心粥館 (瀝源廣場)

放lunch想食得無咁油膩就揀咗去食粥，平日搭車經過見到咧間粥舖就諗住嚟試下。$49有1碗粥，1款小食加杯嘢飲都真係算係咁。等咗大概15分鐘啲嘢先到，不過嚟到見到個分量都真係呆咗下。原本以為個炒麵會係細細份比你送粥，點知都同單點一碟差唔多。加埋甜醬麻醬真係一流🤩不過個腸粉就差啲，我嫌佢太稔，可能蒸太耐或者溝粉嘅時候水太多，食嘅時候唔夠硬身，唔係好夾得起。粥就分別叫咗皮蛋肉片粥同豬肚粉腸粥。啲餸嘅分量可以再多啲，粥就真係好大碗，普通飯量一定夠曬飽。overall其實都唔錯，服務你唔可以expect太多，不過又無遇到西面嘅情況，齋食嚟講都幾抵。…查看更多

行開街見到有間粥舖係附近，諗住試下。見佢門面幾好，點知完全中伏。首先間舖有浸up味。我地入到去揀左個卡位坐，一入到去完全無人理我，叫個個呀姐落單，佢自己係收銀機遙距落單，態度勁差。完全感受唔到自己係客，我地落左個艇仔粥，粟米肉片粥，炸兩同炒面。到左啲野食嚟到，粥質素一般，都算足料。肉片粥有啲怪味。炸兩足料有啲脆，口感都ok… 炒面都ok咁大份。枱頭無胡椒粉但我都係算啦癈時搵佢比我，唔想再受氣。總結係想感受被人西口西面對待可選擇呢間。…查看更多

見到個餐牌價錢都吾抱太大期望，附近又只有呢間賣粥既，買左碗粥同1份齋腸，腸粉食得多，最多只可以話吾好食個d系粉太多，太厚，但我從食過1條腸粉系漿糊咁既質地，完全打破左我對腸粉既認知。碗粥更加吾駛講，都吾識形容…只怪自己選擇錯，比左錢買既但系食吾到落肚..呢間店有咁既質素既食物點解仲可以生存到…劣質到不能夠接受，服務已經吾系好，做到好似吾愁冇生意咁，d食物仲要做到咁，呢間野吾系集團式經營咩，點解可以請咁既廚師……查看更多

我早20分鐘係外賣APP嗌咗五彩炒麵同埋炸兩，外賣自取‼️ 佢外賣APP嗰價錢係貴啲嘅，但外賣自取有8折，計起上嚟同佢正價都係差唔多。但係如果你食粥我就建議你打去嗌，因為再嗌小食會有優惠，嗰價錢會唔同，但外賣記得記得起碼早15分鐘😙 咪係門口等都幾無奈😳兩嗰我都覺得幾抵食，性價比都算高😋 炸兩仲好飽🫶🏻 但外賣就淋咗啲。炒麵都算夠味，但我都落咗甜醬再撈😋 但偏油咗啲，希望可以落少啲油😳 …查看更多

心粥館印像中食過大圍果間，好似都係食下午茶餐，唔知我有無記錯，果時有埋多士果類嘢，今次嚟又變返好粥鋪有嘅種類，粥呀炒麵果d。鋪正常樣，應該佢呢個系列分店都係統一呢類樣。叫咗兩個粥餐，一個碎牛粥，一個皮蛋瘦肉粥。大大碗有埋花生同片油炸鬼，賣相都幾好丫。味度幾好，同粥唔太糊又唔會好水，入面d餸都岩份量。有埋羅漢果茶特色飲品叫，都幾清熱。不過我想後加凍奶茶，我叫果時佢話：下次一次過叫啦我都見佢人比較少，係忙嘅，然後嚟嘅係一杯檸茶想叫停佢都一支箭走咗，照飲算lu～…查看更多

之前行行下行咗去禾輋嗰邊，兩點行嚟行去唔知食咩，原來開咗間魚米同心粥館。呢排都食咗兩三次米線，都係選食粥。竟然有一字頭嘅餐，19蚊有嘢飲，另外粥加一樣嘢食都係31蚊，好ok。粥選咗皮蛋瘦肉，嘢食選咗蘿蔔糕，粥都算大碗，同埋好食過之前天水圍分店食過嘅粥，唔知每間分店質素有分別定佢整體進步喇。加5蚊叫多咗個熱奶茶，正常奶茶味，跟餐豆漿唔錯，豆味濃郁。環境正常，新淨光猛，原來入面同魚米係連埋嘅。衛生正常，係筷子立立哋，不過佢有熱水比你裝可以自己浸下佢。嘢食計埋價錢絕對好抵食，會再幫嚫。…查看更多

凍凍地想食個粥 暖下個身未試過呢間 試吓啦我阿媽講過 佢d齋腸幾好食但等得耐 咁我估都唔會伏得去邊誰料。。。叫咗個 蠔仔鮮牛粥餐 $48銀牙炒河拼燒賣成間店舖得6個客(句括我)已經有3位食客但等咗15分鐘先出到餐講返個粥先 粥味清淡粥底唔綿 水啲啲Oopssss 有一刻懷疑緊自己係咪飲緊湯蠔仔唔新鮮 鮮牛3塊銀牙炒河：無特別燒賣：正常嘢 魚肉燒賣之後係Le度search 心粥館發現過往 已經有好多間係 已結業有啲後悔 點解唔一早搵咗先知道係咁 會去返海x粥…查看更多

粥店等外賣20分鐘，真係未試過，唔知以為我食鮑魚龍蝦，呢間鋪人手嚴重不足，眼見樓面1個，廚房1個，仲以為係自家果啲小店，真係長見識，應該唔會有下次……………..…查看更多

今日10點去瀝源新開嘅粥店。難得有一間係附近就去試下。粟米南瓜粥+五彩炒麵+Xo醬煎腸粉+凍檸茶-Xo醬煎腸粉 0/10完全唔掂！一見到賣相超驚訝，以為係XO醬煎龍利柳，我立即搵阿姐問呢個究竟係咩嚟。阿姐有禮貌話:呢碟咪XO醬煎腸粉，係咁㗎啦！我望住兜野，用油浸住，好誇張。我聞落去有陣奇怪氣味，用筷子夾落去嘅時候好(削)，完全冇諗過腸粉可以咁難食！最後退款，完全接受唔到-粟米南瓜粥 7/10南瓜粥好好食，粥料都好豐富，價錢又平。表面仲有花生同油炸鬼做裝飾。幾好食-五彩炒麵 6/10普普通通，可以接受總括嚟講，腸粉突破我嘅眼界限。…查看更多