影片
以上資料只供參考, 請與餐廳確認詳情
近排有很多人介紹的手工點心店, 即管過來試試, 點心即叫即蒸, 全部都熱辣辣, 味道都唔錯, 但無其他人講的神級, 可以一試 食物 : 水晶筍尖蝦餃 $27 - 皮薄餡靚, 要試 海皇花膠灌湯餃 $34 ~ 餃子味道正常普通, 湯底幾濃似燉湯, 飲晒唔口乾 綠蘭脆米腸粉 $35 ~ 綠色腸粉皮少見, 食落口感好脆, 要試 千島醬脆皮蘿蔔糕 $28 ~ 蘿蔔糕外面加咗炸漿, 再加日式木魚絲及千島沙律醬, 口感好脆又特別, 一定要試 遠年陳皮牛肉球 $25 ~ 牛肉球幾滑, 有好多馬蹄, 都幾好食 茶位 $6/件 ~ 叫咗鐵觀音, 茶味幾香幾湛濃 環境 : 小店坐位不多, 主要做街坊生意, 環境會比較迫及嘈, 介意要諗清楚 服務 : 店員有禮貌 費用 : $161 (無服務費)
繼續閱讀
唔少食肆埋怨香港人北上消費，而唔反省自己店餔嘅食物質素值唔值得人幫襯。始終食物做得有heart嘅就一定有生意。好似今次喺北河街街市對面嘅「成點心館」，就食到我今年最滿意嘅一餐點心。下午三點去到呢間自製點心嘅小店，居然full house。好彩剛好有人離開，我一支公就坐到最後一個位。呢日點咗水晶筍尖蝦餃、綠蘭脆米腸粉同千島醬脆皮蘿蔔糕三款點心，連茶位$96埋單。蝦餃皮薄，皮有韌性，內餡蝦肉有汁夠鮮味，最重要嘅係有筍尖，呢個先係傳統做法嘛。而家太多酒樓嘅蝦餃冇咗筍，味道總係爭啲，所以呢間小店嘅出品就好啱我口味。綠蘭脆米腸係加咗炸脆米嘅蝦腸，顏色幾靚，加埋內餡有脆肉瓜粒，口感加倍豐富，好食。千島醬脆皮蘿蔔糕唔係新奇嘢，我喺其他點心專門店亦食過差唔多嘅點心，但呢度嘅蘿蔔糕真係煎得超級脆，抵讚。不過我坐喺風口位，啲木魚碎較易飛起。總體嚟講三款點心都有水準。我四點離開時依然滿座，閒日見到咁都知街坊好支持，好嘢始終有人欣賞。值得一提嘅喺呢度百分百要搭枱，四個位嘅卡座分分鐘要坐四組人，如果好介意呢樣嘢，或者著重環境同想慢慢hea嘅就真係唔好嚟囉。
繼續閱讀
抵食好味點心 繁忙時間都有位價錢實惠 $6一位茶可惜蝦餃灌湯餃 到訪當日冇試咗燒賣牛肉球蒸鳳爪粉果生煎包菜心肉餅飯烏雞湯各樣都不錯地理位置方便職員態度OK會再同家人嚟食
繼續閱讀
今日來到飲下茶 食下點心 一嚟到夥記就推介飲個香片 茉莉花茶😆品嚐咗幾道招牌菜：-蒜蓉蒸蝦飯 蒜蓉搭配鮮蝦，米飯吸滿蝦鮮味，口感滑嫩，有好多隻蝦食-花雕棉花雞 雞肉鮮嫩多汁，花雕酒香氣提昇整體風味，搭配軟滑棉花👏👏- 海皇花膠灌湯餃 好大隻餃子，皮薄 內餡豐富，有鮮味 - 紅曲米脆皮蝦腸 外皮酥脆，內裡包著新鮮蝦仁，紅曲米的顏色更添視覺享受，口感層次分明- 原隻鮮蝦腸粉鮮蝦包裹係滑嫩嘅腸粉中，醬油淋上後，味道更加鮮美- 豉汁排骨陳村粉 排骨入味，豉汁香濃，搭配陳村粉🏷️成點心館 (深水埗)📍深水埗大南街295號地舖
繼續閱讀
今日嚟到旺區深水埗，嘗鮮一間全人手做的中式點心，全部點心即叫即蒸，深受街坊歡迎，平日下晝都座無虛席，而且格價親民，全日免收加一。千奇百醬蒸鳳爪🤩鳳爪煮得夠腍，配上特別嘅醬料，口感層次更上一層樓。花雕棉花雞🤩魚肚肉有口感，配上花雕雞的精華醬汁，加埋滑順嘅綿綿芋頭，味道不錯。海皇花膠灌湯餃🤩採用尊貴嘅花膠食材，湯餃大隻飽滿，啖啖肉，配上清淡嘅雞湯，健康之選。香口韭菜餃🤩韭菜餃外脆內軟，有咬口，有香酥味道，與中式茶配搭一絕。上湯時蔬水餃🤩水餃大隻飽滿，餡料加入新鮮時蔬，中和豬肉的油膩感，上湯清淡，健康之選。原隻鮮蝦腸粉🤩白腸粉煙靭無比，餡料採用原隻鮮蝦，蝦質鮮嫩，淋上甜豉油，提升味蕾享受。
繼續閱讀
您可能會有興趣的...