忠孝東路

營業中

休息中

好味指數😋😋😋😋回頭指數 ⭐️⭐️⭐️⭐️⭐️開心指數🤗🤗🤗🤗認真講，已經有好耐（以年計）冇去呢個商場，因為去睇戲，諗住睇戲前響同一個商場搵食，見到呢間頗多好評，就揀咗呢間食。因為想輕輕鬆鬆食，早咗少少到商場，剛好 catch 到仲叫到下午茶。下午茶嘅選擇都幾多，有11款熱炒/小食，7款甜品。🍴忠孝三寶牛肉湯麵（$70）有牛筋、牛展各兩大件，牛肚6條，都幾足料，湯底好濃郁，餐牌上寫有微辣但其實唔算太feel 到，牛展好厚切，筋同肉嘅部分有咬口但又非常易咬開，煮得好入味，超好味！牛筋咬落去滿滿骨膠原，非常Q 彈入味，牛肚切得細細條，味道口感正常，湯麵夠彈牙，好味！🍴紅燒半筋牛肉湯麵（$68）開頭以為忠孝同紅燒個湯底會有唔同，原來係一樣嘅，呢個同上面嗰碗一樣，係少咗牛肚，牛筋、牛展各三大件，如果唔食內臟嘅，叫呢碗啱晒！🍴忠孝魯肉飯（$60）個碗睇落唔係好大，但係佢係裝得好實，飯面有半隻糖心滷蛋，鋪咗3/4 飯面嘅魯肉，酸菜，另外脆脆好香口嘅應該係炸乾蔥，魯肉半肥瘦，夠鹹香又有肥油香，好味！🍴鹽酥炸雞（$56）凈炸雞，都幾大碗份量多，炸皮唔係太厚。🍴台式熱咖啡幾好飲，似白咖啡嘅味，有D 飲即沖感覺，或

I-Square 第3樓係食肆 行咗一個圈 最後揀咗呢一間 台灣菜原因只有一個 就係呢一間最經濟今日老闆請食飯，$150 budget其他餐廳全部130幾蚊以上 計埋+1實超標不過呢一間真係幾超識值 經濟又實惠 味道都好食😍👍🏻叫咗一個牛肉湯麵 （微辣）但食落其實唔辣所以另外叫咗辣椒油 加$25要咗個蒜泥炒時菜 份量超多食到最後食淨一半面同埋一半菜（最後一幅圖）不過好滿足 因為食得好飽 味道甚佳所以即刻寫一篇食評 唔知食咩又喺附近嘅你哋一於過嚟試吓 呢個價錢應該唔會太失望😄

忠孝東路 (尖沙咀)❣️ 尖沙咀彌敦道63號iSQUARE國際廣場3樓306號舖下午茶時間🕒在商場逛了一整天不經不覺來到下午三點多，決定找些甜品吃休息一下～黑糖珍珠雪糕配雪糕駝色麻糬窩夫HKD 63熱騰騰的窩夫外層鬆脆，內裏結合着軟糯的麻薯，口感層次豐富。雪糕入口是濃濃的黑糖口味，還有着煙韌的珍珠好好味😋蜜桃烏龍水果茶HKD 21蜜桃的香甜與茶香互相融合，生津解渴～衛生：👍🏻👍🏻👍🏻👍🏻味道：👍🏻👍🏻👍🏻👍🏻環境：👍🏻👍🏻 👍🏻服務：👍🏻👍🏻 👍🏻

繼續係lunch 時間係尖沙咀搵食，今日去食台食餐廳忠考東路，鋪位地點唔算方便，入左去尖沙咀 I-square 商場後仲要轉接咁擔幾層扶手電梯先上到去，不過都有一張長扶手可以搭少幾層，餐廳唔算好大，但裝修都算幾好，但燈光略為暗少少。再講返食物方面,意大利麵煮嘅時間掌握得唔錯，所以生熟程度合乎我的要求，我個人比較鍾意意粉中間個心係生，咁先會有咬口，而汁都唔差，感覺唔算好濃，而水果茶都唔錯，跟餐飲品黎講算有水準

放假係iSquare睇戲前肚餓就搵下午茶食，經過見到呢間台灣野有位就入咗去試下，原來仲有下午茶餐添忠孝魯肉飯下午茶餐嘅份量都幾多！唔好睇小隻碗好細咁，其實碗飯堆到好實好高。魯肉碎味道適中，唔會過咸，同埋飯粒都無全部比魯肉汁蓋住，個人覺得撈匀食啱啱好！下午茶餐亦可以以半價享用特飲，飲咗杯珍珠奶茶，太口渴唔飲咗唔記得影🤪珍珠幾煙靭，煮得恰好，甜度嗌咗少甜嘅我覺得奶味較重，甜度就ok!呢到仲有甜品menu添！睇戲前後想食下午茶，呢間係唔錯嘅選擇👍🏼食物：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️(五⭐️為最高分數)

約咗好耐冇見嘅舊同事出嚟食飯，我哋都想食台灣菜所以搵到呢間響iSquare 3樓嘅忠孝東路，佢哋晚市有兩道菜或者三道菜嘅套餐價錢係（$118 同 $148）。我就叫咗三道菜套餐，包括左麻辣牛筋，配上紅燒牛肉麵同埋豆腐魺仔湯，佢哋嘅餐飲如果轉珍珠奶茶可以半價加購，所以我要咗杯金鑽姜母珍珠奶茶（$20）呢碗牛肉麵份量十足，有四大舊冧軟牛展肉，同埋佢哋嘅珍珠奶茶都好大杯。舊同事就叫咗兩道菜嘅餐，包括酥炸鹽酥雞同埋黑蒜排骨飯，配咗一杯黑魔金鑽珍珠奶茶🧋另外位同事係食素嘅，所以叫咗碟豆醬炒A菜配白飯，同埋叫咗杯熱嘅香芋奶茶（$33）。最後我哋仲share咗個黑糖珍珠雪糕配台式麻薯窩夫（$108），為呢一餐畫上完美句號。

赤口睇完套爛戲，打算食個下午茶平衡番自己個心情，上網睇食評後，又見到有位就揀咗呢間試一試。千層蛋糕及窩夫不過不失，但杯特飲就感覺失望，黑魔金鑽亦普通，加$19就不值了。

位置於isquare 裏面， 星期六逛商場行過見有下午茶， 又咁啱有位便入去試一試， 下午茶分兩類，有甜品下午茶及以面飯和意粉為主的下午茶， 我點了一個台灣牛肉麵連一杯特飲。 牛肉份量充足，炆得很淋和入味就像在台灣吃的一樣， 湯底較清，麵也彈牙。特飲是菠蘿芒果瑰花茶， 也很好喝。

是日約佐友人係 isquare既忠孝東路食飯。呢間餐廳既名係來自台灣一條好出名既街而改既。一搭電梯一出3樓就見到呢間餐廳，因為佢個牌真係好搶眼 。餐廳既環境坐落都幾舒服，員工服務態度良好。再介紹下餐廳既食物。(1)香酥炸雞 $58炸雞咬落去肉汁豐富， 雞肉鮮嫩，唔會咬落好硬身。 (2)忠孝牛肉麵 $83牛肉麵既湯底帶有清甜既味道，麵同牛肉既份量足夠，牛肉軟身，容易入口。(3)干扁四季豆 $68呢碟係我最欣賞既！四季豆本身難煮得好食，但呢度既四季豆一啲苦澀味都無，反而係重鹹香味。(4)凍香芋奶茶 $33奶茶充滿香芋既清香味，令人食慾大增

雖然尖沙咀的iSQUARE人流不多，但商場內原來都有許多餐廳選擇！今次一試這間台灣菜，晚市一人套餐有湯、前菜、主食、及飲品，極豐富，而且價格相宜～🦆麻辣鴨舌 Hot & Spicy Duck’s Tongue雖然肉的部份不多，但十分有咬勁；味道微辣惹味，作為涼拌前菜一流～🐖麻辣豬耳 Hot & Spicy Pig Ear豬耳口感爽脆，麻辣味慢慢滲出來，十分開胃🙌🏻🐟香茜酸菜魚配珍珠飯 Boiled Fish Fillet with Pickled Cabbage Chili & Pearl Rice酸菜魚極香！魚已去骨，口感嫩滑；酸菜酸度剛剛好，加上微辣的辛香極滿足～🍝三星蔥魯肉拌麵 Stir Noodles with Braised Pork and Taiwan Sanshing Shallot魯肉份量超多，而且不會過於油膩；拌後香氣洋溢，但味道可以更辣～ 🧋炭燒烏龍珍珠牛乳 Brown Sugar Pearl with Roasted Oolong Mix 3.6 Fresh Milk🧋香芋珍珠牛乳 Brown Sugar Pearl with Taro Mix 3.6 Fres

一間位於iSquare的台灣餐廳，裝修簡單時尚。店舖外邊有一個飲品吧，可以方便於餐廳外只叫台式飲品做外賣。今次就選擇左入去坐低，叫少少嘢食下，叫了兩樣野食，包括：忠孝牛肉湯麵 56$綜合玫瑰芋圓雪糕配台式麻薯窩夫 68$牛肉湯麵非常簡單，只有牛肉及面條。首先，紅燒牛肉好林好入味亦有濃濃的牛肉味道，湯底亦很濃郁。麵條硬度適中，但是麵條是幼條狀，不能發揮掛湯的功能。另外，叫了一個甜點台式麻薯窩夫，窩夫充滿蛋香味，底層有少量的麻薯，食落口感覺幾特別。窩夫面頭有一球士多啤梨雪糕（似乎是Häagen-Dazs雪糕）味道很熟悉，很香濃士多啤梨味。旁邊配合三款顏色的芋圓色彩非常之豐富，芋圓的口感亦非常彈牙，整體甜度適中味道不錯。另外叫咗兩杯嘢飲，包括：忠孝特飲 荔枝茶香芋珍珠牛乳3.6（少冰、微甜）荔枝茶很濃厚的荔枝味道，但是甜度非常高，不建議有糖尿病的人士飲用。另外，叫了一杯香芋珍珠牛乳3.6，可能由於點了少冰微甜，甜度不多有一陣陣的香芋及牛奶的味道，配合一粒粒的珍珠增加咬口，非常之特別。

週六睇完戲搵地方食下下午茶，見佢唔太多人排隊，又有甜品做下午茶，就試下先。忠孝牛肉湯麵-$56(3/5)牛肉好淋好易咬，仲好香牛味，麵質都唔差，小小彈牙，湯底唔錯。綜合玫瑰芋圓雪糕配合式麻薯窩夫-$68(3.5/5)佢芋圓好Q彈，好味不過係份量小左小小。雪糕加窩夫無得輸，一定好食。我order姨個本身係睇中佢’麻薯’窩夫，但入面得勁勁勁小麻薯！可能半塊窩夫入面得1/6係有小小麻薯，小失望。不過成個甜品都好食既。跟餐叫左香芋珍珠牛乳3.6-$19(2/5)叫左小甜都好甜，無牛乳味。優點係珍珠好好咬。另外一杯係跟餐不用加錢既荔枝茶，勁甜，飲唔哂🤭總結：尖沙嘴下午茶黎講佢質素ok既，佢幾適合睇戲前後搵地方坐，係飲品差咁啲。

2022-08-01女朋友推介👩🏻‍🌾女友見呀佩洛西訪台🇹🇼佢又學人去咗忠孝東路😨個膽子好大，危險麻⚠️原來我多心咗，係去咗尖沙咀間台式餐廳，忠孝東路🤪平日午市時段，客人唔算多🧔🏼‍♀️店員安排女友坐，二人座位😬女友點了個午市套餐，忠孝牛肉湯麵，83蚊碗，跟餐送嘢飲，湯，同三揀一款小食，碗牛肉麵湯底非常濃郁，每一條麵條都好入味，麵條很彈牙，牛肉超腍好入味，每塊牛肉都切得好大嚿，份量好多，女朋友自己一個都食唔晒，女友本身小鳥胃麻🤭日式抹茶珍珠牛乳3.6，跟餐加19蚊，珍珠好食煙靭，正常甜度，但杯抹茶鮮奶好多冰，都幾好飲🧋整體環境好大，坐位空間寬闊，坐得舒適🤗服務正常，店員有禮貌🫡食物份量好多，價錢係尖沙咀嚟講算合理，味道都幾好，女友話會再幫襯☺️#忠孝東路#忠孝牛肉湯麵#日式抹茶珍珠牛乳3.6

2019食過幾次忠孝東路食lunch，唔錯嘅。過咗三年，再食就出事。因為星期五六日喺Sheraton住，夜晚唔知食咩好，行下iSquare唸住食下小菜⋯⋯嗌咗兩個套餐（一個酸菜魚+鴨舌，一個牛肉麵），食材都唔新鮮，牛肉唔知煲咗幾耐，魚係霉嘅，個鴨舌都淨係食到麻辣個味，口感仲慘過食零食袋裝鴨舌。套餐入邊有杯嘢飲（四款都係凍飲）因為唔方便飲凍嘢，冇得揀唯有自動放棄。兩個人食咗差唔多$296 再收加10% = $326，比起前一晚去到海運大廈「度小月」食，基本上同一個價錢，都係台灣菜，食物質素同賣相差天共地。另外，啲妹妹仔服務Hea到爆⋯⋯聞到就嚟唔掂嗰陣徐⋯⋯就算執咗笠都不可惜。

今天來到isquare找吃，經過被茶香吸引，就選擇了這間忠孝東路。未到12:00人不多，我被安排坐在近門口的位置，左右兩旁都未有人坐，感覺開揚。午餐選擇有六款，有飯，有麵，有意粉。配一款小食及一杯飲品。我選擇了干扁四季豆配珍珠飯，柚子沙律，加$20 (半價)要了杯熱金鑽珍珠奶茶(烏龍)。飲品先上，然後到午餐。午餐還包餐湯，湯內還有一隻蜆，可惜湯不夠熱。柚子沙律清新好味。台式的干扁四季豆比起我平時吃的上海干扁四季豆，少了辣椒，更合我口味，肉碎鹹了些少。珍珠飯沒什麼特別，份量多些就好。金鑽珍珠奶茶比較淡及甜。聽到有人叫少甜才記得可以叫少甜。金鑽珍珠奶茶跟珍珠奶茶相比，應該是多了jelly吧！Jelly小小的易入口，珍珠份量較少，不易飽。服務不錯，店員收杯碟很快手，又有禮貌。到了午飯時間，客人越來越多，我左右两旁都有人坐了！我就去結賬，讓坐給其他客人。結束安心出行，時間不到40分鐘。