成發餐廳

營業中

休息中

2011年1月2日本人非常喜愛吃蛋撻, 這裡的蛋撻雖不至於驚為天人, 名氣亦遠遠不如泰昌,蛋撻王, 但酥皮蛋撻真的很酥皮, 一層層, 不怎麼細緻, 蛋漿亦不會太甜。不過喜歡吃曲奇皮的朋友應該不會喜歡。

成發老闆, 你有無留意該舖旳衞生架? 今次比我捉到正, 上次就話無影相做証據啫 (可看回我上一篇在成發的食評).這位侍應姐姐一腳踩上張椅度掛牌, 掛完後落地都無用布或紙巾抹番張椅就推番埋原位!! 超dirty 侍應姐姐, 你知唔知你隻鞋底好dirty呀?在此呼籲各位成發食客: 如果在成發用膳, 坐椅子時記得記得抹吓才好坐! 尤其是閣下著白褲白裙!!!

今日去咗成發食早餐, 叫咗個$24既兩餸米粉餐 (腸仔兩條 + 沙爹牛肉)湯底不錯, 沙爹夠味, 牛肉都可以接受, 但唔知係咪用了很多疏打粉, 腍得很! 熱奶茶, 茶香奶滑!! 再叫多碟$7 炒麵, 大大碟, 味道入味, 抵食過屋邨既大排檔.至於...環境衞生方面, 待應們就真是要留意下啦! 雖然牆, 椅, 桌舊了些, 但大家都可以接受, 老實說, 本人最不接受還是那些侍應, 真係有無搞錯? 她們常常拿食客坐的椅子"琴"上高處拿東西, 當她們"琴"完後, 竟不抹番張被她們踩過既椅 (當時她們是著住對好dirty既鞋), 如果我無親眼見過她們咁做, 而正常入內就拿椅坐下, 萬一著住白褲白裙咪 "lai"晒野! 我諗下次去食都要自己抹好椅才坐!

話說有一日爸爸哥哥同我唔想煮野食, 又唔想去好遠, 就黎左樓下呢間叫左個三個魚面, 冇魚味..好似食緊一條條冇味既野咁...最差都係魚旦, 唔知做咩, 怪怪地, 冇魚味...唉...彩雲冇野食...

好地道o既絲襪奶茶，兩個人食一個鴛鴦炒飯，兩柸奶茶、每人都係$30 元。奶茶又香又滑，鴛鴦炒飯個賣相唔錯，個汁好味蝦又爽，仲有免費泊車。

成發前幾年D野食都仲OK既, 但係而家直頭不知所謂, 普通一個太極炒飯同福建炒飯都炒到超核核突突, ２碟都係睇落去簡直就可以想像到佢將其他客人食剩既野炒晒出黎俾你食咁, 碟飯仲要收人$ 39 蚊, Ｄ伙記又9唔搭8 , D蝦又唔新鮮又臭, 湯米好明顯係一PAT野, 又碎又鞋, D皂水麵又杰達達, 餓死都唔去食啦. 我都想有相俾你地睇有幾難食, 但係我冇影到, 不過其他食家都可以去試下係咪真係咁差.

我幾歲就來食食左甘幾年喇而家都係咁旺記得以前細個小朋友心態好搞笑最喜歡媽媽返學前帶我出街食早餐唔駛捱麵包就高興到不得了成個上晝都好開心但比我有得揀我最鍾意呢間成發因為有卡位高級過大牌檔同埋間爛鬼陽光先(小朋友心態)涷奶茶又好味入面真的一室香味最重要係個早餐火通通粉通粉湯底夠咸又夠熱上面D火腿大大條又熱真係幾好食仲有個餐包係用小麥包夾熱炒蛋真係好好食雖然而家大個左好少來因為價錢貴D 下午茶同晚飯比較貴但有時來食水準都係好好食D小炒好似花技片都好唔錯仲有個娶返來個事頭婆超正真係有D MODEL水準(10年前而家唔知點??)真係唔明個老闆咁柒成個大陸佬咁點娶佢返來但要彈係間餐廳尤其個TOILET真係好污糟賴都唔想去仲有好味涷奶茶雖然好飲但次次飲完都肚痛呢個真係要改改另外我也想推薦下呢間麵包外賣好食下午時仲好平$5有3個迷你飽個SIZE有如正常包大用料又足我成日行過都買

我幾歲就來食食左甘幾年喇而家都係咁旺記得以前細個小朋友心態好搞笑最喜歡媽媽返學前帶我出街食早餐唔駛捱麵包就高興到不得了成個上晝都好開心但比我有得揀我最鍾意呢間成發因為有卡位高級過大牌檔同埋間爛鬼陽光先(小朋友心態)涷奶茶又好味入面真的一室香味最重要係個早餐火通通粉通粉湯底夠咸又夠熱上面D火腿大大條又熱真係幾好食仲有個餐包係用小麥包夾熱炒蛋真係好好食雖然而家大個左好少來因為價錢貴D 下午茶同晚飯比較貴但有時來食水準都係好好食D小炒好似花技片都好唔錯仲有個娶返來個事頭婆超正真係有D MODEL水準(10年前而家唔知點??)真係唔明個老闆咁柒成個大陸佬咁點娶佢返來但要彈係間餐廳尤其個TOILET真係好污糟賴都唔想去仲有好味涷奶茶雖然好飲但次次飲完都肚痛呢個真係要改改另外我也想推薦下呢間麵包外賣好食下午時仲好平$5有3個迷你飽個SIZE有如正常包大用料又足我成日行過都買

個飯幾好食~~外賣又送得快,,,,最低消費$30,,當然地方唔同,,唔同收費啦~~不過我本來要$50先送ge,,佢\話是但,,個飯$27都送,,仲有一杯檸樂,,一個湯,,但係要+$5車費-,-\"\"即係total$32。

記得年前落泊的日子,此間位於彩雲的茶記,差不多隔日便光顧.在彩雲的短短一個月學習生涯,談不上學到什麼,只係視為一個避難所.每日午飯,也要將就.來此店的原因,無非係"經濟實惠"這四個字作崇.一個餐有餐飲,有湯,加個焗飯,都係廿二三左右.吃得飽飽,整整齊齊,當然談不上美食.圖中的焗牛利飯,飯底略略炒過,上面的茄汁醬,一味得個酸.牛利別樹一格,因為汁醬全不入味.兩者之間,不相往還.偶然路過,也會回想三年多前,那一段艱難日子.那時候的同學,散學之後,再無音訊,不知道他/她們今日如何?

腿旦治有旦腿生菜番茄沙律醬，算多料，亦見健康均衡，加埋野飲都係九蚊，做早餐都幾好。但要留意阿姐有時會聽錯野拿錯野，例如：腿旦變芝旦，腿旦治變腿旦包，睇下佢地有冇拿錯先好走。

雞脾奇差，超乾又無味。粥品不錯，夠綿但有味精。牛柳夠林，黑椒汁夠香辣，焗飯即叫即焗都夠正，奶茶又好飲，但整體都係普通。