忠孝東路

營業中

休息中

以這個價錢在尖沙咀應該可以吃得更好。這間餐廳佔盡地利，在iSquare上扶手梯第一眼就看見，門面也裝修得很好看，看上去有台灣的感覺，吸引不少人排隊。食物選擇不少，對選擇困難的人來說正常應該會選一人餐或二人餐。我們這晚選了二人餐，但食物有點令人失望。比較好吃的食物有前菜及甜品。前菜是鹵水鴨舌和牛筋，都非常軟身，味道還可以。甜品是芋圓，冇得輸，因為口感實在qq，不過少點糖分會更好更自然。龍蝦肉質不錯但調味不足，反而三杯雞太鹹，肉質太鞋，算不上好味。最失望的是廚師推介的炭香珍珠奶茶。沒有炭香，沒有奶香，沒有茶香，珍珠極少亦好硬，喝下去只有死甜，高攀不起台灣手搖飲料。餐廳內部比較欠缺空間，座位都很緊迫，如果有帶背囊，會有點難處置，也很容易聽到隔離枱的人的對話（我沒有偷聽）。員工服務態度都不錯，尚算勤快，不過略嫌不但不是台灣口音而且也不是香港口音， 令人不覺得身處台灣餐廳。離開餐廳時，肚是飽的，但心裡空虛……

同個朋友行行下街明明食左飯但又口痕😅求其搵間嘢坐下飲下嘢見到呢間餐廳幾舒適，就呢間💗😂麻薯窩夫$63即係窩夫皮包住麻薯，上枱時熱辣辣外皮香脆但裡面煙韌，幾得意🤪側邊個cream打得十分綿滑配埋雪糕食，正#hkfoodie#foodie#foodphotography#foodiegram#instafood#foodpics#sweetlover#waffle#dessert#bake#foodlife#lovefood#pastry#chef#香港#甜品控

食完午餐行咗陣尖沙咀，唔太肚餓又差唔多到下午茶，見到呢間由台北地名命名嘅餐廳，就好似去旅行咁😂門外有個水吧專賣台式飲品，睇落都唔錯就試吓佢嘅下午茶😋烏魚籽奶油海蝦意大利麵呢個麵真係幾驚喜✨雖然每人2啖就食晒，但勝在質量！ 大蝦爽脆奶油份量調配得剛剛好，搭配豆芽，食落清爽，讓人一啖接住一啖👍 可能我口大，食咗兩啖就見底😂 值得再食嘅意粉🍝下次我會午餐或晚餐嚟再叫呢個 希望份量會多啲，更加滿足😋鮮果草莓忌廉雪糕配台式麻薯窩夫 下午茶份量較少，啱晒行街行到攰唔太肚餓又想坐下嘅人😂窩夫即叫即整，外脆內軟，入面嘅麻薯令整個窩夫加添煙韌口感，搭配糖漿及少少水果，又幾好食👍 同人share得一細塊真係唔夠😞 下午茶餐會配特定的忠孝特飲，當時指定特飲係柑橘桂花茶。唔洗加錢配對佢就真係無咩要求，解渴就👌或者係我食下午茶份量先少，但個意粉真係令我印象幾深刻，係會為咗個意粉專登再去多次試😌 期待下我下次再試😎

非常美味，屬殿堂級享受。二人用餐，吃個下午茶，叫了三個菜。1）卡邦尼意大利麵2）鹽酥雞3）窩夫平平無奇的一般菜式，帶來了意想不到的味蕾刺激，有峰迴路轉的奇妙冒險之感。鹽酥雞份量夠，肉味濃，有台式古早味道，外皮炸得酥脆可口，外脆內軟，咬破脆皮後有絲絲肉汁滲出，非常有口感！窩夫有珍珠作為點綴，正！美中不足的是當日未有 3.6 牛乳奶供應，只能叫一般珍奶，但世事無完美，正如鑽石亦要有瑕疵才能分真假，這次台式餐飲體驗非常正！

忠孝東路是一間位於尖沙咀的台灣菜館，之前有朋友向我推介所以今日睇戲之前來嘗試一下。他們有晚市一人套餐，分別有小食、台式清湯和一客主食、套餐還有一個飲品。我哋叫咗兩個套餐，小食分別有滷水牛肚和滷水豬耳，樣子味道都不錯，朋友食得津津有味。松山薑絲蛤蜊湯和永和鮮蚵豆腐湯，都好清甜，蚵蜊肉飽滿。迷你滷水拼盤配珍珠飯，拼盤有牛展、牛筋、糖心滷蛋，牛展牛筋滷得軟糯入味，滷蛋也很充味，唔錯。香酥怪味雞配滷肉飯 雞肉味道得不錯好惹味帶肉汁。我最喜歡的是忠孝牛肉麵，湯底濃濃的牛肉味而且清澈唔肥膩，牛肉的份量頗多，厚厚的一塊塊有咬口。香芋珍珠牛乳和炭燒烏龍珍珠牛乳就麻麻哋，茶味不夠香，不推介。

行街行到上嚟，想飲珍珠奶茶，冇咩選擇所以就諗住試吓呢間。從來未飲過咁難飲嘅珍珠奶茶，啲茶係苦嘅，珍珠係冇味嘅，飲咗半杯都冇就頂唔順丢咗。咁就浪費咗$28。另外嗰杯柑橘桂花茶還好。

約左朋友係isquare 7:00左右睇戲，收工再過去得返唔多既時間可以食飯，咁就隨便係isquare到睇，見呢間可以即入，而且係openrice既評語都好似OK，咁就試試佢快食一餐啦。咁佢有散叫同晚市套餐既，晚市套餐就一個小食+主菜+野飲就$108，個人覺得唔算係特別抵食，而且個小食唔太有興趣，咁就散叫左個忠孝魯肉飯啦($65)，朋友就叫套餐(麻辣豬耳+香酥怪味雞配魯肉飯+豆漿)，好彩都唔駛等好耐，好快就上左個忠孝魯肉飯，佢好細心咁有隻碟墊底，因為都幾多料基本上一放隻匙落去就會倒瀉，不過食落發覺個魯肉&汁係冇味...唔睇個飯樣會唔知食緊咩。同時我都偷食左朋友D野食黎試下，佢個麻辣豬耳係勁淋身，冇左豬耳個種爽口感，都幾一般。但佢既香酥怪味雞就OK既，份量都算多，味道係合理，亦唔會話大大舊粉細細舊雞個類。總括黎講啦，呢個質素既話呢，我就覺得個價錢偏貴既，大概都唔會再翻兜呢間lu。

位於尖沙咀iSQUARE嘅「忠孝東路」(好似口誤咁，忠孝東路明明喺台灣🤣)，之前去睇戲行過見到間鋪幾得意，用餐環境又好似幾舒服咁，就比佢吸引左去食個tea等睇戲啦🤓————————————————🥇綜合玫瑰芋圓雪糕配台式麻薯窩夫（$68）👌🏻大眼妹鍾意食芋圓，於是就叫左個芋圓窩夫🧇試試佢，感覺芋圓同麻薯都係配冰食好d，不過都叫試下新野啦😝🥈忠孝抹茶鮮果千層蛋糕（$55）👌🏻千層蛋糕賣相一般，唔夠堅挺，食落都無入口即溶嘅感覺，味道就正常嘅👍🏻下午茶餐抵就抵在送飲品，我哋揀左忠孝特飲，即係芒果橙綠茶，留意返，走冰嘅話野飲會少d，大約好似比人飲左兩啖先上枱咁🤣————————————————📍 忠孝東路︰尖沙咀彌敦道63號iSQUARE國際廣場3樓306號舖

試咗佢嘅午餐，麵/飯+小食+飲品價錢由$7x - $8x。環境唔錯(最重要唔會好嘈)，有服務但又唔收加一服務費呢單野就令中環人讚歎不已 👍🏻食物方面：忠孝牛肉湯麵 ~ 牛肉超淋，麵嘅質感好好，成碗野味道唔錯。但午後返到公司勁眼瞓，可能MSG 重手咗吧 😅忠孝魯肉飯 ~ 都係好味嘅，魯肉夠味+汁都充足。 不過都係啦～ 飯氣攻心真係好難頂小食揀咗麻辣牛肚 ~ 個人認為麻辣味唔夠，但牛肚就唔un 👍🏻特飲：咩蜜桃百香果茶... 係好飲嘅

喺尖沙咀未夠鐘食晚飯又唔知做咩好🤓，比呢間台式餐廳溫暖和諧嘅氛圍吸引，食個下午茶坐低休息吓先😌，仲有我最鍾意嘅甜品。味道就中中等等啦，唔知鹹食會唔會好味啲？————————————————👅綜合玫瑰芋圓雪糕配台式麻薯窩夫（$68）🔸全店採用Haagen-Dazs雪糕，鬆餅有細細粒嘅麻薯，如非刻意唔會留意到，但鬆餅的確同平時鬆厚口感唔同🧇，比較煙韌，香氣似曲奇。芋圓就偏軟，係咩香味，似糖水店嘅小丸子多啲🔸下午茶套餐送飲品，我哋都揀咗忠孝特飲，原來係芒果橙綠茶🍊。怕凍走冰會細杯1/4，味道都算飲得過啦，環保啲用返普通飲品嘅玻璃杯更好⋯👅 忠孝抹茶鮮果千層蛋糕（$55）🔸賣相同之後買嘅catering千層蛋糕似曾相識，估計都係入貨🥸⋯12層餅皮較粉，忌廉同入口即化嘅級數當然有差別，配罐頭蜜桃、鮮藍莓同士多啤梨———————————————— 🚩總結：平平哋食個下午茶坐下都OK———————————————— 🌟注意：下午茶供應時間14:30-17:30————————————————📍 忠孝東路地址︰尖沙咀彌敦道63號iSQUARE國際廣場3樓306號舖

一諗唔到食咩 除左譚仔就係食台灣野今日去左iSquare呢間比個名吸引左 好似好正宗咁😂😂叫左一個魯肉飯同一個紅燒牛肉麵午餐menu叫主食都會配一個小食配了小黃瓜同紅油炒手魯肉飯一般 如果魯肉更肥更美味而且醬汁是比較杰身 本人不是太喜歡這種質感有溏心蛋點綴加分👍🏻👍🏻👍🏻牛肉麵好多料 牛𦟌比得好足 大舊香淋易入口 唔會好un麵是細麵 有咬勁 唔會好淋 不錯小食黃瓜一般略嫌炒手既醬汁唔夠有啲乾 不然更加好

星期六相約朋友到尖沙咀iSquare看電影，經過100分鐘電影旅程後又是下午茶時間， 上次到此商場時正是疫情嚴峻時間，還記得商場人流冷靜，但今天是星期六下午時段，商場雖不算人山人海，但也算人流不絕。商場內有很多食肆，忽然想吃甜品及台式奶茶於是便決定試這間台式餐廳。餐廳環境是簡約設計，座位算寬躺，下午茶時段人流不算多，環境安靜👍今次是吃下午茶，選擇了鮮果草莓🍓忌廉雪糕配麻薯窩夫🧇，分量充足，二人分享也足夠。飲品選了桂桂茶及忠考特飲，不過不失。店舖門面是開放形式下午茶價錢優惠座位寬闊

同舊同事食lunch，揀左中間點係尖沙咀食，地鐵連住落雨唔使怕。忠孝牛肉湯麵配紅油抄手5分鐘就食得，食落個湯底有少少酸，牛肉幾腍。特飲係鳳梨芒果花茶，唔錯，唔太甜。

落到尖沙咀I SQUARE發現有間台灣店 本色諗住買杯珍奶 見到個超吸引既雙人套餐😍！！！ 試！！！先係兩碟小食：揀咗 麻辣鴨舌＆麻辣豬耳 味道OK 不過不失 兩碗湯：豆腐蠔湯 ＆ 蜆肉湯兩款既湯都清淡，唔會好鹹如果平時唔食開生蠔嗰種味道既話，建議飲蜆肉湯！蠔味好出！ 兩款主菜：1. 龍蝦炒飯完先睇個名以為龍蝦抄飯D龍蝦會勁細粒，點知係原隻龍蝦，已拆肉，炸咗，變成龍蝦球！超大粒🤤 龍蝦味到鮮甜，爽口！ 如果平時鍾意食炸天婦羅蝦尾既話 千其唔好放過呢隻龍蝦尾！炸到脆卜卜🍤🍤2. 芋香雞如果唔係叫雙人餐，單點既話，建議叫多碗飯（不過唔肯定有冇白飯叫🤭） 主要係因為個芋頭蓉好香 好好味 可以撈飯食😎雞滑！ 多肉！仲有雞腿🐓🐓仲有兩款菜選擇小編揀咗 櫻花蝦抄菜Ummmmm, 如果食開清淡菜既，呢個唔建議叫，因為菜偏油，不過如果真係想食可以叫完食一啖原汁原味先（都真係抄得幾好食）跟住就用水洗一洗先食。小編都有沖一沖先食，放心 味道都仲係濃既，只係冇咁油🙈最後最後 甜品！！！呢個芋丸糖不甩超！好！食！平時食開湯丸版本既糖不甩，呢個創意分比咗先👍🏻👍🏻芋丸仲加咗玫瑰醬係面，配上糖不甩，香甜😋😋不過甜

🔸牛肉麵 $56麵條係幼麵偏硬身，湯底少辣，牛肉份量超級多，舊舊都厚身軟林，仲配左少少酸菜，下午茶都算抵食 6.8/10🔹明太子大蝦意粉 $63明太子醬鹹香，意粉掛汁，不過蝦肉有少少雪藏味，呢個味道同價錢成正比😂 6.7/10🔸忠孝東路特飲： 荔枝茶有淡淡荔枝味，甜度正常，茶味較淡但同荔枝味幾夾 6.6/10