忠記咖啡屋 (已搬遷)

朋友介紹唻呢度, 話佢海南雞飯好好食, 今日叫咗呢個套餐, 啲雞肉唔可以話係好滑嗰隻, 但就唔鞋  仲有啲雞味, 底下有啲椰菜墊底, 側邊有啲酸菜, 呢啲配菜都好好食 至於點既汁我就覺得甜咗少少, 唔夠酸辣, 薑蓉就冇乜特別。例湯都好老火, 仲好足料, 有舊豬橫脷食添。佢哋都有賣芝士餅, 芝士餅細細件, 有淡淡既檸檬味, 芝士味唔算濃, 但都唔錯   咪以為細細件就可以每人一件, 其實食半件已經好飽。好彩我同朋友一件兩份食。見到好多人小菜, 啲小菜大約$6X左右, 完全唔細碟, 下次可以再唻試吓。不過聽佢講話就唻搬, 都係喺附近, 但唔係咁知詳細地址了…查看更多

約咗人係附近但又未夠鐘，所以找個地方食個早餐先。之前聽朋友講忠記的食物不錯，所以就直接過來。因為餐廳係一樓所以選擇咗行樓梯上去，一上到去未入門口就聽到很嘈吵，果然店內的座位差不多全滿，幸好我是一人，所以有位。我一坐下來，已有個哥哥急不及待想同我落單。雖然茶記來來去去都係差不多，咁話哂都係第一次嚟點都要睇下個餐牌架嘛！哥哥等咗我幾秒見我仲未可以落單於是就走開咗！咁都好等我可以睇下附近的人叫咩食多，見多数人都係叫麵餐多，於是我就叫了沙嗲牛肉火腿米粉和茶走。沙嗲牛肉火腿米粉配有生菜，很有誠意，因為唔多餐廳早餐都會咁做，所以即刻加了分。沙嗲牛肉的沙嗲味很濃有少少辣，牛肉亦都很腍身。米粉是我喜歡的幼粉，很夾口！至於奶茶就強差人意，茶味濃但有苦澀味，不夠滑，而且顏色亦偏深，只有香味！…查看更多

忠記聽過好耐，一直想試，去到樓下，大廈門口都幾隱密，要入橫街，因為在一樓，行樓梯上去！茶餐廳格局，裝修比較簡陋！牆上有菜式介紹！門口一邊係水吧，一邊係收銀！食物以中式小菜為主！馳名海南雞飯二人套餐（$168）招牌海南雞半隻：除了雞胸比較嚡（可接受）其他部位好滑，但又唔肥！雞唔肥，皮下唔會好多肥膏！有兩款醬提供，薑蓉同泰式醬，我喜歡點泰式，醬料唔辣，酸酸地開胃，薑蓉太多薑，我自己鍾意蔥多嘅！都唔太咸！底下有椰菜墊底，比較硬！唔知係廚房知道係外賣所以特別煮生少許，等到回家都仲爽脆（因為脆肉瓜回家都剛剛好，焗過都仲爽口）仲有紅白蘿蔔絲酸菜！醃得剛好爽脆好味，連平時唔嗜酸菜嘅肥髀都同我搶食！小菜：有4款揀，我揀「蝦醬翠玉瓜炒牛肉」翠玉瓜爽脆（焗過仲爽，好難得）牛肉唔韌入味（無用鬆肉粉）蝦醬咸香，好惹味！餐湯：椰子煲豬骨：呢個湯好驚喜，足料香濃，唔味精，好似飲咸椰汁！有三件椰子肉，加大塊有軟啫喱嘅軟肉嘅豬骨！叮熱飲好似飲椰子濃湯！平時唔嗜中湯加唔鍾意椰子味嘅我飲晒成碗！油飯：金黃色好靚，油香滿嘴，每粒都索晒雞油！如果有黑甜豉油撈飯就仲正！糖水：薑湯湯丸，用紙杯裝住6粒湯丸！芝麻餡香甜，湯丸皮煙韌，薑湯非常辣，肥髀辣到頂唔住！食完好暖！食物返家打開，包裝得好企理，用可以入微波爐嘅膠盒，方便食客翻熱！攞到回家時仲熱，可惜等埋肥髀做功課，最後都係暖食！湯同糖水就加熱！雞肉無加熱因為一叮就好嚡！店員服務親切勤快！我去到門口已經有店員招呼，知道我買外賣又叫我坐下來慢慢睇餐牌，落好咗坐響度都要等15分鐘先有得攞！店員知道我要唔要搭車，即刻主動再加多個膠袋比我，兼同我講定，比埋外賣紙叫我下次可以打電話落單先！好好服務！可以八達通比錢方便！整餐外賣食品都好味！題外話：見到枱面有餐牌，話有芝士蛋糕（相片係三角切餅）小菜館有西餅？但雪櫃內嘅芝士餅係方形，唔知點解我一向覺得芝士餅要三角形（個人問題）所以打消了食嘅念頭！…查看更多

是咁的 .... 那天很想食海南雞, 於是到Openrice 打呢幾個字就搵到忠記,於是決定了晚飯地方, 一切是隨心而發So easy !晚飯時間, 不是不過旺場。埸內坐著一位上Super Model (But Long time ago)一坐低就點了海南雞飯餐 $56不久店員為我送上了一盤來盤子內有一碗 [椰子雞湯] 薑蓉, 泰式醬汁, 香芽飯和一份雞。先嚐一口湯, 椰子味芳香, 湯頭夠熱香濃可口。再嚐主角, 小妹喜歡這裡把雞切得較大件,雞皮黃咁咁 , 是正宗黃油雞口感實在不像冰鮮雞。而雞皮下乃是傳說中的 jelly 層, jelly透明滑溜溜。雞肉非常嫩滑, 雞肉富彈性, 肉味不俗墊著雞件的椰菜和酸蘿白都唔可放過　吃一口充滿香茅清香的油飯, 而且飯粒是軟糯糯的，岩晒我。　澱粉控小妹扒到一粒飯都無得留低, 真係超級喜歡。試過呢到的海南雞實在回頭太難。過左幾日再接再厲, 而水準一樣無變, 例湯轉了青紅蘿白湯。總結: 我以後會黎多d ! …查看更多

下班後去了靚女kk的新店探望她, 跟著一起吃飯, 她說有點累, 建議隨便到附近的茶記吃個簡單晚飯, 在銅鑼灣這個香港黃金地帶, 隨著租金日益上漲, 很多小茶記已經被大集團取代了, 當中仍然有數間歷史悠久的能夠在這個地區努力奮戰著, 忠記就是其中一家了...由早年開在渣甸街地舖的忠記, 這幾年實在受不了地舖租金的上升, 也不記得在怎麼時候搬到商廈的一樓, 我也是偶然在雜誌上看到他們的報導, 才知道他們搬到一樓, 繼續努力地經營....早前特意找友好陪我到來吃個下午茶, 看到他們晚餐時段有很多家常小菜提供, 就提議到這裡吃...晚上8時多, 店裡座無虛席, 幸好剛有客人離開, 我們不用等位, 看到其他客人都是聯朋結黨的來吃飯, 熱鬧得像個街坊小店...我們看看餐牌, 小菜的款式很多, 價錢亦算經濟(在銅鑼灣區來說), 最後點了我愛吃的"家鄉土魚尤蒸肉餅"及"蝦乾麵醬唐生菜"....小菜還附送例湯呢...但不包白飯及飲品...今天的例湯是沙參雞腳, 味道還可以, 不太感到有味精...肉餅煎至金黃色, 肉質經煎香後仍不會太乾, 碎豬肉混入了馬蹄粒及蝦乾粒, 令肉餅不會太單調之餘, 亦滲透了蝦乾獨有的鹹香味, 配白飯來吃, 很讚!!!至於唐生菜...菜很新鮮爽口, 配以很多的大蝦乾及少許的紅辣椒來炒, 令菜帶少少的辣味, 但不覺油膩, 大蝦乾亦吃得出是上好的貨色, 有口嚼感亦帶蝦香味, 不錯!他們的小菜選擇很多, 只是今晚只得2人, 不能多試幾個, 另外, 他們還提供私房菜的安排, 只需提早預訂就可以了...…查看更多

現在的銅鑼灣除了金舖、化妝店便是珠寶鐘錶店, 有特色的小店已買少見少, 而人人需要吃飯的地方就更加少有誰人可以在這一小塊地上還我們香港人能夠經濟又舒服點吃餐飯的地方呢?這間已位於二樓的老牌蛇竇並不太顯眼, 若不是前一排雜誌介紹過也實在唔知道它的存在. 自此之後便成為我與老公在銅鑼灣的平民飯堂了 …查看更多

姊姊常常想去試忠記, 一直沒有機會去到, 但其實只是很近的地方, 老是忘了或是沒有心上樓, 忠記是一間樓上的茶餐廳, 在銅鑼灣的有名蛇竇, 很多雜誌都介紹過, 今日決定去試一試, 就在怡和街一幢商業大廈的2樓, 樓上有許多賣蛋糕材料的舖頭, 12時左右已經有許多客人, 我最想試的是辣魚飽和熱鴛鴦, 我們也點了雲吞麵和海南雞飯, 辣魚飽是最喜出望外, 辣度十足, 其實是吞拿魚加上特別的辣醬,嗜辣如我, 大愛! 麵包烘得脆, 很滋味!鴛鴦是還可以, 奶滑平衡, 其他真的普通, 海南雞飯更是不夠水準之作, 雞皮硬肉更硬, 沒有海南雞聯想到的嫩, 油飯也不出色, 沒有下次!…查看更多

一個人食飯的中午，當然要搜尋一些未食過及隱蔽的餐廳。銅鑼灣的這一間忠記，聽過，見過(路牌)。幾年前跟路牌走過入後巷尋找，結果無功而回。一直都認為這傳說中的忠記咖啡早已結業。到後來在灣仔/銅鑼灣一帶工作，經常在Sogo附近出沒，有時候舉頭望一望，看看樓上的食肆同廣告牌，有一天，在電車路旁的大廈發現了一個小小的閃燈牌，是一家叫忠記的樓上cafe。闊別了幾年，傳說中的忠記原來變成樓上店，繼續在銅鑼灣的核心地帶提供茶餐廳既服務。門口在橫街仔，另一門在後街的渣甸街，不是樓下有舉牌的阿姐指引，好多不熟地頭的人都會是看到，上不到。上到來二樓，未到一點鐘已經被客人把小小的空間擠滿了。我找到了窗邊的一個小方檯。兩個人在搭檯時，空間感覺仍可，當檯子坐滿了四個人時，檯上有餸有飯有飲品，這一個時候，才知道檯子是極細的，比麻雀檯更細。是日其中一個午餐是獅子頭，一砵仔共有5個球，雖然一看就知道這並不是正宗上海式，而獅子頭的賣相令我覺得佢比較似山竹牛肉多過滬派的豬肉球。若是以廣東業式來評，這個東西的味道也算是不差，作為一個為打工仔而設的速食午餐，這一個味濃，有汁，咸香有醬油味，for 為了吃飯的我們，有最可愛的餸汁，就好。奶茶咖啡，是這茶檔的招牌，可是我覺得他們的奶茶普通，味道未如理想。最主要就是，沒夠濃，cream味唔夠。食物雖是不錯，雖未試咖啡，但奶茶就不合乎我的口味，地方雖然光猛乾淨，但太細，在這用餐很有壓迫感。…查看更多

到銅鑼灣行完街，就不回家吃飯了，買了這一家茶餐廳團購劵，那就更方便了！這家茶餐廳不大，他們主要是做上班族生意，晚上客人不多，坐下不久就可以上菜了。而且他們星期日是放假的，星期日行街就不要來了。一份二人餐包括是日例湯，半隻海南雞，一個小菜，白飯或油飯，甜點。當天例湯是冬茸雪耳羹，那是把冬瓜，雪耳和肉末切成很幼細，煮成的羹，很少喝這樣的湯，很有創意。再來的是半隻海南雞，已經完全去骨，份量很足夠，雞肉很滑嫩，只是脂肪稍多和因為是雪雞，故肉味不強。小菜選了蜜桃生炒骨， 生炒骨夠脆， 甜酸味道適中但肉質偏硬。飯一個要白飯，一個要了油飯，飯熱度均很足夠，油飯有雞湯味，唯香味不足。甜點是薑汁芝麻湯圓，薑味很濃，芝麻湯丸好味，很不錯呢！以這個價格來說，食物賣相，份量和品質都是合格有餘了，店員態度也很好，是一家有誠意的小店。聞說他們以前是地舖，也是租金太貴了，所以只好搬到樓上，在銅鑼灣鬧區中經營需要很努力呢，加油啊！:):)…查看更多

買咗忠記嘅團購。地址係怡和街, 但係入口位處街內嘅小巷, 兼且係樓上舖, 真不容易找, 店嘅面積不算大, 座位比較窄。見到門旁嘅黑白照片, 先知道忠記原來係老店, 眼見不少老店, 如果唔係執咗笠, 就係變成樓上舖 (近期另一例子係 "南亞"), 可想而知瘋狂加舖租嘅殺傷力, 真係好大。香港面積衹得 1,100 sq km, 去年竟然有 4千萬遊客, 咁嘅比例可能係世界第一, 結果名店搶住租地舖, 租金就火箭咁升, d 老店就非死則傷, 得益嘅係地產大亨, 我哋 d 小市民就係受害者, 無論買嘢、食嘢都貴晒, 仲要忍受地鐵越尼越迫呀; 有時搭車俾 d 國內遊客推呀; 有時打尖呀; 有時隋地掉垃圾呀; 佢哋有時幾條友企正路中心, 塞住條路, 阻住人行而全無感覺呀.....等等。 發完嚕囌, 講番食物。係一個二人餐, 先尼赤小豆,粉葛,瘦肉湯, 個湯夠熱, 盎內見到湯料, 真係真材實料, 湯料都食得津津有味! 跟住係海南雞飯, 雞好滑, 唔肥, 雞皮連住少少脂肪, 份量亦足, 最正嘅係已經去骨, 真正啖啖肉, 忠記唔怕去骨工夫多, 實在抵讚!小菜選了蜜桃生炒骨。火侯控制得好, 生炒骨夠脆, 甜酸味道適中, 蜜桃唔係淋晒嘅, 唔似罐頭貨。最後甜品係薑汁湯圓, 薑味不濃, 但麻蓉湯丸好味。我諗茶餐廳尼講, 用湯圓做套餐甜品嘅, 全港可能祇得忠記一間。服務方面亦唔錯, 有位中年人兄 (可能係老闆) 幾有幽默感, 會同 d 客講吓笑!結論 : 忠記唔怕工夫多, 真材實料, 好味道!…查看更多

我食左忠記超過十年，就萛佢搬我都繼續撐場。一次又一次既加價，食個公仔麵加野飲成四十幾蚊。味通越來越難食，態度一次比一次hea，終於碧到我呢位老客仔頂唔順。今日我係最後一次上去食，入到去場面比平時冷凊。一睇：又加價！好，我都萛。我照常叫左個蕃茄湯麵。個麵既湯低淡左好多好多，接近冇味。平，又唔係平過人。味，又差過人。態度又串過人。睇來呢間貴劣茶餐廳命不久矣。…查看更多

打電話叫個羅漢齋反，外賣子寫明$37，仲要我早2曰先食完，今晚再叫佢話，（唔送要自取，而家要$48），我早2日先食完，特然又话唔送兼加成$11蚊。食個齋反外賣仲貴過去翠華。我食唔起囉！佢地方好坐？貴到冇人去，更好坐啦！…查看更多

知道這店新開不久, 便上來試試看. 其實知道係茶餐廳格局, 但諗住樓上鋪會平d. 睇完餐牌覺得都唔平wo..無咩選擇之餘, 一個午餐跟餐飲/湯都要$38..我叫咗星洲炒米...(午餐主要只有星洲炒米,揚洲炒飯,干炒牛河等選擇) 而且份量算小(我叫其他茶餐廳外賣既份量好似仲多d.), 味道都ok ge..但相信以同樣價錢, 我在同區會有更多更好的選擇(即使係位於地鋪既茶餐廳)...或者茶餐會抵食d gwa..唯一唔錯既係可以望下街景:)(如果坐窗口位既話), 同埋有個電視...…查看更多

知道佢地新開張,我同老公2個去試下,我叫左沙爹牛肉(自加丁+$3)麵餐,有蘑菇栗米菴列+凍檸茶(凍飲加$)合共$36，我老公叫左涼瓜牛肉飯$39(餐牌冇寫)，個阿姐態度好好話做比你啦。我個麵黎啦~~食落去d麵硬身(我唔喜歡):((沙爹~~過鹹:(，牛肉~~霉霉地(鬆肉粉太多嗎=.=?):(蘑菇栗米菴列~~蘑菇好重罐頭味，栗米同蛋都ok。凍檸茶ok啦。涼瓜牛肉飯~~我老公話飯軟熟好食，其他都ok算係咁。…查看更多