恆香冰室 (德佑大廈)

營業中

休息中

原來上環這間冰室有自家餅店與獨門金沙炒飯，覺得新鮮想食，於是點了以下菜式。首先是恆香招牌金沙炒飯，大量鹹蛋黃金沙配以臘腸、叉燒及大蝦的鑊氣鹹香炒飯，感覺超惹味。然後是流心西多，外脆內軟又香甜的西多，外面吸滿蛋汁香氣的炸麵包，切開入面是流心奶黃又帶有些微鹹頭黃香氣，表面再灑上糖霜，是一份有實力的美味西多士最後是香濃咖哩牛腩飯，每件都是超級大塊的牛腩顆，咖哩內有不同彩色的彩椒，薯仔，加上帶有港式風味的咖喱辣，感覺營養非常均衡恰到好處。

想食快飯 作為潮人嘅我 點會約人去茶記快餐店識搵一定搵冰室啦 冰室雖然聽落懷舊 但就感覺充滿情懷食物種類一般比較專 出品相信更有保證❣️蔥油雞扒煎蛋飯塊雞扒夠晒睇頭 煎到好靚仔 呈金黃色嘅狀態又巨型又厚切 外皮香脆 肉質嫩滑多汁 而且醃得好夠入味太陽蛋嘅蛋汁配上甜豉油 撈飯冇得輸當然唔可以唔記得個蔥油 夾埋食又係另一番滋味❣️咖喱牛腩飯喱腩飯一向係我至愛 港式咖喱真係冇其他地方取代到坊間好多餐廳都用牛肋條 欣賞呢套堅持用牛腩牛腩炆到好腍 又夠晒入味 同埋薯仔都係精粹所在輕輕炸過嘅薯仔更能吸收咖喱嘅精華唔覺唔覺咁就撈晒成碟飯❣️老婆餅嚟到恆香 幾飽都要留肚食返個老婆餅啦餐廳出邊有餅櫃 老婆餅食落口仲係暖㗎冬瓜餡煙煙韌韌 唔會太甜 外層酥皮好酥脆 真係要就住食 否則食到成檯都係碎😂❣️奶茶紅荳冰嚟到冰室 就算係好放肆 都要飲返杯紅荳冰好驚喜呢度仲有奶茶紅荳冰 奶茶香濃 紅荳棉密 一次滿足晒我兩個願望呀！

夜晚收工去了恆香冰室晚飯，聽講佢地嘅什扒好正，今晚終於有機會一試！到了餐廳剛好有卡位，我和朋友坐低後都點了美式什扒餐配薯菜。首先來的是餐湯羅宋湯，還附上一塊牛油麵包，十分慷慨！然後到主角出場，什扒用鐵板上，材料有牛扒、豬扒、火腿扒、腸仔、蕃茄、西蘭花和炸薯格，非常豐富。這個什扒的份量非常大，適合大食的食肉獸們～十分推薦這個美式什扒餐，足料而且價錢不貴，食完一定會好滿足，不過如要減肥的朋友就不太適合了😁

最近，我知香港老字號的恆香餅家開設了冰室作為喜歡嘗試新事物的我，當然要去試試。恆香餅家在香港有幾間分店，包括石門、佐敦和上環。我選擇離我家最近的上環分店享用午餐。恆香招牌炒飯～這個炒飯只在上環分店提供。炒飯粒粒分明，每一粒飯都被蛋漿包裹，搭配彈牙的蝦仁和鹹香的臘腸，又不會太油膩。接招牌濃湯沙嗲牛肉公仔麵配菠蘿油～這碗麵的沙嗲醬非常濃郁，牛肉軟熟，菠蘿油的外脆內軟雪花奶黃流心西多士～這款西多士外層灑滿了糖霜，當我切開西多士，奶黃流心慢慢流出⋯雪山阿華田～這飲品也帶著冬天感覺3.6牛乳紅豆冰～紅豆軟熟卻不過甜，恰到好處。午餐時間的餐廳總是人頭湧湧，如果沒時間坐下享用，這裡還有麵包舖，也可以快速帶走美味的麵包回家。

平時假日會幫襯，因為，順路返工，我通常會叫常餐，蕃茄牛肉通粉，火腿，或煎雙蛋，多士！凍飲加$3 !價錢 ： $58 (不算平）多士 ： 不是即做，冷及硬，有時燒焦鷄旦 ： 一早做好，不熱凍啡 ： 啡還啡，水還水，冰還冰，沒有什麼味道蕃茄湯 ： 惟一尚算可取今日，可氣是，送上來的多士，如常般冷及硬不在話下，前面有牛油，後面是沙津醬，攪咩呀！解釋係擺左落外賣內，原來放錯，所以，馬上拎番出嚟俾我食！😱😱😱完全吾覺得需要更換另一片差到一個點

諗住快脆食完個lunch,求其搵左呢間係附近嘅茶記，叫個常餐，嚟到個炒蛋凍既，沙爹牛麵個麵餅都未煮開，仲見到少少麵餅型，味又唔係特別好仲叫招牌濃湯沙爹牛，以後都唔會再嚟

第一次係呢間餐廳買飯食，其實呢個地段呢個價錢，午餐有焗飯、包餐湯同熱飲真係唔貴，賣相同食物質數都唔差嘅 (除咗薯仔唔算太”林”之外)好彩由右邊食起，食咗約3分1，發現左邊有啲不明物體嘅嘢係堆雞件度，扯出嚟後原來係一個透明大膠袋 🤢 無心情食lu，都唔會再有下一次

我以為自己食緊鹽，完全咸到成盒掉左根本就系放吾到落口.仲要完全不負責任話口味吾同. 我嗌外賣，全家人都試左1啖個個都話咸到食吾到.真系垃圾餐廳黎，差到不得了，絕無下次！

上環恆香冰室恆香老婆餅好出名 以前一直以為得餅類take away🥡第一次發現有堂食嘅冰室📍位置好方便 就係上環站exit b向左行小小鋪頭空間都算大 weekend下午茶時段去唔洗等位👏🏽聽人介紹呢度菠蘿包好好食🥰但今次太肚餓就叫咗常餐😛😛餐牌食物算多種類🤔下午茶餐幾抵食常餐c: 叉燒湯通 配火腿炒蛋多士 熱奶茶 ($53)上餐速度幾快熱奶茶同通粉都不過不失啦 不過粉嘅份量好似僱小🫢個炒蛋一開頭睇落驚太油太咸不過食落都幾好 保留到蛋嘅原味塊多士有啲太多牛油🥵不過質地係好食的雖然上餐快 但都食得出唔係早整定蛋係熱 多士仲係脆 如果少油就perfect啦😛😛講下服務🫡真係聞名不如見面 睇comments話佢服務差即管去試吓 結果都真係唔firm佢係帶位制定咩 所以一入去就同個迎面嘅員工講幾位🙂結果佢係一啲反應都冇 行走咗🫡好尷尬嘅情況下我就自己揾位坐 然後第個staff就比杯水我🥹第二個尷尬位又嚟😉就係舉極手都冇人嚟同我落單 我有幾秒仲懷疑係咪qr code落單如果係full house好忙我可以理解🫡但其實員工好幾個 全部堆晒係一個位 一啲掛住同熟客傾計都唔寫野 一啲行嚟行去都”見唔到

過曬食晏時間本來諗住食tea算數，經過呢間餐廳見佢多卡位好似幾好坐咁就入嚟試下，坐低望下餐牌，見到佢有個避風塘椒鹽豬扒爆蛋撈飯，有個招牌標誌喺隔離，就決定試一試佢。上枱賣相ok，豬扒份量算多，而且有兩隻蛋，感覺唔錯，而且有細心剪開一節節，點知食落就大失所望。椒鹽豬扒雖然望落夠火候，但一咬落，嘩…. 咁韌嘅！自問仲算後生，牙力都叫良好，但件豬扒又韌又鞋，好似食緊香口膠咁。我都仲叫做用多啲力就咬到，牙力無咁好嘅我想像唔到。除此之外，豬扒得個咸字，無椒鹽嘅入口味度，食完飲埋杯嘢飲都仲覺得口渴，完全唔掂。本人不嬲盡量食嘢唔嘥嘢，一般嚟講上碟嘅我會連一粒米都唔剩，但呢塊豬扒我盡曬力，真係食唔到落去，剩低嘅有相為證。

入餐廳一坐低 打算叫午餐C 隔咗2分鐘店員走過嚟話午餐C賣晒 之後向店員查詢午餐餐牌仲有乜野 被告知只有午餐B 於是叫午餐B 店員打單後隔1分鐘又走過嚟 告知所有午餐已售罄，叫我轉其他選擇。餐牌乜嘢都冇學咩人開門做生意？其一其二，遲過我叫嘅人都有午餐食，證明餐廳內欠缺溝通，而且嗰幾台客人係經常幫襯，證明只做熟客生意其三，乜嘢都冇得店員竟然認為係老奉，到底搞清楚邊個係顧客未？市道咁差 態度依然惡劣 認為自己高人一等 祝你哋好運

約友人在上環快食午餐，他介紹了這一家中午未到1:00 時，門口已經有10幾人喺度排隊等緊，侍應好友善地比左張紙排隊，隔咗15分鐘左右已經有位佢哋嘅設計幾特別，有好多二人嘅卡位，我哋兩個人啱啱好，唔使同陌生人坐埋一齊見到餐牌覺得佢哋都幾吸引我揀咗個「馬蹄肉餅加蔥油煎蛋」，送到枱面前，賣相好吸引，味道都好好，蔥油好香，煎蛋脆邊，肉餅都好大份朋友點咗「芝士焗魚柳」，就算係焗的午餐，都好快送到上枱，效率好高午餐包一個蘑菇忌廉湯，個湯都正常奶茶咖啡都冇問題值得推介俾大家

以往食過幾次避風塘椒鹽豬扒雙蛋飯，雖然我本人覺得價錢略高，但以往食過幾次都幾回味，所以今日都專登走去食多一次避風塘豬扒煎雙蛋飯，但今日食過之後就唔會再有下次，豬扒飯一嚟到已經唔開胃，啲豬扒係油浸咁樣，濕納納，口感唔使講，豬扒底啲油多到一個點，油浸飯，啲飯有啲都食唔到，一啲椒鹽嘅香味都冇，老實講食兩餸飯好過佢，但價錢佢貴人一倍，雖然有得坐，但餐廳明明有位就要你同人搭枱，指派咗個位置俾你坐，轉頭又叫你起身坐第二度。個豬扒雙蛋飯本身係$68，跟熱飲要$71蚊，凍動飲要$74，咁嘅質素真係冇下次。下次食飯幫襯啲餐廳真係要睇吓負評先好去幫襯。

之前外帶過菠蘿包和其它包點，品質都不錯。這次想著來試一下菠蘿油，沒想到超級伏！菠蘿包包皮完全不脆，感覺就是嗰隔夜包。包也不熱，只是微微溫，牛油完全不能融化。真的太難吃了！

【中西區】【恆香冰室】之前同經理哥去咗酒經攪嘅「酒經2023聖誕市集」，又飲又食，玩得好開心。完事之後我哋就喺附近搵啲嘢食吓，我就講明我唔食蟠龍粉麵茶餐廳，因為我喺 1am1246 已經寫過。佢係抵食嘅，只係我唔太想翻炒食過嘅餐廳。經理哥最後揀咗呢間「恆香冰室」，好似係恆香老餅家開嘅副線餐廳嚟，感覺幾新鮮。由於大家都唔係喺最肚餓嘅狀態，因此我哋都係一人叫一份「休閒下午茶」就算。加上當時係喺下午茶時段，叫下午茶嚟食感覺好似抵啲。經理哥叫咗 $43 嘅「烤焗蜜汁雞髀拼西多士」，加 $3 飲「凍奶茶」少甜。我有問過佢味道如何，佢就求求其其咁答咗我一句「okay 好食」就算，我嘅理解係正正常常唔失禮咁。而我自己當然係叫返呢度嘅特色，下午茶都有得叫。就係 $32 嘅「恆香出爐招牌老婆餅」兩個，我真係第一次堂食老婆餅，仲請經理哥食咗件，配杯「熱奶茶」感覺幾新奇有趣。另外仲叫咗件 $7 嘅「出爐蛋撻」，呢個就一般喇。食唔到蛋黃酥之下，咁樣兩個餐 $85 埋單都唔係貴。。。（地址：上環德輔道中243-247號德佑大廈地舖）