御品·千之味 (振萬廣場)

營業中

休息中

特大三文魚沙律（胡麻醬）$115派對size，勁多三文魚同魚子，配青瓜🥒絲同蟹柳絲。佢俾左三兜醬我，撈完岩岩好。火炙左口魚邊壽司（2件）$28每次食壽司都必叫左口魚壽司，火炙埋，油脂「必」埋出黎，好正😋厚燒玉子（4件）$30玉子厚切，蛋香好濃郁。加埋輕輕燒過，有微微既煙燻味😍跟壽司餐送既飲品，有anson lo代言既ooha 😆壽司餐(10件）$103刺身新鮮，飯既醋味岩岩好，而且夠實，唔會一夾就散。味道當然係正😛吉列炸蠔🦪2件 $20跟餐叫加$20，都幾大舊，炸粉唔算多，一咬落去，已經啖啖蠔汁。食完好滿足，間唔中開party都會叫佢外送，夠$300區區都送。

其實好耐之前已經食過千之味，今次去觀塘拎身分證，就順便買埋外賣壽司返屋企，疫情煮飯都煮到唔知可以煮乜，今日就唔煮啦！買仔女最鍾意嘅壽司返屋企俾佢哋食！小朋友最鍾意食兒童餐，呢個就係兒童餐C。有吞拿魚飯團，都幾大個！仲有日本番薯仔，呢隻番薯仔超甜，我仔超鍾意食！仲有小朋友至愛嘅蒟蒻啫喱。揀呢個兒童餐嘅原因係佢有鰻魚卷，我仔女真係好喜歡食鰻魚，仲有熟蝦、蟹柳、粟米壽司，成個兒童餐我都覺得好正！另外我仲叫咗4款卷物，好味又抵食！左1 ：鰻魚忌廉芝士卷；左2 ：吉列炸蝦卷；左3 ：芝士吉列炸蝦卷；左4 ：辣味芝士軟殼蟹卷。超大粒忌廉芝士喺入面。佢其實唔係好辣，但加咗辣味真係好好食！仲加咗兩件吞拿魚蓉軍艦，配埋啲蔥花一齊食，老公話好好味！今次大家都食得好滿足，下次帶佢哋嚟堂食，應該會再開心啲！

每個禮拜都要去上aerialhoop,上堂前當然要食飽飽先至會有力,今次介紹我的飯堂之一「御品•千之味」佢係一間刺身壽司專門店,可以堂食亦都有外賣, 有好多唔同嘅套餐,呢日就買咗兩個壽司set,仲有沙律同同學仔一齊食~其中一位同學只食熟嘅壽司,特別為係挑選咗呢2款：我自己心水推介“千之人氣壽司拼盤C",全部係火炙系列,有三文魚腩、芝士三文魚、芝士蟹棒、芝士帶子、鰻魚、左口, 食材新鮮魚生份量大, 燒到啱啱好唔會太熟, 特別係三文魚腩非常肥美“千之人氣壽司拼盤A”有鰻魚壽司、玉子壽司、腐皮壽司、蟹棒壽司、吉列炸蝦卷,加埋14件份量十足, 特別要讚吉列炸蝦係新鮮炸、脆卜卜, 壽司飯軟硬啱啱好呢度的沙律都非常好味, 我最愛“三文魚蟹子沙律”,三文魚、蟹子嘅份量好多, 仲有蟹柳添, 呢度好窩心係醬汁會另外分開, 五怕外賣返屋企會出水店入面環境闊落、乾淨衛生, 店員亦有禮貌, 有陣時早收工我就會選擇堂食~

今晚想買壽司🍣回家吃，我都是喜歡呢間#千之味 ，貪佢款式選擇多，價錢又相宜，最緊要就一定係食物新鮮，品質穩定，唔怕食壞肚皮😉😘。今晚點左壽司冷麵餐，足夠的蟹柳、青瓜同脆卜卜的蟹籽，加埋麻醬撈勻在冷麵上，麵爽滑開胃又好味😋。加$8有沙律🥗&螺肉，再加$20有赤蝦刺身2件，🍤蝦肉新鮮好鮮甜😋。🍣刺身分別是鮮味的三文魚腩，厚身又魚油十足。另一款是🐠油甘魚，色澤鮮明爽口又無根，好好味👍。吞拿魚蓉軍艦，魚蓉勁多，$30/2件超抵食， 讚👍。#御品千之味 #觀塘觀塘榮業街2號振萬廣場地下G號鋪

觀塘真好多野食今日黎到振萬廣場買外賣千之味出名既外賣壽司專門店 以前特登同事夾夠300蚊免外送宜家有觀塘門市就更方便雙色三文魚丼鍾意食三文魚既一定要叫雙色係指火灸三文魚同新鮮三文魚刺身個丼好6片，每款各三片好厚身呀，配飯食好好味對男士黎講仲可以叫佢多飯very nice👍🏻火炙丼好鍾意呢個丼顧名思義就係每款刺身都會火灸我最愛左口魚，火灸過迫晒魚油出黎赤蝦亦都好大隻，一啖真係食唔晒😆蝦肉好爽脆，一D都唔會霉好新鮮😋吉烈炸蝦卷炸蝦好香脆每件都食到滿滿既蝦肉三文魚蟹子沙律以前堂食壽司一定會食呢個沙律好多蟹仔同三文魚份量真係好足一定要跟沙律醬蟹仔同青瓜絲既爽口配上蟹柳同三文魚既鮮嫩真係好正😚厚燒玉子玉子燒甜甜地表層加上芝士同沙律醬火灸更添香氣跟餐配野飲有OOHA揀呀😍

💛 #觀塘 #御品千之味 #千之味OT季節，同同事一齊去到公司附近嘅「御品千之味」買個外賣，返去再搏殺過😤 呢度嘅午餐超抵食，已經成為咗我哋嘅飯堂，今次第一次食晚餐💛🐥 照燒雞扒飯定食 （$73）雞扒好大塊，夠嫩滑，加埋照燒汁，又甜又香😋 我叫咗少飯都好多飯，一個女仔會食唔晒，女仔記得揀返少飯唔好做大嘥鬼😝 啲珍珠飯加埋照燒汁都好好味，煙韌又香甜～個餐仲有沙律同螺肉添💓🍱 壽司冷麵餐 （$78）同事叫呢個壽司冷麵餐超多嘢食！有五件壽司，包括兩件軍艦同三件手握壽司🤩 另外仲有超大份嘅冷麵，冷麵有埋青瓜絲、蟹柳同蟹籽，就咁食都唔會dry💛 🦐 追加 赤蝦刺身2件 （$20）追加嘅兩件赤蝦超肥美，好juicy！🍣 火炙壽司餐(10件）（$105）火炙壽司世一😋 件件壽司都加咗啲芝士一齊燒，好香好肥美😝

就算只能外賣，有時亦可吃好點犒賞自己❤️今次就與家人encore千之味壽司🍣，叫了一個大拼盤及丼飯，四個人食亦好飽，大滿足🥰——————————🔹千之味壽司盛盒A $268A款盛盒共八款壽司：赤身吞拿魚、三文魚、鰻魚、帶子、油甘魚、玉子、吞拿魚沙律及龍蝦沙律，最驚喜是赤身，魚味重亦有咬口，好新鮮; 油甘魚魚油豐富，味道甘甜但不膩，不錯!🔸火炙丼 $85家人怕食魚生，於是加點了這碗火炙丼：火炙三文魚、火炙左口魚、赤蝦及玉子，魚類炙燒效果可以，依然能保留鮮味；赤蝦大大隻，味道清甜。

餐廳位於觀塘，鄰近地鐵站，路程需要十分鐘左右，還算方便快捷。這間餐廳是一家連鎖的日式餐廳，這次光臨全因為上一次美味的回憶，回想上一次正是抗疫時分，餐廳推出的抗疫餐單，令我十分滿意。疫情漸趨穩定，這次我挑選的就是他的即製壽司。壽司方面，我最喜愛的就是玉子壽司和三文魚壽司，這兩種必然成為我的主力，壽司最重要用料精煉，但我更喜歡就是師傅的手法，入口壽司飯，軟硬適中，飯與飯之間還帶有丁點空隙，令口感更佳。

今日係公司OT得夜左， 女友人過到黎都唔想周圍去啦， 所以就係返公司附近覓食, 係觀塘原來都有呢類足料日本野。d魚生都好大份同幾新鮮。拖羅蓉軍艦，質數都唔錯食得出係新鮮做既同有d肉碎係入面幾好口感以兩個人黎講真係幾豐富， 有魚生壽司又有盤沙律. 所有嘢份量都唔惹少！我自己既主食就係呢個曼魚便當, 份量剛好同曼魚d肉質都幾彈牙，唔同坊間有d曼魚唔靚會好霉咁既味.個蟹籽沙律超大碗, d蟹籽多到撈極仲有，食得超greedy女友人既自選壽司盤， 樣樣都好新鮮劍魚腩極為肥美, 佢既油香顯得出佢係飛機貨, 但真係好濟收埋左幾塊拖羅係度油甘魚都好有口感，切得厚度適中三文魚腩本身已經超油香食落好濟，佢仲要咁大份不得了。劍魚腩可以點少少wasabi就已經夠釣味拖羅係成晚既精粹重點食物

今日突然想食刺身飯，又想起千之味，於是就決定外賣回公司食完再努力工作👻千之味除了壽司刺身，還有拉麵等多款選擇🥰自選迷你魚生飯，迷你火炙三文魚腩丼，可以選擇多飯，而且份量都不迷你👻因為有六件刺身（三文魚，帶子，北寄貝和甜蝦）又有5件壽司（三文魚，白身魚，北寄貝，吞加魚沙律和芥辣八爪魚）也都只是$108，真係好抵👍🏻而主角炙三文魚腩，油脂比例豐富，不錯！迷你三文魚粒粒海膽丼，三文魚粒粒很多亦鮮甜！海膽味道不錯，亦都只是$128 👍🏻

落雨濕濕，拎完身份証都係快快係附近買啲外賣返去做晚餐。見到對面有間千之味，原來呢度都有分店，之前食過唔錯，就食呢間啦。上次試佢既壽司，今次試埋佢啲定食啦。我同屋企人都想食燒汁牛肉，所以叫一個飯同手打烏冬😂。嘩，肥牛都幾多，正。手打烏冬好煙韌。叫定食加錢可以配啲少食，加左個吉烈炸蝦，皮薄蝦彈牙。鯖魚無乜骨架，肉都幾嫩👍。再叫少少壽司食，火灸三文魚吉蝦卷，口感好豐富。呢度有全新汽水品牌OOHA揀，本身都想試，0卡0脂用既係代糖，揀左柚子海鹽及荔枝乳酸味，好味又徤康啲。三個人食好飽呀。

/ 御品·千之味 意想不到地原來外賣壽司都可以咁出色🍣知道公司附近有一間連鎖壽司店, 但一直都未有機會試下😂咁啱今日唔想煮飯就去買個外賣翻屋企先, 見佢menu都好多選擇, 刺身, 壽司, 燒物同便當咩都有, 有學生優惠又有得滿300蚊就delivery, 真係良心小店👍🏻1️⃣ 五品刺身 $168刺身味道鮮甜, 都算幾厚切, 每種刺身各有3片, 包括三文魚, 油甘魚, 帆立貝, 甜蝦同墨魚👍🏻2️⃣ 火炙三文魚吉蝦卷 $50呢個真係好有驚喜! 簡直係必嗌啊😍 一條卷總共四件, 飯卷中間包咗吉列炸蝦同蟹柳, 而外面就有火炙三文魚同三文魚籽🍣 一啖咬落去有炸蝦嘅香味又有三文魚籽嘅咸味, 在夾雜少少沙律醬甜味, 好好味😋3️⃣蟹子沙律🥗 $35呢兜蟹籽沙律勁大兜, 裝滿左一個大碗, 沙律醬可以另上, 外賣都唔怕搞到啲青瓜絲出水👍🏻4️⃣火炙左口魚邊壽司 $28燒得岩岩好, 有微焦香味, 食落口都好重油脂味, 每件壽司有2塊左口魚邊👍🏻5️⃣帶子壽司 $35都幾大粒, 同刺身一樣咁鮮甜6️⃣三文魚腩壽司 $20夠肥美同厚身, 食落好滿足👌🏻7️⃣赤貝壽司 $20新鮮又彈牙, 一啲腥味都無整體嚟講佢性價比都幾高, 以外賣

去完觀塘海濱個邊，順便買埋個壽司外賣返屋企食😋因為係振萬廣場有一間「御品.千之味」日式餐廳🇯🇵佢有好多間分店，總有一間方便你☺️佢有做不同優惠價，例如外賣自取價、學生價等等，十分超值！今次我點叫個千之味壽司盛盒A，入面有25件壽司🍣包括三文魚5件、鰻魚4件、帶子4件、油甘魚2件、赤身吞拿魚2件、玉子4件、吞拿魚沙律2件、龍蝦沙律2件！啲壽司嘅刺身都幾新鮮，而且有好多款式！另外仲有不同刺身丼可以點，都係$60-80一客，仲有熟食嘅定食飯，凍食熱食都得！最後我仲叫咗個軟殼蟹手卷，個軟殼蟹炸得好脆，入面仲有沙律醬、蟹籽，令口感更加豐富🤩如果下次再食嘅話，可以試吓單點丼或定食，可能仲抵食😉

黎左觀塘行街，順便買外賣反屋企食，見到有間餐食日本菜就買左一盤25件既壽司拼盤，有鰻魚，帶子，玉子，赤身吞拿魚，油甘魚，，三文魚，龍蝦沙律同埋吞拿魚沙律多款口味，帶子壽司好厚肉而且新鮮，赤身吞拿魚不含油脂，肉質較瘦深紅色，玉子蛋卷好味火炙壽司拼盤都好好味，火炙後既味道係好香再加埋芝士响面，火炙之後三文魚口感呈半熟狀態比起生食更香滑，芝士吉烈蝦卷炸吉烈蝦炸至香脆，芝士味濃郁，上面仲有蟹籽都幾正，外賣仲配有冰袋同保冷袋拎到反屋企都保證新鮮。

其實千之味一直都係公司用開嘅外賣到會壽司店，次次party都叫，食開知道佢又抵又好味。突然想輕鬆食個壽司外賣晚餐，於是就去咗觀塘分店。驚喜開心地呢度有個anson lo人形紙牌!!!🤣講番食物先，御品壽司拼盤(共15件) $258 ☆☆☆☆(三文魚、油甘魚、劍魚腩、甜蝦、赤蝦、吞拿魚、墨魚、左口魚、吞拿魚蓉、三文魚子、龍蝦沙律、辣味三文魚、海膽)平時食開其他嘅壽司拼盤，我麻麻地拼盤入面，硬係會搭左啲"凳腳"嘅壽司，例如玉子、腐皮、飛魚子、北寄貝、八爪魚壽司，食之無味棄之可惜。但佢呢個十五件嘅壽司拼盤，件件都正，合晒我口味!佢係即叫即製，所以材料新鮮，飯又香甜軟綿。正!!蟹柳玉子燒(4件) $38☆☆☆☆小食中揀左呢個，個玉子整得唔錯!!加埋蟹柳、芝士、沙律醬、飛魚子，味道口感豐富，抵食又好食呀！另外見佢有學生優惠，一個飯/面+飲品，只係$30!!!仲要全日供應!!!萬物騰貴既環境，咁抵既餐，真係邊度搵呀~一間咁好咁親民咁有良心又好味既餐廳，服務態度又好好，真係好值得支持呀！💛