意樂餐廳 (幸福商場)

營業中

休息中

平時都食開堂食，味道係ok既，今次外賣因為另一半唔想落去，咁我唯有買外賣啦，點知就即刻中伏叫左兩份早餐，用openrice落既order，拎果時已經問佢係咪，其中一位店員仲話幫我睇下單，話齊啦，咁我就梗係諗住放心啦，點知拎到上樓打開睇，成盒黑松露炒蛋無比到我，好肚餓想開餐準備食真係O晒咀🤦🏻‍♀️，打比餐廳同佢講，仲要無得送返上門！講真，咁多間連鎖分店都話無得送，無得送外賣無問題，但問題出響餐廳度我覺得就應該要搵人送返上門囉！結果都係要我自己行多一轉，外賣真係睇check 少眼都唔得

閒閒Hea Hea 流連左去長沙灣，行到攰多過肚餓就搵間野坐下。叫左呢個 意大利蕃茄濃湯 天使麵配埋牛角酥，盛惠25蚊！加左$3既凍飲係 唔使篤檸檬嘅檸檬茶，大大杯！ 坐喺靜靜地既環境，望向落地玻璃既“景色”。當然無咩靚景望，但都開揚有陽光。真心平到無可挑剔！

下午茶真係好平，foodpanda外賣自取80蚊仲有七折 ，計番開係三十蚊到有飯或者意粉， 完全足夠食兩餐係要留意外賣自取成日有延誤，啲職員態度又認真一般 ，另外啲餐具就係神級失敗，軟都根本用唔到， 連意粉都叉唔起。今次叫咗一個雜菌天使麵同肉醬意粉雜菌天使麵有啲乾身，外賣自取返到去變咗成個麵餅咁肉醬意粉好食好多芝士 ， 而且好香濃，冇天使麵咁黐埋一舊舊，同埋佢超級熱真係有焗過另外即磨咖啡我覺得好好飲

話說【幸福商場】要翻新， 經已執左好幾間舖，【OK便利店】執左後轉變成【意樂餐廳】,我經常聽人講【意樂】既嘢幾好食，所以急不及待去試食，食後又真係吾錯啵！！！＊暫時【百里香烤雞】，“推廣價”＄38，原價＄68～又醃得幾好味嘅～

這間係我新搬來，第一次叫的takeaway , 當時家人叫鰻魚炒珍珠飯，我要龍蝦湯海鮮珍珠飯 + dumpling , Ok 喎（冇影相）今次補返相，一個人又order 返龍蝦湯海鮮珍珠飯今次個湯鹹d , 送飯ok , 足料，有蝦、帶子、蜆、磨菇，龍蝦味濃雞翼麻麻，好似叫芝麻蜜糖雞翼，皮夠胞亦夠熱，不過偏甜帶芝麻香，但我唔太鍾意食餃子🥟ok , 上次都有叫，皮好脆好香口，咬落啖啖肉，唔失望Drink 一般，hot chocolate 有d 苦同個湯唔夾

外賣一定等得耐半個鐘頭想唔要左推右舍唔退錢返工遲到勁冇面茶渣奶茶一嘴係咳到甩肺都冇計垃圾餐廳第一家意樂以後唔要喇由服務態度都產品質素都係零分圖有真相唔係吹水不如畀番間ok便利店我好過

外出工作，通常都會比較攰，再加埋喺出邊行嚟行去熱鬼死咁熱，有個開心的下午茶很不錯的😊今日同同事一齊去咗意樂餐廳吃下午茶真係又平又抵食同事叫咗呢個煙三文魚牛角酥，都只係$36咋，牛角酥外脆內軟，超正。再加上煙燻嘅三文魚同蔬菜，簡直冇得輸🤣呢個係芒果味啫喱冰沙，價錢都只係$6，因為跟餐特飲只需$6就可以叫啦。超多芒果同啫喱，芒果仲要係新鮮嘅芒果🥭再加上粒粒彈牙嘅啫喱😋，冇得輸我自己就嗌咗呢個氹仔豬扒包，呢個仲抵食，$34咋，俾我朋友嗌嗰個平$2🤣🤣🤣食過澳門氹仔豬扒包嘅朋友都知道，氹仔嘅豬扒包係超正的。呢個豬扒包同澳門氹仔嗰個一樣咁正，外脆內軟的麵包+又大塊又Juicy嘅豬扒，一個字-正👍佢仲要跟埋大大份嘅炸薯條🍟，真係新鮮熱辣辣炸出來的，咁嘅價錢，係唔係冇得輸呢。經典原味紅豆冰$6紅豆冰係我跟餐嗌啲，紅豆冰就冇乜特別啦，同我哋普通茶餐廳飲的紅豆冰冇乜分別。不過澳門氹仔豬扒包+港式經典原味紅豆冰。呢個就係絕配的組合一個價錢，可以享受到兩個唔同地方嘅特色美食，👍👍👍仲要唔使搭船去到澳門咁遠食添🤣🤣🤣以後掛住澳門，我都會去意樂餐廳再食呢個氹仔豬扒包　😊