恆香冰室 (德佑大廈)

營業中

休息中

今日趕時間簡單叫個菠蘿油+熱奶茶，點知等到奶茶涼晒，仍然未見個包，問落單阿姐，佢話：你見唔到枱面張單咩?落咗啦!問第2個個侍應，佢聽到都走開，然後第3個阿姐才幫我跟。最後埋單同個收銀姐姐講，佢話水吧問題咋，唔關佢哋事!咁夾嘅team都有!😵

現金，八達通服務態度：麻麻地，阿姐十問九不知，可能係part time 。環境方面：因為無咩人光顧，所以坐卡位就覺得幾好坐。食物質素：什扒勁大份，都係一分錢一分貨一舊水喎，牛扒能淋，豬扒半肥，煙肉細2塊，腸仔，火腿各一，薯條放底（唔知係咪俾錯咗）我跟飯。最有問題係白湯明顯只係忌廉湯，完全無磨菇味，餐牌係寫有磨菇，但張單係無寫，你真係吹佢唔賬，早知飲紅湯。牛油多士都有啲誠意係熱嘅。性價比：普通啦總結：鐵板餐肚餓就一定夠飽，有機會2再食，如果肚餓好味指數😋😋

早餐係唔錯既，只係即磨咖啡要+3蚊就貴啲，而且奶太少，都幾苦。主要想評論唔止一次受其中一位侍應氣。該名侍應係中老年，頭髮稀疏既叔叔！第一次都算，可能人手唔夠，搵人落單，想搵個人都難，搵到個諗住佢會過黎，佢個反應好似唔知聽唔聽到咁，正常落單都會行過黎食客張枱，我等緊佢過黎，點知佢離遠就話「你叫啦你」態度咁都得咩？唔通食客要大叫先落到單咩？第二次經歷，食完行出去埋單，條走廊窄，明明係我已經行左大半，點知同上次同一個呀叔攞住兩盤水咁啱對頭行，我諗我只剩兩步就行完條走廊，咁一定係行快兩步去就佢，佢攞住危險野都應該要睇清楚先行，點知佢竟然話我「咁都唔悉讓人」兩次態度都咁，而且係同一人。咁受氣都唔想再黎！如餐廳老闆見字可檢視下員工質素，都唔望會改善，因為唔會再黎。

恆香冰室 (English name: Hang Heung Bakery Cafe) is a cha chaan teng. But not just any cha chaan teng. It's run by the famous local Chinese bakery Hang Heung. Makers of those popular Chinese pastries like wife cakes. Their front takeaway area has all the different wife cakes available. Some with fillings that not traditional.We came here for afternoon tea. Menu is in Chinese only. There is no English and no 10% service charge. The afternoon tea sets offer the usual cha chaan teng items along with a f

恆香竟然開了茶餐廳，本是想買下包架，點知賣咁一。場坐低了，就食個餐先走啦常餐，叉燒通粉，個叉燒好甜，又唔似出面燒味店有點焦同肥瘦分明，個通粉又腍身唔彈牙,整體是一。般。而個炒蛋好小哦，火腿同包都是一般啦,真的隨便一間茶餐廳常餐都好食又平過佢。咖哩牛腩飯有驚喜，個牛肉同牛筋都幾多架，仲有小資薯仔,個咖啡汁真是好香，撈飯食一。流，而且香而不辣易入口，個汁確是做得唔錯下，同埋開心在牛肉同筋多過著仔，$68是有點貴,但起碼對得起味道。

呢期都多係上環發掘新美食，今次就揀左好少食既冰室，因為見到佢張圖既魚柳好似好厚好吸引所以想試下係咪真係咁粗咁大塊🤩🤩 原來外賣下午茶都會畀9折，有埋熱飲，好似都抵食啵！【 滑蛋芝士魚柳配粗薯】$47 （再9折）本身諗住理想與現實不符，點知有驚喜，佢塊魚柳真係好厚，外賣仲keep到幾脆同好味！粗薯同平時食開都係唔同，亦係仲脆架喎！ 有分加！🧡🧡🧡分數：（10分滿分）味道：7.5價錢：7.5環境服務：NA（以上評分只是小編個人口味而已）💥 恆香冰室📍 上環德輔道中243-247號德佑大廈地下

灣仔冰室 竟然有間係 恒香 開嘅 #冰室 咁特別就入咗去，份量偏少可一試。睇價錢牌都可接受就各自叫了個下午茶。嚟到見到飲品都大杯不過就茶味淡咗少少都可接受。嘢食嚟到真心覺得少咗啲，佢選咗隻好碟，所以咁放法睇落唔少咁。雞脾似雞扒大小，香料味偏勁我麻麻，朋友就話可以。豬扒都炸得幾香不油身。多士2粒同沙律2口😅多少少會好啲以這價錢$40-$42嚟講。見唔少人都叫炒嘢，如有機會再試吓，門口都有散買的恒香中餅和麵包選擇。

八達通，現金服務態度：慢，人手少，員工態度差，放食物响枱大力，好似掉係張枱咁。失覺得佢地無咩禮貌。環境方面：二人枱及4人枱都比較窄，真係坐4人應該好辛苦。食物質素：今次叫咗個下午茶餐星米（無寫迷理版）我睇48蚊應該係正常size，一上枱，我真係驚嚇到，係迷理版，公平啲48蚊真係太貴。味道偏差，無咩咖哩味，尚算乾身，米粉咬口正常。性價比：超低總結：其實下午茶餐有時份量會小啲，但應該要寫番迷你版，唔好收48蚊俾期望食客係正常size, 我知係迷你版我肚餓會想食番正常，唔叫下午茶囉，食完好似無食咁，真係得一肚氣。

恆香老餅家唔係淨係整傳統中式餅掂，冰室都一樣咁掂！😋Lunchtime同同事黎食，好在佢哋早黎攞定位，黎到見到出面已經排曬長龍！一坐低好快就鎖定目標，叫咗蔥油蒜香雞扒爆蛋撈飯，果然無令我失望，大大塊外脆內軟嘅雞扒，切嘅時候係有肉汁流出黎嘅，個爆蛋有幾爆就唔洗多講啦🤤 仲有杯奶茶真係好香滑，一個字，掂！

今晚放工同個frd係公司附近食飯，試吓間開咗無耐嘅冰室。一到去覺得d裝修都唔錯，光猛乾淨，之後叫咗兩份鐵板餐，一個美式什扒配薯菜，一個西冷配意粉，仲有鐵板絕配，紅豆冰，仲要用3.6牛乳。鐵板餐仲跟湯同吐司，都幾豐富。 忌廉湯係有磨菇，唔算好結身，係適中。吐司有牛奶同哄過，都算脆口。至於紅豆方面，由於用咗3.6 牛乳，感覺係比較有奶味，紅豆應該有煮過，入口唔會好硬好粉。至於個鐵板，唔係非常熱而好似令到d配菜變燶，而可以keep住d食物停留係擺到入口嘅溫度。呢個位都幾細心。 肉方面，份糧適中，牛扒都幾淋，由於西冷配蒜蓉汁，味道都唔錯，係有牛味嘅！仲有朋友話條牛仔腸幾好味，幾大條，啖啖肉。什扒餐有豬、牛、腸仔、煙肉、火腿加上黑椒汁。由於無咩骨。咬落去都幾放心，牛扒有微微牛脂，豬扒好淋，加上黑椒汁嘅黑椒同微辣，味道都唔錯。 另外，餐跟意粉同薯條，細心位係，意粉用咗茄汁炒過，唔係普通白烚意粉，所以會好食d. 因為同個frd都幾大食，又見到佢哋有恒香老婆餅，所以叫咗個，仲有叉燒酥、皮蛋酥、蛋黃酥。味道係唔錯，有保證。 最後，值得讚賞嘅係d侍應服務都幾有禮貌同勤力，態度好好！

今日有公務在身去咗上環，俾我發現咗有新玩意🤩🤩恆香餅家聽得多見得多，原來靜靜雞喺上環開咗間冰室，裝修好新淨仲要有大量卡座位，正呀！老公叫左3.6 牛乳滑蛋三寶飯，有叉燒、蝦、牛肉，個蛋整得好好，而且食得出係用靚蛋，好香好味道，我係咁偷佢啲蛋食🤣🤣我叫左美式什扒，樣樣都有，係經典嘅港式茶餐廳鐵板餐🤤🤤😝😝餐湯係普通茶餐廳忌廉湯，如果濃郁啲會更好😝😝 餐包塊多士整得好好，薄脆軟有齊哂叫咗個小食脆香雞翼，外脆內軟有肉汁呢個唔會太鹹真係幾好食🤤🤤最想讚嘅係佢杯特飲，蜂蜜檸檬茶同埋3.6牛乳紅豆冰，兩杯都好出色，最最喜歡係蜂蜜檸檬茶，好好飲🤩🤩

今晚和友人到上環逛街，經過一間冰室，發現環境非常敞亮，覺得幾舒適，於是坐低左。對於鐵板餐情有獨鍾嘅我地，選擇了日式照燒海陸空和美國西冷拼牛仔腸配黑椒汁，全部跟薯菜。野食到果下見到，覺得完全系超越茶餐廳水準，無論餐具或者是味道，食材選用吃上口非常新鮮，肉質鮮嫩，咬上口彈牙香滑。小食方面，香脆雞翼味道外酥脆內多汁嫩滑。飲品方面，選擇了3.6牛乳紅豆冰和奶茶紅豆冰，牛乳配紅豆冰飲上口香滑濃郁，奶茶口味就能夠飲到茶香。甜品絕對需要食老婆餅和流心奶黃酥。兩款甜品都酥脆，流心口味趁熱食，更加惹味。

呢間恆香冰室長期排長龍佢嘅恆香老婆餅係好好味嘅😋唔知其他嘢好唔好食呢？今日下午茶時段經過無乜人排隊有幸可以試下喇‼️叫左2個下午茶餐同1個常餐常餐B $53鮮甜嘅蕃茄味😋多士烘得脆，一咬就聽到颯颯聲❤️茶餐F同M $42/$48見到隻脾有啲SAD😮‍💨我覺得燶左啲烤焗應該係好入味嘅但唔夠蜜味🙈西多士正常星洲炒米味道尚可咖哩粉唔係咁夠米粉唔夠散，有1/3係一舊舊呢3款餐整體味道一般我唔會排隊食，偶然經過可一試但門口老婆餅會常幫襯☺️

恆香老婆餅你就一定聽過啦,最近發現佢進軍埋飲食界,係上環開左間冰室,所以我就即刻同男朋友去試下啦👫🏻坐低見到餐牌都好多選擇,睇左一陣,男朋友揀左個避風塘椒鹽豬扒爆蛋撈飯,我就揀左個美國西冷拼牛仔腸配黑椒汁配薯菜.🙌🏻-避風塘椒鹽豬扒爆蛋撈飯 豬扒半肥瘦,肉質鬆軟,肉汁豐富,甘口焦香嘅蒜蓉味加埋椒鹽香味,非常開胃,令人胃口大開.太陽蛋煎得剛剛好,撈飯一流👍🏻-美國西冷拼牛仔腸配黑椒汁配薯菜個SET包左吐司同埋羅宋湯,個吐司🍞真係令我驚嘆❗️入口鬆軟,仲會回彈,配埋牛油微香,令人回味. 羅宋湯味道一般,蕃茄味可以再濃D. 西冷超級大塊,肉味同肉質就對得住茶記嘅價錢😛黑椒惹味,薯條🍟都好好味😋餐飲我哋叫左雪山阿華田同埋蜂蜜檸檬茶💗-雪山阿華田其實上面係胚芽黎，令到成杯飲品口感豐富左-蜂蜜檸檬茶，蜂蜜味十足，好潤喉最後仲叫左三款中式小食，有老婆餅，流心奶皇酥同埋叉燒酥😂必食流心奶皇酥，好似食緊奶黃月餅咁❤️係中上環區黎講，恆香冰室真係做到抵食又大件❤️ 下次一定再幫襯❤️

遠近馳名嘅恆香老餅家🥨🥧繼50年前開過冰室結業後，50年後捲土重來喺上環再開冰室 !冰室除咗馳名嘅中式糕餅外，仲有多款冰室美食大飽朵頤🤤·🥩美式什扒配洋蔥汁 HKD$108係冰室嘅懷舊鐵板套餐😻 乜都有嘅什扒啱哂貪心嘅我😂 配埋飯 / 意粉 / 薯菜 勁大份 ! 淋上洋蔥汁唧唧聲響😚有齊🥩牛扒、🐖豬扒、腸仔、🥓煙肉、🍖火腿，扒餐仲包埋🥣餐湯、🥪奶油吐司及餐飲，勁豐富😋·🍳3.6牛乳滑蛋三寶飯 HKD$72半熟滑蛋勁吸引🤩 蛋汁撈埋白飯食勁滋味😋 喺滑蛋中加入3.6牛乳一齊炒，更加滑溜creamy😚配料加入叉燒、蝦仁🦐，好快，成碟飯食哂😋·🍔芝士滑蛋吉列魚柳包 HKD$32已經切開一半方便食用👍 芝士🧀、滑蛋🥚、炸魚柳🐟三重口感☺ 魚柳炸得香脆，外脆內軟😋·🥞恆香出爐招牌老婆餅 HKD$10外酥內軟，冬瓜蓉內餡香甜軟糯😋 果然名不虛傳👍·🥧出爐蛋撻 HKD$7酥皮外層鬆化，鮮黃色嘅蛋層軟綿幼滑🤩·🥚皮蛋酥 HKD$11內餡嘅皮蛋焗成半溶狀態，微微流心好正👍·🥐流心奶黃酥 HKD$15一咬開流心奶黃湧出😻 第一次食便愛上😋·🍹雪山阿華田 HKD$26 (跟餐+$9)香濃嘅阿