御品·千之味 (Eastmark)

營業中

休息中

朋友介紹喺九龍灣呢間壽司餐廳，有堂食又有外賣，佢話性價比好高，午市同晚市都有套餐選擇，唔揀套餐嘅話揀嗰啲壽司盛盒價錢都唔貴呀，質素仲高過好多大型連鎖店添！我今日就決定同屋企人去試吓！我哋叫咗三個壽司餐同少少壽司，都係選擇外賣返屋企慢慢嘆！我哋叫咗雙色三文魚丼套餐，10件壽司餐，同埋火炙壽司餐都係10件嘅套餐，每個套餐都包埋嘢飲🧃，有最普通嘅汽水可樂之外，仲有mirror 代言既OOHA! 我地仲叫埋鐘意既玉子和腐皮壽司🤓🤓全部壽司🍣都好好味，夠新鮮又大份，岩大食既我地！價錢仲唔貴！得閒又黎多啲😎😎御品·千之味 (The Eastmark) (九龍灣)九龍灣常悅道21號The Eastmark1樓5號舖

諗唔到食咩好就係千之味食個簡單午餐啦花之卷 3 件 $50每件嘅份量唔會太大舊，三文魚、蟹籽、沙律醬係無得輸嫁！軟殼蟹天婦羅 4 件 $68炸得都幾香脆，配上沙律醬食幾香口。蟹子沙律 (胡麻） $38 出街食飯好難先食到蔬菜，所以叫返個沙律平衡下，青瓜、蟹柳、蟹籽配上沙律醬，清新口味。海膽刺身 $238今日嘅主角嚟啦，我最愛嘅海膽。嗌刺身一般都會配上青瓜絲同埋紫菜。海膽無苦澀味，入口甘甜，質感細膩，幾乎入口即溶。配上爽脆青瓜同紫菜，滿口幸福嘅感覺。

-🔸鰻魚忌廉芝士卷 $48🔸照燒雞扒飯定食 $73🔸日式豬軟骨飯定食 $78🔸赤蝦刺身 +$20🔸花之戀 +$20-得閒心思思想食壽司就一定會諗起千之味！選擇又多、價錢又夠平民之餘，仲非常新鮮～今次叫咗兩款壽司卷物，鰻魚芝士卷好香口，鰻魚汁調味啱啱好，唔駛點豉油都夠好味！吞拿魚蓉卷食到吞拿魚嘅鮮味都好正！第一次食千之味嘅飯類定食，燒雞扒皮脆肉juicy、豬軟骨炆得好稔好入味～定食有齊前菜、沙律同飲品，夠晒飽肚。仲追加咗$20花之戀同赤蝦刺身，超滿足！

九龍灣Eastmark‼️ 如果係地鐵站過去就A出口出，唔好相信Openrice係B出口，簡單啲嚟講係戲院行落去就有，如果識九龍灣嘅就係大渣哥嗰商場🤭 上多一層就係了😋要對自己好啲今日買咗嗰本鮪三味壽司x$268 - 有大拖羅X3、中拖羅X3、赤身X4、比起你散叫都有82折左右🤭 都算靚，未至於入口即溶，但都好鮮😋三文魚蟹子沙律（胡麻醬）$52 - 不過今日最有驚喜係呢嗰沙律，平時伴碟見到啲青瓜絲咬咗少少都唔會想繼續食😂 但原來咁樣撈胡麻醬係會令人上癮，好好食🤤不過一定要拎嗰大啲嘅碗撈勻啲🤭

呢間壽司店位於the eastmark商場內，我地叫左一盒25件既壽司A盛盒火炙壽司，入面有三文魚壽司，三文魚用火燒至半熟狀態令到三文魚更香口，另外，火炙左口魚入口即溶既囗感令到壽司鮮味突出，蝦壽司啖啖蝦肉彈牙好味，三文魚芝士火炙必食推介啖啖入口既芝士香味岩晒芝士制，鰻魚壽司軟熟，25件呢個價錢真係好抵食，買滿三百蚊仲可以外賣全港都送貨tim，牛肉丼飯都唔錯嫁,晚餐仲可以響入面坐,入面位置舒適有櫻花佈置都幾靚。

吉列雙拼飯～是咖啡系列來的，可任選兩種主菜，選了吉列炸蝦及吉列蚧肉忌廉薯餅 ，兩者也炸得很香脆，不油膩的，而忌簾薯餅內的忌簾，更是非常軟滑，很好吃喔～咖哩雞扒飯～雞扒是分開用餅上的，雞扒煎至金黃色，雞翼帶點焦香，而咖哩味道不是辣的那種，是日本咖哩很香帶甜的味道，小朋友也能吃～辣味雞翼 ～這個辣度較刺激的，喜愛吃辣的，加這個做餸真的一流～照燒雞扒飯定食～雞肉煎至剛剛熟，肉嫩多汁～日式豬軟骨定食～豬軟骨很冧軟，份量也不少，軟骨位咬下不費力，棉棉的，好吃～

餐廳位於九龍灣，鄰近地鐵站還算方便快捷。這天因前往朋友家中慶祝，所以挑選了這家性價比極高的壽司店，好好品嚐一番。我們挑選的就是三文魚壽司大拼盤，多種不同的三文魚壽司口味，花之戀，芝士三文魚，三文魚腩，軍艦三文魚腩等各有特色。多次光顧這間壽司店的原因，全因為壽司飯令我不能忘卻，入口帶點醋味，加上入口帶點煙韌，就是喜愛這種口感，加上三文魚用料新鮮，在多種不同的配搭下更具特色。另外，豉油和芥末也是餐廳自家出品，更能體現得到餐廳對壽司的執着和精神。

限時優惠之日本海膽，新鮮空運到港🤓 見到張餐牌就已經吸引住我，真係同平時食嗰啲有分別🤭 呢嗰絕對值得encore‼️日本雲丹三味卷（3件) $98 - 有海膽帆立貝、海膽吞那魚蓉、仲有大大嚿海膽🤓 男朋友好識食咁拎完海膽就拎埋海膽吞拿魚蓉，你可想言之佢嘅吸引力🧲 日本海膽吞拿魚蓉卷（4件）$118 - 海膽加吞那魚嘅鮮味同魚味，混合一齊口感真係好好，但同上面嘅比較我會寧願嗌多嗰三味卷，因為都試到海膽吞拿魚蓉嘅味，但有我最愛嘅帆立貝😳火炙芝士三文魚壽司/2件 $26 & 火炙芝士帶子壽司 /2件 $42 - 食千之味一定會食佢，因為呢度真係整得好好，就算唔係即食，佢啲芝士都好正，口感好濃郁🤭

身為壽司控既我，成日都想食壽司，千之味次次都係首選，食開都係覺得最好食最正！咁多間分店，點都有一間係左近，無論堂食同買返去慢慢嘆都正，突然興起好想食卷物，今次叫左卷物盛盒A,有8件花之卷，8件鰻魚反卷同8件加洲反卷，total24件，花之卷同加洲反卷簡直係我最愛，花之卷大大件，加洲反卷沙律醬超超超正，一吾覺意食哂8件。再加埋4件厚燒玉子，醬料加埋厚厚玉子好夾好好味坐部都岩哂我口味，壽司師傅用心製作，客人係食得出既，大人細路都鐘意食呢味！等緊壽司時店員都好有禮貌同我傾計，仲包埋冰袋俾我拎返去，望見店舖環境好乾淨，仲見到店員時刻都有維護環境衛生，值得再去幫襯！

咁啱要過九龍灣整証件，一出就要搞大半日🥲出得街，夜晚肯定煮唔到飯！行過The Eastmark醒起呢度剛剛開左間御品千之味🍣不知不覺佢開到第8間分店！決定叫外賣返去食😎 鋪面佈置得好舒服別致 以櫻花做主題望落去好舒服，而且位置寬敞乾淨好企理😍呢間有得堂食或者外賣😋見佢宣傳單上主要都係做外賣，而且種類多，到會/套餐/散叫都得👍冷熱食都有啱晒大人小朋友😻，外賣都係大約十分鐘左右就有，電話落單再自取都得，好方便🫰🏻呢個絕對好介紹 😎好食兼方便🥳會員優惠#堂食全單八折#外賣自取全單九折指定金額免費送壽司或刺身外賣/到會 選擇很多 啱晒最近大大小小的聚會😎而且價格親民仲可以即日order 即日送到添😚得我同個女食⋯全部散叫估唔到包裝好靚～阿女食到舔舔脷 係咁話要encore👍👍

話說某日收工唔想煮飯又好想食壽司，就即刻諗起御品·千之味🍣其實之前係朋友屋企開party都食過一次，價錢公道得黎仲要非常高質👍🏻今次一於外賣自取，拎返屋企慢慢嘆！————————————————🥇火灸盛盒A（$284）👅火炙之選有三文魚腩、左口魚邊、芝士三文魚、芝士鰻魚、同熟蝦🦐🥇火炙過嘅左口魚邊都仲係好爽口🥈三文魚腩魚油十足🥉火炙三文魚就係另一番滋味整體黎講五款都係水準之作👍🏻👍🏻👍🏻🥇千之味壽司盛盒A（$268）👅排名不分先後嘅有三文魚、吞拿魚、帶子、鰻魚、油甘魚、玉子、吞拿魚沙律同龍蝦沙律👍🏻值得一讚嘅係件件刺身都好鮮味，而且係厚切啖啖內，份量十足😋其中帶子壽司我比100分💯💬 外賣、Party必備之選🏆———————————————— ​味道：🌕🌕🌕🌕🌗抵食：🌕🌕🌕🌕🌑————————————————📍 御品·千之味：九龍灣常悅道21號The Eastmark1樓5號舖

講起高質嘅外賣壽司🍣，第一時間就諗起御品·千之味！之前都試過外賣直送，今次就試下外賣自取。外賣附有一套齊全嘅開餐工具🥢，包括豉油碟、筷子、豉油同Wasabi，拎返屋企慢慢嘆。同埋非常適合屋企開party🥳，有唔同人數嘅套餐，滿$300起就全港直送，當然視乎地點啦~————————————————👅千之味壽司盛盒A（$268）👍🏻吞拿魚、三文魚、鰻魚、帶子、油甘魚、玉子、吞拿魚沙律同龍蝦沙律壽司🦞。刺身厚肉鮮味，件件都份量十足，其中我哋最鍾意吞拿魚同埋油甘魚，龍蝦沙律都唔錯，食得到一粒粒嘅龍蝦肉👅火灸盛盒A（$284）👍🏻火炙三文魚腩、火炙芝士三文魚、火炙芝士鰻魚、火炙左口魚邊同火炙壽司熟蝦壽司各5件。嗰隻過嘅三文魚更加油香十足🤤，加埋芝士更滋味，相信呢個盛盒可以滿足到鍾意火炙壽司嘅你！————————————————🚩總結：外賣壽司嘅No. 1👑———————————————— 🌟注意：外賣附送冰袋及保冷冰，盡快放入雪櫃或食用————————————————📍 御品·千之味地址：九龍灣常悅道21號The Eastmark1樓5號舖🗺地區：#bem九龍灣📥分類：#bem日本菜💰人均消費：

平時成日經 The Eastmark 都未行過入去，係外圍睇，入面好似幾多野食。今日想買啲野食返屋企做晚餐，入左去行下，有我最愛既壽司，一於試下～御品。千之味～。千之味都好多選擇，壽司、丼飯、小食、定食。我就叫哂壽司，可以試多啲唔同款ma。QR Code 落單，方便呀。今次叫左三文魚、左口魚、藍鯨吞拿魚赤身壽司、粟米沙律、龍蝦沙律、海膽軍艦、三色花之卷同玉子小卷。刺身新鮮，各有特色。左口魚，味道甘香，油脂豐富。海膽，海膽好鮮甜。藍鯨吞拿魚赤身，肉質幼嫩。🤤三色花之卷，隻隻飽滿，滿足。買滿$300 免費送貨，下次可以安座家中等食。

未能一解思念日本之愁，當日一別，未知幾時可再相見！現擁有多間分店的【千之味】壽司店，相比日本餐廳呢度雖然始終欠缺左一種氣氛，但食物絕對能夠媲美日本食到嘅日式壽司味道。一嚐是次外賣能否懷緬當初旅行的感覺。堂食店舖面積不太大，眼看二十多個座位，長方形的佈局。看見這裡的日本風環境，怎為可愛，和式味重！在牆上也掛著一些特別菜式、是日推介等等。餐牌設計就較為簡單及平實，看看食物及價位正常，不會是低價位，屬於中價，質素有驚喜的話會是性價比合理，始終【千之味】也是口碑不錯的餐廳呢。◼️千之味 人氣壽司拼盤E套餐15件 $188整個拼盤的分量非常足夠，其中的15件壽司可以讓兩個人飽餐一頓。當然，這樣的美味也帶來了一定的價格，但相對地，食材的品質和口感都是非常優秀的。【火炙黑椒三文魚四件、火炙芝士三文魚四件、火炙三文魚腩四件、三色花枝戀】◼️左口魚壽司兩件 $20◼️火灸左口魚邊壽司 $28其中，最讓我印象深刻的是左口魚壽司和火灸左口魚邊壽司。左口魚壽司鮮美多汁，帶有淡淡的海洋風味，完美地展現了魚肉的鮮美口感。而且佈滿油脂，好開心既口感。◼️火灸芝士鰻魚壽司 $22火灸芝士鰻魚壽司，它的口感非常獨特，鰻魚肉質柔

去完日本又懷念壽司同刺身，公司附近不嬲都有千之味，平時lunch time 長期爆多客，今次tea time 下🤪主要都係做外賣，但種類一啲都唔小，套餐同散嗌都大把😋冷熱食都有，外賣都係大約十分鐘到就有，電話落單再自取都得，好方便👍🏻同幾個同事一齊食，嗌多左少少唔同款試下，平時佢地成日食lunch set，但自己就第一次食🤤睇落樣樣都好新鮮肥味🍣三文魚刺身半厚切，橙白相間紋路靚，滿油花，食落新鮮嫩滑，淡淡魚香味😋🍣芝士火灸三文魚壽司必食火炙壽司！加左芝士上面，芝士同三文魚燒既時間岩岩好，口感好飽滿，入口半溶，一啲魚腥味都無😻🍣加州反卷係我每次食壽司必點，簡單食材又可以試到餐廳功力，有玉子、青瓜、蟹柳，外層三文魚籽充，整體口感都夾，清爽脆口🤪🍣芝士炸蝦卷炸蝦炸粉唔多，可以食到啖啖蝦肉，炸蝦同芝士口感好夾，冷飯同熱蝦，冷熱交替夠特別🥳🍣厚燒玉子蛋漿有好多層，但都好嫩滑，表層既沙律醬，增添一層風味，略帶甜味，蛋味夠香😙