意樂餐廳 (新九龍廣場)

營業中

休息中

幫襯咗咁多年試過食佢個通粉兩次都有曱甴走沙律菜同醬永遠都走唔到嘅手機落單嗰個Apps叫咗佢哋到而家都未改過服務水平低落同其他分店好大分別佢哋應該要改善一下管理人員

意樂 (新九龍廣場) Cafe de Itamomo好有水準下午茶🍽龍蝦湯煙鴨胸溫泉蛋扁意粉真心推介👍這個龍蝦湯煙鴨胸溫泉蛋扁意粉巳吃多次。佢的龍蝦湯味道配得好味， 煙燻鴨胸肉三片左右，再加過温泉蛋十分合配，而佢的扁意粉，剛剛好夾口和煙韌度剛剛好，而這種扁意粉好少配湯，所以真係推介配蒜香牛油多士厚多士，香蒜局牛油，又香脆👍紅石榴檸檬茉莉茶這個特飲紅石榴汁比較出🍹甜味比較重，茉莉茶味比較少手機落單，上菜也快整體有這樣嘅配搭而收45蚊真係覺得好抵食好優惠👍📍Shop 031-033, G/F, 新九龍廣場38 Tai Kok Tsui Rd, Tai Kok Tsui

已經唔知幾多次係order個陣加左餐具，最後返到公司打開先發覺原來無比餐具好心啲職員睇清楚外賣袋先打結啦，朝早7點半仲要唔係忙，咁小既事都做唔好，你話繁忙時間多外賣執漏一兩次就話姐重點係無匙羹食通粉係幾咁麻煩，就係因為職員疏忽而將個麻煩轉駕俾我，仲要個1蚊照袋，餐具又無，你話嬲唔嬲？

今日行完奧海城過來幫襯下, 叫左一個蒜香大蝦🦐扁意粉, 一個蛋🥚蓋雞扒🐔飯, 前者包一個湯同熱飲, 後者可揀熱飲或湯, 用QR code落單, 等左一陣二個湯先到, 酸酸地幾好味, 不過熱d會更好飲, 之後先來蒜香🧄大蝦🦐扁意粉🍝, 賣相唔錯👍不過份量似乎少左d😜如果男士一定唔夠, 之後再來蛋🥚蓋雞🐔扒飯, 賣相亦好靚, 顏色配搭好鮮艷😍, 先和家人share扁意粉, 上面鋪左d炸蒜, 撈埋吃好食亦好香🤩好好味, d蝦好爽彈👍, 亦唔油, 推介試下👍👍 之後再食蛋🥚蓋雞🐔扒飯, 揀左西西里茄🍅汁, 依個份量反而好多, 味道唔錯, 蛋亦唔會煮得好老🤭, 另外亦加左個雞🐔肉芝士🧀丸, 咬入去原來入面包左芝士🧀, 熱辣辣味道不差, 不過share較好, 因為入面充滿芝士🧀食落比較膩😅, 最後要左餐飲熱🍋茶, 少少酸酸地唔錯, 依度環境闊落, 食飯都幾靜幾舒服👍不過如果d野熱d就真係味道更好了😂

今日天氣凍想食d熱野, 叫左過龍蝦汁海鮮意大利飯, 另外想食d沙律菜, 所以加配15元, 等左一陣沙律菜先來, 份量一般, 沙律菜也新鮮, 係我個人本身唔太喜歡生洋蔥😅, 之後個意大利飯到左, 賣相同實際模樣好大出入🤣, 食一口, 可能凍左d所以唔係好熱🤔, 味道其實ok, 蜆有一只沒有打開, 海鮮數量唔係好豐富, 整體感覺會令你唔想再叫來食😅😅

好耐無幫襯意樂, 今日突然想食下, 有d選擇困難🤣, 最後揀左西西里鮮茄烤豬扒焗珍珠飯, 加$要左凍央走甜, 真係好耐無去過, 已經轉左QR code点餐👍, 等左一陣送上凍央走甜少冰, 早排唔舒服已經好似好耐無飲凍野, 先飲一口, 奶茶味唔係好出, 不過咖啡味又唔係完全蓋過奶茶味, 調得啱啱好😋, 初初以為焗飯會勁耐, 又唔係喎, 焗飯送到, 雖然唔係完全蛋充滿個炒飯, 可能落蛋少, 但食落又幾好食💓, 再加上有酸酸甜甜的蕃茄醬, 食落好好味, 好開胃🥰, 有部份位置會食到拉絲芝士😍, 食落更加香, 再食豬扒, 雖然唔係好食得出係一舊豬扒, 肉味唔係太濃😅但都切得好厚, 都醃得幾好食🥰整體份量也足夠, 都可以再來食🍴

今天下午 ，沿著大角咀道 ，走到去新九龍廣場 ，門口有一個招牌， 宣傳黑椒汁鮮大蝦扁意粉 69元 。我便入去叫了一客，試一試，而且還送 一杯紅豆冰 。這碟意粉味道不錯， 有很多隻蝦， 黑椒汁不會太辣 。有興趣可以試下。

今早決定入去試吓食早餐！野菌炒蛋、火腿濃湯通粉配牛角酥：牛角酥出奇香脆、蛋有蛋味😁！咸牛肉炒蛋治（烘底）：驚喜係～多士唔係薄薄一片、咸牛肉份量剛剛好（唔會太少），個人覺得好食！熱奶茶：一般般、有茶味😅

已經忘了是第幾次來這裡吃飯囉🤔🤔🤔突然之間想為他們抱打不平一下😂😂😂味道方面：我個人很對胃口無可挑剔👍👍👍價錢方面：就更算性價比高的餐廳了👍👍👍服務方面：可能少了一點笑容但效率超好的👍👍👌所以只要不要以三星的價錢對服務有5星的過分期待，就萬事大吉的啦👍👍👍👌👌👌如果對服務有更高的要求和期待，過馬路去對面博文街一帶，有好幾家$400+的西餐廳可以選，幹嘛要來意樂？

係大角咀返工，日日食商場餐廳都好貴，又食到厭，今日同同事一齊去試下呢間意樂，一食有驚喜☺️睇價錢$74仲有熱飲同餐湯，本來都覺得普通茶餐廳扒，估唔到竟然好好味，有牛油香仲煎到個邊好香脆但一啲都唔會韌，切開仲有汁，瞬間加分！個飯雖然睇落唔吸引，但都出乎意料用珍珠米，而且好多飯，男仔食都唔怕餓親🤣配菜雖然個樣都唔好睇，但都係新鮮蔬菜，無菜青味，如果覺得唔夠味，配埋黑椒汁啱啱好，又解油膩👍🏼另外仲有小食可以加，$20加佐3隻柚子醬雞翼，酸酸甜甜好開胃又清新埋單無加一最抵讚，$100唔洗食到好飽，而且仲有好多選擇，可以慢慢試，又多個lunch好飯堂

意樂餐廳 早幾日同隊友加教練一齊食開年飯，佢哋揀咗附近嘅意樂餐廳，間餐廳走平民路線，我第一次食覺得好食過X利亞餐廳，無論扒、飯、麵、小食同特飲都好好食，價錢親民，份量算多，性價比過高！👍👍👍1.鐵板芝士牛扒餐 蒲燒汁炒珍珠飯 配是日餐沙$98+$6滋味芒果啫喱冰冰（8/10）呢個鐵板芝士餐個牛扒我叫咗五成熟，下次叫鐵板牛扒我會識叫四成熟，因為今次熟咗少少，不過都好食，唔會韌又唔會鞋！是日餐湯係磨菇忌廉湯！最抵飲係滋味芒果啫喱冰冰，跟套餐只係加$6，原價$22，成杯芒果味好濃，配埋啫喱好掂，好好飲！😍😍😍2.烤牛肉Pizza$63（8/10）成個Pizza有9吋，呢個價錢嚟講好平！3.MOMO Pizza$63（8/10）成個Pizza有9吋，呢個價錢嚟講好平！4.慢煮秘製咖哩焗牛腩飯$62（9/10）呢個焗咖哩牛腩飯個牛腩勝在夠淋，咖哩汁夠辣，好好味！我哋叫咗兩兜！😋😋😋5.水牛城辣汁雞翼3隻$12（9/10）好夠辣，肉質嫩滑，我哋叫咗兩碟！6.柚子芝麻蜜糖雞翼3隻$12（9/10）啖啖柚子味，再配上蜜糖加埋小小芝麻香，好好味！我哋都係叫咗兩碟！7. 胡椒醬沙律$12（6/10）正正常

之前新年見無乜邊度開，就去新九龍意樂食個中午飯，揀左個牛油果烤雞意大利飯，換下口味食下健康野。首先，雞肉煎得酥脆，份量都夠。牛油果個汁感覺係同忌廉一齊打出嚟，最緊要無牛油果個草腥味先，牛油果嗰浸奶油香草味同雞肉好搭。意大利飯都大份，唯獨入面除左雞肉、野菌，可以多樣配料就更好。

地方闊落坐得很舒服，食物價錢合理唔貴很親民。羅宋湯很足料酸酸辣辣很好味咖哩牛腩少少辣，牛腩肉質軟淋送飯好開胃燒豬仔骨比想像中好食，燒得肉唔乾多汁炸雞再配濃厚芝士醬，十分之好味，配啤酒一流。

又係一個人食午餐既時間，意樂都唔係第一次食，見好耐冇食就今次揀左佢。松露野菌汁焗雞扒飯 $58一上菜就好香，松露香味好突出，上面放有啲節瓜粒做點綴，不過我覺得其實可以唔要。整體嚟講食物唔錯，個焗飯有炒底，飯粒粒分明，味道整體嚟講就係野菌汁，少少菇類嘅味道，帶有鹹味。雞扒都算大塊，厚度正常，唔係薄切型雞扒。 另外天時熱叫咗杯特飲，滋味芒果啫喱冰冰。雖然或多或少都有增味劑或者糖漿，但係呢杯嘢都幾好飲，最緊要係佢夠凍，好適合天氣熱嘅時候飲。

本人致函是有關大角咀新九龍中心意樂廚房炒粉麵飯人手不足問題.我是常客, 基本上一至五每天中午下午時段都會到此買外賣.最近一個月中午12:30-2pm, 等外賣特別是炒粉麵飯平均要30mins.下午 2:30-5pm 連炒粉麵飯都不能提供, 因此師傅要食飯.如此, 倒不如直接將所有炒粉麵飯從餐牌上取消, 我每次點餐都話沒有, 要迫我點焗飯湯公仔麵我實在受不了.連貴司招牌”意式米蘭肉醬扁意粉”都沒因為要炒沒師傅炒, 我想笑都笑不出.