御滿屋日本料理

營業中

休息中

突然之間好想樣樣野都食少少，所以梗係食放題😍呢間放題吸引之處有榴槤任食，一定要試試前菜方面大大話話10幾款前菜選擇😍估唔到連海葡萄都有得食，有得揀螺肉、中華沙律、蝦、青口等等，而最吸引嘅就係麻辣魚皮，辣得黎又爽口，不斷拎咗幾次😂😂😂主食方面用QR code落單，食物非常之快速送到，而且冇漏單，呢一點非常值得讚👍🏻👍🏻叫左個刺身拼盤，三文魚、帶子、甜蝦、赤貝等等，刺身都非常之新鮮同肥美而且厚度適中呢度亦有壽司🍣同埋手卷，咁就叫咗少少黎試，飯嘅份量唔會太多，冇咁容易飽肚。味道方面都不錯，精緻而好食另外亦都有叫到串燒同埋一口小食🍢🍡，特別鍾意鰻魚、燒生蠔同埋炒蜆肉。鰻魚上枱仲係熱辣辣，而且鰻魚汁非常多。燒生蠔就有蒜蓉配搭味道濃郁。炒蜆就冇沙，而且份量啱啱好唔會太多😍😍最重要最重要佢有榴槤😍可以選擇燒過嘅榴槤或者冇燒過，我兩種都覺得幾好食，有甘甜的味道甜品方面出邊有自助大櫃有雪糕、雪條，另外仲有一啲小小嘅甜品，作為最後衝刺🍦🍨御滿屋日本料理 (旺角)旺角彌敦道655號胡社生行1樓

最近先知原來旺角地鐵站E出口一上就有間日式放題店，價錢合理又有不同套餐可選🤩⭐️記住食得晒先好拎呀，以免浪費！😉.🥣冷熱盤任夾🥣：💰有獨立包裝糖心蛋、日式前菜如中華沙律/大量蟹子/章魚仔，麻辣爽口魚皮，仲有必食沖繩海葡萄😍另外，有幾款既炸物小食，如雞塊/餃子、隔離有部爆谷機添。🥣飲品任飲🥣：可以見到一排有幾個雪櫃放左多款飲品，有啤酒、茶類、冷泡茶、汽水、果汁等，另外，仲有日本清酒同梅酒等酒區。飲都可以飲到飽呀😂🥣自助下單🥣：每枱都可自行scan Qr code落單，上菜都算快，有多款刺身、生熟壽司類、熟食類、鍋物類、炸物等。刺身新鮮，味道唔差。🥣甜品雪糕任簡🥣：有牛奶布甸、芝士撻、啫喱等甜品櫃，冷藏櫃仲有大量雪條雪糕，多款口味任簡，真係花多眼亂呀！

我哋叫咗個D餐，餐牌入邊包括咗好多款唔同嘅食物，但係餐牌好多嘢都未必嗌到，餐牌見到有海膽刺身，但落order嘅時候就冇呢個選項叫咗個燒榴槤冇上到，叫佢上返又冇人理，啲服務態度唔好再差啲？？？食物質素都一般，燒蠔一食就知啲蠔唔太新鮮，燒完都食得出一定都幾差下1845安排入座1930已經要趕你走，趕住投胎？啲垃圾waiter仲叫我自己出去揾收銀傾，你，不如你坐低食，等我做埋你嗰份埋單人均$730，認真唔值呢個價，去食自助餐好過

今次真係唔打唔撞搵到呢間放題第一次幫襯以為同平時果啲放題一樣會坐得好逼，但估唔到坐位好好，大部分都係卡位，坐得好舒適。放題部分，分幾款唔同嘅套餐，越貴食到嘅種類越多。我們四人就叫了第二貴的套餐就足夠了。第二個套戲已經有晒大部分的刺身油甘魚，劍魚腩，甜蝦，帶子都有包含🥰🥰🥰🥰🥰刺身好新鮮，而家落單後好快就到放題一定會食芝麻雞翼非常新鮮，香脆，熱辣辣🤤🤤🤤🤤🤤🤤🤤🤤天婦羅夠晒脆牛朳有驚喜，估唔到好好食，好嫩整體好滿意，如果想再食放題，一定會再去呢間🤗🤗🤗🤗🤗

朋友生日去食放題，依間地方好大，坐得舒適，美食吸引，有好多款選擇，平平地放題都可一試。77品經典放題組合 $258/位前菜自助吧有好多款前菜，當中竟然有口感爽脆淡淡海水鮮味的海葡萄和麻辣爽口的魚皮，令人印象深刻。刺身拼盤挪威三文魚、帶子、甜蝦、鮑片、八爪魚和北寄貝。刺身新鮮，味道鮮甜。馬來西亞榴槤這裡有不烤凍食和烤過熱食兩款選擇，相比之下烤過的榴槤香味突出。雖則榴槤件看來很大，但果核也不示弱，任食榴槤多件都不用擔心飽肚問題。蒜蓉燒生蠔燒生蠔賣相吸引，蠔殼好大但蠔肉小不成正比要一打先夠食。蒜蓉佈得滿滿，蒜香味濃。海膽手卷海膽味偏淡但唔腥，口感creamy，細細支唔夠喉，當然要盡情encore。芝麻雞翼雞肉嫩外皮脆卜卜，香口好味。吉列炸蠔炸粉不厚蠔肉肥美多汁，俾到驚喜。特濃芝士醬燒皇帝蟹棒壽司皇帝蟹棒口感綿密淡淡鮮甜，加芝士醬，特濃芝味滿分。芝士咖喱肉醬玉子燒玉子燒好普通，加芝士和咖喱肉醬，出奇地好味。御‧泰の味冷鮑魚鮑魚口感彈牙，加上泰式辣醬，酸辣惹味相當刺激。西京比目魚魚肉軟嫰幼滑多汁，味道甘甜，好味。甜品雪糕雪條有勁多選擇，相當滿足。

今日突然之間好想食榴槤所以約朋友去旺角呢間日式放題平時都食過好多唔同類型嘅日式放題但呢間榴槤嘅種類最多而且都好好味一般日式放題有嘅刺身，串燒和炸物等呢度全部都有我自己平時叫得最多係三文魚同甜蝦刺身呢度三文魚同甜蝦好肥美好正炸物方面炸雞翼一定係我首選呢度調味剛剛好所以炸雞翼都好好食最後就係榴槤啦大家一定要嗌烤榴槤將榴槤嘅甜發揮到極致另外仲有其他款式嘅榴槤甜品可以媲美出邊賣榴槤嘅甜品鋪我和朋友嗌咗差唔多有10嚿烤榴槤真係好好味

聽朋友講呢間放題好抵食，今日終於有機會親自去試下。有好多個package，是日我地揀左經典，$258就可以任食77款美食！最近原來有榴槤主題！除左有原件榴槤，仲有烤榴槤同埋榴槤壽司，真係榴槤控嘅最愛。我最鍾意榴槤加州卷，味道好濃郁，忍唔住食左好多件😂仲有好多款刺身、壽司同手卷，種類好豐富！必叫赤蝦，好大隻！擺盤都好吸引，仲有冰保持新鮮溫度👍🏻熟食方面，真係好多選擇，豬、牛、羊、海鮮都有齊，推薦日式炒蜆、蒜蓉燒生蠔、燒比目魚、燒菠蘿😋另外甜品部份都好吸引😍有Häagen-Dazs 同Movenpick雪糕！另外有十幾款雪條供應，好似便利店個雪糕櫃咁😂😂飲品方面都幾十款選擇，啤酒、汽水、果汁、茶一應俱全👍🏻我覺得呢間餐廳真係幾有誠意，唔單止選擇多，而且每一樣質素都唔錯，服務員都好有禮貌周到，上菜又快。難怪咁多朋友推介，我都預咗再嚟多次🤣

呢間之前其實已經食過lunch放題都算OK揀左最便果個餐$288一位，其實都已經有好多野食可以揀，用QR code落單好方便出面自助區有好多野飲揀，另外有熟食區，冷盤區同埋甜品區刺身幾多款，食落新鮮。我自己最鐘意大赤蝦刺身，勁大隻另外叫左d熱食同壽司，全部都可以，熱食味道夠之餘溫度夠熱。特別d燒物燒得幾香幾好食另外仲要有埋榴槤放題，原味榴槤同烤榴槤，另外仲有炸榴槤波波，呢款食落應該係金枕頭黎，都多肉同埋都幾香甜品同雪糕都多選擇，M字頭同H字頭雪糕都有，不過口味就唔多選擇，仲有其他牌子雪條，唔怕肥真係食幾多都得

旺角的「御滿屋日本料理」提供一個獨特的日式放題體驗，餐廳環境寬敞明亮，樸素而典雅的日本風裝潢。淡雅的木質桌椅配上和風裝飾。最近他們新推出的馬來西亞榴槤放題，吸引了許多榴槤愛好者。食物方面，「御滿屋日本料理」提供多樣化的菜單。這裡不僅有豐富的刺身選擇，如油甘魚、劍魚腩和阿根廷赤蝦等，每種食材都保證新鮮，呈現出魚肉的細膩口感和豐富的海洋風味。此外，特色的榴槤則是店內的亮點，提供烤和未烤兩種食用方式，讓顧客能夠體驗不同的味道和質感。御泰之味冷鮑魚：精選的冷盤鮑魚，入口即感其肉質緊實而充滿海洋的鮮甜。蒜蓉燒生蠔：新鮮生蠔搭配香濃的蒜蓉燒製，鮮味和蒜香完美結合。海膽手卷：新鮮海膽包裹在薄薄的海苔和米飯中，口感豐富，海洋味十足。御品鮑汁燴花膠：花膠吸收了濃郁鮑魚汁的精華，質地柔嫩彈牙。芝麻雞翼：烤至外脆內嫩，帶有淡淡的鹽香和芝麻的香氣。鹽燒牛舌：牛舌保持了牛舌的嫩滑與多汁，鹹香中帶有牛肉本身的豐富風味。鹽燒雞軟骨：鹽燒後表層帶點脆感，內部則保留了雞軟骨特有的彈性和嚼勁，簡單的鹽味調味凸顯出雞肉的鮮美，是佐酒的絕佳小菜。甜品：有不同的糕點和布甸選擇，味道都唔錯！雪糕：提供Häagen-Dazs雪糕、

2024年5月20日 星期一諗諗吓對上一次食放題嘅時候已經係大半年前，突然之間好想瘋狂食放題，所以呢晚就去咗旺角嘅呢間餐廳好好品嚐餐廳分咗幾個唔同嘅套餐，由於感覺自己就算瘋狂食都未必食到好多嘢，所以淨係要咗個A餐就算，而且本身A餐都有好多食物可以選擇，唔同時段去仲有唔同優惠添一坐低已經即時點餐，點完大約幾分鐘食物就已經慢慢送上，首先有刺身拼盤，裏面分別有大赤蝦、蟹棒、三文魚、北海道帶子同鮑片，赤蝦冇諗過咁大隻，咬落去爽口彈牙，仲有少少蝦膏添，三文魚同北海道帶子都好厚切，十分新鮮另外仲有泰式冷鮑魚，鮑魚上面淋咗泰式辣醬，同泰式生蝦嘅醬汁一模一樣，辣度慢慢滲出來，越食越起勁旁邊仲有創作壽司，係牛油果蟹肉他他同芝士吉列蝦卷，個他他味道好清新，牛油果同蟹肉好夾餐廳出面都有唔少食物可以拎，冷盤或者熟食都有提供，甚至連爆谷都有，我就拎左炸餃子同炸雞塊，兩款嘅外皮都炸到脆卜卜，但餃子一咬落去裏面仍然有肉汁流出嚟呢個係特濃芝士皇帝蟹棒壽司同火炙鹽燒左口魚邊壽司，兩款火炙壽司都燒得岩岩好，大大啖蟹棒再加埋芝士簡直係無敵組合，而且餐廳俾嘅壽司飯比較少，所以唔怕食太多會好滯，而左口魚邊比較多魚油，一咬即融好

🐽 自助前菜一入去就見到個自助前菜吧，中華沙律、芝麻八爪魚、麻辣帶子邊全部應有盡有，中有新鮮的蔬菜沙律搭配美味的沙律醬，帶來清爽的口感🐽 刺身三文魚好新鮮又厚切，油脂分泌平均。甜蝦鮮甜可口，帶子鮮美滑嫩，而鮑片則散發著豐富的口感和濃郁的味道🐽 手卷、壽司海膽手卷的鮮甜和濃郁口感令人驚艷，燒三文魚壽司的煙燻風味令人垂涎欲滴，而花之戀和蟹子壽司則給人一種豐富的口感和美味的享受🐽 熟食燒鰻魚的醬汁濃郁，鰻魚肉質鮮嫩多汁，令人回味無窮。洋蔥牛肉粒則散發著誘人的香氣，肉質嫩滑，口感豐富。燒海蝦，鮮嫩多汁的口感和烤香的風味好正🐽 炸芝麻雞翼、牛油粟米和海鮮粥炸芝麻雞翼外酥內嫩，芝麻的香氣令人垂涎欲滴。牛油粟米的香甜口感與海鮮粥的鮮美味道完美結合，好滿意

見到啲朋友最近都去滿屋度食榴槤，所以就搵一個時間過嚟任食榴槤食返夠本😍😍😍佢最平嗰個計劃都可以免費升級任食榴槤😙😙 仲可以叫烤馬來西亞榴槤😍😍 同埋非烤榴槤😝😝 好好食，食都回咗本，感覺食咗成個榴槤落肚😚😚 當然亦都唔少得傳統嘅魚生、帶子、赤貝、大大隻阿根廷赤蝦😙、甜蝦生蝦同埋壽司🍣😝😝 係必叫👍 仲有絕對推介薑蔥炒花蟹👍😍 啖啖肉，好夠味👍 推介仲有蟹粥，裏面有10分多海鮮成個粥好夠味，不過佢係兩至三人份量👍總結食得十分之滿足😙😙地址：御滿屋日本料理 (旺角)旺角彌敦道655號胡社生行1樓

今天放假，再帶老媽子去御滿屋。老媽子之前去過一次，念念不忘，難得有機會，於是帶她到位於旺角的“御滿屋”重溫。餐廳寬敞，鋪排整齊，乾淨，一進門口陳列著各式美食，熱食，熱湯，甜品，飲品，清酒，啤酒..琳琅滿目，員工服務態度好，上食物快捷，給人們一種客至如歸的感覺.點餐使用QR code下單，環保又快捷, 值得一贊。我們點了各種各樣的魚生 – 三文魚，油甘魚，吞拿魚，大赤蝦，仿鮑片，八爪魚，松葉蟹棒， 帶子，赤貝，甜蝦等。來到“滿屋”，我們最大的滿足感就是可以品嘗到各種各樣的食品。大盤魚生吃過後，接著上的是各式各樣的壽司 – 蟹子軍艦，雙重芝士鰻魚卷，花之戀，天婦羅，炸鮮蠔….老媽子喜歡榴蓮，這裡提供原味榴槤和烤榴蓮，榴槤炸彈波波，榴蓮控可千萬別錯過呀。喜出忘外的是，居然還有御品鮑花膠。貪靚嘅我決不錯過進補骨膠原的機會。日式料理還有野菜牛肉鍋，份量十足。我們倆最後還品嘗了Movenpick和 Haagen-Dazs 雪糕。真正大滿足！“滿屋”價錢十分優惠 – 午餐星期一至四兩小時任食都係$238，有77樣食品挑選，絕對會食得好滿足。

這間日式放題🤪一出地鐵站🚇E1出口即到 非常之方便😚全店日式木系裝橫🪵環境舒適 闊落好坐👍👭五點半入坐 最鍾意食早場 舒服啲 叫咗🅰️餐 經典放題💰258QR Code落單之後🗒就把握時間去自助區攞嘢食😚海鮮 沙律 炸物 生果 熱食 漬物 飲品 啤酒 甜品 清酒 梅酒.....等 應有盡有👍還有超長雪糕櫃 多款雪條 Häagen-dazs Movenpick 全部都係任飲任食😎刺身新鮮 冇乜雪味👍帶子 油甘魚同劍魚腩 + 泰式冷鮑魚叫咗幾轉😋壽司方面🍣 叫咗未食過嘅牛油果蟹肉他他龍蝦三色塔 咖哩玉子燒👌串燒牛舌 燒蠔 燒菠蘿 燒牛肉卷 還有鐵板西冷食 都好好味😋最後甜品冇食🍦狂食山果之皇👑香甜軟綿既馬來西亞榴槤 😋 食到撑住牆走人😆

又去到榴槤嘅季節啦🤣 小編嘅老母最鍾意食榴槤但係榴槤真係好貴想食啲好啲嘅榴槤都唔平…所以上星期小編就帶咗老母去咗旺角嘅呢一間放題🤣佢哋有任食嘅馬來西亞榴槤😻除咗榴槤之外 仲有超級多款唔錯嘅刺身、壽司同埋多款甜品 🍮 仲有Häagen-Dazs雪糕 、Movepick雪糕 仲有好多多款經典口味嘅雪條、雪糕😈 咁多嘢食都唔使$300一個人😱😱刺身方面 小編就最鍾意食帶子同埋三文魚 🍣 因為口感比較爽😻 同埋佢哋啲刺身都好新鮮壽司方面 小編就比較鍾意食左口魚🤣🤣 因為左口魚 有被輕輕炙燒過 魚油真心好香好香🫶🏻 啱啱開頭都睇過啲榴槤好正 因為可以係咁不停食😂😂啲榴槤來自馬來西亞 口感細膩😉除咗普通嘅榴槤之外 仲可以食烤過嘅榴槤被烤過就更加香😻食榴槤咁躁底梗係要飲返兩杯涼茶呢間放題都有好多款飲品可以揀小編就即刻去飲返啲竹蔗茅根下一下火🔥🔥最驚喜嘅係佢哋仲有一啲鼓勵唔到嘅嘢食例如佢哋會有鐵板燒牛肉、蒜蓉燒生蠔、竹笙瑤柱蟹肉羹、和風牛柳等等🙂‍↕️本身真係冇諗過放題有呢啲食🤣炸物方面小編好推介大家試吓佢哋嗰個貓山王榴槤炸彈同埋炸椰汁留心球🦭兩款都係一口咬落去就爆汁🤣大家食嘅時候真係要睇熱🫶🏻.
御滿