意房菜

營業中

休息中

男朋友話想食西式野 我就諗起意房菜 我地去到就嗌左佢個招牌千層麵 d芝士肉醬真係多到瀉哂出黎 一食入口啖啖都係芝士既香味 另外仲啦左個雜扒餐 份量真係十分之多 我地兩個人都食唔哂 又平又好味

呢間西餐廳已經食過好多次，中午嘅時候想食西餐一定去呢間，又平又抵食，三四十蚊餐，有餐湯，飯同杯野飲，唔係淨係一般奶茶咖啡，係有珍珠系列又有綠茶，真的抵到爛，味道係ok，計埋個價錢真係冇得輸啊。中午就免加一，學生或1點前離座仲減5蚊，老闆良心到懷疑有冇賺到錢🤭？🍴 酥皮鵝肝牛柳配薯菜走薯 $99 (包湯，蒜蓉包，嘢飲同甜品)扒餐係可以跟飯，意粉(茄汁味)同炸薯條，但太飽食唔到咁多，就同店員薯菜走薯啊，佢話係咪淨係要菜啊，係啊醒目！我叫過配意粉，份量都好多，味道係一般茶記意粉，但唔會好淋，都濃茄汁味嘅。湯就建議叫紅湯，足料啲，好多蔬菜，濃茄味，普通港式扒房嘅味道。蒜蓉包就好硬好乾，唔好食。主菜酥皮鵝肝牛柳，三樣嘢係分開嘅，係啊唔好驚訝，99蚊食到曬，但要自己夾三樣嘢嚟食。份量都好多，牛柳好厚好大塊，肉質5成熟，好淋好好食，但冇乜牛味，鵝肝個味好濃，煎到金黃，同出面西餐食到嘅一樣味。酥皮係脆嘅，一般pie&tart酥皮咁啦。甜品係朱古力奶凍🍫 好濃朱古力味，唔會好甜，真係有咁上下質素。蘋果綠茶🧃一般道地蘋果綠茶味，偏甜。推薦指數: 8/10$99加一，有湯，包，主菜，甜品同飲品真係超級抵食，

衛生情況超級無敵差，服務態度好都救唔到，真係好得人驚。真係又暗又烏糟，呢篇係警世食評！啲食物難食坐得唔舒服就算平都唔會再去真係唔好試呀呀呀呀呀我叫左牛扒同薯條伴碟沙律菜幾唔店講完！

係app入面外賣自取找到呢間食店,特價肉醬意粉$28包熱飲,加$3轉凍檸茶用埋優惠碼減$10,實付$21好抵食肉粉有焗過,上面嘅芝士溶完又硬返一大塊咁,意粉有咬口,肉醬幾好味唔會太重味幾有茄味

係open rice app. 找到呢間嘅外賣自取有特價$28肉醬意粉連熱飲,加咗$3要凍檸茶今次用app內嘅優惠碼有得減$10$21好抵食肉醬意粉有焗過,但芝士焗完一塊野硬硬地意粉有咬口肉醬幾香有茄味

呢間不得了。。。已經食咗5..6次??? 定7..8次???多到唔記得啦😂😂😂開頭同男朋友入去食...見到出邊個餐牌又幾吸引喎😌😌好多都岩食...果日食個西冷同肉眼...一見到...真心大過我隻手但只買幾十蚊一個餐...仲有意粉食...意粉食蕃茄意粉,真係細細個既味道好懷念🥰🥰跟著多數嚟旺角都會再考慮呢一間我又介紹過比同事/朋友…佢地未食到一半,第一啖咋...已經話下次再嚟仲誇張過我😂😂😂呢排仲有小食加...必食鵝干多士整到多士勁脆真心得!平時食自助餐都唔會咁脆多士唔脆又影響埋舊鵝干舊鵝干😍正,即整...熱辣辣~香噴噴~仲要$30唔洗有一舊呀...一間平價西餐,質素係高

首先，一入門口個侍應就已經態度差差地，喺收銀（同門口有啲距離嘅）嗌出尼：「探熱啊！一係scan qr code一係寫紙仔」又唔講啲紙仔喺邊，等我周圍望，又唔講填完放邊，寫完又唔講坐邊，佢自己就喺到咬住個包。跟著就是但搵個位坐低，我揀左梳化位坐，一坐落去，哇.....勁黐立立咁，感覺好唔乾淨，即刻調左去坐普通櫈。個餐牌又係黐立立咁，又爛溶溶咁，完全唔想掂多過十秒。咁出街食飯最緊要係食物啦，不意外地係完全唔好食，仲要有啲難食。我嗌左芝士薯蓉肉醬千層麵啦，個薯蓉有陣老麥薯條味，一啲都唔滑仲要乾乾地。到個千層麵，正常係一層麵一層醬加嘛，佢係兩三層麵先有醬，重點係佢話係肉醬，但係我淨係食到茄汁味，又係有啲位勁乾，好難食。佢啲邊邊位仲要焗到燶曬！雖然佢係平，但可唔可以至少啲基本野做返足？啲碗又係爛既！不過有一部分係好食既就係個芝士，拉到絲又好食既。但都唔會令我想再尼，整體由服務到環境到食物到差到傻。

點了一份prime.. 送到滿心期待。可是一打開, 肥膏極多, 好似唔多似係prime! 叫了3 成熟, 切開血都無滴。。。。 失望同難食! 雖然到達時係仲熱, 但係品質甘仲要收$238????? 太過份吧!!

一諗起食西式 佢都會係我腦中閃出 意房菜 放工後 就約左女朋友去食 佢個芝士肉醬千層麵一向都係我的至愛 而女友就嗌左個雜扒 一黎到 果d芝士香味已經撲鼻而黎 濃厚的肉醬掛哂係d千層麵到 真係好好味 而雜扒亦是CP值超高的選擇 真係搵日又要再去食

首先服務欠佳想留餐牌睇下但不停催促想收餐牌叫牛扒但無問要幾成熟反而要我問佢係咪有得簡總之俾人感覺係極不耐煩同阿哥各叫左一個Set dinner以下係上餐先後次序..白湯配蒜蓉多士: 白湯淡，得極少量粟米；蒜蓉多士，脆但凍，蒜蓉味唔夠真係極之失望我阿哥加錢配酥皮湯，評價係唔見左幾蚊珍珠奶茶少甜: 極淡，無乜茶味，珍珠無口感黎到呢刻，我開始驚黎緊既主菜五成熟肉眼扒配薯條: 肉眼扒比我想像中大一倍，可能厚薄唔同，由4成至7成熟不等質量中等但份量搭救；無乜配菜；薯條係真薯仔，但粗幼都比較差得遠朱古力奶凍: 有朱古力味，正常一般湯，飲品都比較垃圾但主菜為整體分數拉高不少

由於本人比較冇記性 為左令自己下次唔會再中伏 所以特別係呢度打一打篇食評當做remind下自己亦希望拯救呢一刻睇緊呢個食評既你（救得一個得一個啦） 唔好中伏呀！話說我係上幾個月疫情冇咁嚴重既時候同朋友去幫襯既 點左屬於主打菜既酥皮法國鵝肝牛柳 仲加＄19轉左大舊鵝肝添食物質素方面 賣相差都算啦（同MENU張相都幾大出入） 舊牛硬到不得之了 上面舊鵝肝整得唔好食 真心覺得個廚係路識煮野食既 完全糟蹋晒D食材 （喂呀！話晒都叫做鵝肝吖）服務方面 我係果度經歷左漫長既等待 餐廳既人手好唔夠 不論廚房同樓面都係 有幸坐係出菜位附近 見證住廚房好耐先出到一碟菜 亦見證住D食物放左係出菜位好耐先有人上菜（樓面都好慘 見佢一個人頂住全個場 佢已經好快手 問題係人手真係好唔夠）另外衛生情況都幾差 有昆蟲 當時都有同店員反映過 佢冷靜地幫我地處理左佢 之後好似冇事發生過咁 令人不禁懷疑呢度係咪成日都有昆蟲出沒嫁......唔知係咪心理作用 成餐飯都硬係形住形住對腳好痕......唯一可以讚既係價錢都算平 個SET連計加一＄150有找 呢個價錢有牛有鵝肝我都知唔可以對佢有咁大期望 但係......喂！大佬

今日行街行到攰一個人又唔知食乜嘢，經過女人街發現好多舖頭都冇咗，特別係中間賣林沈野嘅舖頭都執咗，所以終於可以望到女人街嘅另一邊，亦因為咁我發現到呢一間餐廳。見到佢個牌有一個好得意好似beef wellington嘅菜式，叫做”酥皮法國鵝肝牛柳”，仲要係買$99，所以我就入咗去試吓喇。入到去就有個好好笑容嘅樓面過嚟招呼我，雖然而家大家都需要戴口罩，不過佢嗰隻笑容係對眼度都發到出嚟，感受不錯。打開餐牌發現其實佢有好多唔同嘅嘢食，不過我都係比嗰個$99嘅”酥皮法國鵝肝牛柳”吸引着。呢個牛柳餐有得跟薯菜或者飯意粉，我就揀咗意粉，而鵝肝仲有得加$19加大，咁$19蚊okay la，所以我就加左。除此之外仲發現到佢哋有生蠔。落單時候樓面仲溫馨提示今日生蠔$100蚊5隻，咁我就嗌埋啦。未讚之前彈一彈，因為小弟人有三急就走咗入去廁所，發現個廁所好唔掂。要搞搞喇！去完廁所返嚟，一個白湯同一個蒜蓉包已經放咗喺枱面。蒜蓉包同白湯都係基本野，唔係特別出色亦唔算太差，係個白湯我個人覺得淡咗少許。個湯飲到一半個餐就來啦。上到枱面真心嗰句失望左一下，原因係個出品同張相真係兩樣野黎。不過我都係着重味道嘅，仲要佢呢個價

本身無諗住去呢間食平扒既，因為近排好多地方既食肆都早收，見呢間野平平地又近，門口大大個字寫住唔記得咩「鵝肝、扒既專賣店」就入去試下。一入到去，地下勁滑，唔係濕滑，係好似好多油煙既滑，痴立立咁。然後經過一條好窄好窄既走廊坐左入卡位！之後點左佢地有既酥皮鵝肝牛柳同埋西冷扒+芝士焗龍蝦餐。落完單之後我問侍應d牛扒有無得揀幾成熟？佢先至話 正常7成，或者3成5成，之後我地兩份都揀左5成。又會唔問客人要幾成熟既？我地禁岩就坐左係出菜位出面，整野食既師傅竟然係個窿度遞兩個湯出黎，叫我地自己拎！好！唔緊要！因為都見到門面係得一個侍應，不過當時成間鋪除左我地兩個，只有另外六個人分左2枱坐。我叫左羅宋湯，我男朋友叫左個龍蝦湯。平身我都驚飲辣既羅宋湯既，但呢個簡直係史上飲過最水最稀最無味既羅宋湯。入面既料係幾塊「梅哂既菜」飲左兩啖已經唔想飲。而我男朋友既龍蝦湯，首先係半舊龍蝦肉都無，入面只得一條原條蟹柳，同埋又係稀到好似水咁，皆因佢唔哂野食，所以都飲哂。之後黎左2個蒜蓉包，又係要我地自己拎，上面係搽左極少蒜蓉醬，兩個字講哂，無味！之後上左主菜，當我切開我舊牛柳呢個係9成熟？未食過禁硬既牛柳，當時已經好嬲，

唔洗一百蚊有鵝肝牛扒食？呢間位於通菜街既小店，竟然有驚喜😝酥皮法國鵝肝牛柳 $99//牛柳好鬆軟，5-7成熟左右😋鵝肝亦煎得好香😋反而個酥皮只係圍住塊牛扒好似唔係幾關事😂揀左配意粉，係有茶餐廳味道嘅茄汁意粉🤣$99大大碟都幾抵食👍🏻 美國黑豚扒拼黑松露炒蛋 $98//塊豬扒大到隻碟咁😂煎得香脆，又唔會乾！至於黑松露炒蛋，黑松露味無乜，得鑊氣味🤣以上都係套餐，配餐湯+多士/甜品/飲品！加$8仲可以轉酥皮湯！原來羅宋湯配酥皮係好好味😂甜品都好有誠意，有奶凍同朱古力慕絲，唔會過甜又夠滑👍🏻抵食之選！

今日同我老婆喺度過情人節，出品勁慢，等左一個小時，我叫左西冷同牛柳餐，塊牛扒全熟，睇得出係炸既，全程得個湯飲得下，最後食左一半，甜品都冇食就就左去食旁邊嗰間麻辣湯