忠記義

有被驚艷到，食材口感都超預期！保留左食材原有的味道，而且服務態度也很好👍🏻色香味俱全～～造型也非常好看，香味也非常的獨特，係呢期最好嘅晚餐！味道超正！！！！…查看更多

🐑家鄉炒銀針粉-好有蛋香，鑊氣十足🐑乾炒牛肉意-美極鮮醬露愛好者必然之選，好香好惹味，意粉唔會好似一般港式茶餐廳咁整到好淋，牛肉亦煎得唔錯，鑊氣當然唔會缺少啦🐑辣椒油-炒粉麵加咗呢個辣椒油，能令粉麵進一步提香，夠辣夠醒胃😎茶走少奶-叫咗少奶，佢個茶唔係好香、唔係好濃、又唔係好甘，色水就一定唔對辦㗎嘞，但出奇地又幾厚，幾好飲喎，奶味反而幾香🐑青紅蘿蔔煲豬骨-例水煲得好香濃，充滿肉味、骨味、蘿蔔味，十分足料…查看更多

跟同事一行6人幫襯天后《忠記義》私房料理，食品水準一流，好想翻尋味！👍🦪🦪酥炸蠔餅望見已經垂涎🤤，蠔仔新鮮惹人憐愛！🐷🐷鹹酸菜胡椒豬肚配時菜味道精彩層次感多，豬肚腍而有咬口！🤗有潮州風味。🦐🦐茄汁大虎蝦虎蝦啖啖肉！如能挑走蝦腸就更perfect!!🤭🥪🥪黑松露蝦多士蝦🍤多士非第一次食，不過配黑松露就大開眼界！👀👀🇯🇵🇯🇵北海道帶子烏冬烏冬彈牙爽口，帶子又鮮美宜人！👍👅👅陳年花雕醉鴨舌鴨舌爽滑卜卜脆，酒香撲鼻，真想整碟花酒飲哂落肚！😵‍💫😵‍💫🐮🐮金不換野菌牛仔肉惹味腍滑牛肉配濃香金不換炒，絕配！😃🫕🫕私房足料燉湯秘製靚湯，廚功一流！可惜飲完覺得唔夠喉！😅😂🎗️🥇黃朝炒飯粒粒獨立精香飯粒，瑤柱一絲絲，蛋白一片片，加櫻花蝦伴炒，其味無窮，真想整碟吞曬落肚！不過這頓飯是6人分享！🥄🥄私房菜館收費不算昂貴，6人都吃得飽飽的。姐姐👧🏼都招呼周到，親切友善，所以話俾自己聽要YMCA,即係：You Must Come Again!😄😂😁…查看更多

在網上看見有人介紹呢間茶餐廳，老闆係舊忠記的廚師，自己出嚟開舖頭，而且好用心製作每一份食物，今次特登過嚟試吓！餐廳嘅位置好吊腳，喺天后站同埋炮台山站之間，地點上真係好唔方便！入到去座位其實唔多，我12:30到達，都坐咗七成人。入到去之後，睇見個餐牌，有幾份當日午餐選擇，仲有啲炒粉麵飯。我叫咗個霸王雞飯套餐，連飲品和例湯，另外亦都嗌咗個乾炒牛河。價錢相當相宜！唔使2分鐘個霸王雞套餐就已經送到，雞肉都係嫩滑嘅，佢嗰個豉油汁都調得幾好！最好食係啲蔥！而且個例湯都有啲誠意，整體嚟講相當唔錯！之後嚟嘅就係乾炒牛河，炒得都幾有鑊氣，而且用嘅河粉係幼細嘅河粉，係比較難炒得好好食，好考師傅功夫！牛肉嘅份量正常，而且牛肉都幾嫩滑，配合上嚟相當唔錯，整體嚟講，呢間餐廳嘅性價比幾高，只不過地方比較吊腳一啲，如果經過嘅話，真係不妨一試！…查看更多

常路經此地都忽略此餐廳，今日有空檔便入內一試，選了港人至愛沙嗲牛肉麵，煎蛋，方包。晨早唔算多人，等了一陣，上餐時出了雪菜肉絲麵，心中一沉，食客不多都出錯單，侍應立即更換，心想就是拂走雪菜肉絲改為沙嗲牛肉，代表麵底會淋哂！最後事實也是如此，麵底係淋咗，如果第一次冇錯的話，麵底係屬於好食，抵加分位係有條青菜，成碗麵靚哂，再加分的是具有誠意嘅沙嗲牛肉，食得出有花生醬味之餘亦有沙嗲的惹味，應該在味道上落了苦工；此兩分可抵銷之前的失誤。火腿蛋正常，我欣這𥚃的麵包是正常方包，唔係超肥的丹麥包。…查看更多

見佢重開就試吓啦⋯湯好喊🙈烏冬份量太少🙄叫佢最出名嘅咕嚕肉，硬到阿媽都唔認得，食到牙肉損咗，仲要冇肉嘅，全部都係粉！唔明咕嚕肉點解有骨😡另外叫咗碟腐乳生菜，半個菜都唔知有冇， 7x蚊！🤬最過分個甜品蛋白杏仁茶！其實係杏仁糊！兩啖冇咗😑😑仲有企枱生手，將啲setting推開一邊就俾客坐！餐牌又唔收走！極度唔明點解冇book 枱嘅情況之下可以咁差！老老實實真係冇下次！可能lunch先係老闆自己煮🙈🙈🙈…查看更多

用心嘅小廚，食物非常之好，不同一般茶餐廳， 午飯有陣時會有冷烏冬， 無骨雞 ，老火湯非常之好飲冇味精， 不過座位就少啲，價錢同茶餐廳差唔多， 中午去食就比較多人，可能要等位。…查看更多

外賣午餐最緊要快靚正。下單後，在門外大概等了5-10分鐘已可取，時間可接受，工作人員雖然忙碌，也是非常有禮貌，在香港的茶餐廳裏算是絕無僅有😂。打開外賣，雖然餐湯只有中式一款，但卻是非常有誠意的餐湯，因為湯裏竟然有兩隻東菇，讚👍。主菜是荷包蛋肉醬意粉，一隻煎得非常不錯、完整的荷包蛋放在意粉上，賣相漂亮。肉醬意粉也份量十足，反而肉醬有點太多令整體味道有點過濃，店家下次還是不要太闊綽😂。外賣凍檸茶，杯蓋上多了一塊薄紙防倒瀉，算是細心的做法。…查看更多

天后高質Lunch 忠記義📍天后威非路道6A號地下7號舖➰最近發現依間新開私房菜小店，晚市提供私房菜，午市則是供應一般快餐連熱湯，但餐廳每日都會轉款式，湯水非常高質，午市時間經常滿座，令我都有興趣一試佢嘅晚市私房菜。➰午市快餐 💲62已幫襯幾次，餐廳每日都會轉3款lunch及湯水。.✥無骨蔥油雞飯 ⭐️4.2/5⭐️去骨雞肉非常嫩滑，份量亦都豐富，配上蔥油送飯非常惹味，同區嚟講性價比算好高。.✥金銀菜煲豬骨 ⭐️4.2/5⭐️第一次嚟試以為只係普通跟餐例湯，但估唔到餐湯真材實料，湯頭鮮甜濃郁，非常有誠意，令我再三幫襯。…查看更多

過年期間見到威非路道開咗間新餐廳，今日終於有時間來試新嘢，同老婆撐台腳，叫咗3個小菜:陳醋菠蘿咕嚕肉，蝦乾炒唐生菜，鳳尾蝦蒸水蛋，本來呢D就係普通嘢，冇期望，不過老婆點菜冇得say no，唯有張就係，點知咕嚕肉一上台，陳醋香味即時令我食指大動，正！蒸水蛋就更驚喜，用個蛋殼形嘅碗蒸，夠新意，裡面仲有帶子蟹柳，有誠意有新意，成2吋厚嘅蛋蒸出來一D都唔老，廚房有料到，唐生菜就屬正路嘢，期間同老闆吹咗幾句，推薦咗鵝肝多士，賣相唔錯，鵝肝夠大件，唔會覺得淨食多士，值得推介，下次要試埋其他菜，對呢間鋪頭有期望，中意食中菜嘅不防一試。…查看更多

本身唔熟嚟區, 喺附近上2日training 見到早餐有雪菜米環境企理就入去, 茶記咖啡竟牛奶另上, 雪米清清地唔會口渴, 芝士拉絲炒旦, 自己細食所以走了多士。整個餐好高質, 食完精神及心情都好D😄 第二日又再去, 如果喺我公司附近一定常幫襯 😋😋…查看更多

好有良心的餐廳！離遠見到個紅色招牌，design 幾特別，行過去窗口見到裡面D 凳幾好坐，就入去試試。飲品首先來杯奶茶，好大杯，而且唔會係出面D餐廳咁成杯冰，茶底幾arm 我口味，推薦！食物1）海南雞飯（$72包飲品）：D雞好足料，好好好滑！D 飯好夠熱好香！2）咖哩牛舌意粉 （$72包飲品）：有驚喜！意粉唔係出面D 頹意粉，這裡的意粉係有口感同埋炒過的，咖哩薯仔係炸過的， 好有heart, 牛舌切得厚，同埋比左好多舊！3）鵝肝多士（$88）：居然會出現係餐牌到，並且唔貴，真係成塊鵝肝！ 唔係鵝肝醬，而且鵝肝係有厚度的！外面少少脆口，內裏滑！總結，值得推薦，一間好有良心的餐廳，讚！…查看更多

今日同朋友去完炮台山，諗住去天后搵間唔係連鎖嘅茶餐廳食，沿途經過一間新開張左2日嘅茶餐廳，當然要入去支持下老闆介紹呢個開張優惠快餐，$48 蒜泥雞飯，跟湯，跟野飲，性價比好高，如果鍾意蒜泥嘅，一定要叫呢個嚟食！不過我最鍾意同推介嘅係口水雞撈一丁($72 跟野飲）勁香嘅蒜蓉口水雞汁，更緊要係啲雞滑，同埋勁多雞，夠飽之後望下個餐牌，見到有鵝肝多士($88/4件) 同埋冰火黑松露蝦多士，忍唔住叫咗個鵝肝多士，多士好脆口，鵝肝即刻煎，都幾好食跟餐叫咗杯茶走，茶膽好濃，不錯今日見個老闆同每台都傾兩句，先知道原來老闆以前幾代都喺銅鑼灣做開茶餐廳同私房菜，唔怪得知人情味滿滿，因為疫情關係同埋業主鋪租問題，所以冇做，而家東山再起事實上，因為舖租昂貴，餐廳地方就唔係好就腳，天后或炮台山地鐵站行5分鐘左右，不過見咁有心同希望延續香港茶餐廳精神，嘢食全部比足料，仲有服務，希望大家支持香港人創業老闆，建議加個常餐吖，丹麥多士炒蛋 雞排一丁/辛拉麵餐 …查看更多

行完美華氏見隔離開咗間新中菜餐廳試業期間入去試下------------------------------金銀元貝蒸水蛋係意外地有驚喜🌟個感覺好似食緊茶碗蒸咁🍥蛋入面好多元貝同埋肉碎勁快就清左成碗飯🍚下次一定會再order!🤤四重奏分別係鹹蛋🥚/鹹魚🐟/土魷🦑/蝦乾🦐個人應該土魷🦑最好食 又香又彈牙份量黎講四個細肉餅加埋其實都幾大份一次過可以試哂四隻味又可以滿足到選擇困難症人士😂------------------------------推薦金銀元貝蒸水蛋~見Meun仲有個 金銀蒜元貝仔鳳尾蝦蒸河粉 幾特別下次再試🤣…查看更多