必勝客

營業中

休息中

朋友仔終於有空陪我食二人餐, 不過d飯好稔, 連平時鍾意食軟飯的我都覺得好難食$69 加一 --> $75.9 迷你批 -- 夏威夷風味--芝士舖面, 牛肉粒+菠蘿, 配千島醬: 全部都係我的至愛--夠熱, 夠脆, 足料, 芝士夠多, 好食 意式吞拿魚粟米飯 --食完成個pizza都未黎, 要追單才來, 可惜無論飯與番茄醬汁都唔熱--個飯幾難食, 又稔又一pat pat 黏住, 撈埋d醬汁後真係飯唔似飯, 粥唔似粥 磨菇忌廉雞湯--好飲, 湯夠濃, 磨菇片算多 蒜蓉包--唔熱, 不過外皮仍脆

Pizza Hut 而家推出左個常餐. 咪去試下囉.今次去鑽石山必勝客. 1人$35 . 2人$69一人常餐~ 1 個湯 . 紅,白湯. 要了白湯, 忌廉磨菰湯. ok 啦 兩片小蒜蓉包. 水準仍然很高, 牛油味很濃. 絕對系. 汽水 1 杯. 主菜可選其中之一, 意粉 3 款. 飯 2款,薄餅 2款.見到副相全部都唔多開胃, 咁勉強要 , 好唔得到.意粉太淋. 發漲左. 煮 over 左. 口感好突兀, 怪異. 而咖喱都好其怪. 呢黃色一'pat' 既野好'杰' . 無 mug 味. 唔想浪費. 整件事系我好辛苦咁食左. 茶餐廳好佢好多.唔會再食佢果 D 意粉.

重點是服務差~晚上8.00打算在看戲前食晚飯,又不想食food court, 想坐得舒服些~於是就係pizza hut等位當時只有4-5位在門口等位~拎飛時,她說我是"二人檯第二張飛(即係11號飛)",等了一會便有位了,她說:"依家冇卡位~你地介唔介意坐2人檯" , 我男友問她:"咁卞位要等幾耐?" , 她回避問題只說暫時未有入到去真的是好迫~看四周真的是沒有卡位了~但我們後面位置還有一張二人檯~就咁睇都知我地坐既根本就係死位~即係唔洗等位個隻 !!!!!落單後, 冇耐看見附近有張4個位既檯(2個客坐的)埋單~於是問其中一位侍應~可否轉位他叫我等等, 便call對講機,之後再行過黎:"你地依家坐個個檯係優先比你地ga~出面個個女仔已經同你講左ga la~如果你要轉檯要出返去再等過"真係一流的服務~叫人出去再等過~~~!!!!!!!!!!!!!!!!!!! 仲要老屈我當我知依個係優先檯!!!食咩都冇味la~於是冇食就走~取消左張單~取消時個男仔都冇咩反應~好似依d事經常發生咁~出到去已經聽到叫到2人檯13號!!!我洗乜出去再等過ar?!

前日同妹妹去鑽石山睇Flim..之後就去pizza hut 食飯..等位.. 我要求要卡位,當叫到我NO. 仲以為到我..原來唔系登記個個人話要再等多陣.. OK.. 我等等..見到3張卡位的客走..都未到我..仲俾我見到俾其他人入. 忍唔住終於問到我未,點知佢呆一呆先話俾某一張我囉..唔通我再唔講..仲要等到幾時?？ 離晒普!叫左個2人餐,皇室開心批配加拿大藍青..個批系凍架囉.. 仲要話系普通批..個樣同細批冇分別!食甘多間PIZZA HUT,最差呢次! 凍批2都可以俾人食?結脹仲搞笑.等左勁耐都未有人抓錢..眼見同我結脹個條友已經行黎行去... 忍唔住又出去問!好過份... 好失希*

九月十八日, 284 話想試吓新出既「點點扭扭批」, 所以特登嚟咗 "Pizza Hut" 食飯, 佢話見到用匯豐咭有個好抵食既餐喎~我哋點咗個匯豐優惠套餐 ($230), 套餐包括「點點扭扭批」大批一個、螺肉焗薯蓉、海洋湯兩個、汽水兩杯及雪糕兩個。扭扭批實在麻麻, 中間啲醬佢話係芝士醬, 但我哋都食到有陣芥辣味, 唔係話難食, 但成個批啲醬同啲料唔襯, 但批底又韌韌哋, 邊度啲芝士又硬咗....「螺肉焗薯蓉」都幾好, OK!! 但湯我冇飲, 朋友們都冇出聲話唔得既!另外我哋加咗一個「煙三文魚沙律」($55), 都唔錯, 但感覺上份量好似細咗...仲有「海洋天使麵」($52), 呢個應該係炒既, 畀錢張單有寫, 但 Menu 就冇寫係「炒」...不過呢個麵都炒得幾好食架, 啲料亦都幾多, 唔錯!最離譜係呢個「燒嫩豬仔骨配田園沙律」($46), 收我四十幾蚊得三件仔?!!會唔會過份咗呀! 夠你食定夠我食呢??? 果啲所謂既田園沙律頂晒隆叫「伴碟」咋喎!!味道好普通, 同埋又冇供應啱用既刀切開啲骨, 叫人點食? 最後要拎噃入廚

昨日與太座相約好友到Pizza Hut吃晚餐。因好友有Compass Visa，於是便order咗個環遊世界ニ人套餐($211)，另加一個香焗小食拼盤(即焗魚圈配秘製雞翼及惹味烤迷你豬肉腸)($46)及紅花海鮮意大利飯($64)。整體食物水準合符預期，惟環球美味批B的味道非常一般。一個大批含三種風味:京醬大蝦(中國)、芥末肉腸(德國)和沙嗲雞肉(印尼)，感覺已有點奇怪，特別一提的是中國風味，京醬配大蝦聽起來已有點不倫不類，味道？一個字: 唉! 下次寧可order傳統的pizza也不會再做"白老鼠"!!

日期: 08年7月18日 時間: 1:15pm人數: 2等候時間: 3 min (要等位)菜式評分: 2人常餐 ($69) 未計加一　咖喱雞肉pizza ：幾香咖喱味喔，唔錯唔錯　蒜蓉包：　無以前咁大片了，是因為是午市嗎？未夠熱和軟熟　忌廉火腿雞肉意粉：　比較細碟 ......羅宋湯：嘩～　做乜面層咁多油　　湯內只有很少材料，（一片椰菜，兩片細椰菜碎和兩三條短短的意大利粉條　　）環境:給我們坐四人的坐位，好舒服，唔逼服務: 這裡冷氣頗大，幸好餐廳有圍巾提供結語:雖然飽得剛剛好，但原來計埋加一之後，除番每人要比 $37.95，比叫１人常餐只是平５毫子多少少　＄38 ，還想享用素質再好一點的午餐

最近pizza hut新出左個常餐，好鬼抵，一個常餐都係$35(未計加一).....個餐包一杯野飲，兩舊蒜蓉包，一碗餐湯，之後你可以揀一個細批or一個飯/意粉....我食左3次黎個常餐，因為真係好抵，3次都係揀細批.............個蘑菇忌廉雞湯都唔錯呀，都幾濃和夠熱。蒜蓉包好好食，焗得好香脆.....個細批都有6款比你揀，有蘑菇雞批，火腿雞批，吞拿魚批等等......基本上d批都係即叫即焗，所以都係熱辣辣地送過黎.......唔同的批都配左唔同的醬，口味都唔同d............每個批都焗得外脆內軟，芝士又夠多，我鍾意呀..............總括黎講，個常餐真係又抵又好食呀................黎間pizza hut裝修好靚，又大又舒服，唔會坐得好迫.....侍應服務算唔錯，收野好快手..............

pizza hut最近個常餐只係35蚊,感就同2個同學們試試去到好多人,但吾洗等1人1個常餐,,我叫左個意粉(蒲汁xxx意粉)d朋友就要pizza,d 蒜容包好快黎個意粉都係..(湯末飲已經到)意粉味道ok的,有70分嫁lunch黎講差5多la..我食完既時候/朋友2個 pizza仍未到等半個中後決定投訴下..原來廚房做漏左丫5mins後.黎左了終於,但係佢比o個個pizza同朋友order o個個5同架//又換//不過d pizza都幾靚仔架埋單..好似不大岩數..原來靚仔哥哥幫我地叫左'二人常餐'同'一人常餐''平左個幾架..哈哈總括..lee間pizza hut人手不多食物ok,,吾好再擺'烏龍'就好喇

pizza hut新上市一段時間的金粟芝士釀雞翼令我吃過不忘...晚上9時多, 和男友外賣了星期一至五套餐.不消半小時便送到, 服務十分快.套餐包括超級至尊薄批, 吞拿魚螺絲粉, 金粟芝士釀雞翼和百事x2.金粟芝士釀雞翼真的十分讚!啖啖也充滿芝士味和粟米粒.雞翼本身亦十分香口, 唯獨只有4隻有點不夠喉.男友的螺絲粉略嫌多油, 但份量不算少, 問題不大, 因為不是我吃^v^超級至尊亦是我最愛的pizza口味, 啖啖肉, 讚!!其實套餐的批和意粉都不是我們叫的口味, 只是加錢轉的.金粟芝士釀雞翼真的十分十分讚!!一定再有下次!

3月11日夜晚收工後, 約咗三個朋友一齊食飯,本來完全冇諗住嚟 Pizza Hut 食嘢架! 但周圍睇過啲餐廳都加晒價, 唔抵食, 反而Pizza Hut 做緊匯豐咭有指定套餐優惠, 反正又想試下個新Pizza, 就呢間啦! 呢個二人餐有($215) :特飲- 什果賓治/ 蘆薈冰茶2杯忌廉雞湯/ 意大利菜湯2客翡翠雞扒凱撒沙律1客海鮮鮑汁片三重芝心批配辣肉腸(普通批) / 漁港風情芝脆批(普通批) 1個野菌意大利飯/ 海鮮寛條麵/ 挪威三文魚卷1客香焗小食拼盤/ 燒嫩豬仔骨配田園沙律1客忌廉泡芙1客(五個)都好多嘢食喎~~就叫住呢個餐先啦! 反正有兩個人都唔算好肚餓。(一個係我, 頭痛到冇乜胃口)小天使同284 都要咗個忌廉雞湯, 佢哋冇話唔好食, 應該OK。九號要咗杯什果賓治, 佢話都唔錯; 而我就要咗蘆薈冰茶, OK 啦! 唔太甜, 但太多冰。食物先嚟「翡翠雞扒凱撒沙律」, 唔錯, 雞扒同啲沙律醬都好食!「野菌意大利飯」, 比預期中好食, 唔錯! 不過個賣相同餐牌上面好大出入...「燒嫩豬仔骨配田園沙律」, 意粉屋既豬仔骨好食好多,不過呢度都唔算太差, 但佢講既田園沙律就..

一開始落單時,同個侍應溝通有問題我一路講話要雜菌意大利飯,佢就一路話雜菌意大利麵最後我指住menu張相同佢講,佢先明= ="雜菌意大利飯$50味道清淡,雜菌份量多,都ok吞拿魚碎茄薄餅$61餡料鋪得超級唔勻,可以一塊有勁多吞拿魚,另一塊是冇咁滯味道ok,餅底好薄,可惜過左一陣就淋比傳統薄餅冇咁滯

其實ｐｉｚｚａｈｕｔｄ食物間間都差不多要讚揚都係個中央工場反正店面都係整熱的工夫不過ｐｉｚｚａｈｕｔ食物真係好好食個價錢又唔係好貴，難怪咁旺不過去過幾次ｐｉｚｚａｈｕｔ都係呢間店仲記得有次去係哥哥張國榮死的日子所以好難忘正如下面朋友都講呢間服務好好而家女仔仲要化妝但就等位耐少少

I often go to this restaurant as it is near to my home. Among all the food I have tried, I would recommended the followings:-Chicken wings (ordinary or spicy)-Spanish seafood fried rice-Baked seafood rice-SausageThe environment was quiet and tidy. The waiters and waitress were kind and polite.

昨天星期日與家人一起到荷李活廣場的Pizza Hut進午餐。因其中一位家人是素食者，我們點了幾款素食食品。在點菜過程中，侍應都很耐心的為我們介紹。其中我們點了一客素食焗茄子。上菜後，我們食了少許，才知道是弄錯了，做了肉碎焗茄子。因兩樣食物看起來差不多，就連那位素食者也吃了少許。當時我們很不滿，便作出投訴。他們的一位經理馬上跟進此事。她的態度很有誠意，連番道歉，即時給我們換了一客素食的焗茄子，還免了這個菜的費用。我們的怒氣也因此良好的服務態度而全消。講到食物，我比較喜歡他們的天使麵。口感軟而不爛，帶彈性，味道也適中，不太膩。返而不太喜歡放得太多芝士的食物，如芝心批等，因味道總是太濃。