必勝客

營業中

休息中

七一前夕同友人隨意走上pizza hut晚餐，一行5人等左好耐位，明明下一張就到我們，都等左超過半小時！入到去，叫了新的四人餐-濃醬香烤薄餅，pizza card價$448，批係海鹽TABASCO@烤雞，不過不失，個味無咩特別。個芝心邊幾好食，好脆，配料都算多，但烤雞比較少，得幾粒，唔講唔知係烤雞口味！Pizza上白色一舊係芝士粒，好香但一舊已經好膩！但應該會好岩中意食芝士既人！ 餐包兩個小吃和兩個意粉/飯，意粉比較辣，是黑椒海蜆意粉，多黑椒所以好惹味，但食完要不停飲水！飯就係雜菌意大利飯，好香白汁味，好足料，多菇，幾好食，不過無影相。另外仲叫左蒜容包，好香蒜味，但今次好似燒焦左，比較失準！

中場Yoga完結直奔近太子個間上2樓嘅Pizza Hut, 時間係6點幾我地可以坐到張好角落哪卡位枱正呀！今日興起想食芝心批！ HAWAIIAN Pizza 我地嗌左Hawaii pizza 加芝士on top(+$16), 芝心批同埋轉為千島醬，實行多重芝士嘅享受！得3個人就嗌左普通批，切成6件剛好每人2件(當然係食唔哂的)好多菠蘿粒同火腿粒，淋上千島醬加extra芝士，焗出黎個顏色好靚好energetic, 真心食指大動！趁熱食時芝士仲係熔熔地嘅狀態面頭有少少拉絲嘅效果，每一口都充滿菠蘿同火腿香！忌廉湯+Pastry 朋友想食酥皮所以其中一個蘑菇忌廉湯加左，即焗一定係好脆的。辣味雞翼 雞翼腌得好入味，隻隻都充滿油香，啖啖肉都滿是香辣嘅味道，推介！三文魚雜果salad 整整3大片肥美煙三文魚好入味，完全覆蓋左一個湯碗份量嘅生果salad, 切粒嘅生果都幾大粒，而周邊嘅沙律菜亦都好新鮮爽口。Li個份量3個人食都多左小小，剩返2塊好味pizza之後個早叮返一樣咁正，我地用左樓下阿姐派嘅$40 coupon成件事抵哂。

兩個人想食餐light 少少又坐得舒服既餐廳 其實pizza hut真係方便又不錯既選擇前菜- 意大利沙律~~雜莓蔬菜配紅莓汁， 清新又開胃。 唔太餓所以叫一個燒雞餐兩人食啱啱好燒雞出奇地好味皮脆多汁薯條就正正常常不錯的選擇，岩哂想傾下計，有野食下又經濟既一餐

成日俾广告誘惑到，一頭半個月無黎就經已唔抵得。是日叫左最愛既千岛海鮮芝心批，一黎賣相已好吸引，青紅椒切粒粒加好少的蝦，大量蟹柳魚柳同cheese既造型，好吸引呀，但食落就知真係將價就貨左，少曬什麼魷鮮蝦仔咁，用上勁多無咩味既蟹柳代替，好彩個千島醬本身夠惹味又濃郁姐。最正係批邊，軟軟既芝士好香滑，秘訣真係要趁熱辣先好食，唔係就差得遠喇，食到最後，我成功如常清左半個大批，但有人就食剩囉，認真浪費……

pizza hut位於旺角鬧市，位置便利，最適合與舊同學和朋友相聚一刻！pizza是餐廳的一大招牌菜色，當然要一試啦！批的材料豐富，用料絕不吝嗇，令人迫不及待咬下去！一試，果然十分滋味。批皮厚度適中，每一口都滿有富足感。批上層的千島醬更是畫龍點睛之作，以醬的鮮味帶出pizza的濃郁口感。除了pizza以外，還試了很符合大眾口味的薯蓉。薯蓉入口即溶，口感細緻，富濃厚的薯味，加上肉醬意粉汁，層次豐富。推得推介

當四處嘅餐廳都咁多人嘅時候，估唔到Pizza hut可以唔駛等位就可以入去食，當然緊係入去啦。 富貴笑蝦哈Pizza：其實熱辣辣嘅食物真係可以話贏在起跑線，而呢個Pizza做到呢點，而且加埋佢嘅芝士七重奏（姐係七種芝士）做出呢嘅拉絲效果真係好吸引，而食落去都不過不失，但佢啲蝦真無無味道...而佢亦加了蜜桃，令到食果陣會有清新嘅感覺。

本來約左細兵去食我嗰餐生日飯，去前剛好見到報紙有優惠卷，即於剪低黎今晚用……個卷好啱用，有齊我想食既芝士火鍋同新批食。其實已有幾年無食過呢度既芝士火鍋了。特價368既批竟然係大批黎：鮮味盛薈，有好丰富既材料，蕃茄青椒蝦蜆蟹柳芝士粒青瓜帶子樣樣齊，而批邊仲係有兩隻唔同既cheese tim!! 呢個新批比我想像好食不少，批邊又脆，食材又丰盛，食完半個大滿足！食cheese hot pot 其實食面包粒最好食，其他鍋料仲有青蘋果薯條黑椒牛丸腸仔蝦炸雞粒同青豆，當中既雞粒炸到幾香口，同cheese都幾夾！由於次次食芝士火鍋食到最後都唔夠cheese，所以今晚我叫細佬唔准同我爭，專燈叫佢食時點少d醬，都係第一次食完成個鍋都有剩cheese炸！！！美中不足既係食食下d cheese 有燶味，所以我地叫職員熄左火，有一半食物我地係暖凍住咁食炸，因為本身d食物都係熟既，所以無所謂啦！

經歷一輪忙碌正好成兩點幾放低工作去嘆下午荼同同事兩個人於是去必勝客可以坐大大張卡位，十分寬敞叫咗一個下午荼套餐咖哩牛肉薯仔加香脆薄餅一個薄牛扒跟意粉咖哩牛肉薯仔好香，味道唔錯薯仔個口感有D 彈牙,黏黏的牛肉與咖喱汁融合得很好，牛肉火候恰到好處一D唔韌薄牛扒扒有牛味唔韌，精髓是保留牛肉的嚼勁入口很嫩夠鬆軟意粉軟硬度適中，個汁亦算美味個餐湯，好creamy,好足料薄餅脆仆仆又香口，好似餅乾咁仲有個四色甜品，一樣唔錯賣相創意十足汽水仲可以任飲，我地每人飲左三杯坐左個幾鐘，埋單都係每人六十多因為朋友是會員有九折總結環境餐廳面積頗大,佈置簡單卻不單調的確係坐得舒服,服務幾友善

唸住叫海鮮至尊芝士批，激死我，卜左九點竟然話乜特別批底都無曬，得番薄批，真係幫趁咁多年未試過話無既，亦無試過呢間既薄批，其實同屋企人一心唸住去食芝心批嫁嘛，今晚真係好失望呀！攪到我一收工即飛走，唸住今晚食餐飽！唉……平時去呢度，主要食pizza因為pizza最好味，小食嗰d普普通通！今日咁樣攪一攪，完全無曬心情，叫一個大薄批又唔夠食，兩個又太多，，，，唉…… 最後太upset叫左一個批食算了，同賣媽咪芳姨三個人食完呢餐要去第度再宵夜先得！！好快上台既薄批，海鮮同芝士丰富曬成個批，十分靚，芝士有點漏，但我好鍾意！雖然蝦同蜆肉一食就知係雪貨，但蝦幾大隻，夾賣洋蔥青椒黑橄榄吞拿魚，好多料都幾色彩繽紛，食完感覺幾咸下，但又未致於有味精，食完唔會頸渴既！可能就收工，餐廳只是剩幾個員工辦公，見到女職員做到好似踢曬腳，手忙腳亂，唔多開心咁！呢家餐廳近年嚴重加價，加到都幾離譜下所以都有成年無食了，今日係芳姨提出話想食，加上我又好耐無食過，無異議下所以明知貴了都來的，但一場來到，無得食恨食好耐既芝心批，好傷心失望囉！

Jam又有同事生日了！除了生日蛋糕是必須外，美味的一餐飯也可令一年一次的生日變得難忘。不知在香港，是否每堆同事裡也總有只懂工事、並無其他生活可言的悶蛋份子呢？Jam的同事堆中，就不乏這類人了‥‥雖在難得的一小時放飯時間還要不停被沉重的工事話題轟炸，幸而，我們點了Pizza hut最新的薄餅，對自己好一點吧！首先登場的是意國盛夏薄餅西西里風情的加大厚批。光看賣相，大大的薄餅上鋪滿色彩繽紛的配料，包括腸、青椒和大量的芝士，至於批邊呈凹凸造型，看到已經令人垂涎三尺。一吃下去，十個讚的味道，不愧為鎮店之寶：小小一口，便盡嚐多款芝士，而Mozzarella芝士味道亦夠香濃，作為主打配料的辣肉腸亦香濃惹味，加上薄餅熱呼呼的，特別美味。原來凹凸批邊是包住青椒及芝士一齊焗製的，果真巧手製作！如果薄餅的大小可再大一點便完美了！接下來，必食的超級夏威夷大薄批也上桌了！超級夏威夷薄批的配料包括有辣肉腸、火腿、牛肉粒、菠蘿等，再搭以香濃茄醬焗製，香氣四溢。薄批的味道確實也都不錯，菠蘿爽口，而火腿味道香濃。值得一讚的是，薄批的批底拿捏得非常好，成功做到鬆脆而不油的口感。巧合地，Pizza hut現時正提供優惠，

行到累,在這裡休息一下,真舒適,裝修設計很好.坐椅舒適!有COUPON送雞翼,估唔到送八隻咁多,有點乾身 ORDER 左2人餐,PIZZA OK,略欠芝士,但皮算脆,OK.意粉就差一點,麵質爽口,但腸是迷你腸,醬汁麻麻地.湯無特別.勝在可樂有REFILL,可以慢慢歎!少貴!

見好耐無食pizza hut,被佢個新款menu吸引左.但因為佢D跟餐dish麻麻地,所以最後都無試到。我地三個女仔,order左:1.意式風情普通批加左芝心,要加$18蚊2.肉醬意粉3.凱撒沙律4.辣味雞翼揀食大形連鎖食市其中一個原因係佢地無間鋪題煮法去唔會相差太遠,食物味到一定入到口.但未必有大驚喜,好似個意式風情批咁,,味道實無死,但就係為左食pizza而點!跟餐肉醬意粉,細個既經驗係pizza hut既肉醬意粉偏酸,我咁怕酸,食左一啖都係決定放棄。因為佢既味道十年如一日!另外叫左凱撒沙律,佢係無撈埋個sourse就上菜,已經好無誠意,六十幾蚊個沙律.一食落口就知佢地食水深,充滿臭青味,...破壞曬沙律係我心入面既形象。唯一覺得正常,就係辣味雞翼...

得知旺角開了一個新的Pizza Hut，放工後與一班舊同事就來這裡試試。雖然一早來到等位，而等位的人只是5隻手指之內，但因6位需要多等一下，呆企了近半個鐘才入座。打開餐牌，6人想也不想地點了2人餐及4人餐Happy Share，其中4人餐包括4個湯、批、沙律、薯條、薯蓉、2個意粉或飯及飲品，而2人餐有2個湯、1個意粉或飯及1個批，非常豐富!先說小吃，最好吃的小吃當然要推介雞捧伴瘋薯條，來到時還微熱，薯條及雞捧都很鬆脆，薯條味道剛剛好，又不太鹹，而雞捧外脆內軟呢。另外香蒜蜆肉焗薯蓉亦頗好吃，薯蓉焗得燶燶地，非常淋，並帶有少量蒜蓉味，入口即溶，只可惜吃不出蜆肉味。四人餐內的咖哩雞肉焗飯，咖哩好香，而雞肉好淋，不過吃得多有點膩。跟餐的意大利沙律亦是四人餐用，最不太討好，蔬菜感覺好生，醬汁亦太酸。我們共叫了2個意粉，其中4人餐的拿破崙雞肉意粉，雖然有好多汁，但不入味，味道不太夠，一般般。二人餐的焗肉醬意粉比較好吧，雖然有點燶燶地，但勝在粒粒肉醬夠多，強烈的味道，食落後又不太膩。至於1個餐跟1個PIZZA，點了近期電視推介的芝士7重奏，批不是想像般脆口，但每啖的芝士味都很濃烈，而每塊也有1個芝士

因為媽咪有enjoy card既下午茶買3送1既coupon，所以今日尊登同屋企人去旺角食。這間pizza hut係新裝修，環境唔錯，坐得幾舒服。我地3個人食左4個餐，平日下午茶3-6pm，星期六日就至到5:30pm。5:20pm入座，見眼人流唔算多。食物份量比起我地係四小龍食既大份，咖啡亦都好滑，但就油左D。D藍貝幾好食同juicy。Carbonara幾好味，唔會畀D芝士同忌廉搶晒D味。如果鐘意食芝士，可以用每枱提供既芝士粉加料。Pizza熱辣辣，好好食，批邊脆。個焗飯較遜色，味道較淡。食過咁多次pizza hut，都係tea set最抵食。

是日很想吃pizza，姐姐外賣pizzahut下午茶餐給筆者，開心極了。點選了迷你批套餐：意式風情迷你厚批（ＨＫ＄３６），配忌廉湯。打開外賣盒，迷你批分量也不小，有四小塊。試一口，非常美味。芝士分量頗多，而且呈半溶狀態，感覺很rich很香濃，加上千島醬酸酸甜甜的，很滋味。餅底鬆鬆軟軟的，既軟熟但又不會乾乾的，加上雞肉和菠蘿，感覺豐富。忌廉湯也不錯，質感不會水汪汪的，味道也不會過淡，是可樂以外的另一好選擇。Pizzahut的下午茶餐是筆者的童年回憶。是次又吃到高水準的pizza，實在太高興了！