伯爵咖啡凍，食落去口感好豐富，珍珠就煙煙韌韌，仙草就冰冰涼涼。重點係個伯爵咖啡凍真係好重伯爵咖啡味，飲落去覺得自己有少少飲緊鴛鴦🥳飲咗三次之後，我諗我下次你都係會叫返呢一杯👅之前試過Cafe推介茶都冇呢個咁誇張，3Q奶茶暫時係我飲過最好味嘅奶茶✨唔知大家又有冇飲過一杯好得你心加珍珠奶茶呢如果冇嘅話可以跟我一齊你試吓手作功夫茶嘅3Q奶茶。反正佢周圍都有分店唔使怕飲唔到❤️手作功夫茶沙田石門安群街3號京瑞廣場1期地下G11C號舖

同朋友去沙田行街，去到京瑞廣場，見到《手作功夫茶》，突然就好想飲杯珍珠奶茶🧋😄。《手作功夫茶》的店面以黑白色系為主，睇落去好乾淨整潔，可以試試。我叫左杯3Q奶茶🧋，朋友就要黑糖波霸鮮奶🥛。3Q奶茶🧋，3Q包括有紅豆🫘、仙草、和珍珠，係款非常有口感的奶茶。因為唔想飲咁甜，又唔想影響奶茶的香味，所以去冰和微糖。奶茶味濃郁，紅豆又諗又錦，仙草滑嘟嘟，珍珠煙煙韌韌，好飽肚的一杯呀😋黑糖波霸鮮奶🥛，好香好濃郁的黑糖味和鮮奶香味，香滑的黑糖鮮奶配上煙韌的珍珠，係非常夾的配搭。黑糖波霸鮮奶係冇得自行調節甜度，冰量和加料的。

京瑞廣場一期地下呢間手作功夫茶有好多唔同既飲品，健康既生果茶都有好多唔同既款，岩晒一理中意健康既女仔！我今次就簡佐呢杯柚香晶球綠茶($30)🥤成杯漸變色，由深黃變到淺黃，成杯以綠茶為茶底，杯底係濃濃既柚子，新鮮香甜既柚子絲充滿成杯飲品，仲有一粒粒柚子水晶球係飲品入面，每一粒都脹卜卜，酸酸甜甜，咬一咬就必晒啲汁出黎，香濃好味，飲完成杯好fresh好清新，勁好飲！呢度既茶飲真係好健康好足料，可以日日飲都無負擔，唔駛怕肥。

好耐冇飲過珍珠奶茶，今日手作功夫茶，見呢家未試過買番杯試下啦。😆最後都係選咗黑糖波霸鮮奶，因為我比較鍾意黑糖健康啲，同埋又想食下珍珠。我買呢一個係細杯裝，可以見到大珍珠喺下面，有啲未搖勻嘅黑糖喺最底層，上面就係比較淺奶白色嘅奶。😛個奶底係幾唔錯嘅，飲得出真係用鮮奶製作，好香滑鮮香。跟住將啲黑糖撈勻埋，層次更加提升。鮮奶中加添一點甜，鮮奶入面飲到黑糖嘅味道，甜度係啱啱好。🥰波霸珍珠方面，分量都好足夠曬大粒，又容易咬，唔會硬到要成粒吞，不利腸胃啊！😇當黑糖遇上波霸奶，可謂香滑之中剛好的微甜！😝

其實好耐之前飲過一次手作功夫茶，個陣已經中意左，因為佢款式多得揀之餘，又真係好飲，不過係分店唔多，今次見佢開左間近我屋企，真係好開心，以後可以口痕就去買杯飲啦~今次想試下其他，所以就唔叫奶茶咖啡類，叫左杯 “百香QQ”，都一樣係冇令我失望嘅， 百香果香甜，果香味好正好有夏日feel，仲有啫哩可以食，飲野同時有野食都幾過癮呢間店環境周圍都望落乾淨衛生，而且唔會話叫杯野飲等好耐，店員都幾nice，野飲又幾好飲，所以我已經正式成為左手作功夫茶fans，呢間近屋企嘅分店我一定會成日去飲

環境方面‼️位於沙田石門嘅呢間手作功夫茶分店，好似比平時嗰啲分店裝修格局大少少，就算有幾個人排隊都唔會覺得有擁擠嘅情況🤭飲品方面‼️之前我淨係會飲佢普通嘅茶，今日朋友介紹先知道原來佢哋嘅Menu咁大張，有咁多嘢飲🤣味道方面‼️今日叫咗芝士宇治抹茶🍵，有冇人同我一樣都係抹茶控？宇治抹茶係源於日本，同平時飲開嘅蘋果綠係唔同味㗎！會比較苦澀少少😌不過好彩加咗芝士奶蓋中和返個味道😘員工方面‼️佢哋啲員工真係好值得讚賞，我係一個選擇困難症患者，真係要帶好耐都未揀到自己想食咩或者想飲咩，佢哋好耐心咁樣介紹餐牌👍🏻

熱辣辣經常感到口渴，所以會買飲品來解渴一下🤩。這次在沙田附近，就去了京瑞廣場買飲品。之前飲過這家覺得可以，而且價格相宜選擇多，所以經過開去買飲品⭐️伯爵拿鐵，飲個陣有陣陣伯爵茶香，伯爵茶味濃郁，奶香滑，真係飲完一杯再想一杯，牛奶同埋伯爵茶茶嘅比例係做得好好，調得好好，啱啱好，茶同奶唔會互相搶味，有茶味甘香餘韻，不會苦澀，味道穩定，現在每次喝奶茶癮起都會買這家，整體唔錯，會再回頭👍下次見🤣🤣