意樂餐廳 (寶熙苑商場)

營業中

休息中

星期六一大早要落李鄭屋泳池附近開工，預早小小到達，一場嚟到當然係食翻個早餐先正式開工啦，今次第一次幫襯意樂，老實講係比佢嘅外觀同裝修吸引咗先。坐下來點咗個自選雙拼意大利蕃茄濃湯早餐；～ 鮮野菌加炒蛋配蕃茄濃湯配米粉幾好，食得出湯底係用真蕃茄煮出嚟嘅濃湯，唔係茄汁加味精水果種。。。炒蛋小油、配上野菌同小小嘅椰菜同米粉，清清地，非常適合做一日開始嘅早餐，好快就清哂。～ 熱奶茶正正常常嘅港式奶茶～ 可以！餐廳光光猛猛、乾乾淨淨、同一般傳統嘅港式舊派茶餐廳唔同，期待下次再嚟試吓午餐嘅質素！

今天早下班，所以有機會趕在六點鈡下午茶結束前享用美食。下午茶可以當晚餐食，即省錢，又可以避免太晚吃飯而發胖，一舉兩得。這間餐廳原來是集團經營，香港九龍新界都有他們的分店。我食的這家靠近深水埗的東京街，原本我不是要吃這間餐廳的，但剛好經過看見擺在外面的餐牌，發现下午茶有很多選擇，然後順著感覺就走進去了。一看餐牌，選擇除了有西餐，還有中餐小吃等等。價錢方面，說實在的，是便宜的。再加上舒適的西式裝潢，坐在餐廳里倍感舒適。讓我驚喜的是，他們 serve 的 warm water 竟然有淡淡的檸檬味，讓我每喝一口都感覺愉快。我和夥伴點了兩個下午茶套餐，包括一個西西里豬扒焗飯、一個雜菇番茄扁意粉湯和兩杯咖啡。另外我們還點了三元的蒜蓉包和八元的雞翼，埋單才七十二元。香港的確是美食天堂，所以我也不知不覺變胖了。

香港特色 - 茶餐廳 - 新式茶記- 提供多款西多士(eg.抺茶),、炒粉面、焗飯 / 意粉、凍0T、奶茶、仲有多款特飲... 口水已流 (愛)- 走到世界盡頭, 只有茶餐廳才會找到家的感覺 是日點餐: 火腿雜菌長通粉- 好creamy, 好heavy....- 份量足夠的- 味道正常, 不太淡不太咸熱0勿- 味道ok, 檸檬有3片- 酸酸甜甜其他下午茶之選循環再用, 又環保, 又慳 $$ (腦細果然識成本控制)番食指數: ✽✽

同個friend 行開深水埗， 佢話有間餐廳上次食個覺得唔錯想再去食 。 無所謂， 我不嬲都係順得人 。 兩個人點左3 個餐， 食物既賣相及味道就一般般， 我主要點左個黑松露菌皇意大利飯。 黑松露味唔算太重， 但係都香口既。 雖則話食物味道一般般， 但係睇返個價錢。 兩個人夾埋都唔洗$200 。 價錢認真公度。 值得一提既係店內裝修好好， 好有歐陸風。 個人認為其實呢間餐廳嘅食物定價可以稍為提高下呢間餐廳既menu 相當豐富， 下次可以試吓其他嘢食

第一次食完個下午茶有沙律，肚痛喎，所以一段好長時間無再幫襯。今天係同事話要黎，咁就再比多次機會佢。因為佢嘢食嘅選擇真係幾多，而且唔係lunch set係要加錢壬有嘢飲，但價錢都唔貴。今次食類似茶餐廳嘅茶餐，有雞肉磨菇腸蕃茄濃湯天使麵，加蛋同蒜蓉多士，$46，唔駛$50，尚可，因佢比茶餐係多一份心思嘅。起碼個濃湯係真係有茄味。蒜蓉多士厚厚地，我平時好鍾意食埋條邊，今次驚太飽都食唔晒條包邊嫁。個餐牐一見都覺得多選擇，仲要加$12可配奶凍。不過無啦，飽，有機會再試吧。

位處 長沙灣青山道附近，嚟食過幾次，確實好味又抵食，食物幾有水準，尤其是下午茶，個雞扒包一流，（今日嚟晚飯。。。無得食）難得店舖裝修幾靚，坐得好舒服，附近有街錶位，（其實我好多時泊車在正門口，或轉角橫街，唔阻人位置）蛋黃卡邦尼煙肉長通粉 正在做特價，好抵又好味，禁不住又叫，咖喱牛坑腩，不算辣都非常不錯，（我就比較喜歡馬來咖喱，椰汁重些）牛坑腩份量都算多，配飯就最一流，但個 酥皮周打魚湯，碗太細，又多料，變得似汁多過似湯。。。平均 $55 個人晚餐，確實無敵

其實間意樂都開左好耐，不過一直都冇意欲入去試，今日心血來潮入去一訐，竟然試出新驚喜!入到去見到間餐廳既格局唔錯，略微昏暗既燈光同埋別樹一幟既裝修擺設令我有種置身於舊北美風格既餐廳，坐位亦非常寛闊，舒服。餐牌既選擇唔算太多，見佢新推薦個黑松露野菌飯就叫黎試下啦。正評!個飯煮得岩岩好，唔似一般risotto咁將飯煮得偏硬，再用醬汁整淋佢，黑松露味亦恰到好處，唔會太濃烈又能夠挑起食欲，overall approved!個野飲利賓納啫喱冰就冇乜特別，fair la

極差！！！極差！！！！！！一向感覺呢間公司的出品幾好，豈料這次經歷，卻令我失望、害怕。服務：①要牛奶抹茶紅豆冰，就比牛奶紅豆冰我，要求換一杯，就落一堆抹茶粉落去就算，結果飲落全口都係粉。②落錯單，自己就送錯野。短短食飯時間，就已經見到兩次落錯單的情況(係其他客度)。味道：要鰻魚炒飯，就咸到難以入口，只好不斷飲水，離開後，只感覺非常口渴，可想味精分量幾高。其實十分鐘路程有另一間，以後寧願行遠少少，去另一間。