成發餐廳

營業中

休息中

上一編食評試過沙田一間茶餐廳占醬多士，今次再來試彩雲成發奶醬多士：煉奶＋花生醬，下午茶餐，一件多士+一杯飲品。Wow… 多士厚度是本人吃過多間茶餐廳以來最厚，目測有約2cm厚度，麵包鬆化，可惜烘底烘的程度不高，其實又真的不覺有烘過！哈哈！總之沒有多士的香脆質感。饀料：煉奶+花生醬，塗抹得不馬虎，醬料很多，兩者份量平均。厚度：厚！厚！厚！（真正厚多士）烘底：不覺有烘底饀料：多料，醬料混得平均

瞓醒早餐搵嘢食， 去到朋友屋企樓下等佢， 入到去呢間餐廳，見佢排面寫到自己好多年歷史， 我就叫咗個皮蛋瘦肉粥配腸粉 ，個粥味道有啲鹹， 同埋係味精粥嘅味道 ，不過勝在夠平，當打個和。腸粉夠曬多醬，普通貨色， 有緣再食。

食物水平不過不失，重點係店員態度差。今日打電話叫外賣，叫左兩個餐。聽電話的店員態度超差，語氣超級唔耐煩，感覺到佢覆單的時候D語氣差唔多想爆粗咁。我當時係電話真係想講唔食啦，但係佢已經急急腳收左線，一句多謝都冇。真係食個M記都好過食佢，俾錢買難受。送外賣的姐姐還算有禮貌，識講多謝。但係諗返起個電話，真係受氣。雖然係一間細茶餐廳，但都叫服務性行業，起碼要知道咩叫禮貌。作為顧客幫襯都要受氣，簡直食得唔開心。如果唔改善一下服務態度，真係唔會再光顧。

星期六朋友約我去彩雲村，成發餐廳食早餐，上次來飲下午茶，印像都幾好。估唔到，見到餐牌有a+b+c+d 好多選擇。叉燒麵 : 可以加錢選擇出前一丁，但我揀了普通麵，麵質都可以，叉燒夠大塊，不過比較乾身。煙肉煎蛋配厚多士 : 厚多士塗上牛油，又新鮮又脆，好味。但煙肉是合成的，又煎不夠，唔香 ; 雞蛋只是求其煎熟。奶茶 : 用黑白花奶，茶味濃郁又香又滑，可以再飲。abc早餐33蚊都可以，不過如果加埋嗰d，要條腸仔就要比多4蚊啦。

同朋友去完街 兩個都話好肚餓 所以決定入茶餐廳食啲嘢我哋一人叫咗一個炒飯我叫左個福建炒飯朋友就叫咗個鴛鴦炒飯炒飯很大碟 細食既朋友仔未必食得曬鴛鴦炒飯啲蝦好大粒 都好爽口 但食落就冇乜特別 冇乜驚喜福建炒飯好足料 炒到好香 令人垂涎三尺而且炒飯加左雞蛋 好有誠意不過凍檸茶要加＄16 冇得跟餐 就覺得有啲貴 同埋杯凍檸茶略偏甜

之前都黎食過，見佢都幾安全，今日再黎。好垃圾，3個人食早餐，一個叫經典早餐，一個叫瘦肉粥炒面，一個叫滑牛粥腸粉。一開口已同位呀姐講要經典早餐，火腿通，炒蛋，黎到張單完全唔岩，同呀姐講，重要話自己無錯，好失望。 一間餐廳請到位咁既人真係多謝晒。一間味道ok但服務完全係零既鋪頭。如果地方本身文化係咁，我無話可說。我好失望對成發。粥正常味精粥，不過用料都足，滑牛拿到無肉味，但以多獲讚賞。至於早餐，炒蛋份量較麥當勞細，但餐包自家出品，幾岩口味。

星期日仲有下午茶餐都幾好，我叫咗一份，炸雞髀配薯條，加埋杯熱奶茶都係31蚊。雞髀有八寸長，炸到脆卜卜熱辣辣，仲有大大份薯條係新鮮炸起，食嗰陣仲熱咀㗎，杯奶茶都有茶味。

約咗人到彩雲邨，搵間茶餐廳坐低。食份早餐，見到有粥食，好耐冇食過，就試一試白粥加腸粉都係22蚊，加6蚊有條油炸鬼，都幾好抵食。 不過白粥是有味粥底，條油炸鬼係淋嘅。食得飽肚又可以坐低傾下計都算啦。

瞓醒肚餓 屋企冇嘢食 去咗朋友屋企 附近食早餐 成發 又嚟幫襯你不過今次係早餐 30蚊早餐 火腿米 煎雙蛋 牛油餐包 熱檸茶 平凡同經典嘅配搭 最欣賞嘅係煎雙蛋 唔係特別油 完全滿足咗我要太陽蛋嘅要求 若然要講嘅可能係個環境 最估唔到嘅係冷氣機出風位會漏水 雖然整我唔到 但係如果整到人都唔好啦 希望改善

由屋企人果代開始細細個已經聽佢哋講 多年冇嚟已經轉咗幾代人今日食左水餃撈粗面加色，加色等於加腩汁，細細個貪佢腩汁會有d碎肉，感覺好似抵d咁，水餃一共4粒，粒粒足料，口質一流，最重要筍絲無過多，唔係隻水餃會一陣陣酸味，正。之於個粗面爽口彈牙，其實都係普通貨色，好彩師傅好心機， 過下水，唔係就一定成碟鹼水味。 我都欣賞就係個腩汁，真材實料，足料味道足，又唔會成口味精。美中不足，一定要講個湯啦，細細個飲既一定係大地魚湯，好清新既感覺，現在卻變成了豉油湯，好失望。不過老店還是要支持的

黎得成發，就預咗俾人串係彩雲呢個荒無地區，佢係唯一一間有冷氣茶餐廳，所以服務質素一直都keep住咁差而冇改善好多時幫襯好似欠左佢咁除咗服務衛生差，以茶餐廳來講價錢亦都偏貴，味道仲要唔係好，依然可以屹立不倒咁多年，比着係出邊應該一早執咗10晒就咁講佢一個常餐已經要30幾蚊，雪菜肉絲可以試過冇肉絲，米粉好硬，米線林啤啤，蕃茄湯底冇乜番茄味⋯⋯⋯不過住喺彩雲冇辦法，唯一一間焗住食

每次往返西貢途中必到此茶餐廳一嚐幾款食品包括番茄猪膶通粉，鲜油多，蛋撻。$30 多元的茶餐已包括通粉，煎蛋及多士，重有一個午餐肉配料。下午三時許更可品嚐新鲜出爐蛋撻。奶茶更有港式風味。想信這茶餐廳已經營很久因為太多街坊光顅了。

茶記向來無乜要求, 醫肚就算.枝竹牛腩飯 - 枝竹仲好硬, 牛腩一份量多, 仲有好多牛根. 醬汁味道有D怪怪地的, 有D酒味又唔似, 腐乳味又唔似.常餐 - 包ABCD 4樣加飲品多士唔脆, 唔係即製炒蛋都幾滑, 但無蛋味腸仔一條, 最好味!鮮茄豬潤通心粉 - 湯底無鮮茄味, 得幾粒蕃茄粒, 豬潤有5片, 都厚切味道OK. 通心粉軟淋淋無咬口熱HOLICK - 淡口

話明夠薑就入黎, 緊係要有膽啦, 不過唔駛驚, 無事, 係食左個通粉加薑姐獨樂下午茶, 腰潤通粉加炒蛋:腰潤通粉放上薑, 雖然薑味幾重, 但夠薑的我非常喜歡, 可以驅寒炒蛋尚可, 少少滑, 但多士淋左, 好難食

先利益申報一下我早幾年住彩雲邨果陣試過係成發做過送外賣其實果陣都覺得成發衛生問題十分嚴重而且成日都見到有客人因為食物問題而投訴早幾日番去探朋友果陣想食餐飯知道彩雲邨好多地方要裝修邨內只係得番幾間餐廳同大排檔價錢問題就唯有去成發食一入去果陣就見到有個侍應汁枱的時候趁冇咩人見到係汁緊的碟到拎起雞翼黎食!!!!成個畫面十分噁心!!!!!我同朋友先坐係一個卡位 見到地下有一堆紙巾於是要求換一換位有個侍應個樣好唔耐煩咁帶咗我地去另一個位仲要中途講咗句"甘煩架"呢d係咩待客態度?我地叫咗個揚州炒飯同牛腩河........揚州炒飯味道唔錯......夠多而且粒粒飯都唔算太乾身牛腩河的牛腩唔算太"un"....而且都算入味但係個環境真係有待改善........地下多垃圾......廚房仲有好多積水......仲要係客視線範圍內....真係望到都唔開胃總括黎講認真一般 食物質素可以接受之外其他方面認真差比我都唔會再食