恒樂海鮮菜館

營業中

休息中

之前都食開 覺得間野性價比算唔錯啲野食質素都唔差今日算係特登入黎長洲幫襯佢好可惜 好似標題所講 滿心歡喜而來 失望敗興而歸好似平時咁叫左3個海鮮餸首先例湯要自己開口叫先有 都唔緊要啦 當今日係紅日 多客比較忙頭2個餸都快手出現點知最後個蒸頭腩等左20分鐘都冇咁巡例追問下啦 2個夥計理都無理 純hea答話蒸頭腩要耐啲望住格離枱 遲叫 但係條魚都送埋上枱再望 格離枱張單明明得5個餸 結果出現6個餸原來係我地果份送錯格離枱要我地捉住個夥記 追問先肯認錯 要再落單好啦 等啦 結果又等左半個鐘 都仲係無！失望 失望 好失望！

**恒樂海鮮菜館 - 極差用餐體驗，服務態度惡劣，毫無悔意！** 今日同朋友滿心期待去咗「恒樂海鮮菜館」食飯，點知換嚟嘅係一肚火！ 首先，**服務態度極差**。一入到去，店員黑口黑面，好似我哋欠佢錢咁。叫極都冇人理，舉手示意點菜，等足十幾分鐘先有人慢吞吞行過嚟，仲要一臉不耐煩。 最離譜係，**上錯菜**！我哋明明叫咗蒸魚同炒蟹，結果店員竟然將我哋嘅菜送到隔籬枱。隔籬枱都發現唔係佢哋點嘅，但店員竟然唔理，由得人哋照食。我哋追問時，對方仲要懶淡定咁話：「等吓啦，整緊。」結果**等足一個鐘**，先發現原來漏咗單！期間完全冇人主動跟進，連句道歉都冇，仲要嫌我哋催得太緊。 食物質素普通，但咁嘅服務態度，就算好食都冇用。**完全冇悔意**，經理仲要話「忙起上嚟係咁㗎啦」，毫無責任感。 總之，**永不幫襯**！如果想受氣兼餓肚，呢間絕對係你嘅首選。

叫咗白灼蝦同埋 蒜蓉粉絲蒸扇貝，仲有一支藍妹。.白灼蝦..基本上係唔會出錯嘅嘢..除咗頭兩隻有啲霉之外..其他都算新鮮嘅.有dd彈牙la….蒜蓉粉絲蒸扇貝..扇貝唔算太大，或者太細粒肉大概五毫子size..食落去唔會好韌.. 可惜本身嘅調味唔係好夠。要加埋點蝦嘅辣椒豉油落去。..$188兩餸$278 三餸平時食開都會有菜同湯送～.點知今次佢話.. 今日冇菜送！當然連湯都冇啦.唔知點解佢平時有做。隔籬舖亦都有做。偏偏我今次去.. 佢就話冇！係睇人嘅？？定睇心情？

玩到饭点，查了查就来吃海鲜了，第一家首选去了旁边的兴乐，不过兴乐没有位置了，就选了旁边的恒乐（也是最后一桌）。整体看菜品还是蛮便宜的，平过港岛毋庸置疑，也平过长洲，四大四小选了七个菜，四碗饭，合计678港币。店家送了一个菜心（菜心很不错）。濑尿虾略微有点重口，大小不一，不过味道是ok的可以选。避风塘螃蟹都挺大个的，不过螃蟹肚子是空的，味道不错，三月份的🦀不肥是可以理解的。石斑鱼特别新鲜，非常推荐，还很下饭。蒜蓉粉丝蒸虾很不错，转头的功夫就给孩子消灭完了。椒盐排骨不错，不推荐，没啥特点，点着也不后悔。白灼海螺看着一般，蘸料是预制酱料 倒是很新鲜。麻婆豆腐下饭，但味道很一般。送的例汤是科技与狠活，不过玩过水喝点热的很舒服。性价比极高，还会再来。

第一次入長洲食海鮮，這裏成條街都有不同嘅海鮮小館，揀咗呢一間紅色格仔枱布，橙色膠椅嘅菜館，感覺和夕陽特別相襯。呢度嘅海鮮套餐最平$188可選擇兩款海鮮小菜。每枱仲會贈送小菜同例湯，小編揀咗三款海鮮，只須$278，好抵食。椒鹽蝦 蝦肉新鮮彈牙，椒鹽惹味又夠晒鑊氣。薑蔥蟹 用薑蔥炒係小編最愛嘅食法，呢個價錢當然你唔會期望好大隻蟹，但係蟹肉都係鮮甜，配薑蔥好吃。蒜蓉粉絲蒸扇貝沒有華麗嘅擺盤，但帶子夠新鮮，簡簡單單用蒜蓉蒸，配上粉絲已經好唔錯。

到長洲去了恆樂海鮮菜館，見他比較人多所以試吓。環境方面可說是比較企理，可以坐室內冷氣地方亦可以在在簷篷內或海旁的座位上，選擇較多。一個人選了他們的$188兩個海鮮小菜嘅套餐，先送一個西洋菜老火湯非常入味好正！叫了豉椒炒蟶子這個就不成了，每一啖都是沙，而且聖子亦都沒有鮮味。另外選了一個蒸頭腩，這個菜非常美味，份量不少，吃了這個都飽了，而且很有鮮味。他們加送一個炒菜就選了蒜蓉白菜，好有鑊氣味道OK。整體來說這個價錢已經非常不錯了，可以一試。

兩個人叫了三個餸，包括炆班頭腩、蒜蓉蒸蟶子和花雕蒸蟹蛋白，總共只花了三百多。這些菜餚都非常新鮮，沒有冰鮮味，味道鮮美，超級抵食！每道菜都充滿了濃郁的風味，特別是花雕蒸蟹蛋白，香氣撲鼻，讓人食指大動。炆班頭腩的魚肉嫩滑，入口即化，配上濃郁的醬汁，令人回味無窮。蒜蓉蒸蟶子則保留了蟶子的鮮甜，蒜蓉的香氣更是提升了整道菜的層次。這樣的價錢能吃到這麼高質素的海鮮，真是物超所值，值得推薦給朋友們一起來品嚐。這家餐廳的服務也非常周到，環境舒適，讓人感到賓至如歸。總的來說，這次用餐經驗非常滿意，不僅食物美味，價格合理，還有愉快的用餐氛圍，絕對會再來光顧。

今天放假瞓到自然醒，與媽媽到長洲閒逛，同時品嘗這裏出名的海鮮。其中一間店員站熱情招待，眼見店內也有不少食客，便同媽媽入內吃個 late lunch。1) 吉烈炸蠔，外層炸得金黃香脆，內層蠔肉粒粒肥美飽滿，每咬一口，鮮甜蠔汁溢出，鮮味盡出，再蘸上沙津醬，完美配搭！2)  蒜蓉蒸開邊蝦，用料新鮮，蝦身大隻，虎蝦尺寸，厚肉彈牙，充滿鮮蝦及蒜蓉香味，底層粉絲盡收濃厚的醬汁及蒜蓉香味，令人回味～3)  西洋菜湯 / 菜心 /白飯，免費贈送，份量不少，更添飽足。其中最欣賞是菜心色澤翠綠，莖部肥厚脆嫩，健康味美～ 而西洋菜湯清燥潤肺，一消吃炸物的油膩感！總結： 全餐兩自選海鮮一菜一飯一湯只需$188，免收茶芥，人均$100有找，滋味飽足，超值！

這個週未到長洲一遊，成條街都是食海鮮，似乎間間的價錢差不多，選了恆樂海鮮菜館試一試。時間是下午2點幾，過了午飯時間所以不算太多人，但也有些遊客在食，應該不錯。由於今天都算熱，就沒有坐近海邊的枱，都是坐店內比較好。超值自選海鮮小菜套餐，送例湯及油菜，也免加一及茶芥。本來2個小菜的已經夠，但太多野想食，大部分海鮮都有，最後要了3小菜套餐 $278。避風塘炒蟹  - 十分香口，炒得有鑊氣和入味，份量十足，應該有3,4隻蟹的份量。蒸頭腩 - 肉質彈牙，十分新鮮蒜蒸蝦 - 蒜蓉十分惹味，蝦也很大隻例湯及油菜只是一般，好彩汽水夠凍。整體十分抵食，服務態度好，之後可以再食。

入左來咁多次長洲，第一次試海邊的海鮮餐廳。以前怕中伏，但今次見唔多人，而且價錢合理，所以當試下伏。有個小插曲，原本係入左旁邊另一間海鮮餐廳。門口個人就話有冷氣位，點知走左入去個個就話無冷氣位，因為帶住小朋友，所以就走返出來。門口個牌寫明唔同數量的餸要幾多錢，間間都差唔多。一坐底未叫野食已經奉上倒湯，服務員姨姨見到我2個小朋友鍾意食紅蘿蔔，都主動裝多左一碗紅蘿蔔出來俾我地，十分貼心。倒湯清清地幾好，飲完全晚都無口乾口渴。今次叫左 四款餸: 栗米魚柳、海鮮豆腐煲、生炒骨、尿蝦︴、炒菜(送)每份都唔少，以價錢來講，算中規中矩。 栗米魚的魚炸粉有DD 厚; 生炒骨肉唔算多，但菠蘿就俾到好多; 豆腐煲都有好多，而且豆腐都滑，唔會太乾身。總體來講 收貨，作為行完一日長洲的結尾，是不錯的選擇。

呢間恆樂海鮮菜館喺長洲碼頭左手邊一路直行行到尾就會見到，總之見到有啲好熱情嘅嬸嬸招手叫你埋去食嘢嗰度就會見到呢一間格仔紅色嘅店舖，呢間店舖我已經幫襯咗好多年，我生日都去食過兩次，仲成班friend 10幾人一齊去食，今次長洲之旅又再去食，其實幾乎每一次去長洲，挭有一餐喺呢度食，因為呢度價錢公道，唔會呃人，來料加工都係每款$80起，仲有呢度無論你叫邊個set都有菜同埋湯送的，總之全長洲我覺得呢度係抵嘅！真係我由細個食到大！啲嘢食仲好大碟！超抵必食之選！

每次去長洲除咗掃街，諗唔到食咩都會揀呢間紅色格仔枱布嘅海鮮餐廳嚟食飯，今次揀咗食海鮮大餐🤓❣️三款自選小菜 $278📍豉椒炒蜆味道有啲鹹，份量算多，但唔可以話好新鮮🤣🤣，但食得過囉🤪📍蒜蓉粉絲蒸蟶子蟶子有沙，味道都係有啲偏鹹，呢個唔推介🥸📍蒜蒸蝦蝦肉新鮮，尚算彈牙，調味還好，算係今餐最好嘅一道海鮮😛📍椒絲腐乳炒通菜腐乳落得太多，所以食落口好鹹🥸🏦是次消費總額 $278（人均消費 $139）👅好味度：7（10分滿分）海鮮嘅調味有啲過鹹，雖然價錢平，但下次都係食返椒鹽鮮魷同其他小菜🤣

豉椒炒蟶子炒得惹味～但可惜蟶子唔新鮮🫠亦好多沙🥲食左好幾舊決定放棄無諗過店員話叫小編揀過碟唔收錢😨係度再多謝一聲先🙏椒鹽鮮魷炸得好鬆脆～炸醬亦好好味～係魷魚差一點新鮮😂生炒骨酸汁開胃到不得了👍啖啖肉可惜有骨😂😂蒜蓉炒白菜仔炒菜一碟～咁菜係要食既🤓蒜蓉蒸開邊蝦蒜蓉搭蝦好似必夾組合😂蝦肉肉質彈牙～仲幾厚肉多謝換黎一碟好好味既蒸蝦😋盛惠$2xx💰💰💰💰💰好味指數🫵 5️⃣最佳🍻🍻🍻🍻☻非專業食評·純個人口味☻🗣️仲有咩想講價錢上非常抵食～食材略為無咁新鮮有點失望🫣不過又咁講～咁既價錢無投訴🤡試過可以了

$198任選兩個小炒我就叫左椒鹽鮮魷🦑仲有蒜蓉粉絲蒸扇貝🦪送椒絲腐乳通菜🥬好好食！平民指數：🌟🌟🌟好食指數：🌟🌟🌟🌟———————————————————-恒樂海鮮菜館地址：長洲北社海傍路138號地舖#香港美食 #長洲美食 #長洲町 #長洲一日遊 #長洲好去處 #cheungchau #cheungchauisland #hkig #hkfood #hkfoodie #hongkong #hkfoodblogger #hkfoodlover

冇辦法，今次要寫下劣評😖男朋友原先諗住住柏麗灣行下，點知唔太趕到班船。做人要flexible, 見長洲果個時間開高速船，於是就入長洲行下，輕鬆下，更何況好耐都冇去啦😅入到長洲，諗住行去北眺亭睇下風景，沿路都有好多海鮮食肆，都係平價海鮮餐，打算行完之後過來食。我地揀左恆樂，試下平價海鮮餐。店員講，無論叫幾多餸都好，跟餐都會額外送一碟菜和湯。於是，我地叫了4個海鮮+腐竹通菜+粟米湯，盛惠$368，再加多一支Asahi 啤酒$40，免茶免加一。粟米湯 - 味道偏水，還可以腐乳通菜 - 即叫即炒，新鮮上碟，炒得唔錯，咁多樣餸最好的。避風塘瀨尿蝦 - 比想像份量算多，惹味，還可以。辣酒煮花螺 - 花螺都大隻，但煮到螺肉好老，應該翻煮過好幾次(我諗)，味道上並非想像中既味道😑花雕蛋白蒸蟹 - 蟹細隻，不是好新鮮果啲，蟹蓋都有黑我和男友都唔敢食，只食蟹身和腳。成碟最好食係蒸蛋，有少少花雕味既⋯豉汁蒸鱔 - 唔新鮮，難食到要同店員講。店員話可以換過另一樣餸。之後我地揀沙爹牛肉粉絲煲(忘記影相), 同想像中有好大分別，粉絲煲偏水，似椰汁咖喱多於沙爹，牛肉肉質唔得，應該用左好多鬆肉粉比較好少少係粉絲囉成餐