戀茶舍 (兼善里) (已結業)

香港要搵新鮮水果沖無落糖漿既店其實唔易，所以呢間係我一路幫襯既原因。 以前因為生酮又口痕，要係香港搵杯野飲唔易，加上有好多店家唔願意走甜。所以次次黎都會飲佢杯滿杯草莓，綠茶加沙冰底走甜，生酮人士又可以飲無負擔。另外茶又香，而且部分茶飲係新鮮水果沖，表示大為欣賞！夏天熱辣辣真係好消暑另外好想講表揚店員，暫時次次黎都遇到好好既店員，上次我要左個有芝士奶蓋既水果茶要求走奶蓋，店員仲主動同我講其實有冇奶蓋版本仲平d 最衰住得遠否則真係想日日黎。…查看更多

行過長沙灣， 熱辣辣咁岩想買野飲就見到佢，岩岩好唔洗行咁遠仲要搵😎 依排偏好飲手打檸檬茶 因為感覺冇珍珠奶茶咁肥🤣🤣 咁岩依間又有 簡單啲 就試下「爆打香水檸檬茶」 （$28） 價錢方面都比旺角嗰啲手打檸檬茶平啲Tim😎等左5分鐘左右已經有， 份量合理 ，價抵物多呢！ 最驚喜既係 入面已經加左波波，應該係類似椰果咁既野黎，口感加分 ！ 純粹係叫左少冰， 因為怕如果少甜杯野會好苦澀。 味道好清爽同好香。 朋友係隔離都話聞到有淡淡既檸檬味😳😳😳。 *建議番， 手作檸檬茶建議番最好1個鐘飲哂，如果唔係浸得太耐，成杯野就會好澀。*…查看更多

黑糖婆波奶茶珍珠痴牙且難以咀嚼，需要用門牙才能將其撕開。這種珍珠的質量讓人感到非常失望。如果你喜歡嚼珍珠，這種珍珠可能會讓你覺得非常失望。除了珍珠的質量問題外，茶底的苦澀味道非常強烈，舌頭感覺滑潺潺並蓋過黑糖的味道。這種苦澀味道可能會讓你不想再喝下去，或者讓你覺得整個飲品的風味都被破壞了。總括而言，戀茶舍的黑糖婆波奶茶在珍珠和奶茶底質量方面甚為嚴重。🤦‍♂️為這杯珍珠奶茶給六星 這是多出來的一粒星…查看更多

真心唔錯，咁岩路過要左熊貓蛋糕奶茶，只係27蚊大杯，中係25，平時奶蓋或者蛋糕嗰啲都會貴啲，呢間差唔多平時飲開檸檬頭係35，所以抵！講番杯熊貓蛋糕奶茶，有oreo 碎同埋啲好似奶蓋嘅野（蛋糕）係杯身內嘅，加奶茶香港好少奶茶鋪有，有都好貴一飲，感動，居然冇因為少冰而變淡值得表揚！茶濃奶蓋多，好飲出面少冰成日慳錢唔肯加茶水，其實加番50ml茶水真係唔洗1毫子，唔會貴過冰，唔知佢地點計數所以呢間會再黎，希望keep到水準…查看更多

芝士很棒，但是沒有mango，口味喝起來貌似是合成的化合物不是真的芒果，完全不推薦，希望用貨真價實的水果做水果芝士茶，現在這個是❌。這家喝過的所有🥤還是芝士熊貓奶茶最好喝，比這個好喝多了。…查看更多

有沒有阿華田的粉絲在呀🙋🏻‍♀️～由細到大都好喜歡吃阿華田，每次出去茶餐廳吃飯，我都會喝一杯唷🥰。最近阿華田舉行「 𝕆𝕧𝕒𝕝𝕥𝕚𝕟𝕖 𝕥𝕠𝕦𝕣尋味之旅」🥳，我當然都要參與啦～我就去了長沙灣的 • 戀茶舍 🧋• 試了阿華田波波沙冰 !! 天時暑熱😫，喝杯透心涼的沙冰就最適合了☺️。阿華田味好香濃，還有黑糖和珍珠😳，愛阿華田的朋友仔必試呀～大家一齊ʟɪᴋᴇ阿華田專頁，再參加尋味之旅啦～…查看更多

戀茶舍今日同老婆行開長沙灣食飯食完飯當然就係想飲杯台式飲品清清口味葡萄啵啵我有點一杯葡萄飲品試吓，飲落又幾特別，用上新鮮嘅葡萄，再加上似啵啵口琴嘅蒟蒻，就算用上普通甜度，都唔覺得特別甜，覺得佢哋整得啱啱好配碎沙冰好正水果茶另外老婆都掉咗個水果茶到佢都覺得佢哋嘅茶底嘅特別好好飲，茶香味濃估唔到連鎖店可以有咁高嘅水準，行開真係要飲多杯試吓唔同口味，下次要試吓唔同嘅飲品度佢哋嘅款式真係好多，絕對要試下😬…查看更多

係長沙灣食完野，好想飲茶😂見到呢間都幾多人幫襯所以就買左杯黎飲～店員話有新出嘅牛油果奶😂不過我都係想飲佢招牌多啲，所以就叫咗呢個芝士奶蓋茶！芝戀芒芒（$33）其實飲奶蓋茶最重要係個芝士，佢個芝士都幾厚而且好濃，佢下面係芒果沙冰，如果大家唔鍾意嘅可以飲佢嘅茗茶，嗰啲就真係烏龍茶茉莉嗰啲茶～佢個芒果味都幾濃，唔會話假～芝戀同情侶一人一杯/兩人share一杯可能真係會有戀愛嘅感覺🤣情侶們可以試吓🌟 整體評分：4.012/5…查看更多

🍽 戀茶舍 Fall in Tea ~~~~~~~~~~~~~~~~~~~~~~~~~~~~~~ 喺附近睇完蜘蛛俠經過見到呢間從未見過嘅台式飲品店，咁就一於試下佢啦～ 🔵 流芒髒髒鮮奶（$29）👉 賣相靚靚，有心思嘅芒果醬掛杯，髒髒嘅效果👉 未搖勻之前先飲一啖，飲到好濃郁既鮮奶味👉 一攪拌之後，濃郁芒果味就出現，甜度十足 🔵 芝戀莓莓 ~ 大杯（$36）👉 未搖勻前首先飲一啖濃郁香滑咸咸地既奶蓋👉 再飲最底嘅士多啤梨沙冰，味道清甜，啖啖都有士多啤梨嘅果肉👉 攪拌之後，奶蓋混合沙冰，好清新，甜度啱啱好 兩杯嘅水果材料都幾新鮮用料十足，下次再黎附近會再黎試下。如果下次再黎，會想試牛油果髒髒鮮奶同熊貓蛋糕奶茶，睇落都好吸引咁呀～ ~~~~~~~~~~~~~~~~~~~~~~~~~~~~~~ …查看更多

午飯後路過店鋪，決定與同事買杯飲品回公司撐埋剩餘的一個下午。採用淡啡灰的和諧顏色，裝潢簡潔的門面沒有擺放飾物或裝飾品，只貼上飲品宣傳海報。內裡調飲品區整潔企理，工具擺放整齊，枱面潔淨，沒有飲料或食材殘渣。雖然款式不多，但包含7種類尚算齊完，更以戀愛階段分類，看到也頓時會心微笑。落單後5分鐘後，所點選的2杯飲品也逐一呈上，就算當前有2位客人等候，所以等待飲品時間亦算合理。髒髒程度較海報及預期有出入，只有微絲牛油果搽抺在杯上，飲品呈軟滑忌廉質地，質感輕盈不添飽溜感，沒有草青味並帶有輕牛油果香，整體牛油果感不太突出，若吃到牛油果粒會更添層次、味道與新鮮感。淡啡色奶茶較重奶味，加上沒有減糖情況下，神還原台式奶茶奶濃甜度高的效果，表面浮著一層奶蓋，奶蓋鹹度淡然，減甜可令奶蓋鹹更突出，鹹甜味便得以中和，最後Oreo 碎粉灑在奶蓋上，撈勻後大量餅粉末溶於飲品中，只剩下1-2粒較大餅碎，同樣建議保留大粒餅碎，增添Oreo味道同時增加口感。…查看更多

每次去街都抵擋唔到心癮，一定要買番杯台式飲品，所以飲埋飲埋都真係幫襯過好多間這類型的飲品店。今趟路經長沙灣，見到呢間戀茶舍，飲品方面都真係幾多選擇，就買了兩杯黎品嚐一下。除了例牌會見到既珍珠奶茶類，仲有水果茶、沙冰、鮮奶同益力多系列，而且口味亦都有些特別。牛油果髒髒鮮奶 - 平時都比較少見牛油果類的台式飲品，難得見到有，當然就order黎試吓。質素都幾喜出望外，不太甜，但又充滿清新健康的味道，真的好飲。葡萄啵啵 - 提子味很出，內裡的啵啵口感彈牙，真的飲到最尾，剩番的啵啵都唔捨得掉左去，要諗辦法食埋。仲有幾款口味都好有興趣，下次真係要過嚟飲埋。…查看更多

今日去長沙灣做完野，經過見到有間新裝台式外賣茶店，吾知點解即刻覺得個人有啲口渴，一於入去睇吓有乜啱飲先。原來呢間店才剛9月初開始試業，為第3分店。目測飲品選擇很多，有別於一般常見台式珠珍茶飲店。有些飲品更配合季節性，有熱有凍選擇。店長介紹芋泥是店家每天早上自家篜煮，新鮮美味。一於試吓店長推介，要一杯「大芋泥芋圓奶茶少糖」。果然味道不錯，茶味香濃幼滑，而且有很多不同顏色芋圓，入口咬落煙韌好味。店舖更設有會員咭，凡滿＄100即可及即享有優惠。而學生優惠，杯杯九折添。…查看更多

去長沙灣考試，考完合格了的喜悅……即刻飲番杯落芝士玫瓏脆波波 HK$38/L一杯野飲有三種不同的層次，有手打芝士奶蓋、玫瓏沙冰配賣脆波波。芝士奶蓋味道相當綿滑，同平時飲的很不同，沒有咸香的味道，飲到最後也不覺膩；玫瓏蜜瓜打成的沙冰，十分細膩，入口即化，微微的清甜。每啜一口就會食到一粒粒晶瑩剔透的脆波波，好有咬口。芝戀莓莓 HK$36/L又要怕肥又要飲，於是叫了微糖，一開始都擔心味道會否太淡，但飲落都相當唔錯，芝士奶蓋味道相當綿滑，仲可以隠約飲到草莓既微少顆粒感，清新酸甜，減少了罪惡感。另外, 見到茶舍有髒髒茶系列既飲品，都幾特別，可以下次再試。…查看更多

#戀茶舍今次講嘅係位於長沙灣嘅戀茶舍💕Menu有好多唔同款式嘅嘢飲 一定有一款係啱你😋😋再加上等待嘅時間都好快 行過完全可以去買杯飲🤤🤤 或者大家仲可以買返去屋企慢慢歎手搖🤪🤪芝戀芒芒 $33💰（7/10）飲落去芒果嘅感覺好Fresh 而且芒果味好香濃😋😋小編見住店員用新鮮芒果打成🥰🥰飲落去仲會有少少芒果肉👅👅上面仲有一層又厚又Creamy嘅芝士奶蓋😻😻咸咸地咁 但又同芒果好夾 啱啱好💗💗小編嗰人感覺芝士奶蓋可以加多少少甜 咁就Perfect☺️☺️呢杯完全解渴一流✨✨飲完好滿足‼️黑糖髒髒鮮奶 ☕️ $28💰 （7/10）小編好耐冇飲黑糖鮮奶😆😆所以今次特登叫返杯飲下😋😋黑糖嗰味啱啱好 唔會太濃或者太淡 而且飲到好香黑糖味😚😚甜甜地咁好解癮🥰🥰再配埋牛奶🥛好Match 而珍珠都有好多🤩🤩每一粒都好煙韌 好有咬口😍😍份量十足😚😚黑糖鮮奶Fans 可以試下💗💗推薦指數🌟 7 / 10 🌟戀茶舍 (兼善里) (長沙灣)⚜️長沙灣兼善里41B號⏱星期一至日 1130-2130…查看更多

排隊等食飯之際心郁郁又想買杯珍珠奶茶飲下😂轉角見到價錢都好似比出邊嘅再平少少（師奶）咁就心動不如行動😂都有好多唔同款式嘅選擇（而且仲有秋冬新Menu）芋頭啱啱賣晒，所以叫咗栗子蓉鮮奶、芝戀芒芒（有芒果即刻轉呔放棄暫時咗珍珠奶茶🧋）我冇特別要求微糖，但係飲落去甜度又啱啱好喎，而且仲有淡淡的茶香，芒果新鮮而且冇假香精甜味😙由於本人好鍾意飲濃芝奶蓋士，所以芝士奶蓋可以再香濃就更加正😁栗子蓉鮮奶飲落舒服，最鍾意就係冇假甜😎栗子蓉仲有小顆粒～～飲落幾有咬口再凍啲熱飲應該仲正😌而家咁多間類似嘅飲品店～ 呢間價錢性價比高飲完有枱食飯岩岩好🥰…查看更多