我家韓食府

營業中

休息中

好食又抵食嘅韓國餐廳去長沙灣廣場行街，居然搵到呢間韓國餐廳，裝修簡約，乾淨衛生，職員有禮又友善最緊要係價錢合理，味道又好好午餐選擇頗多，而且份量非常足！Menu 𥚃面有好多個餐，而好多嘢我哋都想食揀咗好耐，最後揀咗呢兩個set，我哋仲加錢叫左兩個小食 → 魚糕同埋菠菜。整體味道唔錯，食物亦好夠熱，可惜我同家人都食唔曬，如果唔係之後要行街，我哋應該會打包走，拎返屋企翻熱再食。今次韓食非常滿意，一定會再嚟幫襯

🍽️食物方面： 🧊水冷麵💲66湯超鹹 芽菜好辣 大碗齋麵大嚿酸瓜🍙午餐肉紫菜飯卷💲46幾實淨 幼身午餐肉 有牛蒡朋友試過炸雞好乾 冇再食好少唔辣嘅嘢 芝士烏冬賣晒📷打卡方面：簡約裝修 木盤銀碗🔈環境方面： 街鋪 lunch time要等一陣💬其他資訊：我家韓食府 📍荔枝角長沙灣道833號長沙灣廣場地下G09B3號

外賣買咗個辣炒豬肉飯卷，點知俾咗個應該係牛肉飯卷🤪，另加$28買個魚片年糕，食咗十幾年韓國嘢未試過啲年糕淋到無牙阿婆都可以食到👵🏻👍🏻，仲要係淡而無味(想食清淡嘢就唔會叫佢)，總共加埋$81蚊嘅lunch，食之無味 棄之可惜，真係攪唔掂😆😆😆

全部大份夾抵食，仲要好味！🍙 紫菜飯卷系列▫️韓國辣豬肉紫菜飯卷（10件/$53）飯卷size比一般大，辣豬肉好入味，微辣得嚟帶甜，仲有青瓜同醃蘿蔔增加口感！▫️韓國牛肉紫菜飯卷（10件/$53）牛肉醃得夠淋，芝麻香好突出，個人覺得比辣豬肉更好食！飯卷包得好實，唔會一夾就散。🍗 炸雞系列▫️甜辣炸雞（$68）外皮炸到超脆，甜辣醬好開胃，雞肉keep到juicy。▫️蜜糖牛油炸雞（$68）🌟必點！全場MVP！牛油香超濃郁，蜜糖甜度剛好，炸雞外脆內嫩，味道有啲似蜜糖牛油薯片。🍲 主食▫️韓式豆腐泡菜湯配白飯（$58）豆腐超滑，湯底酸辣夠味，撈飯食好滿足！🥤 特飲▫️百香果柚子梳打（$38）清新解膩，甜度適中。▫️青瓜青檸梳打（$38）青瓜味好突出，好清爽，配炸雞一流！份量十足！價錢合理！