恆河咖喱屋

三件烤雞肉，無驚喜，無味，無特色。比起$20串印尼沙爹也比下去，但收$88。又不如食海南雞飯啦！沒調味汁，感覺就只是烤雞，比較用蜜糖炭燒也差很遠。真是一般的烤鳮來的，看不出什麼特色。另外，白㗎喱雜菜鮮雜菰。全碟只有汁和菰同雪藏粒粒。蔬菜欠奉、名不符實。…查看更多

今次狐狸仔帶CIRCLEG去試食新野。成日路過都話下次食既「恒河咖喱屋」，以為系印度餐廳就一定好辣，問過店員，餐牌上辣椒就無咩，有辣椒就點都辣辣地，不過唔使驚...系香料既辣姐喎。但狐狸仔唔食得辣GA WO.... 真系入去試？最後緊系入左去~ 就叫左個應該點都唔會好辣既雞+一致喜愛的羊~ 結果系 咖喱羊比較好味 (如果你系鐘意食羊既人) XD 果陣SO味系真系有~ 同埋咖喱羊辣過咖喱雞既~ 雞就比較硬身同乾身.... 但雞既好處系...真系唔多辣，系咖喱味重d~我喜歡咖喱羊多D~另外需要配上飯或烤餅, CIRCLEG偏好烤餅, 話晒系印度野嘛...但怕唔夠飽... 就一飯一餅啦~結果系 烤餅真系正正正！！！系特色位！！！熱辣辣既烘住上台～果陣香氣湧上黎塊臉度～～但怕唔夠飽，比我揀多次，我都系會揀一餅一飯最後飲品系意外既。。。　以為會系茶餐廳杯。點知....咁大杯！！！仲幾靚添~~~~奶茶我就無試啦 ~ 我飲凍檸茶... 幾好 好爽飲得好爽LAST LAST~ 竟然3點中段休息時間....想食既~記得睇時間 …查看更多

呢間東區出名既咖哩屋真係唔使多講一入門口鋪面睇落唔大，但原來係有兩層，事頭婆就安排左下層既雙人位，有點窄，不過因為都好多客人所以就張就下啦。經職員介紹下，就跟佢推介既叫左幾款野食，串燒牛，印度naam餅，炒通菜，海鮮炒飯同埋唔可以少得既咖哩雞啦。點菜之前都會有日常食印度菜既薄脆，配以地道醬汁等大家開開胃串燒牛肉比較辣，未必人人岩食，但愛辣之人一定唔可以錯過。個人尼講真係好鍾意食炒通菜，呢味炒通菜夠哂火喉，i like it印度naan餅超好食 最後番叫左多一次，食過番尋味。海鮮炒飯足料，飯夠入味，炒到金黃色。招牌咖哩雞亦都會照顧到唔同客人既需要，可以選擇唔同既辣度，今次試個小辣既，份量唔算大，但咖哩汁味濃，唔會溝稀哂，無咩野好挑剔。…查看更多

筲箕灣東大街食店林立，但唯獨恆河咖喱屋得米芝蓮評審員垂青，獲一星級榮譽，更是香港唯一一間獲星級評鑑的印度菜餐廳！去年10月中，有22年歷史的東大街恆河咖喱屋宣告結業，但另一邊廂，老闆已於9月份在西灣河原址重開恆河餐廳。新鋪餐牌，佔半數以上，沿用東大街舊店菜式。前菜有鬆脆印度薄餅，配上薄荷汁，微辣甚開胃！串燒沒有燒得過火，仍保持肉汁，不用蘸沙嗲醬也非常惹味！必試米芝蓮評審員當日試食的印度帝皇餐，及店舖招牌菜香咖喱蒜子烤雞。根據印度人的飲食習慣，他們坐低先會喝一杯源自北印度的印式乳酪叫Lassi，用原味乳酪、水同香料混合製成，有鹹、甜、生果味，酸酸甜甜可以幫助消化及解辣！…查看更多

朋友相約飯局，想攪點新意思，於是今天特來西灣河吃個咖哩餐。不熟悉印度餐的我們，接受經理介紹的幾款精選菜式。有肉有菜有 carbo, 味道價錢都算合理。香料燴羊膝 $148分量超大，二人是吃不完的啊！ 濃烈的香草味，辛辣中夾雜蕃茄的酸，完全蓋過羊羶味，充滿著印度風情。肉質偏向腍滑，沒有肥膩感，不過不失的一道菜。白咖哩燴蒜子烤雞 $85白咖哩味道跟港式白咖哩味道相差很遠，有著很特別的口感。相信印度朋友在這裏進餐，多少可以解一下思鄉的情懷。雞肉經香料醃過，雖然口感有點粗獷，但越吃越有香味，跟在尼泊爾食到的印度菜味道十分相似。蒜子炒椰菜 $48頂著廣東菜的名字，但味道郤不是。帶鹹的蒜香，味道相對淡口而爽脆。混入蕃茄一起炒，帶點酸的椰菜，富印度色彩。烤餅 $52 （2份）看似很油膩，入口郤不是！沒什麼很特別的味道，但口感鬆軟，不知不覺可以吃很多。點咖哩汁來吃，味道更佳。…查看更多

適逢七一有補假，再請多一日就自製咗一個四天長假期。整個長假期沒有外遊消費，原因都係為咗個世界盃。假期最後一天是星期二，是閒日，同屋企人食完早餐就去了海洋公園行吓睇吓玩吓，不知不覺玩到成五點。回程途中問屋企人想食咩? 屋企人話還掂都過咗海，不如去東大街嗰頭搵食，點知我哋落遲咗一個站，去咗西灣河，唔緊要，記起呢度有間車軚人推介過嘅咖喱屋，就剎咗入去。餐廳雖然多人，好彩仲有位，仲見到放咗好多得獎證書。最搞鬼係呢度搞緊個勁辣挑戰大賽，勝出者可以睇黃子華楝篤笑。不過，自問食辣嘢實力唔高，都係無謂獻醜。睇完餐牌，又問咗老細有咩好介紹，就落單。飲品方面，無點到 Lassi，因為始終唔多鍾意酸奶，況且天時暑熱，都係飲梳打或者沙冰穩陣啲。【巨峰梳打 $28】提子味淡咗啲，可能係冰多得滯影響咗，唔緊要，至緊要杯嘢飲夠凍。【芒果沙冰 $30】相反，芒果味道就出奇地濃郁，配合沙冰就超爽。【印式薄脆】係送的。話明係薄脆就真係好薄好脆，仲好有黑胡椒味，點少少薄荷醬都唔錯。【蕃茄咖喱牛尾 $85】最初以為印度咖喱會是比較乾身嗰種，原來唔係，而係好多汁嗰種，好香好濃烈。辣度仍可接受，可能是蕃茄所起的作用，非常惹味，如果撈飯，相信會好正。 至於牛尾就煮得好腍，而且都幾多肉。【香料烤豬仔髀 $85】有四件。看似燒到好乾，還擔心會好 “鞋”。但是，食落又估唔到係好腍好嫩，而且非常入味。【串燒沙爹雞肉 (半打) $50】我覺得呢半打串燒好抵食，50蚊有半打，圍起只係八個幾銀錢一串，抵食過篤魚蛋啦。況且佢哋味道都唔錯，香味十足。【芝士烤餅 $28】呢個係老細特別推介，話好多人客都會叫來食。佢本身都有味道架喇，如果點埋啲咖喱汁來食，效果會更加好。食落就知道老細無介紹錯。食食下，知道唔夠喉。所以再點多個茄汁咖哩燴鴨胸 $70。咖喱豬、羊、牛、雞就食得多，咖喱鴨就真係未食過，所以專登點一個來食下。鴨胸肉似是經過煙薰，然後再用咖喱汁來燴的。鴨胸的肉味沒有被咖喱汁蓋過，相反，兩者的味道非常之夾。未食過咖喱鴨的朋友不妨一試。埋單四百多少少，有咁多好味嘢食，非常抵。臨走時，見到原來有咖喱外賣，所以忍唔到手，買咗兩盒返屋企得閒整嚟食。嗯! 今日行程認真豐富，夠晒皮，而且好飽，要趕返屋企休息下，準備睇英格蘭。…查看更多

我一直想吃這家店的咖喱，可惜一直沒有機會。今晚機會來了，放工後和朋友一起來開餐。餐廳一共有兩層，裝潢簡單乾淨，來到時已有不少熟客在用餐，期間不時與店員分享餐飲心得。翻開餐牌，有各款咖哩，不知從何入手，店員見此亦細心介紹，非常親切呢！點餐不久，便送來薄脆，味道較重、鹹。⭐️巨峰梳打$28清爽解膩！⭐️串燒沙爹雞肉（半打）$50雞肉入口惹味嫩滑，蘸醬汁更添風味。⭐️蕃茄咖喱牛腩$89番茄咖哩沒有辣味，醬汁除了融合了番茄的酸甜，還綜合了咖哩的香，吃起來又香又甜，二合為一，賦予咖哩新的口感。牛腩也醃的非常入味，肥腴適中，入口嫩滑。⭐️蔡蘭咖哩羊肉$88聽聞這款咖哩是蔡瀾推介的咖哩，不過這年代，蔡瀾彷彿漸漸成為美食代名詞，至於誰是蔡瀾，恐怕年輕一代也不太熟悉了。回歸正傳，羊肉同樣十分出色，咖哩把羊肉的羶味腥味淡化，入口不覺羶味，肉質軟腍無渣，值得一試。⭐️洋蔥薄餅$26薄餅烤得很香，夾層有洋蔥粒，口感綿密煙韌，蘸咖哩吃一絕！⭐️蒜子炒通菜48想不到咖哩屋還有炒小菜呢！我們選擇了通菜和椰菜各一半，這道菜火候夠，最後還灑上蒜末，吃起來又香又爽甜，很惹味呢！▪️餐廳服務不俗，店員十分親切。菜式是新派咖哩，已經將傳統咖哩改良了，口味很適合香港人，價錢也很合理，值得一試。…查看更多

上網睇到話呢度以前係幾出名 所以特登黎試下佢主打係正宗既咖哩 食落係好明顯有別於平時食到既日式同港式咖哩 日式咖哩一般係甜味行先港式咖哩相比下就多少少咸味同辣味而呢度既咖哩就比較重辣同埋香料味今次我叫既係咖哩雞飯雞肉同平時既印度菜一樣表面有一層光滑既橙黃色辨識度非常高 只係睇件雞肉既賣相已經睇得出係邊度菜式另外都點左一碟薄餅味道唔濃但幾香口我就鐘意點咖哩食就咁食對我黎講太淡同埋太乾最後特飲都唔貴 十幾蚊左右 可以接受…查看更多

I had a quick lunch at this fine restaurant on a Saturday. the atmosphere is very elegant, calm, chairs are comfortable, and service is very attentive. I had a soup, milk tea, a vegetable curry with a nan which were all very good. the curry was rich in flavour, made of cauliflower, potato, etc. the naan was cooked just right and full of spring onions. that for a very fair price of 50hkd for the lunch set. I could not have had a better experience. Very much recommended. …查看更多

相當有水準既餐廳！今日專誠黎到西灣河食咖哩，午餐價錢合理，都係六十蚊左右，仲可以簡配白飯或者烤餅。而烤餅就有香蔥同原味可以選擇，我就比較鍾情香蔥烤餅，香氣超級誘人，令人食慾大增。香蔥烤餅好好食，完全無半點油膩，口感煙un，一塊對我黎講完全唔足夠呀！男仔就可能要叫多一客先夠飽。味道方面，香濃既咖哩配上烤餅真係絕配，咖哩對我黎講稍辣，甜甜地，好開胃，如果無咁辣就完美。雞肉份量都相當多。總括黎講，價錢親民，味道唔錯，好有水準👍👍…查看更多

店舖有兩層，下層位置唔多，感覺好清幽，旁邊有個大窗戶，感覺好寫意。今次就試左白咖哩蝦配naan🤤🤤🤤🤤🤤 呢個份量男仔應該會食唔飽 不過女仔應該岩岩好。講下塊naan，其實好大塊，大過我番面！！係即時烤好上碟，所以拎上手仲熱烘烘。而且食落去係好軟熟！！超好味🤤😭😭😭 即使食到最後，已經唔熱，口感依然係咁軟熟塊naan仲充滿麵粉香，太正！要點咖哩食，完全係食食下就冇哂，唔係好夠喉。白咖喱好creamy，啲蝦好入味，而且份量都多，有七、八隻！大大隻！正🤤…查看更多

快樂星期五就要食快樂印度菜! 今晚來到朋友推介的恆河咖啡屋, 點了三款主菜, 兩款烤餅同兩杯飲品, 果然冇推介錯! 首先, 這裡的食材都很新鮮, 進食過坊間很多印式菜,普遍的烤肉都是乾爭爭, 但今晚吃了個烤魚件, 它不但外皮香, 內裡的肉質仍是軟而鬆, 原汁鮮味, 吃時不會散掉, 口感意為吃了一件嫩雞! 要食! 芝士菠菜很惹味, 菠菜茸配一顆顆大大粒印式芝士, 很濃的咖喱和香料, 配合薄餅進食, 很美味可口! 另外是名為蔡蘭咖喱羊肉, 店員說此名來源皆因蔡蘭曾稱讚此羊肉好吃。的確, 羊肉質場軟淋, 易咬又入味, 件數多, 微辣, 配餅或飯都會很正! 兩款烤餅是薄荷麵粉餅和白色炸鬆餅, 前者有數層, 薄荷葉碎在餅面, 但沒有強烈薄荷味, 厚身, 很實在飽肚。一定要食炸鬆餅, 其質感軟身, 內裡很鬆, 但不會感到肥膩和熱氣, 而且它上菜時像個大泡芙形狀, 很特別! 最後, 我們飲了水蜜桃梳打和藍莓乳酸。水蜜桃味香甜, 有粒粒Q 果, 另外藍莓同乳酸味濃, 不算很甜, 很舒服。這餐很滿足! 會推介朋友來試試!!…查看更多

一碗熱辣辣而且香氣十足既咖喱係完全抗拒唔到呀✌🏻 原來呢間係街坊價既米芝蓮餐廳 真心覺得佢地既晚市套餐好抵食 套餐包括前菜，湯，主菜同一杯飲品 今次係南瓜湯 推薦鐘意食口味甜少少既咖喱🍛可以叫番茄咖喱牛腩$88 想濃郁口味可以選擇印式咖喱牛仔腩$88 牛腩超入味而且肉質鮮嫩 再以香氣十足既烤餅點汁黎食係正既! 蒜蓉炒椰菜$45 炒到好脆口 反而麻麻炭燒豬頸肉$88 同埋藍莓乳酸(套餐加$18)好稀! ————————————————Who can resist a piping hot, fragrant curry on a rainy night? Each Indian restaurants have its own style of cooking and distinct flavour, I especially into Makhani OX tail curry with smoky naans • it tasted sweet that actually made of rich tomato with buttery sauce $88. • for Beef Flank Curry, it was a hearty curry with super tender beef brisket!! $88 • the dinner Set is also included one pumpkin soup & one beverage • I also ordered the blueberry lassi (Set $18) but it was so watery and I don’t really like it • Tandoori Pork chunk $88 was also my least favourite here • it wasn’t that tender and juicy as expected • Fried Garlic Cabbage $45 was also pretty good too • note that they actually a Michelin star restaurant…查看更多

恒河印度的主要河流，此店以恒河為名，便知道是食印度咖哩的專家。未入去都唔知，原來這家印度菜館是很decent的，店內有兩層，一路食都好多人入黎幫襯，可見咖哩屋有幾受歡迎。很多大窗，光線充足，可以享受日光時間，很適合食午餐。原來這裡曾獲米芝蓮一星評級，仲有印度廚師主理，咁就要食真D。這裡吃的是新派印度菜，會因應不同季節推出不同菜色，4月便是春之篇。咖哩變化大，用上牛尾、免治韓牛已經夠特別，還有tandoori 有金槍魚和豬頸肉，期待夏之篇。精選午餐包括是日餐湯及餐飲，今天是海鮮濃湯，有蜆肉，味道不錯。蕃茄咖哩牛尾 ($58)不同咖哩配不同肉類有不同顏色，蕃茄咖哩好有特色，唔辣之餘，大人小朋友都啱食，而且蕃茄的酸甜味令到咖哩更開胃，一D都唔膩。牛尾腍晒，同咖哩味道好夾，呢個組合都好新鮮。可選香蔥烤餅、原味烤餅或白飯，nann bread有嚼勁，好香，濕度適中，不會很乾，味道很正宗，點咖哩食真係perfect。炭燒金槍魚 ($168)Present的手法好特別，切開後有驚喜。外表熟的部分口感以雞肉，內裡粉紅色的部分，保留了魚肉鮮嫩的口感，魚的肉汁都鎖在裡面，加檸檬汁又多了點層次，口味更清新，yummy。羊肉薄餅 ($30)，羊肉沒有羊膻味，肉碎分佈均勻，每一口都吃到羊肉，是非常有水準的薄餅。蒜蓉炒椰菜 ($45)，椰菜很大盤，份量不少，不會油腻，放了很多蒜蓉，炒得很香。餐飲轉特飲加$18，芒果乳酸的芒果味道很重，而且很稠，口感不錯。Tandoori 菠蘿($40)，味道好特別，同一般烤菠蘿不一樣，加左少許咖哩香料，相當有印度風味，很有自家的特色，又甜又多汁。…查看更多

It had been a long since me and my friends had a gathering, coz we are all suddenly craving for indian food so we just go to the closest Indian Cuisine Restaurant in Sai Wan Ho. We knew that this restaurant had received MIchelin stars before, so we were lucky it was not fully packed.We went upstairs and the waiters were very friendly and immediately brought us some water and some appetizers with sauces. The saurce was traditional and was a good match with thali, very delicious, crispy and warm, a little spicy.As appetizer, we had the BBQ beef, the portion was quite enough for two persons and the beef was well done bit not chewy, the seasoning was extremely perfect.So we first ordered the white chicken curry, it was very creamy and not very spicy, I think it is quite different from ordinary indian curry as the tastes wwere not very strong, it is the best for Indian food begginers/ people who dun fancy the stong curry scent of indian food. the chicken was tender and well marinated . It was mouth-watering!!!If you opt for healthy dining, I would suggest you to try the spinach-cheese also! The spiniach was completed blended in to cream with chesse and spices. I really love it when you take a sppon of this dish and you can actually see the unmelted Mozzarella cheese cubes.Lastly, we ordered the cheese naan bread....OMG strongly recommend it to all the cheese-lovers!!! The naan was completely filled with hot melted cheese and it was amazing when it is served with curry!…查看更多