念川居 (MOKO新世紀廣場)

營業中

休息中

一坐低，便來了一個前菜，拍青瓜。 可能太肚餓，冇幾耐就已經食完。點了一個水煮牛肉，生炒糯米飯，椒鹽豆腐，粟米斑塊， 煙燻雞，咕嚕肉和肉絲炒麵。粟米斑塊和菠蘿咕嚕肉等小炒較為失色，但水煮牛肉，生炒糯米飯，椒鹽豆腐和肉絲炒麵做得很出色。水煮牛肉因為唔係個個食得辣，所以只是點了小辣。在於我而言，沒有辣度可言，但是麻味充足，牛肉淋身， 更加有花生芽作配菜，值得一讚。椒鹽豆腐和肉絲炒麵都炸得剛剛好，可口且卜卜脆，不太油膩。最後，冬天食個生炒糯米飯，暖暖胃。

我實在太鍾意食辣嘢😂今日專登約咗幾個朋友可以叫多幾個餸菜🤩🤩我哋一行五人，叫咗水煮魚、辣子雞？水煮牛肉佢出名嘅燒雞燒雞皮脆肉嫩，夠晒入味😋水煮牛肉我第一次是因為通常都會只係食水煮魚或者酸菜魚，今次店員推介我哋想食牛肉，不如食水煮牛肉，有確實幾好味，啲牛肉一啲都唔鞋我哋一邊飲紅酒之餘，我仲叫咗個火龍果沙冰非常之清甜，食得辣得滯飲返啖即刻解辣😂😂連串該喺香港數一數二食水煮魚辣嘢有一定嘅水準👍🏻👍🏻我雖然價錢唔係超級抵，但係幾個朋友一齊食一啲有水準嘅係值回票價

蝦餃粉果外皮彈牙 腸粉亦不錯😊最喜歡的是鮮蝦腐皮卷🥰享受點心沒有一壺茗茶是不完美的菊花茶香😊環境也很好 衛生清潔 職員都很禮貌下午茶有優惠 全單八五折抵食之選下次都會再光臨💓整體評分🌟🌟🌟🌟

同朋友慶祝生日，食中菜可以坐一圍圓枱，所以揀咗moko 呢間念川居。 當晚都坐滿人，full booking 咁款。 叫左幾個菜單寫必食嘅中菜，再加幾款點心。 個人覺得點心好出色，不過晚市中菜就一般，不過不失。酸菜魚：湯有胡麻味，魚肉亦算鮮嫩。唔錯雜菜粉絲煲：無咩味，成煲都係粉絲，很少配料。熏鴨：係餐廳出名嘅菜式，但不算出色，唔夠入味😂旁邊嘅饅頭比較好味豉油王炒麵及福建炒飯：主食反而水準幾高，炒麵好有鑊氣，炒得夠乾身！值得一試。福建炒飯亦在水準之上👏🏻以下三款小食，個人覺得係最好味：炸蜜瓜奶：外皮好香脆，內𥚃奶香嫩滑。炸饅頭：超好食，細細個，每人食2個都唔會膩。包嘅質地好好味，又唔會太實👍🏻正！芝麻卷：黑芝麻味好濃，入口滑溜！心機菜！必食👍🏻價錢算貴，點心類值得👍🏻，中菜類就可以再進步😂

上星期日，約了朋友吃生日飯，第一次去念川居，非常美味的午餐，點了水煮魚好足料，有豬紅，干筍，花生豆牙，酸辣粉底，還有香料很香，辣度適中細份辣子雞以為粉量好少，其實好多肉（忘記拍照）但因為點了大份魚，這個最後要打包😂在國內食d雞又多骨，這裡是肉多的，放心食。薑蔥灼牛肉點給女兒吃，一般味道啦豉油皇炒麵中規中矩蝦餃大大隻，是中規中矩菠蘿叉燒包這個好美味，趁熱食最好。四個人點了那麼多，最後只是麵和少少雞打包

————————————————————————念川居 地址：旺角太子道西193號MOKO新世紀廣場5樓501號舖Shop 501, 5/F, MOKO, 193 Prince Edward Road West, Mong Kok澳門永利皇宮點心總廚陳世輝師傅親自坐鎮的正宗傳統四川菜，店內有不少外國人專程拜訪~openrice提前訂位可享有折扣 ！🙌🏻🟠推薦食物🔹四川擔擔麵（$48）：十分美味，略為小辣🌶️的四川口味，第一啖入口有驚喜，性價比之選🔸蜜瓜脆奶🍈🍼（$188）：人氣之選，但麵衣較厚，入口有蜜瓜味，但比較大份，若是有半份更佳🔹生磨芝麻卷🧂🖤（$58）：這個甜品很多人推薦一定要試看看，凍食，芝麻在口中迸發出香味 入口細滑🟡不推薦食物🔹招牌炒飯🍲（$148）：炒飯十分足料，但不過不失，胃口較小的可以不用嘗試，留胃口試食其他品項更好🟠員工職員十分友善，態度良好 🟡環境空間感很足，裝修大氣蓬勃，座位比較疏落，很有隱私感🤩🟠總評分（8/10）💰$200/person #ezukokofood #ezukokomongkok #ezukokomongkokeast #ezukoko旺角東#

第一次到念川居飲茶。客服招呼周到。食物份量雖少，但質素奇佳。真的蝦有蝦味。牛有牛味。如full house, 略為嘈吵。應1030入座較舒適。下次可能試小菜。應該不錯。

屋企人見中秋節假期，一於帶老人家去食好嘢，於是搵到呢間試吓（因為平時行過見到都多人等位），好彩今日假期都唔使等位等到天荒地老，一去到即刻有好位置入座；坐低見到點心紙，價錢真係唔平（點心最平都$4x或以上），但仍然座無虛席。咁我哋就點啲又唔係太貴又幾吸引嘅嚟試吓，見點心紙上面啲相以為又係細細碟食唔飽嗰啲，最後四個人叫咗八樣點心；到點心嚟到每樣都有啲份量，上碟精緻食上嚟又好好食，尤其係啲蝦又大隻又爽口彈牙，碟碟都好出色，最後食到個個都舔舔脷。最後結論，無論食物質素、環境舒適度同樓面嘅服務態度，絕對有下次（絕對絕對不是打手）。

是日早午餐！今日一家人去嘆靚茶，餐廳環境裝修型格新潮，睇落唔錯，但當我一拉開張凳想坐既時候真係唉…… 其實如果唔係勤力做足清潔既就唔好用絲絨面既凳啦，又有污漬又有上一手既污糟食物碎係度，如果想走中高價路線既起碼呢D硬件既清潔要做好囉，仲有服務質素亦一般，環境服務呢部分有D失望！再講下食物質素，整體我都覺得係高質既，除左鹹水角層皮係韌之外，比較有印象既係芙蓉海鮮芋角，芋蓉整得夠滑，海鮮內餡有鮮味，推介！蘋果叉燒酥層酥皮鬆化不油膩，內餡就如蘋果批+叉燒咁，有特色！生磨芝麻卷既芝麻味都夠香，好食！特別叫左乾炒牛河試下炒野既水準，有鑊氣既，但河粉炒得有D過焦，味道一般…… 總結而言點心價位定價偏高，但可以一試！

以為呢間嘢係食川菜，點知原來係食點心 ☺️ 4個人點咗10個點心，早埋單仲有折 👍 我覺得全部都好味： 芝麻卷/菲林好耐冇見過 🤪 好有芝麻味但係又唔會太甜；牛肉丸好香牛肉同芫荽味；蝦餃夠大粒 😆 總括嚟講係唔會令你失望嘅，平日去真係坐得舒服，真心推介 🤞🏻

好耐都冇食過川菜, 今日突然好想食水煮魚, 同同事去咗念川居食晏<水煮清香桂花魚>念川居嘅水煮魚比其他餐廳貴好多, 但係食得出食材的確好高質好水煮魚面頭有好多辣椒同花椒, 聞落好香, 廚師已經事先幫我哋去咗油, 食嘅時候辣而不油膩裏面除咗桂花魚之外, 仲有鴨血、蓮藕同薯粉, 份量都幾多兩個女仔食一份細份嘅已經好飽肚<芙蓉海鮮芋角>點心有驚喜, 第一次食包住海鮮嘅芋角外皮好鬆脆, 配搭綿綿嘅芋泥, 中間夾住帶子同蝦等等嘅海鮮, 超好食

口淡淡又吾知食乜，之後去左食川菜，叫左個酸菜魚，大舊招牌炒飯，冰梅骨。個酸菜魚做到本地化，吾辣但有胡椒豬肚湯的感覺，魚亦非常滑，但如果要正宗酸菜魚就一定吾適合相關人士。個大舊招牌炒飯有隻太陽蛋喺面，飯炒得吾錯，但帶子有D生，兩個人食到非常飽。

8-8-2022 星期一，與朋友相約飲茶，對方推介「念川居」，話好想食佢嘅 蒜泥白肉。好吖，一於試吓！呢度環境舒適，枱與枱之間有足夠空間。我哋叫咗幾款點心，同埋幾款小菜。點心蝦肉彈牙，湯鮮甜，鳳爪入味有咬口，脆皮腸粉皮薄內脆，芋角脆口蝦餃皇，海皇灌湯餃，上湯鮮竹卷，鮮肉小籠包，醬皇蒸鳳爪，金瑤脆皮紅米腸粉，芙蓉海鮮芋角。小菜：蒜泥白肉，白肉包著青瓜，爽口，配以幼滑蒜泥，美味可口。食晒啲白肉，記得留低蒜泥做調味醬食其他點心都好配合。泡椒炒鵝腸，配以萵筍炒，清爽，鵝腸爽甜新鮮。菠蘿咕嚕肉，配以提子乾，咕嚕肉唔肥膩，菠蘿新鮮，好味道。店員服務友善，食物新鮮熱辣辣，又好食😋值得推介。

早幾天聽2位朋友介紹呢間店舖，說味道不錯。睇下地點，原來係新世紀廣場，幾方便。於是約為食既家人一齊去食晚餐。早一天係 openrice 訂位，享有餐牌主食9折。當天去到不算多人 (對比隔離北京樓)，入面少了一點喧嘩，燈光不是太刺眼，反而是一個不錯的用餐環境。店員服務態度夠勤快，禮貌也不錯，讚!之前無睇到有乜signature food，所以隨心挑了幾道菜：1. 杏汁燉白肺湯($378)：我好鍾意飲呢款湯，這間店的杏汁夠香，5假，一窩都分到7碗，好味~2. 脆皮吊燒雞(半隻，$308)：部長話係signature food，又真係無介紹錯。皮脆肉滑，夠入味~3. 蜜瓜脆奶($188)：同其他店舖整得差不多，外皮炸粉5會厚實，都算薄皮4. 蒜泥白肉($128)：佢個蒜泥好得意，5會係太蒜味，搞到開口有異味。仲有佢既泥感真係幾泥吓，撈埋白肉一齊食，同平時食既感覺係5同，幾得意~5. 脆皮血旺($118)：原來係鴨血切小粒，然後炸，好似椒鹽豆腐咁。我覺得無乜特別，可以5叫6. 香油萵筍絲($98)：係一道好普通既炒菜，只係切得好幼，加上香油炒炒，幾爽口~7. 話梅淮山($88)：酸酸甜甜，好開

咁啱行過MOKO想搵嘢食，喺OpenRice見到呢間中菜就試吓啦。入面環境闊落，2人 walk-in都有得坐半圓sofa位😎叫咗個二人set，包好多嘢食🤤如果食得辣嘅可以試吓酸辣湯，但真係非常非常辣🥵麻辣豬耳，少少辣好開胃。蒜泥白肉，都係幾唔錯！酸菜魚，酸度適中，魚嘅份量還好，如果再多啲就更正🫢呢款都係前菜，四季豆🤭最後仲有一人一份炸醬麵，份量太多完全食唔落要打包走。菜嘅份量都唔少。最後嚟到今晚嘅主角，甜品黑芝麻卷實在太正，少少凍凍地，芝麻味極重，兩條真係唔夠喉😎