御泰坊-泰越菜 (已結業)

次次去apm睇戲，御泰坊都係我嘅首選，我鐘意佢味道、地方、價錢都唔錯！今次叫了"軟殼蟹蘋果沙律"$78,生果味道清新加上香口炸軟殻蟹係一個非常好的開始！"椰汁椰青雞湯"$58,濃郁嘅椰汁味，多上一點點的辣味非常醒謂，而湯料嘅雞肉、草姑、蕃茄亦十足！"香茅燒鱔"$96,每次我都會叫，好鐘意佢份量夠和非常香味惹味！"蟹肉炒粉絲"$72,依個第一次點，炒粉絲份量十足，粉絲嘅口感同味道亦做得好好，最重要係每條粉絲都入曬味！甜品我點了"貼心baby"$52,其實係芒果糯米飯，賣相精美，芒果完全唔甜，仲酸添，不過糯米飯椰汁咪好夠，應該係煮糯米飯時已經加了椰汁先可以做出依個效果，如果佢換返真正泰國芒果就更完美了！

嚟呢度食嘢，二人檯往來速度較快，唔駛等咁耐。可憐地我今夜三人行，等足半粒鐘。配菜少，牛肉唔靚，湯底淡。「芽莊」出色得多。少得可憐，青檸表面已乾枯。份量足，味道好。除咗唔夠熱之外，全晚最掂係佢。底味太甜，牛肉夠多。又係得個甜字。冇乜味道。整體上，個人評價此店只係受惠於地利，而價錢亦尚算實惠。但係味道完全揾唔到出色處，而又唔覺得有咩難食。好穩陣嘅一間店。平均每人百二蚊左右。抵。

睇完電影，末到晚飯繁忙時間，馬上到嚟呢間泰菜提早食晚飯，唔使等位，正！睇戲時食咗成包爆谷，所以只系隨便點咗啲頭盤大蝦柚子沙律，酸酸甜甜，夠開胃，份量都多！軟殼蟹芒果米卷，好似系推介菜式，果真唔錯炸蝦餅，我喜歡呢個多啲，配梅醬夠特別！馬拉盞炒西蘭花蓮藕，有啲咸，西蘭花炒到太“林”，有啲失望傳統粉卷，反而冇咩特別，似越南菜

朋友聚會食晚飯，呢間餐廳開業多年一直full house，當日訂位已經滿座，要walk-in。職員話佢地有一半位會留俾walk-in客，五點半開始可以入座，幸好我當天可準時放工，早些安排座位。當天的朋友都不太能吃辣，所以食物選擇以少辣或無辣為主。軟殼蟹蘋果沙津：青蘋果酸酸地好開胃，而且軟殻蟹係我至愛，可惜軟殼蟹唔係即叫即炸，放了很久才上菜，放入口前已經淋掉，個菜因為隻蟹扣左分。越式粉皮包不過不失，熱辣辣上枱，內裡包有豬肉碎，上面舖有䓤同炸蒜。淋上少許醬汁，令人更期待下一道菜。明爐烏頭：每次食泰國菜我都忍唔住要點的一道菜，湯的酸度比正宗泰國菜館略淡，但魚湯好鮮甜，魚不是太多骨，很好味的一道菜，要記得把魚用湯煮一陣，魚肉吸收了湯的精華，更好吃。我連配菜都唔放過，酸菜同酸菇好開胃。馬拉盞通菜，呢間餐廳長期full house 係有原因。通菜好新鮮，味道調教得剛好，唔會太咸。唯一另人挑剔的係火喉唔夠。麵包咖哩雞，推薦的一道菜，因為造型得意，有麵包送咖喱食，唔洗另叫薄餅或法包，好抵，份量又十足，而且咖喱焗完好香，雞肉入味好淋。完全無諗過會咁surprise。不過喜歡辣咖喱的朋友不建議選擇，因為咖

因為媽媽生日，見到呢間餐廳咁多好評，所以就揀左呢間，諗住同佢食好啲。餐廳環境唔錯，十二點三左右去到，餐廳冇乜人，而我係訂位時就同店員講明想安排卡位，坐到好舒服，所以擺設都幾靚。牆上面晝左畫，雖然冇乜泰國氣氛，不過都幾靚。香芒軟殼蟹米紙卷（$68）一共有8卷，每一卷都包得好實，入面有生菜，米粉同埋軟殼蟹。有兩隻汁可以點。軟殼蟹好香，好好食，加埋生菜同米粉清清地，正好中和返軟殼蟹，所以食落去覺得恰到好處。泰式辣豬肉生菜包（$62），有分大辣小辣同走辣，我叫左小辣因為屋企人唔係好食得辣，我自己就覺得一啲都唔辣。啲豬肉夾雜住少少肥肉，不過主要要係瘦嘅，我覺得肥瘦適中，加左辣椒同埋香茅等香料，用生菜包埋，正正常常一個生菜包。生菜好新鮮大大片，豬肉碎份量都OK。泰式鮮蝦金邊粉（$72），成碟好似得兩隻蝦，而且一碟份量唔算多，不過味道唔錯，甜甜地，唔算好油膩，而且少少濕濕地，因為我唔鍾意食太乾嘅炒粉，所以我覺得呢個唔錯。但份量多返少少會更好。椰青海鮮焗飯（$82）需時25分鐘，因為佢地係即刻開椰青即刻焗，不過食食下其他野呢個就正，所以都唔係真係等左好耐。個椰青係細細個個啲，唔好期望佢好大個，上面有青

最近食開泰國嘢食上癮，星期五同女朋友仔放工去了AMP的御泰坊食DINNER。七點半左右，去到要等成廿多張台，最後等了近45分鐘先入到閘。坐低後，職員都幾快手咁招呼我地。第一碟上菜的是<<軟殼蟹米紙卷>>，有芒果，軟殼蟹，青瓜，口感青趣。分量都唔少。再黎大家都好熟悉的蝦餅。唔好睇佢得四舊，如果兩個食都好夠食。啖啖肉。伴碟的蝦片都好好味。最後來一份，泰式炒飯。小小辣，大大隻蝦，有驚喜。至於飲料方面就叫左鮮芒果汁，推介之選。

因有位親戚突然來港, 皇太后通知是夜一起飯局, 地點想東九龍! J先生提議去觀塘 APM - 御泰坊 訂座已滿; 唯有預早去排隊取票!我等了九十分鐘才有位...我們一行五人點了四人餐再另加飯麵!東亞信用卡優惠: 四人餐 $455 + $91 (原價10%服務費) 南瓜湯好香 香辣豬頸肉/牛油雞冀/香芒卷豬頸肉太碎太辣/雞冀有牛油香味/芒果扎肉好爽口雞肉嫩又滑 蝦鮮甜帶紅咖喱辣味 鮮蝦金邊粉 $72金邊粉乾身又帶酸甜 蘆筍蟹肉炒飯粒粒蟹肉, 好鮮味 辣辣的油麥菜! 生牛肉湯粉 $50J先生因喉嚨不適, 食不到辣及酸味; 所以他只點了一碗湯粉!清清淡淡的!什菜炒得爽口! 蛋糕鬆軟帶淡淡的哈蜜瓜味! 凡間天使 $52 泰味雪糕2球配燒蛋白火熖令到蛋白好大陣酒味... 我不愛吃御泰坊 總結: 值得一試! 

燒豬頸肉米卷， 皮好煙韌，入而既料有米粉，生菜，生紅蘿蔔，豬頸肉，但味道融合唔到，如果豬頸肉加燒汁啲味會出啲。兩種汁點，黃色隻味好怪。蝦片自己炸的，好味，蝦點酸甜醬好開胃，可能原料唔夠新鮮，味道可以再好啲。菠蘿好多汁好醒胃，腰果要再炸脆啲，如果加提子乾仲好味

因為慶祝2個朋友仔嘅生日，我特登係大半個月之前，已經book呢間餐廳食泰菜，其實我大可以去九龍城，不過我都唔知點解神推鬼恐就book左呢度。其實我曾經係呢度等左1粒鐘，又唔知係咪神推鬼恐我竟然覺得好好味，於是揀左呢度食。好彩我地個個都準時，真係好難得，出面已經有好多人等緊，不過book左位就有靚位坐，我地一行6個人，有一張圓枱坐，其實圓枱好緊要，因為圓頭係最好一班人傾偈嘅枱形狀，個個都會望到每一個人，非常好。每次同呢5個人食飯，都唔知點解會好似餓狗搶屎咁，不停叫野食，名符其實嘅眼濶肚窄! 所以今次啲食物相多到爆! 呢碟炭燒豬頸肉可以話係個醬汁帶起整味餸，首先豬頸肉唔夠乾身，炭燒唔係幾睇得出，亦食唔出，好似放係焗爐焗過下咁，一啲燒焦嘅香味都無。由於很多食家推介這裡的香芒軟殼蟹米紙卷，我們也點了試試看，雖知芒果汁好甜，軟殼蟹味道不夠，呢碟野應該係沙律嚟嘅! 食左一舊就唔太想食.....炸蝦餅最好吃的是伴碟的蝦片，至於蝦餅，普普通通啦~ 皮不算厚，証明炸粉不多~ 我地叫左一窩冬陰公，幾足料，有很多蝦呀草菇啊~ 香茅味不算太濃，少少酸~很不錯麵包咖喱雞點解唔係雞嘅雞上係鴨造型嘅碟上，我都唔係好

成日都覺得要在APM 搵食絕對唔係一件容易的事每間餐廳都要等成十幾廿張枱先有位, 真係少點耐力都唔得今晚雖然都要等成十幾張枱, 但好彩等0左半個鐘多DD 就有位同蝸牛先生研究完一輪餐牌之後, 最後決定要二人餐南瓜粟米湯味道中規中舉, 不過有少少似罐頭湯泰式併盤1) 牛油雞亦皮好脆, 不過又好似唔夠牛油香, 但味道OK 的2) 泰式炸蝦餅啖啖肉, 好味3) 蟹籽扎肉米紙卷入面唔會太乾, 我鍾意香茅檸檬菜炒大蝦有少少似風沙蝦脆脆的"風沙" 幾好食, 用來送飯都唔錯不過就唔係幾覺有香茅同檸檬味 黃咖哩魚柳咖哩汁比想像中辣, 不過就幾香炒雜菜好多菇, 我鍾意甜品一心以為甜品會係椰汁糕之類點知原來係蛋糕我就覺得麻麻地 (都唔同 FEEL) 呢個餐對兩個人來講份量似乎太多我相信佢絕對夠三個女仔食

其實不用多介紹，食泰菜又方便坐得又比較舒適的，位於APM御泰坊一定是個好選擇。食物質數：不可以說好吃，跟九龍城沒法比，但以這個價錢及方便度，接受。環境：有點嘈，因每天都很多人，但裝修整理，窗邊位都幾好的。服務：幾好，夠快，我想是訓練有數，日日都很忙。價錢：四五十元一個午餐，算低。總括，價錢合理又方便的泰菜餐廳，可以再去。這個不是套餐，是另外點的，好吃！這個都不是套餐，是另外點的，不好吃！不是那回事！Papaya salad....我的最愛竟然吃不完。不會再點！套餐"豬扒撈蒙"，一般。 套餐"炸蝦"，一般。 套餐"綠咖哩"，一般。御泰坊地址及電話

即興想食冇訂位又係星期五所以等左成個鐘先有位。因為太肚餓一坐低即刻叫到一枱都係。先嚟杯清新飲品，味道酸酸地加上係沙冰做，飲落去冰涼又清新，杯飲品個名真係叫清新架！再嚟軟殼蟹青萍果沙律，依個最特別嘅係佢唔係用一般沙律醬而係用芒果汁代替，估唔到芒果汁加青萍果原來係咁夾，香，甜，酸，唔同層次嘅味道，真係令我想再嚟一碟 香葱豆腐，面頭炸得鬆脆内裡軟滑仲有少少魚肉壤係裏面，沾啲葱汁要嚟送酒都幾啱炸虾餅，係有小朋友時候必點，不過依度做得麻麻，太實又冇虾味唔彈牙，反而伴碟嘅虾片仲好食蒸粉包，皮薄涵多就係油份多左少少冬陰功湯依度後位上每碗都有一隻大虾，青檸味重，辣味適中仲飲到好重鮮虾味 咖哩羊排骨，冇羊羶味，炆得好淋好滑，啲咖哩汁甜而少辣最啱小朋友沾蒜茸包食 冬陰公炒飯，少辣有好香嘅香矛味，配料都好足就係油膩左少少 芒果糯米飯，芒果超甜，糯米可以隨喜好選擇黑糯米定白糯米再加埋啲熱嘅椰醬，將之前濃味嘅口腔變返清甜

因為到觀塘學整蛋糕，所以就在觀塘先吃晚飯。下午六時，度度都不用排隊，我們按原定計劃吃泰菜。餐廳裡面一塊落地大玻璃，我們兩個女仔被領到小型個室。個室面積太小了，進去很有難度，而且低了一小級，差點拌倒。個室燈光昏暗，而外面的陽光又給個室外的一臺客人完全遮蔽，感覺不舒服。 先上馬拉盞通菜，$52。沒有火喉，較像烚菜。也先上naan。naan上了差不多20 min 先上咖哩，原來漏單了。這鐘數十臺客人不夠也漏單。naan己經涼了。 再來越式酸辣蝦湯，$62。一位份量很大。味道就如賣相，沒有什麼味道。青口，紅毛丹配淡咖哩，$78。不像泰式咖哩，跟本不辣的。炭燒豬肉生菜米紙卷，很蔬菜，很清新。就是泰越式菜單，港式風味!

見openrice排名咁高，經過apm就黎食啦佢都係一個大餐牌咁俾黎，有曬openrice既招牌菜，但叫就話賣曬，唔係時令…有咩有呀？普通果啲，咁我去食普通果啲餐廳咪得，點解要黎試。是但叫左幾個普通必有菜式啦…柚子沙律豬頸肉金邊粉蝦粉皮味道最好係柚子沙律，酸酸甜甜係開胃既但其實總括黎講野食都係普通，可能唔係招牌菜關係吧…不想再去食…＝0＝

六點鬆唔使等位入去食menu 食物多選擇，叫左蒜蓉包，馬拉盞西蘭花蓮藕，牛油雞翼，三味魚，炭燒豬頸肉蒜蓉包唔夠味，pizza hut 果d 好味好多 馬拉盞西蘭花蓮藕，一般，無乜馬拉盞味 牛油雞翼，見佢寫係越南，本身仲唸住炸脆果隻，點知無乜炸粉，但牛油味幾重，ok 好味，不過d 洋葱就係凍的，扣左d 分三味魚，我淨係食到甜酸，唔知第三隻味係乜，其實同咕嚕魚無分別，仲要勁多骨，一塊有六七條骨，有d 仲好幼，差d 吞左落肚，太差勁了，但味道都ok 的，當兩味魚食炭燒豬頸肉，幾多塊，燒得幾好，幾軟林，好味最後叫左兩杯野飲，我飲果杯叫安娜與國王，係橙蕉果汁，味道好淡，一般整體上菜頗快，但味道真係好一般，唔知點解咁高分，失望