成都小巷米線雞煲

營業中

休息中

今次放工約埋朋友黎試呢間成都小巷，佢有烤魚同雞煲揀，我地揀左雞煲，因為朋友唔食得辣，所以我地揀左唔辣。雖然唔辣，但都好惹味，又唔會太咸。我同朋友都覺得呢個價錢，有咁既質素，好驚喜。

第一次食評寫呢間店，就係希望少啲人中伏事緣我哋第一次去食，唔知點叫，就問阿姐有冇餐牌，佢話冇餐牌，只係好簡短咁講雞煲$148 ，烤魚$168一個人，食個半鐘咁我哋就揀烤魚，等上菜等左20分鐘。ok公道啲講，佢真係上烤魚嗰刻先計時嘅（有寫低開始時間係落單紙度）咁我哋就一路食，一路吹水，到我哋食完收爐嗰下，過了大概個半鐘左右。全程阿姐冇過嚟催交檯或提示遲收枱要加錢，直到兩個鐘，阿姐見我哋坐喺度連爐都閂埋，就話幫我哋埋單先重點嚟啦，一過嚟就話我哋食咗兩個鐘，每個人要$188 （原先講$168）仲要話電腦有記錄㗎！又講咗一句話再坐耐啲兩個半鐘要再貴啲，係咁㗎！最後我哋兩個人$376埋單今時今日嘅香港，估唔到仲有機會遇到呢啲不實手段劏客。其實只要一開始講明，多$20絕對唔係問題，但食完先話因為坐耐咗要收貴d，感覺似水魚任人魚肉仲要唔只我地呢台，喺我哋食緊嘅時候有另外一台買單，一樣都係中伏我哋仲諗咁嘈發生咩事最後我哋臨走望晒全店嘅poster，都只係註明1.5小時$168，完全冇提及會有額外收費希望各位入去食前要有心理準備被劏，或食夠個半鐘要主動埋單最後最後，平心而論，嘢食係唔錯嘅

成都小卷是一個我非常喜歡宵夜的地方，這裡最出名的就是任食雞煲，每晚都會人山人海的，我之前食過都非常有風味，而且有自助配料可以提供選擇。但是今晚就只是我一個人，於是我便點了一個蟲草花雞肉米線，選擇了一個小辣。等了不久米線便到了，配料非常充足，蟲草花及雞肉都非常多，而且都較為大碗，肉眼望雞肉都起碼有6至7舊，雞肉都幾滑，就算係雞胸都唔錯的，點左小辣個湯都好入口，米線又煮得彈牙有口感，最後都係成碗食晒，怪不得這家街坊小店長期都這麼多客人了。

呢間餐廳位置喺街市入面，原本以為只有雞煲食，但原來都有唔少飯同埋米線選擇！我揀左麻醬酸辣米線（$25） +雞肉+冬菇+豬軟骨（$7+7+9）（自由揀配米線定係白飯）湯底係濃厚既麻味，非常吸引！豬軟骨有三大舊、冬菇好入味、雞肉如果可以多少少就完美

原本去到叫咗麻辣米線走芽菜豬軟骨同蘿蔔本身其他舖頭都冇位死死氣過嚟食好迫仲要好污糟豬軟骨入面又硬嘅骨蘿蔔好硬冇走芽菜之餘兜湯有啲黑色一點點叫咗杯凍檸茶入面有好大點白色嘅嘢唔知係乜食完第二日個肚勁痛但係前一晚食完呢間之後就冇再食過任何嘢而家屙到九彩😅隔離啲人鬼死咁大聲都冇人理啲枱枱凳凳全部立痴痴筷子都係極唔乾淨 甚至污跡係未洗乾淨份量尚算正常但係完全唔跟order 啲餸仲要極低水準食完第二日仲要咁樣真係冇機會再嚟

呢間街坊米線店朝早做點心，晏就做米線，夜晚做邊爐，3樣都食過，都係米線最出色。米線湯底夠味得黎又唔會太油，底下有啲辣肉、碎酸菜同芽菜，令個湯底味道豐富。啲餸都好抵食，豬軟骨、腩肉呢啲全部大大舊，面底都好大份，嗌一餸女仔都未必食得哂，唔似宜家啲連鎖店份量越黎越少，我咁多年黎食都係咁大份。夜晚會有好多伯伯黎飲啤酒食烤魚/雞煲，我試過雞煲，個醬幾惹味，而且百幾蚊有得任食菜呀腸仔果啲好抵食，係啲雞肉鞋少少。早餐點心就應該係出面攞貨正正常常。

平日去開油塘都係去大本營搵食，今日地膽朋友介紹咗一間地道嘅街坊米線俾我去試吓，身為米線控嘅我梗係要去試啦餐廳以食雞煲，小食等為主，仲有得叫點心🤤🤤主要做街坊生意，除左米線之外，仲有任食雞煲，烤魚等😍我今晚一個人食，所以揀左米線，餸菜選擇都好多，我㨂左豬大腸，牛腩，雞翼，魚蛋，菜心秘製腩肉酸辣米線-小辣，飲品加$6就有得跟埋，價錢好抵😍米線湯底好足料好好味👍🏻而且每款餸料都好入味，豬大腸清洗得乾淨，夠淋👍🏻雞翼大大隻，仲有2隻架💁🏻‍♀️整體食物質素高👍🏻而且地方乾淨企理👍🏻下次人多啲要食雞煲先👍🏻

某日去行油塘「家興超市」行完好肚餓 見到隔離有間米線店 就去左試一試 坐底之後 見到隔離檯碗麻辣米線好吸引 所以我都叫左一碗 至於食材就平時食開米線既都有齊～我就叫左雞翼尖、雞翼、墨魚丸我想講下雞翼同雞翼尖 兩款都都好入味 雞翼有三隻 雞翼尖反而都幾多 食極都仲有咁😂湯頭好有睇頭 麻辣湯底好似加左少少椰漿 食落有少少似食緊叻沙 即係麻辣叻沙 如果你鍾意食麻辣同叻沙 一定要試下 因為好惹味同幾特別🥰因爲湯頭好正 粒墨魚丸都特別好味 本身無期望之下 今次碗米線好有驚喜😂

香港探店｜油塘｜酸辣麵·點心｜成都小巷以前在油塘工作的時候，經常來這一間餐廳吃中餐，相較起譚仔，我覺得這裏的酸辣麵性價比更加高！老闆娘給的配菜不是說笑，快要把我的碗都堆滿了，每次都擔心他們在做賠本生意。事隔一年，從回舊地，發現這裏除了酸辣粉以外，還竟然賣起了點心來，當然要支持一下啦！這裏的點心都是即叫即蒸，我是了他們家的燒賣、叉燒腸粉、牛肉球，都不錯吃哦。最推介的就是他們家的燒賣，滿滿的蝦子鋪殿在蟹肉上面，好不吸睛！叉燒腸粉皮薄餡靚，是滿滿的港味。當然，我還重新品嚐了他們家的酸辣粉！這次點了最傳統的雲南酸辣米線，上面有滿滿的芽菜、還有我最愛的酸菜❤️這頓飯快要把我吃撐了。——————為食分界線——————📍 成都小巷米線雞煲 (油塘)油塘嘉榮街2-4號油塘中心嘉華商場地下B166號舖人均消費： $50#mariofatfat #foodie #hkdoodie #hkrestaurant #topcitybiteshk #topcitybites #hongkongfood #hk #hongkong #hkfood #hkfoodie #hkblogger #hkfoodblogge

我之前已經嚟過呢間餐廳食雞煲🍲今次再嚟，就試埋烤魚🌶️想一次過試晒雞煲同烤魚仲有得加錢兩食🤭$158/2小時烤魚火鍋任食，真係好抵，絕對係做街坊生意💕不過留意返魚肉係無得任食，火鍋配料同飲品先係任食🍺烤魚嘅魚肉有預先醃過同炸過，加熱後仲食到焦脆嘅感覺，條魚唔多骨，係啲比較粗嘅魚骨，所以食起嚟都幾方便🐟 自助區嘅配料唔算好多，不過其實我哋兩個人食一盤烤魚都幾飽下😂夾咗少量丸類同大量菜🥬整體嚟講，我都好滿意呢間餐廳，主要係性價比極高☺️食雞煲或者烤魚又唔使專登出到去旺角尖沙咀✨

呢間雞煲喺地鐵站行過去好近，印象好似138蚊，我覺得佢嘅食物質素絕對值呢一個價錢！ 入到去好有風味～ 好似以前酒樓咁既格局 好正首先會上一個雞煲先， 基本啦… 揀想食既辣度，我唔食得辣，就揀咗BB辣！雞煲湯汁加上唔同香料…再加上洋蔥同芫荽味道濃郁，唔錯喔！ 雞亦唔會好鞋，都算嫩滑～食完雞煲就加湯打邊爐呢到有唔同蔬菜可以揀，成件事變得健康左😎淨係菜都有四種揀！ 唔夠飽仲可以食個麵😂野飲都算好多選擇～仲要啤酒任飲！

係#油塘 #學車 之後，就係附近揾野食。#大本營 入邊啲餐廳都好似少頹。最後就揀左呢間係正地鐵岀口同巴士總站附近嘅成都小巷 @cheng_duxiaoxiang 睇佢門面好似細細間。原來入邊係勁多位。雞煲每位$138 任飲任食。今時今日就係好平。雞煲有唔同辣度揀。@bili_blu 揀左BB 辣。個人就覺得個辣度岩岩好，惹味得黎唔會辣到覺得嗆口。雞煲味道咸淡適中（好多雞煲都會太太太咸）。一煲都有好多雞同我最鐘意嘅紅洋蔥！食完雞煲，就可以加湯打邊爐。打邊爐嘅料都係任食。有牛肉，豬肉，魚肚，豬肚，牛柏葉，豬紅，各種丸丸，麵類同蔬菜。全部配料其實都真係唔錯。而且幾欣賞佢無論飲品定食物都係用一啲made in hong kong 嘅brand . 要知道好多呢啲任食火鍋都係攞內地貨。總括嚟講真係好唔錯，而且係一間充滿人情味嘅小店。雖然講環境肯定冇酒樓坐得咁舒服，但食雞煲不嬲都唔係講環境😈#油塘 #油塘美食 #鯉魚門 #鯉魚門美食 #油塘大本營 #考車 #香港雞煲 #重慶雞煲 #成都小巷 #雞煲 #油塘任食火鍋 #香港任食火鍋 #任食 #火鍋 #香港 #香港火鍋 #油塘火鍋 #打邊爐關注組 #

今日喺油塘見到呢間雞煲烤魚，面門都睇得出開左好多年，就去試下佢個雞煲，$138任食個半鐘，仲要冇加一都幾抵食。呢度嘅雞煲都幾足料，兩個人食，數到應該有20舊雞，叫左小辣岩岩好，食落去係細細個食嘅雞煲味，食晒啲雞就加湯打邊爐。因為本身個雞煲都好重口味，加完湯都仲好濃，for打邊爐都唔洗再加豉油嗰啲，打邊爐料大約有20款，主要係蔬菜類為主，肉類就有牛、雞、紅腸、貢丸等等。另外野飲都係任飲，overall都幾抵食。

油塘嘉華中心嗰邊其實好多好食的餐廳...今日行完山順便在附近食完才回家😝見到嘉華中心有間叫成都小巷點心雞煲...突然想食一個辣雞煲慰勞一下自己辛苦行完山🤪原來除咗點心雞煲也有米線食...雞煲雞件嫩滑,芫茜,洋蔥等也不少...雞煲醬汁比出面的濃稠啲,但很惹味...我点咗中辣也不會太辣而且辣得來好惹味,唔會C辣,不錯啊🤗米線我叫咗雲南酸辣紅薯粉,腩肉片和魚角...,腩肉片厚切,不似其他薄切👍魚角也不錯！湯底不會好油,酸辣味適中,紅薯粉份量不少😎凍奶茶,凍鴛鴦..茶底香滑不錯！

成都小巷米線雞煲油塘小店美食攻略2023油塘多野食或者大家未必知但呢度好多小店,街坊店地鐵一出黎行5分鐘就到好方便搵食,隔離仲有甜品鋪$138 食90分鐘雞煲放題份量有半隻雞,食完雞件再加湯再火鍋,食材任食,有多款蔬菜肉丸任食十幾款飲品任飲,應該係香港最平放題之一?仲有烤魚148一條20幾種配料係櫃自己拎牛柏葉,豆腐,豆皮,牛肉,腸仔,魚蛋,丸類唔洗加一,即係138就埋單,勁平勁抵食雞件肉嫩多汁,個汁香辣惹味呢一餐真係好滿足,平平地好過自己煮!油塘嘉榮街2-4號油塘中心嘉華商場地下B166號舖Shop B166, G/F, Yau Tong Centre, Ka Wah Arcade, 2-4 Ka Wing Street, Yau Tong#成都小巷米線雞煲