影片
營業時間
今日營業
12:00 - 20:00
星期一至日
12:00 - 20:00
以上資料只供參考, 請與餐廳確認詳情
呢間野唔止食物難食咁簡單，服務態度仲要非常差😡！落咗order問幾時有，大大聲話冇咁快，起碼十幾分鐘。ok要等冇問題，過咗廿分鐘再問多句，竟然黑我臉，扮聽唔到🙄😒最後吹佢兩句，望住佢先開始整。其實已經一早睇到食評話呢間啲野唔太掂，可能我嗰刻癲咗？😢竟然都照樣去試伏🤦🏻♀️好啦好啦！真係伏到爆炸！講返食物，食物即整即食，夾住餡嗰兩塊包係熱辣辣，但紫薯餡係凍既🙄其實我見住佢烤完塊包之後先係雪櫃拎啲紫薯餡出嚟，所以預咗係凍...紫薯食得出有加野去調過味，味道偏甜，而肉鬆就冇野好講 正正常常...其實紫薯配肉鬆味道鹹鹹甜甜係冇咩問題，但問題出係麵包上面，食落真心乾到涸喉😫！！！究竟佢係點樣炭燒可以燒到咁乾？？？如果佢用普通方包夾住可能我仲接受到，起碼冇咁乾先😑最後我挖哂啲餡食，塊包果斷放棄咗...廿幾三十蚊一份乾到涸喉既吐司你話抵唔抵食？仲要加埋受氣🙄
繼續閱讀
經過咁啱見到呢間珍珠奶茶店，地理位置喺巴士站隔離，呢間舖頭叫做我是珍奶狗，咁應該珍珠奶茶味道都唔差掛，就諗住試一次啦，叫咗一杯原味珍珠奶茶，收$28，製作嘅速度就真係好快唔使1分鐘即有，但係一飲杯奶茶就超級唔掂，茶味有嘅不過好淡，奶味就完全冇，冇奶味咩叫珍珠奶茶呢，易啲珍珠就少少甜味都冇，成杯飲落淡到水咁，仲收$28，真係不嬲唔寫食評都嬲到要上嚟表達下意見，喺香港呢個珍珠奶茶咁激烈競爭底下都可以飲到一杯咁難飲嘅珍珠奶茶，真係令人10分難忘
繼續閱讀
As I was in the area decided to come back for the avocado milk drink.It is supposed to come with pearls but I requested them without because the pearls are annoying.The drink was quite nice as it was blended with avocados so it was thick and creamy.It was also quite icy as there was a lot of ice in it.
繼續閱讀
解暑好去處呀真係，天氣好熱真係真係好需要一杯好飲既野飲呀!上次去左葵廣飲今次發現原來荔枝角都有呀真係近到一個點呀，仲要係程班長樓下呀😈上次飲波霸今次決定就飲下d唔同系列既，所以今次👦🏻就飲左尼個肥仔阿華田波波冰 ，非常之有心機超多工序既一個飲品，每一啖都飲到真阿華田味唔會好甜，加上上面既奶蓋有好綿密既口感非常之好飲呀，之後入面仲有朱古力碎碎所以味道真係好濃好香呀🤤🧒🏽就試左超級草莓酸奶，酸酸甜甜既士多啤啤好refreshing，口感非常之好酸奶好好味，又有好好好好好多士多啤啤粒粒，解暑一流👅💦💦💦💦
繼續閱讀
經過長沙灣D2 睇戲之前梗係要飲下茶珍珠奶茶啦， 呢間舖頭個名好得意，叫我是珍奶狗， 好可惜皇牌波霸珍珠奶茶 賣曬，所以我揀咗另一款皇牌草莓酸奶同埋2 款茶試下。草莓酸奶： 酸酸甜甜，口感順滑， 好似飲緊乳酪飲品咁，好容易入口。.手作芭樂西柚水果茶： 西柚本身有酸澀嘅味道， 芭樂本身又香又甜，兩種水果夾埋味道和諧， 補充維他命C一流！.蜂蜜茉香綠茶加珍珠： 呢款正正常常， 不過不失啦， 勝在而家天時暑熱， 飲綠茶消暑係一個唔錯嘅選擇。~~~~~~~~😋味道: 8/10📸賣相: 8/10🛋️環境：7/10💁♂️服務: 8/10💎性價比: 8/10💲人均：$30⏪回頭率：80%~~~~~📍 我是珍奶狗荔枝角長沙灣道883號億利工業大廈地下2B1號鋪
繼續閱讀