意粉屋 (太古城中心)

營業中

休息中

Only one scallop is served per dish. Talked to the server and confirmed with the kitchen that is the case. Scallop spaghetti for 120 dollar comes with just one scallop. What kind of scam is this? customers should have a reasonable expectation towards what is worth a 120 dollar dish.

Last night my family and I went to Spaghetti House for dinnerWe ordered a 2 people set with a pizza, BBQ ribs and two Boston Lobster Bisque and also a carbonara.BBQ Ribs with French Fries and Grilled Pineapple The ribs are soft, tender, juicy and easy to fall off the bone Pasta Alla CarbonaraIt was served with freshly shredded cheesePizza with crab meatThe pizza tasted normal

意粉屋向來是許多人的聚腳點，今天來到太古城的意粉屋。啊啊啊啊--很可惜啊!平日最抵吃、價廉物美的BRUNCH 因 假期 而 沒有出現 😢沒辦法了。唯有吃LUNCH了。想不到LUNCH的性價比 還是挺高的。😃套餐前菜麵包非常香軟，滲透著一種蜂蜜的香味。讚!餐湯 -- 蘑菇湯比預期中來得出色!還以為一般餐湯會是散發著一股鹹味的湯。不! 這個蘑菇湯，齒頰之間感受到一粒粒的蘑菇蓉（有點像Simply Life 的 蘑菇湯) 。 非常讚！主菜 豬排十分軟滑，比一般餐廳的大。墨汁飯還可以，但和上面的配料來得非常相襯， 茄汁濃香和 墨汁飯 配合 得天衣無縫。

#小秘書 識咗呢位 #同事 大大話話都有五年多， 平時只有 #風花雪月，八吓 黎明 Leon Lai 幾時開 #concert、工作上嘅交流咁大把😏 今次估唔到佢會主動約我食飯，仲話覺得同我都幾夾，要多多保持聯絡... 只可惜佢係女人吖🤣不過更加估佢唔到會提議去 #SpaghettiHouse 食飯... 一間我已經遺忘嘅餐廳😅 想當年，我都幾鍾意飲佢哋嘅 #龍蝦湯 㗎，不過原來 #午餐 唔包，要另外加錢... #孤寒嘅 #小秘書 就寧願跟餐要個 #蘑菇忌廉湯 就算😅 冇幫襯佢一段時間，餐廳嘅裝修都變哂，有啲 #歐陸式 味道，而且餐牌上嘅價錢仲貴左好多添🤪 我要嘅 #忌廉汁燴海鮮意大利粉，加埋 #餐湯 已經要$140（另+10%服務費），對我呢個 #小職員 嚟講，真係有幾貴😅 不過食物質素同環境的確唔差，尤其個 #意粉🍝 入邊嘅 #海鮮，有大蝦、帶子... 都好新鮮㗎，配埋 #忌廉汁 好夾味😋 不過 #餐廳服務員 態度就有啲cool，全程 #目無表情 咁幫我哋落單、安排飲品。見佢咁面黑... 我有啲唔習慣囉👉🏻👈🏻

超級鹹的晚餐，吃咗幾嚿，頂唔順，寧願轉清水。賣相都可以，味道真係頂唔順咁鹹。職員話愈煮愈鹹，本身食物已經有味，我明，不過芝士火鍋已經鹹，火腿超級鹹。轉清水煮下D嘢，個菇清水煮完都係好鹹。麵包/星星形狀薯餅/煙斗粉正常。

踏入10月，身邊朋友親戚都好多人係10月份生日🎂，今日就輪到同表姐食生日飯喇！由於表姐要帶住bb,所以都係去近啲食啦！表姐想食pizza同意粉，一諗就諗起太古城意粉屋，印象中幾年前食過一次芝士火鍋咋，即管試下佢pizza啦！我地有3個成人1bb，坐底後就叫左1個2人餐同1個1人餐。餐湯係南瓜蟹肉藜麥湯，好濃厚的南瓜味，亦可以品嘗到一絲絲蟹肉，再加上藜麥增加了湯的口感，唔錯唔錯！好好飲🥰意粉係蕃茄龍蝦帶子天使麵，Pizza係珍寶什錦薄餅🍕🍕，而1人餐主菜係招牌炸雞伴脆薯條，pizza餅底好好食好鬆軟唔係死實實的，而炸雞炸到好脆，雞胸位置仲要係冇骨架，食落去啖啖肉！最後配返杯凍檸茶，成餐飯簡直係完美呀。

太古城中心已成了我其中一個最常到的地方，除了工作因素外，亦因爲食肆種類選擇都多。今天整個上午都在工作，差不多到了三時才能停下來休息一下。我想起早前在太古城中心的意粉屋看過在下午二時半後提供下午茶套餐，所以決定到那兒好好吃一頓。雖然已是下午三時，但這裏的下午茶時段仍有很多人排隊，幸好店內位置多，大約等了15分鐘便可以安排入座。下午茶食物的選擇都挺多，有沙律、焗飯、意粉、三文治、甜點......任君選擇，總有一款合心意。我看了看餐牌後便點了一客菠菜龍脷柳扁意粉，另+$15便可享用酥皮周打海鮮湯。酥皮鬆脆可口，周打湯濃稠，湯內海鮮配料份量頗多，喝下去啖啖海鮮味。以一個下午茶而言，龍脷柳意粉的份量十足，碟面鋪滿了濃濃的芝士忌廉汁，感覺十分滿足。下午茶套餐還包了一杯飲品，吃了這頓下午茶，已能充當我的晚餐了。

一家人去太古城中心間意粉屋食晚餐，六個人去到，大約等十分鐘就有位。我哋叫咗海蝦牛油果沙律軟包、凱撒沙律+意包、招牌炸雞+炸薯條、雙芝焗煙火腿煙斗粉、芝士忌廉菌雞肉長通、星級豬仔骨薯條黑醋沙律、啤酒及薄荷特飲，仲有晚市免費贈送肉醬薯條。唔使等好耐，所叫嘅食物都陸續送到，首先係兩個沙律，食咗大家都覺得海蝦牛油果沙律最開胃，而雙芝焗煙火腿煙斗粉都好好食，可能係少食咁大粒嘅煙斗粉嘅關係，食落覺得口感唔錯，比長通粉特別，另外趁人多才叫嘅豬仔骨，食之前點埋跟嘅汁，味道真係唔錯。總結：六個人都食得好飽，而且服務員親切有禮，大家都食得好開心。

今日同同事放lunch匆匆趕住去食。究竟佢係帶我去食咩呢？原來係意粉屋12點前落單就會有八五折佢個set本身大約80至$100。餐湯仲有酥皮龍蝦湯！由於趕住落單，我二話不說就點左個肉醬意粉。記得之前食過依間肉醬意粉係好唔錯。上菜速度都好快，一嚟到碟意粉連個盤都係超級熱，要小心辣親。肉醬意粉個肉醬真係超級多，麵質有點硬，份量多到都食唔晒。聽講七月開始可以申請個會員優惠，比一筆錢就可以有一年嘅會籍，仲會送一大堆coupon，平時食嘢都會有折，真係好抵！仲要意粉屋個集團嘅餐廳都可以用到。

次次過嚟太古城都覺得好似冇乜嘢食咁，今個星期過嚟太古城約咗朋友食lunch，價錢都唔算好貴$100多啲左右一個人，Lunch set都有幾多選擇。揀咗一個香煎卡邦尼意粉同埋燒牛肉Pizza。香煎卡邦尼意粉：帶子煎得啱啱好，意粉個汁略嫌有啲肥膩，但個味係幾好味嘅，反而個意粉幾好食，煙煙銀銀有驚喜燒牛肉pizza：燒牛肉醃得幾好食，另外Pizza係好趣好博嗰種，最緊要係個Pizza個醬汁條配得好食！總括嚟講呢間意粉屋都可以再去，下次再試埋Menu嘅其他食物先

菲傭週日放假，所以，週日我們家裡的晚餐一慣是外出搞定。今天選擇了太古城的“The Spaghetti House”週日晚6點Walk in摞3人位，前面有9個號排緊.....還算快，15分鐘左右等到3人的胃口雖不大，但都蠻為食的按計畫一份pizza，一份pasta，一份多士，一份小食，一杯蘋果特飲，大家share-多士先上 “醃三文牛油果脆多”（HKD68.-）牛油果碎的味道挺正的，先讚一個多士片～脆的可以，承載著薄薄的醃三文魚，輕咬即松化，不錯- 第二個就是小食“招牌炸雞伴薯條”（HKD118）薯条粗细长短都得当，味美就口，只是數量不多，三两下就掃清了.....留下了炸雞伴侶和沙律菜葉......炸雞的粉過量了，雞肉又清淡，我勉強了一塊，剩餘的由青春期的孩子們搞定，但comment是一樣的第三個是pasta，“焗虾蟹芝士意粉”（HKD128）這意粉沒讓人失望芝士濃，蝦肉鮮，沒見到蟹影，但似乎有點蟹鹹，夠了，可以90分- 第四道是pizza，“意風乾牛肉薄餅”（HKD158）個人覺得餅底不錯，如乾牛肉換成風乾火腿，可能舌尖上的味道會更深入更持續些.....pizza基本被均分了，可能是

同朋友係lunchtime過左黎太古城，但放飯時間太多人喇，我地等左20分鐘左右先有位。第一次黎意粉屋緊係要試佢既意粉，我地仲嗌左份pizza~兩個人食都真係好飽白汁雞肉闊條麵好高質，d意粉既質地係出面食唔到

黎開太古差唔多次次都會食spaghetti house, 係我中意食嘅餐廳之一。weekend 下午茶3點先開始，每次都好多人排隊，今次2:40已經黎排定隊。3點開始放人入去，好快就有檯。見佢嘅餐牌最近轉左，有幾樣新野。不過我今次就無試到。個tea set有包主食同野飲，而酥皮湯就要另外加$15。我當然都有加酥皮湯，個湯好creamy，裡面有薯仔，蜆肉，搭埋塊酥皮簡直係perfect match，我每次都必點今次叫左4個set, 分別係肉醬意粉、菠菜煎魚柳意大利麵、意式三文魚海鮮炒飯同埋珍寶薄餅。4樣野裡面最中意係海鮮炒飯，覺得佢啲飯炒得粒粒分明，同埋好香，海鮮分量都ok不過三文魚就無咩。pizza方面，一上到碟已經分左4塊，其實分量就唔算好多。同埋有啲可惜佢轉左餅底，以前係鬆厚批，宜家就變左普通薄餅底，無以前咁好食。雖然覺得依間野啲食物幾好食，而且上碟都好快。不過分量真係少左啲，配上依個價錢都有少少貴，如果唔係因為會員卡有優惠，都未必會成日黎食。

星期五去太古城行街行到五點鐘左右累累地搵個地方坐低Hea下Hea😄落去就見到意粉屋，門口有一些下午茶的餐牌😎於是入咗去坐。下午茶有六至七款選擇主要係薯條同三文治🥪，意粉和飯種類不算多。於是叫一個白汁龍利柳意粉🍝🐠這個意粉味道不差，夠熱，配餐飲買咗杯熱奶茶。1️⃣首先講講環境方面，下午茶時間人流不算多，不用等位入到去侍應安排了卡位2️⃣服務方便人手也很充裕，每次要求是應的時候會很快也做到👍🏻3️⃣價錢方面最平的下午茶加一費用是$86抵唔抵就見仁見智

好抵食嘅下午茶👍，一入到去可以坐卡位唔使同人迫🙆‍♀️，叫咗個西班牙炒飯真係好驚喜，估唔到噤好食，海鮮嘅份量都好足，真係超抵食，但我最鍾意食係芝士肉醬意粉😍芝士好多💯