意樂餐廳 (長發廣場)

地道茶記風味與懷舊氛圍🍝 必試人氣餐點➤ 野菌忌廉天使麵：奶油香濃不膩，天使麵軟滑掛汁，菌菇鮮味十足➤ 蕃茄牛脷通粉（常餐）：牛脷燉煮軟淋，番茄湯底酸甜開胃，經典港式搭配➤ 凍檸茶：茶底濃淡適中，自由調整甜度，清爽解膩🏮 環境特色• 經典港式茶餐廳格局：燈光明亮乾淨，充滿懷舊情調• 午市人聲鼎沸，夾雜夥計傳菜聲與老街坊傾偈聲，洋溢地道生活氣息💡 體驗貼士✓ 常餐超值搭配主菜+飲品+多士/煎蛋，上餐速度極快✓ 全港多間分店，午市12:30-14:00極爆滿，搭檯是常態✓ 推薦搭配：凍檸茶少甜配奶油多士，完美還原港味記憶📍 分店遍佈港九新界，總有一間在附近！…查看更多

呢間連鎖餐廳都算經常嚟食，大部份食品我覺得都幾啱我口味，今日打8號風都有開，而且照常有下午茶餐今次叫左牛脷蕃茄通粉配飲品（$44）牛脷兩片都幾大塊，蕃茄湯幾濃，通粉我覺得林左小小，整體ok唔錯。想清淡啲所以餐飲叫咗非常爭議嘅熱檸水，好多人都唔中意，佢哋嘅冷榨檸檬汁的確係冇種新鮮檸檬果隻獨有香味，得返檸檬酸味。另外，平時就幾鍾意叫佢嘅熱朱古力，超級濃，唔夠的話點餐嗰時仲可以揀特濃，好正！店員都多數都係啲姨姨，都幾nice 。…查看更多

因為午餐同埋下午茶都食得好多嘢，夜晚就唔想食咁多嘢，去左意樂叫左個龍蝦汁海鮮湯飯，龍蝦湯味相當惹味，海鮮配料都唔差，令人一啖又一啖咁接住食。 （明明又話飽 😂） 係啲飯有啲硬，個味道同賣相都過得去。因為太鍾意食蜆，於是加配咗個白酒煮鮮蜆。個汁內有洋蔥、芫荽、仲好似有落咗少少奶油🧁+$6 試埋呢度特式野飲「紅石榴檸檬茉莉茶」，唔會話太伏，都OK ，可試。 星期五叫咁多嘢埋單都係$97，都算叫做幾滿足～ This Friday, not bad! 🫶🏻 …查看更多

同同事做完嘢收工之後好肚餓，決定一齊去附近嘅長發商場睇下有咩食。經過意樂，見到半熔芝士醬配脆炸薯條🍟好吸引，就拎位入去坐低慢慢嘆😝總括其他點嘅食物都可以-不過不失🙌🏻，價錢尚算合理，餐廳環境寬敞。蒲燒鰻魚炒珍珠飯 $57飛魚籽三文魚蛋白炒珍珠飯 $47黑松露煙肉菌皇忌廉扁意粉 $61套餐+配$15 半熔芝士配滋味脆薯條🍟 👍🏻👍🏻👍🏻飲品經典原味紅豆冰冰🫘冷壓凍檸檬茶🥃熱即磨咖啡☕️…查看更多

在外賣平台落單自取，揀了兩個食品，其中一個是焗飯，發現揀錯分店，已在1-2分鐘內立即致電取消，卻說已出餐，不能取消，不肯退款，做法非常有問題，亦顯示所準備的食品並非新鮮即製，一個焗飯可以在兩分鐘內出餐，即預先製好，不明白為何不可退!…查看更多

又到打邊爐季節，趁天氣開始轉冷就趕快打邊爐。原來意樂都有得打邊爐，佢最近推出左初秋饗鍋，有3款可以選擇。有豚肉，肥牛同海鮮可供選擇，仲可以加6蚊就有杯藍冰冷壓檸檬雪碧，加其他飲品就有半價優惠。我就簡左肥牛配芝士濃蝦湯底。估唔到依個套餐分量十足，有一碟肥牛同一盤配菜。肥牛大大塊，肥瘦相間，重牛肉味。配菜種類都豐富。 有粟米，金菇，仿蟹柳，芋頭，南瓜，蘿蔔，冬菇，金針菇，牛丸，白色魚丸，菜……仲有一底烏冬。…查看更多

今天小朋友學完興趣班，話想食肉醬意粉，甘我順利地不用煮晚飯，去了屋企樓下餐廳醫肚，呢間餐廳是我心中高質的茶餐廳，呢二款都係必點之作咖哩牛腩飯牛腩唔肥唔瘦幾鬆口，算係高質材料，配上咖哩汁口感實在令人食指大動咖哩汁入面有好多材料，例如薯仔洋蔥青椒等等，再加上有淡淡的椰香味，用來送飯簡直一流焗芝士肉醬意粉意粉係即叫即製焗出嚟，熱辣辣，小朋友至愛意粉上面有一大堆茄汁同埋芝士㗎，意粉焗嘅時間啱啱好，意粉同埋D茄汁和芝士一齊撈來食，十分惹味…查看更多

今早用 Openrice app 落單外賣自取，因為魚柳早餐會有千島醬、薯蓉、麻醬沙律菜，而我家去餐廳都要15分鐘，避免取餐到家時，早餐內的醬汁混成一片，所以落單時，已在備註註明 "走薯蓉、走沙律醬‘’， 但最後是醬汁齊全。其實我已多次用此App 落單在這間餐廳外賣自取，但餐廳廚房似乎每次都對客人的備註視而不見。食到一半才醒起要影相，但已經食左濕立立魚柳:(…查看更多

因為落大雨，所以媽咪改上去食呢間，第一次食母親節飯，食到著發火，首先，order左個母親節Set A, 同焗豬扒飯，有半隻龍蝦漏左比我，跟住等左10分鐘，黎左半隻所謂龍蝦，啲肉又鞋又凍嘅，勁難食，牛扒媽咪食要7成，黎到十成全熟，老人家咬不開，我都忍住算，過左20分鐘，焗豬扒飯未到，旁邊張枱遲過我地10分鐘到，焗咖哩飯已到，我問職員會否漏單，佢冇check就答有單，過左30分鐘，我問點解個青口頭盤仲未到，職員黑口黑面，過左40分鐘，焗飯仲未到，由於牛扒廚房整到10成熟，媽咪焗住要食焗飯,我再催單，職員唔願行去問廚房，嗌walkie就算，講真唔係阿媽未食，我一定取消走😤，過左45，50分鐘，再追問職員，有5，6，7㗎車仔經過，都係焗野，點解仲未到，我同佢講，再唔黎就取消走，佢嗌walkie問廚房，答我"係冇呀…"一句我即刻被撻著，一直追問有冇漏單話冇漏，而家答我冇，佢答我話唔要嘛🤬🤬勁嬲，態度勁差囉…我明白今日母親節爆場，但我追左咁多次單，都冇人跟進，等左50分鐘，一句答冇單，佛都有火啦。。。等了55分鐘，最終黎碟焗燶晒嘅豬扒飯，幾個黑面職員一句道歉說話都冇，唔係取消就可以算數囉…重點係媽咪都未食野，以後唔會再幫襯呢間青衣長發邨店，不知所謂。。。。…查看更多

意樂原本大大間，cut左一半，坐位依然充足每次必點凍檸茶，酸味岩岩好，唔怕苦澀味。蕃茄汁豬扒焗珍珠飯豬扒好厚，不過飯就有少少乾蒲燒鰻魚炒珍珠飯珍珠飯炒得好香口好惹味，只係蒲燒鰻魚就太少了飛魚籽三文魚滑蛋炒珍珠飯卜卜脆飛魚籽滿多配三文魚，加上滿多蒽粒，啖啖飯食得香口香草雞扒滑蛋蓋飯配皇牌蒜蓉汁雞扒煎到金黃香脆，加上滑蛋，簡單已經好好味半溶芝士配滋味脆薯條薯條炸得過左火半溶芝士配一口炸雞炸雞失準，炸到有少少乾…查看更多

早餐尾聲同午餐準備開始時間真係尷尬😅我想食早餐,仲有幾分鐘可以叫早餐即刻叫咗個美式早餐,份量都好豐富!朱扒🐖滑蛋同埋腸仔,仲有兩片蒜蓉包,及一些沙律朱扒亦係煎得好香,炒蛋都夠滑！屋企人肚餓想食lunch,等多幾分鐘可以,,叫左午餐香煎七味豬扒豬骨濃湯拉麵🍜豬扒都煎得好香,湯底濃郁,好夠味,流心蛋的生熟程度更係啱啱好😋餐飲熱奶茶凍咖啡少甜都上算ok！裝修後排境幾舒適雅緻,坐得幾舒服服務員態度so far so good la😅PS:因一個叫早餐一叫午餐時間有啲重疊,所以分單落order😅…查看更多

唔係第一次幫襯，不過早餐就係第一次啦！意樂早餐算多選擇，賣相唔差。但可能唔係樣樣掂。兩個餐追加牛角包。🌈五香肉丁午餐肉公仔麵公仔麵煮得太過火，好淋五香肉丁同午餐肉就正常罐頭野🌈白汁雞肉湯扁意粉扁意粉煮得唔係咁夠，口感好硬汁味道好淡，雞肉好「那」喉。🌈熱奶茶🌈熱何華田🌈蒜香欖油多士蒜香味係幾香，可惜唔係咁足料，唔係全片有。🌈牛角包最讚就係牛角包，夠香夠酥脆，食落唔會一口油。或者下次試下其他…查看更多

平日晚市人流少，餐廳也十分冷清。坐下看看餐牌，感覺食物種類好似少過從前，不過都有想食的。先揀飛魚籽三文魚炒飯，一送來，擔心食唔飽，因為感覺少，但食下去卻足飽。本身碟飯都充滿碎三文魚，飯粒炒得很香。最緊要個飯熱辣辣的，一讚。起初飯看似細，但最後卻飽足，因為足料同密度高。另外叫了是日精選，辣雞拉麵，圖是非常吸引，但送來有點失望。麵是不錯，成碗整體都賣相好，但辣雞就一般，只是炸雞粒，仲要上面淋少少辣醬而矣，一點不均勻。反而加了$29的芝士雞，俾左成碟熔芝士，炸雞點滿芝士，很香濃。而且雞粒的份量不少，$29抵食。再加錢飲芒果啫喱杯，一大舊彈牙啫喱，正。不過，起初的確有啲過甜，加了啲啲冰水就更好了。…查看更多

本人愛下厨所以出去食嘢会特别留意这间餐厅厨师是否用心煮🤔今早去屋企附近嘅”Itamomo”，見餐牌上相片几靚所以點了：餐肉煎焗流心旦蕃茄濃湯公仔麵🍜哇大佬碗麵同相完全貨不對辦先唔讲味道，只系望到隻碟咁dirty 已唔开胃😤有人可能会说送餐可能太遠所以……但其实我坐位置好近厨房的！- 蕃茄濃湯👎🏻👎🏻👎🏻👎🏻👎🏻(圖片可以看得出有几濃)- 煎焗流心旦👎🏻👎🏻👎🏻👎🏻👎🏻(擺明只係一面煎一下，另一半完全係生的😠焗过不会这样的）…查看更多

之前去左長發意樂食晚飯叫左兩份扒餐：1. 烤安格斯牛扒餐 $1082. 安格斯雜扒餐 $88味道同份量都OK勝價比唔錯，佢哋杯凍檸茶係用冷壓方式特製而成，飲落去好多檸檬粒好有質感啲檸檬酸味特別出，值得一試。…查看更多