我杯茶 (永興樓)

營業中

休息中

冒名而嚟嚟我杯茶☕️叫得奶茶鴛鴦專門店，當然兩樣都要叫嚟試啦，茶底幾濃，係茶多過奶嗰種奶茶，中唔中意就睇翻個人喜好啦🙃另外叫左個沙嗲鮮牛肉蛋治🥪同黯然銷魂叉燒煎蛋豬仔包🍔，反而我覺得嘢食出色過奶茶🥰沙嗲牛同蛋都好滑，沙嗲都好香，呢個配搭幾好食😋叉燒豬仔包d蜜汁好甜，配埋搽滿牛油嘅脆脆豬仔包都好食呀🤤

茶走入面嘅煉奶令奶味較重 亦都稍微甜啲 但飲落依然醇滑有茶味☺️的確係我飲過比較出色嘅茶走！三明治嘅牛肉嫩滑唔會有筋 蛋亦都炒到好滑有蛋汁💕 The milk tea here was on point! You can still taste the flavour of the tea even with the condensed milk.The sandwich also went well with the milktea, definitely worth ordering for the silky scrambled eggs!

#熱奶茶 $16由佢開舖就已經好想飲 今次咁啱去附近做嘢 終於試到喇🤩要試杯奶茶正唔正 就緊係叫杯熱嘅試吓啦😆杯奶茶好滑 飲落去唔會澀又好香 奶同茶嘅比例好好 唔會搶咗彼此嘅味道🤤而且本身已經落咗糖都唔會話好甜唯一嘅缺點就唔係好熱 係暖🤔評分:9.5/10-#咸牛肉蛋治 $18即叫即整 佢係open kitchen所以係可以見到佢地整嘅👀啲蛋好滑🤤🤤不過咸牛肉就可以再多啲食咗都係唔夠喉 想食多碟呀🤣🤣評分:8/10

飲得多台式珍奶，就想飲下港式奶茶調劑☕️論茶味，絕對之王者！仲要有金奶茶王羅德師傅坐鎮加持，確實茶香奶滑，冰粒都無辦法輕易溝淡茶底嘅濃度，值得你經過外賣嗒返杯落☕️ $20/杯 唔過份👍🏻

我男朋友日日都同我講呢杯奶茶我一定好鐘意飲😂n個月後某一日接完佢收工終於去試下😆奶茶🥢呢杯奶茶真係好正👏🏻杯茶既奶同茶即比例真係岩岩好🤤對我而言係perfect😂 入口奶味香濃而且細滑，茶味不會太突出而且冇苦澀味🙈出色呀～不過香港還是有好多的奶茶好出色，佢冇一嗚驚人既感覺呀！ 奶茶見稱都太誇張！p.s唔鐘意飲甜既記得嗌少甜😆佢係偏甜咗少少的🙈鮮牛蛋治🥢呢個相反估唔到佢咁出色😂 佢好食過華星冰室🙀 佢既蛋炒得好滑好多蛋香 加埋啲鮮牛肉都夠多汁 麵包吸收哂所有蛋汁同牛汁，變得非常剛好，唔會太濕而唔會過乾👍如果我喺附近返工應該會成日幫襯👍味道指數：🌝🌝🌝🌝抵食指數：🌝🌝🌝回頭指數：🌝🌝🌝🌝

奶茶，我成日都話係一個男人不可缺少的飲品。咖啡雖然重要，但係地位始終不及奶茶。今日星期日一早一支弓走咗去灣仔嘅"我杯茶"呢間舖仔細細，賣嘅就係金茶王嘅奶茶。係香港其實專賣咖啡店好多，珍珠奶茶好多。唯獨奶茶，通常要去茶餐廳。好開心有呢間專賣奶茶為主嘅店鋪。一入店就見到師父好純熟手勢沖奶茶。今日我就叫咗一杯茶走，一份鮮牛蛋治，坐係度慢慢嘆。奶茶一入口，香滑不太甜。茶，奶同練奶比例剛剛好。有茶香得嚟又不會澀。雖然話到明出名係奶茶，但係佢個三文治都一絕，炒蛋好滑夠厚，鮮牛夠腍。我覺得個三文治比得上澳x牛奶公司或者華x冰室。總括嚟講，地方雖淺窄，食物卻一流。不負金茶王嗰名。

轆過見到舖名咁得意嘅⋯幾乎個個都買奶茶喎⋯咦？！奶茶係我杯茶喎⋯又買嚟試吓先...今次要凍嘅...嗯～茶味過濃，奶唔夠，飲落鞋口之餘仲好澀口...。。喺門口直接同店員落order啦，因為有一級呀。買走飲呀今次。。店內仲有其他港式嘢食㗎，例如三文治果d...鴛鴦奶茶咖啡都有...#四個轆Look #轆在港島吃吃喝喝 #灣仔#春園街 #港式奶茶 #我杯茶 #相機飲先 #輪椅 #無障礙 #hkfoodblogger #吃喝玩樂

悠閒嘅假日原本諗住歎個下午茶，食個多士， 可惜去到嘅時候多少已經賣曬嚕， 於是就揀左下面呢一個沙爹牛肉蛋菠蘿包加芝士嗰菠蘿包個皮係脆卜卜嘅好好食，而菠蘿包既表皮甜甜地又鬆化，中間嘅餡料都好滿而且 鹹鹹地好惹味，加埋一齊食都好過癮， 厚厚嘅蛋夾住沙爹牛肉，大滿足雖然間舖仔細細，得幾個位，但食物質素都非常之好。PS:牆上面貼住一張Poster， 只要Download個apps然後掃佢個QR Code就可以以三蚊買杯港式奶茶，杯奶茶茶味濃而唔太甜。

今朝行過＂我杯茶＂，男朋友話呢間嘅奶茶好出名，攪到平時唔太好奶茶嘅我都心郁郁想試下。最後我們點了一杯奶茶和一份鮮牛蛋治happy share！奶茶好好飲！好好飲！好好飲！重要的事情要講三次。入口奶味好香濃，之後慢慢淡入茶的澀味，甜度亦剛剛好。如果我住係附近，真係每天都會買一杯，因為完全係我杯茶！鮮牛肉蛋治平時碎牛蛋治就食得多，鮮牛蛋治就真係第一次食啦！一塊塊牛肉夾係蛋之中，蛋炒得嫩滑且蛋味重，牛肉就比較遜色，肉質唔算嫰又冇乜牛肉味。

路經見到呢間傳說中既奶茶王，諗都唔諗衝入去試下啦！除左奶茶仲有咖啡檸茶，三文治！今次我只係試佢杯茶。叫左杯凍奶茶少甜，明明我前面得2個女人，都要等左好好好一陣先沖到出黎，真係用心泡制喇！入口，勁甜！明明叫少甜，但得到係勁甜🤢咁如果叫正常仲得掂既....咩都比啲甜味蓋哂。其他咩濃郁茶味，香滑奶香咩都感覺唔到lu。仲要勁多冰添！飲左成半個幾鐘嫁喇，都仲好多冰囉....16蚊杯，又多冰又勁甜，飲完無下次。

沙嗲牛肉蛋菠蘿包$28 + 芝士(+$3)加$3由三文治轉左菠蘿包 即叫即整果然係最正 夠新鮮熱辣😎菠蘿包脆皮甜甜地 兩面都烘得好香脆 炒蛋嫩滑唔會過生或過熟 充滿蛋汁🤤牛肉幾淋 稍嫌沙嗲味不足 另外加左芝士 係片裝車打芝士黎🧀成個包甜甜鹹鹹酥酥脆脆真係好好味😍評分：9/10.熱經典奶茶 $3你無睇錯 我都無打錯！呢杯奶茶只係$3🤯只要用klook使用指定優惠代碼 就可以$3買到一杯奶茶 唔記得睇優惠做到幾時🙈詳情可以喺店鋪查詢返😛茶底用上斯里蘭卡紅茶葉 茶香四溢 撞上幼滑既黑白淡奶 入口厚滑 甜而不膩 帶微澀但唔會鞋口 係我杯茶☺️評分：9/10

中午灣仔食飯越嚟越多人， 搞到都唔敢rush hour落去食😰下午茶時段先落街搵嘢食。就走入去"我杯茶"叫咗個得獎奶茶嘆下， 奶茶有分大細size ，細嗰杯茶同其他茶餐廳(8安士裝 )比較好似細杯啲，但茶味真係香， 雞蛋菠蘿包 都做得好，最鍾意食菠蘿包裏面烘咗底脆卜卜。但如果講到座位，就只得吧檯位， 店舖因為唔係太大。 位置都上算方便喺灣仔a出口，行入 春園街第六七個舖位就係。而佢哋個外賣盒都幾得意，設計到好似啲漢堡包盒咁樣。

之前食過幾次，味道係唔差既，前一日已經諗住想食沙嗲牛治，但係已經試過兩三次早餐買外賣，如果買幾份三文治就一定會出事.....之前試過買鮮牛蛋治，就同我走蛋.......今次買沙嗲牛治，就同我走沙嗲.....果幾蚊唔係話想追究啲乜，但係可唔可以入袋之前，check下啲餐係咪同張單一樣先啊？咁樣真係好影響到人囉....令我次次買親早餐外賣，都要提心吊膽，落單，我已經講得好清楚，張單亦都無出錯，但就係出餐入袋果度出問題，我真係無晒信心。

今朝返工前想食個快靚正早餐叉下電先！點少得一杯奶茶咖啡呀 ☕️怱然興起諗起灣仔有間「金茶王」，等我試下係咪真係我杯茶先！🤩一入到間鋪已經聞到陣陣茶香，仲有好香嘅炒蛋味！間鋪頭真係好細，一眼望晒，我諗得10個位左右，不過就for快食only因為剩係得吧枱位，唔係咁好坐。我叫左個蛋冶炒生啲、熱奶茶走甜（本身杯奶茶佢會放糖），原來所有三文治都係即叫即製！係open kitchen嘅環境可以睇住師傅整三文冶，啲嘢食同野飲都超快整好。個蛋冶一睇就知係正野！勁厚又香滑！配埋鬆軟嘅麵包真係好正！不過牛油真係落得好重手！每食一啖都覺得好邪惡！🙈而杯奶茶一睇個色我就後悔冇叫少奶！對我來講太多奶啦！😩不過都真係好香滑，如果鍾意奶味香濃嘅朋友會比較適合。食完好滿足！但係脂肪就超曬標啦！🙊

週一嘅午餐無乜胃口，淨係想食少少野。諗起成日經過我杯茶，好想試下佢個炒蛋菠蘿包！即叫即整嘅炒蛋菠蘿包，一睇見就流口水。師傅細心地將佢一分為二，好方便share 或者我地呢啲小咀女仔食。第一啖甜嘅，佢嘅菠蘿包皮甜甜地。菠蘿包有少少烤過，所以個底有少少脆。不過個面就唔夠脆，如果脆啲就好啲。第二啖係咸，炒蛋夾咗喺中間，份量幾夠架。炒蛋好滑，亦唔會因只着重滑而忽略蛋味。甜甜嘅菠蘿包加熱辣辣咸嘅炒蛋，雙影成趣，令人想繼續食落去。除咗炒蛋菠蘿包之外，我仲叫咗杯凍奶茶。佢凍得好勻循架，唔係加冰而溝稀咗，亦都唔係坐冰而流於表面。凍得黎亦留住奶茶嘅茶香奶味。呢杯茶有濃茶底，茶底係比較苦澀啲。有咁好食嘅午餐，讓我有力踢走blue monday！