悅心鍋

我係團購嘅呢間好唔掂，個羊腩煲等左好耐先有，一問之下原來未溶雪，要蒸，但係出到黎得幾舊！雖然話可以加，但已經好失望！重要冇小食冇甜品淨得個雀巢雪糕，啤酒得兩款，汽水更加冇一款係韓國嘅，一啲都唔符合介紹所講第一次黎嘅羊腩十舊都無，第二次再叫就等九世(開始食第一轉已經order左，去到食哂啲羊再食埋啲火鍋料都未到，最後叫左兩個人先催到），啲水煲到乾塘都冇人加，樓面待應夠膽同我講呢啲係廚房負責（加羊腩）跟住就走左去，我點知你邊個打邊個？重要咁大個場得果幾條友做野，想叫個人都難！姐係我覺得你本身果間做唔到唔緊要，但係當你refer果間係冇辦法做到本身果間嘅服務時，你係咪應該講一聲先呢？要等客人去到先知原來唔係果回事，你唔係倒米係乜？以後唔會再去！…查看更多

第一次食完感覺都唔差 感我地打上去book位佢地話過平日唔洗book位 第二次我地都係平日 感就無打電話上去 佢話轉左地方 唔做放題要我地去佐敦果到食 我已經嬲嬲地感我就打去佐敦問路 第一通電話cut 線第二通果個女人話唔識路 搵左個嬲人聽電話個男人第一句係 係坐的士啦我坐的士洗鬼你教咩 唔洗打上黎啦…查看更多

上星期以購團方式買了兩張任食羊腩煲coupon（晚上九至一時，每位99元再加現場醬料費49元，即每位148），然後立即致電預留了位子。昨晚本來打算高興的跟朋友吃頓羊腩煲，誰知一頓火鍋可以吃得這麼煩心。跟友人九時到餐廳，拿出coupon跟職員説是來吃團購羊腩煲，但職員表現出好像不知情的樣子，邊看coupon邊帶我們到位子。我們坐下後，來了個經理跟我們確認了一下coupon，然後以一種很勉強的語氣吩咐職員:“跟廚房説，煮給他們吧。“，然後完全沒理會我們便走了。之後我們乾等了半個小時，其間職員沒有理會我們，完全零服務，我們忍不住找了一位職員問一下，她先是説羊腩是要時間煮的，然後又改説要找經理問一下。。。一等再等後，久等的羊腩煲終於來了~菜既然來了便高興的吃一頓吧~誰知打開鍋蓋後，我們只看見幾塊寂寞的帶骨羊肉靜靜的漂浮在水樣的湯裡。。。不管了，肚子餓先吃吃看吧~零香氣、味道淡、羊肉硬。。。算了算了，吃火鍋配料吧~任食火鍋配料的選擇不多，每次來的份量也很小，而其中的“是日海鮮“反而有點驚喜，一份是日海鮮有四隻鮮蝦和四隻活蜆。餐廳的環境是不錯的，座位寬敞燈光柔和，但上至經理下至員工的服務態度真的不敢恭維，我只是在網上以團購方式買了coupon來吃個羊腩煲而已，整頓飯我都在想我究竟是做錯了什麼，究竟是我沒錢結賬，還是這家餐廳在施捨飯菜給我。整頓飯，餐廳職員沒跟我說過一句客套説話，嚴格來說是職員沒跟我們談過話，跟我們的互動只有兩次：1）在吃的過程中，一位女部長突然從後用手背拍了我手臂兩下，然後問我會不會再點菜，我回答還不確定，女部長轉身便走了，我在想她是不是很不滿意我的回答。2）在吃的過程中，一位職員突然將賬單放在我面前並要求我先結賬，我在放下錢後，職員轉身便走了，我在想我剛是在付錢還是在是付債。從我們入座直到我們離去，完全零招待零服務也可算是全新體驗，不到兩小時的時間，我們好像是透明似的，對這家餐廳來説我們根本就是一個零，甚至可能是負數。如果你想試試什麼是冷漠冷淡不受尊重，甚至是鄙視，請你以團購方式來這悅心鍋吃頓飯，我可以很負責任的告訴你，你百分之二百會感到悅心而來，煩心而去。…查看更多

朋友好鍾意食海鮮，佢話尖沙咀有間蒸氣鍋特別好食，所以就約埋今晚一齊去食啦。話明特登嚟食海鮮，所以我哋揀咗自選優質海鮮蒸氣鍋，每位$248一次過可以揀六款海鮮， 我哋揀咗鮑魚、貴花蚌 、海中蝦、奄仔蟹、蟶子皇同埋北海道大元貝。當中我最鍾意就係奄仔蟹，就算未蒸， 睇到啲蟹膏都流曬口水！朋友就話鍾意蒸鮑魚冇諗過，唔落汁就咁蒸都咁鮮味， 真係要好新鮮嘅海鮮先做得到。店員嘅服務態度都好好話我哋知每款海鮮蒸嘅時間，仲幫我哋set埋秒錶計時。食曬六款海鮮之後， 下層果煲椰子雞都食得啦！食得出雞肉好新鮮，肉質非常滑溜，而且滲透咗好香的椰子味。 如果未食飽嘅朋友可以追加 食材打邊爐。 即使我哋已經食飽， 都忍唔住飲咗幾碗湯，必食推薦！整體嚟講海鮮非常新鮮， 椰子雞夠曬特別， 你呢個質數二百幾蚊一位好抵食! 我要介紹其他鍾意食海鮮嘅朋友嚟先得!…查看更多

入冬以來，已經食左好多餐火鍋，次次都係最普通果隻打邊爐。今次發現左尖沙咀有一間食蒸汽鍋！未食過，當然要試下啦！平時打邊爐食肥牛，今次就一於食海鮮啦～呢款$248一位，有齊自選優質蒸汽海鮮鍋　加埋　原味椰子鮮雞鍋，蒸完海鮮再打邊爐，一次滿足兩個願望！個煲分左兩層，首先會收到碟雞，擺係下層同個椰子湯一齊煲，到食完上層蒸海鮮之後食就岩岩好～海鮮方面，我地既選擇係：6頭南非大鮑魚扎扎跳海中蝦生猛奄仔蟹爽甜貴妃蚌北海道大元貝蘇格蘭蟶子皇其實蒸氣鍋因為冇左湯底既襯托，更加考驗到食材本身的質素。以上海鮮全部都好鮮甜，尤其是奄仔蟹，唔需要加椒鹽，唔洗落醋，本身味道已經好好，值得一讚！每款海鮮都有註明需要蒸嘅時間，仲有埋計時器俾我地，很貼心。食完海鮮未夠飽，仲有煲靚湯等緊我地!雞肉好新鮮冇雪味，煲出來既湯一定甜啦，加埋椰子的香味，飲到唔停得口，湯渣都食埋吃起來什麼都很新鮮的一餐，想試試蒸氣鍋的朋友不妨考慮!…查看更多

海鮮絕對係人見人愛的美食，而原汁原味去蒸才是王道！位於尖沙咀天文台道的悦心鍋就推出左「海鮮蒸汽鍋餐」，非常吸引，我立刻就約朋友去試😍「海鮮蒸汽鍋」+「原味椰子鮮雞鍋」💰$248/位 (2位起)任選五款海鮮，非常新鮮、重手，絕無欺場！最喜歡此烹調方式能夠保持海產的鮮味，而且餐廳還很貼心提供了計時器，咁就唔怕食物會蒸得太耐太老👍🏿👉🏿6頭南非大鮑魚👉🏿蘇格蘭蟶子皇👉🏿扎扎跳海中蝦👉🏿生猛奄仔蟹👉🏿爽甜貴妃蚌品嚐過美味的海鮮，最底下還有椰子雞湯，盡收海鮮的精華，味道鮮美，我一個人飲左三、四碗，感覺相當滋補😊悅心鍋嘅食物質素唔錯，環境又舒適，一大班朋友黎都坐得落，大家可以試吓！…查看更多

之前屋企人團購買咗12人阿拉斯加皇帝蟹海鮮大餐，之後上嚟睇食評，好多都話服務差，驚驚地似中伏feel。咁懷着戰戰兢兢心情去食啦。但幸運地～啲服務態度確實唔錯喎，啲野食都好味丫。無其他食評講到咁差👍🏻啲員工係忙咗小小啫。見到好多台客都食椰子雞煲邊爐，都好香咁，下次會去試下😋…查看更多

在團購買咗之後以為唔錯 啲相靚到不得了 點知去到悅心窩完全貨不對辦 杯 碟超油污糟 用熱水洗左仲好油仲要用2包紙巾抹后才敢用佢地D碗筷 團購己付錢去到悅心窩又話收唔到錢 由一入去食嘢到走同團購公司搞足兩小時 電話打來打去點都話果張團購紙是唔得 我銭又比左就比D伙計講到好似食霸王餐一様 之後又話有收到錢了 成餐飯D伙計同收銀神經病咁吵到人都發癲左 去悅心窩食飯真是貼錢買難受 又唔好食先慘 炸子雞係涷的 蟹是唔新鮮 片皮鴨用來包住D皮蒸出大牌黐埋一舊舊 ...................太唔滿意了 差差差............…查看更多

近來總是食火鍋，突然今晚好想食特別的火鍋，於是約朋友到尖沙咀－悅心窩食蒸氣火鍋因為與其他食肆不同，一般都係食完蒸氣海鮮之後就食海鮮的精華做粥底，但呢1間可以揀食完海鮮後跟著食椰子雞今次選了蠔、貴花蚌、蟹、聖子、賴尿蝦等等，海鮮好鮮甜特別賴尿蝦大大隻啖啖肉；一邊食一邊跟明天聊天之下好滿意海鮮，不得不提嗰果椰子雞，食得出是新鮮雞而不是冰鮮雞，雞肉好滑漸漸椰子香味，本來已經食得很飽但由於椰子雞湯實在太鮮甜於是飲了兩大碗雞湯之餘還追加烏冬盡情地食！食物重要是食材新鮮之餘，其實服務也是食客所要求，我最印象深刻是經理的服務態度，他的殷勤招待，也是我今次食得滿意原因之一！…查看更多

近來天氣變冷，特別好想食火鍋，所以經朋友介紹後來到尖沙咀－悅心窩食蒸氣火鍋。😋😋😋但這火鍋有些不同，因為一般蒸氣鍋食完之後用海鮮的精華做粥底，但這間可以揀食完海鮮後再食椰子雞；所以今次有蠔、貴花蚌、蟹、聖子、賴尿蝦等等，海鮮好鮮甜尤其是賴尿蝦大大隻啖啖肉，還有椰子雞，雞肉有大大椰子香味，剩是這樣喝都已經十分鮮甜，加面食更加好味！👍🏻👍🏻👍🏻除了食材十分新鮮之餘，店舖的服務也是對食客招呼周到，尤其是經理的服務態度，完全應受到他的殷勤招待。整個晚飯感到很滿意，定會再與親朋好友來到這用餐！👍🏻👍🏻👍🏻…查看更多

之前見hktv mall有團購，咁就買黎一家大細試下啦好似講到好好咁，又多野食咁喎後尾仲見間野連飲茶又有啦，海鮮煲個d又有喎，基本上24小時都開咁咁咁啱見全家都得閒就去食下啦點知去到完全唔得囉，想叫椰子雞煲，點知話要加錢喎，見有小食可以叫黎食，點知又黎得慢又唔夠熱，勁唔好食囉，款式多，但唔係樣樣有喎，食左d小食就打邊爐啦，叫左d肉類同海鮮咁啦打邊爐d野又唔夠新鮮，蝦又細隻，唯一係地方叫大，坐得舒服囉食過1次唔會再去食囉…查看更多

完全被騙！網購上所謂“海鮮火鍋放題”裏面只有“是日海鮮”，問來問去原來只有蝦！  其餘一律要收費！可參閲點餐紙上都是很一般和稱不上海鮮的食物。食品質素很一般。職員態度超劣。可以upgrade  套餐要多加舊幾水！請大家不要上當！…查看更多

職員講到好似團購客就是低等的一群，交完紙黎一半食物已經好好，食物不新鮮，叫服務員check食物又黑洞，收銀員態度差到盡頭，口裡嚴三嚴四又寸，為左免費泊車同客嘈。咁唔想接團購客就不應做團購吸客。…查看更多

本人都很喜歡吃蒸氣煱，見團購有開咪買黎試試，誰知十分搵笨，我都吾知我黑仔定點，一去到門口見到佢即時入場個價錢仲平過我團購果個價，都算，book左5點，同時都有另2台客一樣5時準時席，等到6點先有人上菜，仲要冷氣勁大風叫左熄細都吾熄細，真係好差勁呀之後，一開始就上6樣2人分的自選seafood，d蟹死都算，仲要蟹鉗夾都吾夾裂一下，吾通要用牙咬？問左侍應要把剪蟹既工具，等到我都差不多走先出現，好野！之後果d所謂既粥底火鍋，嘩.....簡直嚇死人！好彩我有影底，火鍋就火鍋，清清楚楚揀一樣湯底，絆個粥倒d清湯再放d肥牛呀雞呀同響鈴去綠黎吃，老實說，如果無d鼓油點下我差d以為自己食緊糞便.....呢間一定吾會有下次，你係得到我地500蚊，但你地失去粥信譽了，拜拜了黑心鍋…查看更多

真係好抵食⋯服務好好⋯可能我本身都好客氣有禮貌⋯兩個人食左好多野⋯抵食⋯環境幾好⋯食物質素好好⋯冇漏單任食黎講算唔錯！菜苗餃有蝦既好似蝦餃咁⋯個叉燒飯幾好味⋯真心唔錯⋯抵食⋯…查看更多