德興火鍋．海景軒

陳金:講得出要幾差有幾差嘅一次食飯經驗…因為有事來九龍灣又想食下火鍋先來.服務:成場伙計愛理不理, 等都不在話下, 點嘢食好似我超速俾MADAM落薄咁態度….食下嘢者….鴛鴦湯底:唔辣唔咸唔淡…與其係咁不如俾幾個蕃茄加清水我好過…羊肉鴕鳥肉:唔新鮮, 成碟都係水….食左兩舊…唔想浪費食物…好在上碟唔多…. 菜:都可以, 選擇唔多不過起碼D菜無爛….其他:咁魚旦,腸仔,貢丸之類個D都係來貨嘢, 冇話唔得嘅…我陳金全香港周圍食…好怕食到咁…..…Read More

天雨關係，計劃有變，臨時決定打邊爐，在Mega Box比較了各餐廳的價錢和食物種類，最後決定去德興火鍋。七時多，顧客有六至七成，無需等位。我很欣賞餐牌明碼實價，標明所有收費。兩個人坐在一張四人枱，非常寬敞。落單後食物很快送上，沒有遺漏，服務尚可。我們吃了～東瀛海鮮鍋湯底：真材實料，湯內有不少海鮮，包括青口、蝦，感覺都算新鮮，好！牛柏葉、鵝腸：正常水平，頗爽口。田雞：平時較少吃田雞，所以覺得很多骨，但朋友認為很鮮味。菜肉雲吞：是夜唯一失望之作，原因是雲吞皮太厚，主次不分。炸魚皮：值得一吃，很香脆。蟹腿肉：個人很喜歡吃蟹柳，但德興除了有蟹柳肉，還有蟹腿肉，當然要試試喇！結果喜出望外，很有蟹味，而且不會硬綁綁。花膠仔：滋補之選，女士們宜一吃再吃，補充骨膠原。帶子片：帶子粒粒肥厚，看到令我想生吃，但因雪藏後未完全解凍，加上擔心生吃會有細菌，結果我還是煮熟了，味道也不錯。牛皇類：包括三種牛肉－－頸脊肥牛肉、去骨牛仔骨肉、去骨牛小排肉，放得很整齊，賣相佳。同一時間端上桌，雖則令我分不清牠們是甚麼部位，但三種各有所長，有一種牛味濃，另一種入口嫩滑，最後一種亦不相上下，肉質佳，味道好。建議三種都要試一試！牛腱：除了上述牛肉，牛腱都不會很嚡，味道不錯。手唧魚蓉麵：最喜歡手唧魚蓉麵，因為既可玩又可口。魚蓉麵完全沒有腥味。竹庶茅根：每桌送一支竹庶茅根，味道一般。兩小時很快過去，但侍應們並沒有任何趕客行為。我們比限定時間遲了十分鐘才要求結帳，亦未有任何問題。整體而言，我很滿意德興火鍋．海景軒的食物和服務，會再光顧。…Read More

今晚我和家人(五大人, 一BB), 突然想去食火鍋, 又因為玩具反斗城剛剛在MEGA BOX新開幕, 所以去睇完玩具, 再去試試呢間火鍋, 點知真係令我有三大驚喜, (真係好似出奇蛋咁), 當時我和家人大約7:00PM入坐, 當時只有大約六七張抬有人, 第一次落ORDER叫了D食物, 等左成二十分鐘先到, 湯底嚟左都無野落去烹, 點左三碟肥牛肉(只來得一碟), 再等~~再等, 都依然未來, 問個女侍應(阿姐), 點解等左咁久都還未來另外兩碟, 點知個(阿姐)同我講你點多幾次應該會好D, 可能多客廚房做唔惦, 當時我有點O咀, 因為場內最多有十抬客, 何來咁難出食物, 我再追問, 點知個(阿姐)同我講呢句說話令我好驚喜, (阿姐) : 咁你地有無來過呀, 如果嚟左一碟, 咁咪得囉! 嘩~~什麼態度, 點知全日落左五次肥牛肉ORDER都係只來兩碟, 第二個驚喜, 越食越流汗, 根本冷氣不足, 點知我想問下個經理之餘, 點知已經聽見隔離抬問個經理可唔可以開大D個冷氣, 點知又有驚喜, (經理) : 本店因環保理由要節省電源, 聽到都覺得好笑. 第三個驚喜, 食食下突然關掉了部份燈光, 好似平時D酒樓收工趕客咁, 呢間德興我一定唔會再光顧, 重話係集團式, 真係不知所謂.…Read More

大表妹及細表弟這幾日來了香港,我們這些表兄姊弟妹自然要相約出來聚會吓,大家同意去Megabox開飯,不過今晚無怎樣安排,隨意找間食店,妹妹及妹夫他們到先,最後他們訂了這間,起初以為又要打邊爐,但妹妹話有小菜套餐,她還建議有個套餐唔錯.到了以後表弟們捨棄了套餐,認為麻麻地也唔太抵食,我也認同,反觀小菜款式及價錢幾吸引,Y表弟還笑說今晚可以500大元左右結帳孖寶套餐A$172燒雞半隻~~雖不太皮脆肉嫩,但夠香夠味頭抽煎中蝦(例)~~煎得香脆,蝦肉夠爽竹笙海皇羹$48~~意外的驚喜,夠熱,足料,材料豐富有帶子,蝦肉,豆腐,粟米,紅蘿蔔粒,芹菜粒,蛋花,好美味鳳梨石斑球$58~~酸甜醬汁包著每件石斑球,好醒胃口豉汁帶子蒸豆腐$58~~惹味的豉汁,增添帶子及豆腐的滋味豆豉鯪魚油麥菜$48~~豆豉鯪魚的油香,鮮嫩的油麥菜,飯都食多啖瑤柱金菰扒菠菜$58~~菠菜鮮嫩,可惜太咸了翡翠雲耳豬頸肉$58~~又是偏於咸的一道菜,而且豬頸肉切得太厚,唔爽口水煮海斑斑仔1條$198~~聞到香料的濃郁撲鼻,魚肉嫩滑,經用水過河後,不致於太辣,但還食到那種麻辣的餘香今晚的小菜都幾好用來拌飯,我們8個人都叫了10個飯,最後結帳$968,雖然超出表弟的預算(原以全部點叫優惠小菜來計),不過這餐飯大家都食得好滿意,而且最緊要係我們難得又可聚首一堂,談笑風生…Read More

今日同朋友食9點後, 由於我地睇完戲先去食, 大約9.40pm, 門口個小姐話10點9 last order埋單, 11點半交枱...咁都仲有2個鐘左右食, 就OK入去啦~一坐低拿拿聲叫野食, 開頭上得OK, 去得任食都預左會漏單, 但發覺叫左幾樣野都冇來, 問佢先話冇晒~都算啦! 10點半未夠走來同我地講last order, 要埋單...我問佢唔係10點9咩? 跟住個阿姐話: "得~你中意10點9 , 咁咪10點9 至埋單囉 !" 之後掉低張卡走左去! D態度非常差!!之後走淨我地嗰枱, 大約11點3, 有條友埋來叫我地睇住時間, 就快11點半, 之後成班人圍住我地張枱附近, 好似想迫我地走, 食都食得唔安落! 谷鬼氣搞到好浪費D食物, 我地個人一企起身, 班人走衝埋來執枱! 過份~!!咁大間酒樓, 做唔起夜市就唔好學人做9點後任食火煱啦!! D野唔好食唔新鮮都算, 服務態度仲要咁差! 我決定black list佢, 以後請我都唔會去! 唔怪之得冇乜人食啦~…Read More

一圍枱十個男人入紙寫3碟肥牛，total 入咗4次單全晚嚟得果一碟肥牛，叫經理問都無用，經理答覆：＂你叫幾多都無用，只係會俾一碟你，呢啲係我哋德興嘅傳統＂，咁何謂任食火鍋？？其他無叫過嘅嘢就一晚可以嚟4次，總之叫做有嘢俾你食，味道不錯但服務態度0分。…Read More

是日和男友來到Megabox ，想一齊嘆茶品茗，選擇了位於十三樓德興火鍋。看到他們全日點心七五折，感覺划算，立刻取位置，幸好不用等。餐廰給人宽敞開揚的感覺，雖然於處有點偏僻的「大盒子」Megabox 商場，捧場客也不少，我們入座後不久便滿座了。德興火鍋的點心可以要兩件，我們要了水仙茶、香芒拔絲、叉燒包、蝦餃、燒賣、鮮竹巻、桂花糕和芝麻巻。先來的是香芒拔絲，德興做的一般，外皮是脆的，但內里的鮮奶做的不算滑，我和男友都覺得味道一般。鮮竹巻是典型的肥膩，和叉燒包的味道跟一般茶樓無異。雞紮做的不錯，是腐竹皮包有雞件和厚身的菇條。桂花糕賣相吸引，有明目的杞子，味道挺清香。蝦餃爽口，對我口味 。男友最愛芝麻巻，芝麻巻是黑芝麻巻皮巻成，他嫌皮不夠薄，我認為甜度適中，可以一試 。每人六十多元吃的很飽，我們坐了一小時，是為識嘆的早茶餐。 …Read More

今天我行開mega box ,突然心血來潮想打邊爐但要等成30分鐘..........入到去環境都ok ,但有一部份地方冷氣好似不夠 , 坐個到好熱~~野食都係一般啦~~~叫十樣野來八樣野~~~另外來左d我沒點的~~ 下單d人好亂~整體都ok~~~…Read More

星期四中午同同事嚟左呢度食飯因有人升職請食飯,我地都係第一次嚟架炸....點知好失望呀!!!只是叫左好普通的點心,鳯爪,排骨,腸粉,魷魚酥等.....但係估唔到全部都好似冇味咁.....攪到我地食到停晒手,因為真係唔好食.飯及粉麵果d都係冇咩味道....唔知點解會咁架呢??甜品叫左綠豆爽清心丸,但係感覺好怪,佢唔係清心丸,係好大件四方型的好似清心糕的物體,再加埋綠豆爽,都係冇味架....紅豆糕係好普通的甜品,但係都係唔好食架....好硬好多粉呀.....有個綠茶奶凍,但同事話都係唔好食...食左好多嘢但其實又唔覺食過咩,因冇一樣可以有深印象啊....…Read More

成日叫老豆帶我地去食大閘蟹, 講講講左幾年...今次真係終於食到!!加上佢呢個套餐多野食好抵, 6人用> $1166 !雖然我地家人得5個, 但個個都大食好好胃口,所以5個人ko 6人餐完全無問題!我地6點幾就去到人唔算多,而且多數人都係打邊爐, 但食下食下去到7點幾8點個場就好爆!先上係拼盤! 又幾好味! 我鍾意食d素鴨! 豬展好味!跟住1上就上主角大閘蟹啦!!!yoyooo先上6隻, 食完佢再上, gdd 上食物ga時間同次序overall黎講好好.唔會未食哂就上.迫到你張枱爆哂.第1碟大閘蟹都ok.但未算最好,因為d蟹膏差少少....未有lim 口ga感覺...但第2碟上ga 就正好多! 1打開就見到d膏有d 透明ga jelly 狀, 食落口感好正, 有lim口糊口!!之後再黎係雲吞雞燉翅! 飲落個湯清得黎又幾好飲, 亞媽說雲吞係佢地自己包! 哦哦哦真係幾好味!跟住仲有幾道小菜, 清炒蝦仁,清蒸石班咁.全部都ok ,好味!送飯1流!食到呢到其實有d飽. 呢個時候再上豬"提", 睇得出一定整左好耐...而且好大件..... 食落去真係好重豬個陣味....由於我地飽飽地..再加上我地又唔係幾好豬..... 搞到食左幾淡就無食...亞媽見到就叫我地不如拎返屋企啦,因為師傅真係 俾左好多時間心機去煮....最後1道就係我期待好耐ga蟹粉小籠包!!夾上黎就唔係幾見到水汪汪ga感覺..食落蟹粉味都唔係太重, 似係食緊普通小籠包..豬肉味重...不過我都總算叫食過蟹粉小籠包... 完左心願啦跟住仲有糥米飯同壽包!我鍾意食糥米飯, 係最後就可以食到2,3碗!!!哈哈哈飽到,仲要食埋壽包!但壽包好味!係白蓮容!!gdgdgdddd!…Read More

吃在Megabox 有不少選擇，看到大家都對德興火鍋不滿，佢地係咪真係咁差?看到他們星期六、日，全日點心七五折，算不太貴，又剛好有位置，便試一試。他們的點心可以要一半，即兩件，是不錯的設計，入內裝修算整潔。我們要了蝦餃，流沙包蝦腸、燒賣、桂花糕和肥牛炒河。先來的是桂花糕，桂花糕挺清香．全部點心熱騰騰送上，蝦餃爽口，我幾欣賞他們的流沙包，做的認真又好味 。腸粉滑滑的，燒賣味道不錯，略嫌肥牛炒河太鹹。每人六十五元吃的很飽，這頓飯算不錯啦，惟一不足是我們用餐時有一侍者多次大力捽盤子，製造巨大聲浪。…Read More

今次我們一行4大3小(6-10yrs) , 但一律要收$132 的任食火鍋 環境很嘈 , 局部地方冷氣不夠 , 我坐的area就很熱啦 !我們共7 人, 點了多款的食物, 但每一碟都很小, 特別的是牛肉點了2 碟, 但只來了1碟 , 還要是只有6片 , 每人一片也不夠 , 第二次再點的時候 , 也是一樣給你一碟 ,就問一位經理, 為什麼我們7人會給一碟呢 ? 他推說是廚房出的是這樣的 , 無辦法 ! 難道廚房很得閒嗎 ? 根本是這公司給廚房的吩咐 !我一定不會再光顧這間食店 ! …Read More

會考後終於成功約好一次聚會, 大伙兒也不知道為何在九龍灣集合, 人數太多的關係附近選擇也不多, 雖覺不環保(夏天涼著冷氣吃火鍋)及熱氣(!)還是來到打個邊爐. 一開始是友人落單的, 所以我連湯底也不知道是甚麼, 吃下去應該是清湯吧, 沒甚麼特別. 下單後不一會兒便端來了很多盤食材. 肥牛卷著上, 賣相不錯. 看下去雪花頗均勻, 厚薄適中, 吃下去也有肉味, 不是馬虎從冰櫃取出凍也不解的給客人. 羊肉雖然切片, 夾下去卻完全散得拿不起, 完全是黏在一起分不開一片片 還好吃下去羊味很突出, 不算臊, 也不覺有雪味, 味道OK的. 有碟肉類看下去像牛肉, 但深淺在牛肉和羊肉中間, 味道是三不像, 不像豬也不像牛也不像羊, 所以一開始真的分辨不了它是甚麼-_-, 不過後來友人道出點了的食材後猜想應該是黑豚肉. 其肉味沒有很鮮明, 不過是頗嫩滑的. 腐皮卷看下去平凡, 吃下去卻甚有驚喜! 被湯底煮熱後的腐皮卷外皮一點也不油膩, 取而代之是滑溜. 它的size雖小, 內裡卻有蝦粒(甚至整隻蝦), 還有少許豬肉, 就像是普通廣東雲吞的饀料, 彈牙之餘也非常鮮味. 其一口size吃得很方便和快熟, 令我忍不住吃了很多呢 魚皮餃是一般的超市貨色, 鮮味OK, 皮是略嫌過油, 多吃會膩. 雜丸的size都漲卜卜的, 其中以雪白的魚蛋最為彈牙和鮮味, 貢丸的香菇和豬肉比例也做得不錯. 桌上云云食材都沒有芝士腸, 以這店的速度大概是漏了單, 追了單後芝士腸就跟第二輪的食材一起上. 芝士腸一咬下去有很多芝士爆出, 證明不是雪了太久變硬了, 味道很不錯. 雞塊生的時候看下去不錯, 但煮起上來卻痴在一起了, 變成了"雞餅", 吃下去也沒有甚麼雞味, 可能是雪得太久了. 鮮牛肉賣相像紅色的嘔吐物, 非常多血水的一條條肉條 只是看也不敢恭維了, 幸好有友人為了不浪費食物而偉大的吃了些, 說鮮味還不錯. 牛展的賣相深色得像內臟一樣, 我也沒有嘗試, 其實只是有一個人很想吃-_- 枝竹很滑溜, 也是新鮮的. 粟米太乾巴巴了, 就算在湯底打滾後還是很乾, 而且一點也不甜, 感覺就像在吃乾豆般. 冬菇賣相小得來好像長的不大健康, 但吃下去卻十分滑溜, 有著充份的菇鮮味, 雖然飽了也忍不住吃多數塊. 粉絲和烏冬都OK的, 是一般超市貨的水準. 蔬菜只點了黃芽白和白菜仔, 黃芽白賣相好像太老, 但滾得久吸了湯底的味道, 是火鍋的好朋友, 而白菜仔也算新鮮, 沒有渣滓. 友人來過的推介下, 是店內的招牌食材叉燒和奶皇水晶包. 正當我們好奇著水晶包也可以作火鍋食材的時候, 點了各口味一客的水晶包也就來了, 果真是平常飲茶在蒸籠裡的水晶包 我先試吃奶皇味的, 在鍋裡也要放好一陣子, 直至水晶皮由白色變透明就是熟了, 不過建議可以煮久一點也不怕, 林一點總比生要好, 以免內饀還沒熱好的情況發生. 水晶外皮太厚了, 吃下去整口澄粉皮, 幸好內饀奶皇夠滑饀, 奶的比例控制良好, 沒有多餘的蛋黃硬粒, 甜度也足夠. 可是明明這是甜點卻放在鹹的湯底內煮, 尤其是外皮吊著一兩滴的鹹湯, 感覺很奇怪 叉燒味比奶皇更恐怖, 味道遊走於叉燒包與傳統水晶包之間, 內餡是一大攤叉燒醬, 也說不出到底有沒有真正的叉燒粒, 鹹甜之間模稜兩可 建議如果硬是要嘗試此店招牌, 還是來個奶皇水晶包就ok了-_-雖然整體的味道很不錯, 比起富臨任飲任食火鍋味道和食材都好得多(當然價錢也多了數十元, 但我認為是值得的), 但服務態度才是讓人不想再去的缺點 此行我們十多人, 因為是聚會, 有些人只是來聊天, 在中途已經走了, 因此我們入座時也叫伙計不用開位給他們, 他們連茶水也沒有喝過. 但在中途寫單時有個男伙計(說是經理?)問我們多少人, 我們答吃的只有十人, 當時有些人走了, 有些人去了洗手間, 坐著的連十人也不夠, 他猶豫了很久才下筆然後走開. 我們看那張單卻發現他寫了十四人! 要是不相信我們的話為甚麼還要問我們人數呢 最後結帳時我們跟另一個外貌很串的女伙計說我們只有十一人(不小心說錯了), 她回到櫃位與那男伙計爭論了很久, 才勉強相信我們 既然我們說錯了十人給十一人的價錢也就算了, 可是我們還是要時間夾錢的嘛, 便著男伙計放下帳單, 他又很不情願. 後來我們算好了, 甚至將鈔票十張十張的摺成一疊, 男伙計卻像審犯般拆開一疊疊逐張數, 還是一疊數三次, 足足數了五分鐘 最後數目剛好, 可能因為沒有給貼士伙計又擺一副臭臉! 我們還是學生啊, 好歹也光顧你上千元的生意, 甚至怕麻煩也就多給了一位的錢, 這算是甚麼服務態度 這樣的服務真的令我懷疑會不會再來光顧…Read More

平時一聽到任食、任飲、自助餐就勁抗拒﹗今次坐低先發現係任食火煱，既然都坐低左，就突破自己，試佢一試，點知有驚喜喎 ~ 啲湯底仲好鬼特別，有啲聽都未聽過﹗醬油費要計人頭，有十多款選擇，可接受啦。但啲職員既服務態度要改善囉，未算殷勤又無咩笑容咁 ~日式紅蟹煱，都算足料，蕃茄、什菇、豆腐、紅蟹仔，味道算滿意啦﹗四寶丸 ( 任食 )，超搞笑，寫一客既份量就係每款一粒，勁搞笑呀，笑到傻左。手打四寶丸，無咩特別，係粒牛丸係包麻椒囉，唔好食﹗其餘蝦丸、豬肉同墨魚丸都好好味﹗午餐肉 ( 任食 )，因我朋友勁鍾意食，所以都叫左幾轉，不過試一試真係 OK 幾好食喎，打邊爐都唔錯，午餐肉依個發明真係百搭﹗狗肚魚 ( 任食 )，比較細條囉，都免強夠新鮮既，烚熟後，魚肉滑到好似啫喱咁彈彈吓，一啜就全部肉食晒，淨返條骨﹗白菜仔 ( 任食 )，新鮮乾淨啦，滿意﹗鮮鵝腸 ( 任食 )，又係一客份量，咁 Q 多既，亂黎架，心意咩。未經加功既鵝腸特別新鮮，只係腸啲啫，味鮮、勁爽口﹗桂花蚌 ( order )，可能家都知係咩黎架喇，不過照講啦。桂花蚌其實海參個肺黎架，改個靚名，會受歡迎啲麻。好好味，好爽好鮮，勁鍾意食﹗手切雪花肥牛 ( order )，牛味濃、較有趙口，算滑，係好食既﹗特上肥牛併牛柳粒 ( order )，比雪花牛更滑、味更濃，因脂肪比例較多，好食﹗…Read More

準時十點去到, 霸到個靚位, 有海景睇 米網蝦卷: 全條都係蝦, 多到爆出黎! 幾乾身, 唔係太油豬肚燒賣: 油左少少, 燒賣肉好食賽螃蟹餃: 好清好fresh, 食多都唔會膩雞粥: 粥好甜, 雞好滑, 唔係好似雪雞豬潤腸: 冇咩特別鮮蝦腐皮卷: 又係好多蝦, 不過腐皮唔夠脆, 有少少咬唔開叉燒餐包: 好香兩個人$80 仲有一盒野打包走…Read More