恆發雞蛋仔

營業中

休息中

呢間雞蛋仔真係我嘅回憶ಠ_ಠ以前係附近番學，放學成日食！！次次嚟到九龍城都一定幫襯！我平時通常食芝士/朱古力味，第一次試夾心，真係好多口味選擇～雞蛋仔即叫即整，要等十五分鐘，呢十五分鐘真係好漫長(〃ω〃)大家想食的話可以打電話叫定先啊～ღ 芋頭泥夾心 𝗙𝗿𝗲𝘀𝗵 𝗧𝗮𝗿𝗼 𝗣𝗮𝘀𝘁𝗲 $𝟯𝟬呢個整雞蛋仔嘅做法同平時嘅唔同，會分開兩邊蛋漿煮一陣先，再放芋泥係中間，再加蛋漿～唔明就睇片吧(•̀ᴗ•́)و雞蛋仔唔會放涼就會即刻俾你，好熱下㗎！自己灘一陣先再食就外脆內軟喇～芋泥好香，甜度適中，份量都好多，亦都係因為咁會比較少蛋糕仔部分。個人幾喜歡，因為芋泥好食( ˘ ³˘)♥︎不過𝘀𝗵𝗮𝗿𝗲食好啲，會有少少膩。╰┈➤ 𝘁𝗮𝘀𝘁𝗲: 𝟳.𝟲/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟱/𝟭𝟬✵ 𝒄𝒖𝒊𝒔𝒊𝒏𝒆 • 𝒇𝒐𝒐𝒅 𝟳.𝟲/𝟭𝟬✵ 𝒑𝒓𝒊𝒄𝒆 𝒓𝒂𝒏𝒈𝒆 • 𝒂𝒇𝒇𝒐𝒓𝒅𝒂𝒃𝒊𝒍𝒊𝒕𝒚 𝟴/𝟭𝟬✵ 𝒔𝒆𝒓𝒗𝒊𝒄𝒆 𝟳.𝟮/𝟭𝟬✵ 𝒓𝒆𝒗𝒊𝒔𝒊𝒕 ʏᴇs ✓

📌 恆發雞蛋仔~九龍城自從係雞蛋仔節試過呢間雞蛋仔之後就念念不忘😋專登入九龍城梗係要食多次 都唔算太難搵😗之前見到佢多啲分店 而家好似剩返呢間鋪面細細 但都唔少人過嚟買嘢食～雞蛋仔亦有很多特別的口味 例如南瓜泥、榴槤肉、特濃芝士等👍🏻除咗雞蛋仔 仲有賣腸粉魚蛋等小食👅注意⚠️：見唔少人都話姐姐態度差 人流多嘅時候可能會受氣👀1️⃣ 芋頭泥夾心雞蛋仔 𝗙𝗿𝗲𝘀𝗵 𝘁𝗮𝗿𝗼 𝗽𝗮𝘀𝘁𝗲 𝗳𝗶𝗹𝗹𝗶𝗻𝗴 𝗲𝗴𝗴𝘁𝗮𝗿𝘁 $𝟯𝟬即叫即做 新鮮滾熱辣嘅雞蛋仔係最好味嘅🤤大概要等十分鐘 視乎人流🔍佢整雞蛋仔嘅手法同其他店有啲唔同🥚先倒少少蛋漿落兩邊嘅鑊 然後落芋泥 再加蛋漿 啲蛋漿會流到下面全部都係😜呢個係佢哋嘅特色望落好吸引 一底份量都幾多🙌🏻外脆內軟 好有蛋香🥰而且好足料 芋泥分量多！粒粒都好飽滿 芋頭味清香😋放涼左食會變得好韌唔好味 建議盡快食用‼️💡整體嚟講 呢款雞蛋仔我覺得好好味🤩好鍾意個質感 特別係加咗超足料嘅芋泥👅好彩嗰日去人流並不多 沒有遇上惡劣的態度推薦大家去九龍城一定要試吓！✨✨✨✨✨✨✨✨✨✨✨✨整體味道😋: 8/10性價比💵: 8/10 打卡指數😍: 6/10 環境服務🥂: 7/1

見得一pair 情侶諗住唔使點等咁買底雞蛋仔食下😎，佢地買2底，咁到我要咗原味雞蛋仔，18蚊，好似加咗價，上次食應該平啲，俾完錢無收據無牌仔，咁我唔行開企喺度等，因為開始多人，正路前面情侶兩底之後就到我，突然有個女人嚟同阿姐吹幾句水就喺我前面攞咗底原味，我問阿姐係咪之後到我，佢有啲悔氣又好似好有記性咁答係呀，整緊，呢底就係你，但到佢俾我時佢又問我再收錢，我話我俾咗錢㗎喎！佢話：係咩？😑想點呀😡😡😡😡？一啲糸統都無，記性唔好好心就俾個number 啦，又要扮好記性，其實我覺得自己係俾人打咗尖㗎，又無單無據唔知邊個先，真心嬲🤬。雖然雞蛋仔係幾好味，有蛋香又脆囗，不過真心食到成肚氣😤

生平第一次響openrice打食評，打左成大編到up相就彈app無曬.....入返正題，今日行九龍城經過呢間傳說中既神級雞蛋仔，咁見無乜人呀姐話好快就有啦，咁就試下啦～～結果都等左幾耐下，咁岩無人排都要等佢煮成10 幾分鐘，比平時等得耐。見呀姐先倒少少蛋漿薄薄地攤開煮外皮，熟曬啦先落芋泥，再落蛋漿合埋舊野再揾蛋漿封邊慢煮。係好味既，外脆內軟，雞蛋蛋液夠香但又唔會太甜。芋泥唔會太甜 。雞蛋仔中算係幾高質既，值得一試

雞蛋仔就個個香港人都鍾意食㗎啦，但係邊度有好味嘅雞蛋仔呢?嚟到九龍城，遠遠已經見到一條人龍睇緊恆發雞蛋仔，佢除咗賣雞蛋仔之餘，仲有腸粉、魚蛋、燒賣等小食。呢間雞蛋仔啲口味好特別，有好多好多種出面搵唔到嘅味道，例如芝士朱古力、紫薯泥、芝麻、芋泥等，由於我哋好掛住台灣嘅芋泥口味，所以我哋就決定嗌佢啦！雞蛋仔卜卜脆，外脆內軟，裏面嘅芋泥亦好足料，味道都十分香濃，價錢相宜，又大大份，簡直就係抵食自選！ 我哋下次一定要試埋其他小食呀😍

帶小朋友出街，尤其是帶他們去逛大人的街同參與大人 only 的活動，總需要找些東西，氹氹他們歡喜。那一天，我們約了一班好友在九龍城聚餐，仔仔嫌要食素同泰國菜辣開始鼓譟，而咁啱我們又經過已經有小人龍的《恆發雞蛋仔》門前。就同阿仔講，食唔食雞蛋仔? 他開心地點頭。說是要食雞蛋仔，但他最後決定要一份格仔餅。為何《恆發雞蛋仔》需要等同排隊呢? 因為這兒的雞蛋仔同格仔餅是堅持即叫即做的。等了差不多有 15分鍾了，熱辣辣，充滿了牛油同花生醬香的格仔餅就遞到我手上。入口，的確是每一口都是香。格仔餅的本身已經是甜，再加上即做好，入口有一種軟綿綿的口感。格仔餅入面的醬很香亦很甜，入口起沙，因為有充分的沙糖在內。超香，超甜的格仔餅，令大家都感到滿足。格仔餅是一家人分享，阿仔真正要食的，其實是腸粉加燒賣。很滑的腸粉，店方見是小朋友而特別地多醬。入口充滿米香的腸份，再加上勁多的甜醬同麻醬，不會不好食。魚肉燒賣也被淋滿了醬汁的，非常可口。美味的即叫即做格仔餅，突然放多了醬的滑腸粉。兩份食物都令我們非常之滿意。用心製作的街頭小食，是典型的香港大美味。

今日同老公行街拍下拖，放假緊係咩都吾理一於食盡佢，橫掃街頭小食！我地去到九龍城見倒間雞蛋仔小店，真係估唔到甘多人排隊，我買D底雞蛋仔足足排咗20分鐘，老闆是即叫即做，好新鮮！間舖頭吾好睇佢細細地，但五臟俱全，你講得出咩口味嘅雞蛋仔都有，例如芝士夾心、芋泥、朱古力夾心、榴蓮、紅豆等，真係應有盡有⋯⋯我真係比較保守派，所以我選咗個原味jer!其實$18一底真係抵食架雞蛋仔外脆內軟，脆卜卜好得意，又吾太甜，蛋味極濃，好好味😋，等甘耐都係抵嘅！

專門來打卡這家雞蛋仔的店，要了朱古力的，下午六點人不算多，大概十分鐘就拿到了，不過味道我覺得也沒有特別出眾，朱古力有點點少，幾乎吃不到太多味道，沒有什麼亮點不會再去

以前喺附近返學，得閒放學都會嚟食吓呢一間雞蛋仔。今次咁啱嚟到九龍城食飯，一定要幫襯下！唔好睇佢小店細細間，呢度嘅雞蛋仔口味都好多好特別，除咗有成日都食朱古力呀芝士呀嗰啲，呢度有好多好特別嘅餡料㗎！例如紅豆泥、榴槤肉、南瓜泥等等。不過因為即叫即整嘅關係，我哋都等咗大概15分鐘，老闆娘建議我哋下次如果想食嘅話可以打定電話你叫定先，咁就唔使企喺嗰度等嘛～.This egg waffle place in Kowloon City used to be a high school classic for me 🧇 don’t judge the shop by the size of it 😆 there are so many choices to choose from! other than original, the typical chocolate 🍫 and cheese 🧀 they also have red bean, durian, pumpkin 🎃 etc. It does take a bit of time to make the egg waffles so w

同男朋友去附近行下，聞到好香嘅雞蛋仔味，就叫左一底雞蛋仔！.好有驚喜，雞蛋仔外殼好香脆，裏面亦都好軟糯Q彈，佢係首先烤脆咗一面，再落蛋漿整另外一面，好特別嘅做法！但係就會等得耐，見老細整一餅雞蛋仔都要差唔多7-9分鐘，等得有啲耐。.鋪頭亦都有賣唔同味道嘅雞蛋仔、格仔餅，例如紫薯、芋頭、朱古力、榴槤等等。今次帶咗完美，下次可以試吓其他味道。.另外見到另一個客人點左芋泥雞蛋仔，店主比芋泥都唔手軟，粒粒都超多內餡，聞落好香！仲有其他小食，燒賣、魚蛋、牛肉頭等等，有咸有甜，當時自己就冇試其他小食恆發雞蛋仔係九龍城都做咗好多年，都見到老細、店員同街坊都好熟，有講有笑，支持做街坊生意嘅小店

成日經過九龍城都見人排隊，咁啱平日經過，又無咩人諗住試吓！價錢18蚊一底，即叫即做！熱辣辣食落好有口感！不過可能太鬆脆，塊餅合埋時斷開左一半，所以啲汁花生醬落晒個紙袋底度，有點可惜。不過餅有餅香，會回頭再食！

一直聽人講話呢間雞蛋仔係用炭爐烤嘅，想試好耐，今日終於經過九龍城。夜晚去都收好夜，八點幾都仲開緊門，我就即刻走過去，好彩只係得一兩個客喺前面。舖頭面積細細其實唔多起眼，不過紅色招牌就跟住個google map去搵就會搵到。一般我都會試咗原味先，買咗個原味食，老闆已經整定一啲，所以都唔使點等，開頭仲怕會唔會唔新鮮，點知一口咬落去非常脆！呢度嘅雞蛋仔好特別咬落去好脆，可能係炭爐烤嘅緣故，所以特別香脆，外脆內軟。不過我就覺得蛋香唔夠。

✨#中女獨食難肥日誌 ✨#恒發雞蛋仔 #九龍城香港街頭美食雞蛋仔❤️由細食到大，是童年回憶！好吃又香又脆口的卻不容易，這裡做到了👍🏼#芝麻雞蛋仔 $23店員落order後即製，芝麻香味十足，而且熱辣辣脆卜卜，比原味雞蛋仔貴$5，芝麻下得慷慨，要趕快吃不要讓它軟掉呢！

小妹我今日放學翻屋企口痕痕去咗屋企附近嘅小食店買雞蛋仔🤤🤤🤤✨小妹我嗌咗我最中意食嘅芋泥雞蛋仔🤤🤤✨芋泥雞蛋仔夠哂足料，芋泥好香，完全唔假。雞蛋仔食食下會好漏，所以有朋友仔喺喺度就一齊分擔下啦💕💕✨不過價錢就頗貴，要$27一底。

次次行親過嚟都好多人排隊，今次因為落雨，係一個人都冇，我非常順利咁買到一底原味雞蛋仔，可能因為冇人買，個姐姐應該整定晒，等有人買就可以即刻畀到人，所以成個過程，我完全唔駛等，即買即走，亦都可能因為呢個原因，我反而有驚喜，點解呢？我話晒都係雞蛋仔fans，食蛋無數，但點解食咁多間都唔覺得夠脆？其中一個原因就係吹得唔夠透氣，一出爐，係咁易吹兩吹就入袋(因為趕住畀客)，所以一定會腍，但係佢呢底應該已經吹得好透，所以係好夠脆，兼且，佢係我食咁多雞蛋仔之中，整得最薄，即係落少啲蛋漿，但係佢嘅比例算係標準(有好多舖頭都係全粒都係蛋漿)，呢間做到一半蛋糕，一半空心(邊邊位有啲蛋漿少咗啲)，咁變咗空殼多咗，自然就夠脆，而唔係硬嗰隻脆，同埋都有蛋味，不過唔多，整體嚟講係好食嘅