我杯茶 (永興樓)

營業中

休息中

放假陪爸爸大人歎下午茶，為左杯奶茶專登出灣仔奶茶王確係幾好飲播，夠香滑唔會澀or鞋不過奶茶唔係幾夠熱，再熱少少就更好啦。同埋品質控制方面爭少少，叫左兩杯熱奶茶，一杯就正常，奶滑茶香，另一杯就明顯落多左啲奶，茶味爭啲鮮牛蛋治鮮牛唔韌，好香牛油味，厚厚的炒蛋份量十足，再生少少嫩滑啲就正lu黑松露炒蛋多士炒蛋非常嫩滑，黑松露好香，勁正啊👍鮮牛蛋治&黑松露炒蛋多士都幾好食但又冇話好食到會專登出灣仔食不過為左杯奶茶都值得再黎嘅下次冇咁涼試埋個樽仔奶茶先

平時經過有時會買下凍奶茶，$20杯來講算ok喇。今日諗住試一試凍鴛鴦，點知就中伏！又無茶味，飲完個口得苦澀味，好似飲緊一杯放左成個鐘頭，d冰溶晒嘅奶水咁囉！呢杯凍鴛鴦賣$20就真係呃錢囉，好心試岩個比例先出來學人開舖喇，仲差過茶餐廳呀大佬！

友人介紹奶茶，係真係又香又滑，但係我覺得太細杯，第一次飲酙唔滿既奶茶，得5分4杯，所以都係覺得唔係太夠喉。而個三文治真係無得頂👍🏼👍🏼滑旦夠滑，沙嗲牛香濃多汁！建議大家最好堂食，啲汁就唔會浸淋塊包同焗到扁曬😊先可以食得出方包既鬆軟同香香既方包味！

有人鍾意飲咖啡，亦有人鍾意飲奶茶，我間中也會到coffee shop嘆杯咖啡，奶茶多數只在茶餐廳先會叫番杯，老公今日帶我去一間專賣港式奶茶，舖頭店叫，唔嚟過真係唔知道，好大鄉里添😅除咗經典奶茶、鴛鴦，仲有有鮮牛肉蛋治，菠蘿油也很出名，我哋點了三樣🥁經典奶茶，舖裡巳有一股茶香味道，茶味香濃順喉🔖鮮牛蛋治非常出色，蛋與牛肉質感很滑溜，麵包軟熟，十分好吃！！菠蘿油皮脆香口，啖啖牛油食得相當滋味 飲杯奶茶食件包，認真誇啦啦

環境店面不算大，但也有些坐位比人享用食物和奶茶。店舖也乾淨衛生。飲品1）凍奶茶 ($20) 評分：8/10朋友推介這間奶茶，說是很有名的，師傅曾經奪得港式奶茶國際冠軍，大有來頭，所以我們就前來一試。但我們點完才醒起忘記了叫少甜或走甜，所以最後這杯奶茶真的比較甜。個人認為奶味比茶味重，朋友則認為奶奶和茶的比例剛剛好。雖然唔記得少甜，但這杯奶茶仍然很出色，除了幼滑如絲，亦令人齒頰留香，實在值得一試。但如果你們都怕甜，就記得要走甜或少甜喇！ 服務奶茶很快就搞掂有得拎。店員的態度普通，但我們也不是留低享用，所以也無傷大雅。

Weekend去咗試間新嘢，鋪面好似平平無奇，冇咩特別，食物亦都只係standard嘢，但原來係間相當出色的餐廳，個三文治啲炒蛋好滑，好有蛋味，但完全唔油，比北海道茶餐廰個炒蛋更好食，至於嘢飲，亦好出色，叫咗奶茶，同埋鴛鴦，兩樣都好有水準，奶茶d味道真係拍得住奶茶王d味道，至於鴛鴦，咖啡同茶嘅比例好好，味道配搭得啱啱好，非常唔錯，而且職員好有heart, 好有禮貌，亦會主動問食客的意見，我覺得值得再幫襯

鮮牛肉蛋治 ❤️ ($25) 烘底 (+$2)評分：7.5/10.其實鹹牛同鮮牛之間揀邊樣好真係睇心情～呢份牛治令人滿意，蛋炒得香滑，有少許流心滑溜嘅部份。牛肉冇乜點調味，唔會太鹹，但到算係食落啖啖肉，唔會韌同乾凍杯裝奶茶 ❤️ ($20)評分：8/10.港式奶茶永遠冇得輸，茶嘅澀味撞落鮮奶層次分明。其實佢地絕對可以考慮做埋茶飲外賣。

老闆是2010年茶王比賽冠軍，只有幾個座位的小店，價錢比一般茶餐廳畧為便宜。奶茶不錯，但我個人較為重口味，茶可以再濃香一些，再滑一些，未臻極品。 驚喜反而在三文治，水準以上。麵包用傳統茶餐廳那種比較鬆軟的方包，做三文治最好。蛋治的蛋炒得嫩滑；沙爹鮮牛肉三文治，牛肉炒得火侯剛好，沙爹香而不過鹹。 都很好！

是日趕住去動漫節，所以諗住食少少野頂肚就算。知道呢度出名三文治同奶茶，就急急腳黎左食(≧▽≦)好在吾洗排隊，但店鋪太細啦，堂食座位真系一隻手都數得曬，少之有少。最後，小編搵到個枱角仔放啲食物，決定影埋相、食埋先出發(=ﾟωﾟ)ﾉ！凍奶茶(hkd$20) 店舖主打既港式奶茶。味道比較淡，茶同奶份量平均，無話邊一樣較突出。沙嗲牛蛋治(hkd$25) 即叫即整！炒蛋香滑; 沙嗲牛味道濃郁，可算系一個高質既三文治，值得一試٩(˃̶͈̀௰˂̶͈́)و

呢間最出名係飲奶茶，本人亦好喜歡飲奶茶，當然要去會一會佢睇吓有幾掂先！由於已經很多人，所以叫了外賣，一飲個奶茶無須加糖，味道啱啱好，夠茶味丶夠奶味非常適中，去到個蛋牛治，的確很好味！唯一價錢真唔平，無餐只有散買，$16奶茶、$25即做蛋牛治，共$41！

美味子呢幾日都要去灣仔工作，決定朝早去食返個美味早餐嚟做一個美好開始。每日一杯奶茶既我今次決定試下呢間由冠軍茶王羅德師傳主理既我杯茶冲既奶茶醒下神先。美味子我叫咗一杯熱奶茶同埋一份蛋牛治總共夾埋係＄34蚊，對於食開＄20早餐嘅我來講確實有啲貴嘅，不過一場黎到，點都要試吓嘅。門口放有一啲小嘅單張介紹點解個鋪名叫做我杯茶同埋有一啲關於奶茶嘅歷史件蛋牛治好厚同埋好大份非常抵食同埋蛋炒得好好味，若嫌咸牛嘅份量比蛋較少同埋唔夠鹹所以有少少俾個蛋味搶住左至於杯奶茶就唔係由茶皇冲嘅但睇顔色就知都唔差，佢唔係我飲過最好嗰杯奶茶，只可以講係唔差嘅，不過始終都未係我杯茶。個人來講始終覺得最好飲嘅奶茶係附近既金X冲嘅奶茶最好飲

此店位於灣仔，亦甚有名氣!! 因佢標榜由2010年取得國際奶茶大賽冠軍的羅師傅主理!! 若以單買一杯凍奶茶計, 只收20元其實就不算貴!! 不過此店沒有套餐, 每樣都要散叫, 所以從另一角度睇，佢算不便宜!!!我刻意來惠顧, 來到已旁晚6時! 不過奶茶已一早沖好一大鍋, 有客人落order時才入杯和落冰!!! 由於小弟喜歡飲奶茶, 對奶茶都有點認識!!論味道和質量, 佢算唔差, 一飲已知屬中上質素!!但個人覺得未算是最好飲的奶茶!! 另外個人覺得可能與保存太耐而有所影響!!! 因茶儲存越來, 苦澀味越重!!由於已近旁晚, 這奶茶有機會可能已由中午因賣不去而儲存至旁晚, 影響了質素!!!

午飯時段既灣仔是熱鬧的， 附近不少打工仔都來食飯， 食店林立。路經「我杯茶」 見到師傅站在向街的水吧枱前沖奶茶， 有勇氣面向群眾， 旁邊又有好些傳媒報導的介紹， $16一杯， 就不妨一試吧！付款後站在旁邊等候， 滿堂都是紅茶葉香； 店內選用黑白淡奶， 師傅技巧純熟地調配多杯奶茶。打開蓋一看， 茶面有一抹乳脂， 茶色是近乎蝦肉色， 茶香甘醇， 入口奶滑； 筆者口味偏重喜歡茶味重， 而這杯卻是重奶香； 每個人口味不同， 但總的來說， 這杯奶茶亦算是水準之作！

一間餐廳，若希望客似雲來，甚麼才是最重要?是食品素質?整潔程度?服務態度?無可厚非，食店的經營為一個整體，各因素互相影響，形象由此建立。故此，若食客由進入餐廳門口的那一刻始，已感受到在餐廳裡進食的泰然自若，食品來到時香氣四溢，用餐時不慌不忙，餐廳便是成功!今天只是吃一個鮮牛肉蛋菠蘿包，及一杯茶走，何以如此深刻領受? 因為餐廳正讓我有這樣反思。甫進餐廳，已聞夥計談話聲此起彼落，雖然以談話減壓乃人之常情，但聲浪與語氣是否大了些呢?即使如此，只是小事一件，盼可帶來一點思考而已。更重要是菠蘿包與奶茶的素質，蛋炒得很香，配合菠蘿包的微甜與鬆軟口感，很是滋味，只是蓋過了牛肉味。或許炒蛋菠蘿包的味道更為單純與香。茶走的煉奶顯然比外面茶餐廳為少。然而因著報章報導這餐廳獨特的奶茶秘方，其實淡奶的奶脂已經深深撞進茶香裡，顯得更香醇。煉奶即使只下少量，仍然保持奶香茶滑，不會過甜與苦澀，喝下去津津有味。沒有餐廳是完美，完美的只是我們看見員工與老闆努力經營下的好局。只盼默默耕耘的小店，能秉承傳統，敢於改革，頑強在這功力掛帥的城市下為市民服務。

今天路經灣仔，便令我想起這兒的奶茶。上次到訪是他們剛開業的時候，唔知他們現在的水準如何呢？正值下午茶時間，一於試下經典熱奶茶與菠羅油！經典熱奶茶$16眼見著師傅即場炮製奶茶同菠蘿油，認真眼明手快。這杯熱奶茶是用紙杯盛著，但完全不會有燙手感覺，十分貼心。然而在冲調的時候已經下了糖，本來怕會過甜，但一飲之下，甜味適中，茶味香醇，又有厚身的奶滑口感，完全沒有茶的澀味，整體平衡得宜，這可就是我杯茶？菠蘿油$15這個菠蘿油有著從前小時候吃菠蘿包的味道。菠蘿皮脆香、麵包鬆軟，熱哄哄的，夾著凍凍地的牛油，是很原始而簡單的美味！若果牛油可以再厚一點點，口感應該更好，吃得更滋味。簡單的菠蘿油與奶茶，是十分地道香港的風味，但地道港式風味買少見少。在旺角有金華，在灣仔，有金鳳和這家店都不錯，可以一試。