御名軒

營業中

休息中

今日同家人來御名軒食晚飯，之前都來過好幾次，貪呢度近地鐵站一出行幾步就到，場地又鬆動，又可以book房，極之方便。竹翠銀杏～木耳翠肉瓜唔會太生剛剛好，平時食銀杏都會覺得有苦味，但呢個完全無喎！京蔥彩椒鮮淮山～好健康既一道菜，淮山同京蔥好爽，彩椒甜甜地，咬落去多汁，好食。游水沙巴龍躉～條魚蒸得剛剛熟而離骨，淋上蒸魚豉油，成條魚好正，尤其是魚鰭位食落好滑。茄汁焗海虎蝦～海虎蝦啖啖肉，茄汁滲入蝦頭同蝦身好好味，食到啜晒手指！瑤柱蛋白炒飯～賣相好靚炒得好乾身，蛋白炒飯味道清，加埋瑤柱黎炒夠晒香。

要搵間唔搞 o甘多花巧 o野正正經經食下小菜 ge 中菜都唔容易依間小菜同湯都幾好先飲番個老火湯, 係以原盅上湯 o既跟住侍應姐姐就會分好 d 湯湯料都會撈出 o黎擺得靚靚~個雞湯好清潤, 烏雞冇 o甘燥熱又補血依個睇唔出係苦瓜呢將 d 苦瓜切條再用蛋黃包住去炸, 好酥脆唔中意食苦瓜都會覺得好味海鮮什菜煲 ge 海鮮好多有蝦, 花枝, 魷魚同蟹柳~粉絲同菜都鮮甜 d!半隻燒鵝份量都幾多, 個皮好脆好有光澤椒鹽腰果鮮魷非常香口 ar魷魚好爽口, 真係好新鮮 梨山醬手抓骨, 一隻隻豬腳仔都幾 cutie慢火炸到外脆內軟, 沾少少酸甜 ge 梨山醬好惹味

出開天后做野 放工約咗成家人同埋嫲嫲食晚飯☺️ 我地簡咗御名軒試一試 事前見到都裝修得幾企理同光猛💡加上地點由天后站一出就到 十分方便✌🏻而我地五個人睇menu嗌咗四個餸同四碗白飯都相當夠食😋第一個嗌就係我同家姐最愛既香口野 椒鹽腰果鮮魷 炸得好酥脆亦有蒜香 最外層係包裹住一層唔算太厚既生粉 食落唔會太油膩 外表係炸至金黃色👅 椒鹽粉令鮮魷變得好香脆 魷魚咬落有軟滑既口感 一旁更加有爸爸平日最愛食既腰果☺️ 腰果份量唔少 營養價值又高 所以我同家姐都叫爸爸阿嫲佢地多食🗣見餐牌上有媽媽最鐘意食既燒鵝 我地就點咗半隻皇隻燒鵝👑哄媽媽開心 燒鵝鵝汁相當夠😊一放上枱都聞到燒鵝既香味 外皮酥脆 肉身都頗飽滿🤤 所用既醬汁同香料岩岩好 並無偏咸既問題 鵝味突出之餘又唔會話失色💬嫲嫲由我地細細個就教我地要多食魚 有益之餘對皮膚有幫助 所以我地平日食飯都會有魚做餸😁 我地黎到就嗌咗條游水沙巴龍躉🐟 份量唔細 龍躉肉幾嫩滑 肉質唔算實 咬落算新鮮 無乜腥味 魚肉鮮甜😚怕唔夠食就嗌埋個海鮮什菜煲 煲內有唔同海鮮 大大粒既帶子 鮮蝦🦐 蟹柳同唔同既雜菜 有埋一大堆既粉絲😍 湯底係清甜 飲得出無乜調味料 西蘭花同

今日來到位於天后的粵菜酒樓吃晚飯，一出港鐵天后站便望得到，相當方便。要上一小段樓梯之後，開門可見酒樓環境，非常光猛。金沙脆涼瓜 ($88)雖然是炸物，但相當之可口，咬一口除了酥炸外皮和涼瓜味，還有咸蛋黃，口感豐富。同行友人受不了苦味都不敢吃，但我卻覺得甘苦度剛好，加上好爽口，實在好食！花旗蔘燉竹絲雞湯 ($128)整煲湯非常足料，盛裝後望落偏油，幸好飲落就無油膩感。湯的味道有淡淡的雞香味，嚐出主要是花旗蔘的苦澀味，個人就麻麻地喜歡，不過靚湯功效多，點都要飲一碗XD梨山醬手抓骨 ($98)以慢火炸熟，再淋上特製黑醋梨山醬，咬落聽到微微的香脆聲，外層又酸甜又香脆，內裡豬展肉肉質嫩滑，啖啖肉汁滲出，實在太滋味，相當滿意！海鮮什菜煲 ($98)每次到酒樓必點之選，上湯所浸的蔬菜感覺不會油膩又健康，有西蘭花、白菜仔、菜心等，都很翠綠爽口，而同一煲內的冬菇、魷魚、蝦肉等，都很鮮甜滋味。游水沙巴龍躉 ($238)最怕蒸得過火喉的魚，但這一條龍躉師傅掌握得剛剛好，魚肉勁嫩滑又鮮甜，轉瞬間便被我們吃光光皇者燒鵝(半隻) ($238)賣相很不錯，外皮超脆，咬落肉嫩，肉汁很多，很香口，難怪稱呼為皇者！

收工同同事幾個人仔去食飯，想坐得舒服，又想圓枱方便傾偈，就去左御名軒酒樓食中菜。大家選擇了幾款小菜，湯同飯。工作咁辛苦咁攰，叫返枝大啤酒一口氣飲返杯，所有返工既疲倦盡消！皇者燒鵝(半隻) - $238一上枱大家都不禁嘩一聲，油光色澤鮮明既燒鵝肉質鮮嫩，鵝脾勁滑，外皮又脆，好在食落唔係太油膩。花旗參燉竹絲雞湯 - $138重本落足材料成個湯好靚，睇落去已經覺得好補好潤，連湯渣淮山杞子瘦肉一齊食係最高享受。彩椒牛柳粒 - $98牛柳粒好淋身好入味，食得肉多再食三色椒減少左膩既感覺。瑤柱蛋白炒飯 - $98好香好夠火喉既瑤柱蛋白飯炒到乾身，一粒粒飯分開唔會痴埋一舊，正！酒樓都好識做，晚餐贈送糖水，起沙既紅豆沙好食又唔會過份甜，食完糖水開心晒！

【燒汁京蔥爆海參帶子】$168比起食菜，我就食鍾意爽口嘅京蔥多啲喇反正京蔥一樣係纖維豐富～呢道有齊海參同帶子，好抵食帶子好厚身，非常鮮甜京蔥都爆得好好食 👍🏻【梨山醬手抓骨】$98用咗連骨嘅豬腱整，個樣好似雞脾好得意！😍炸得外脆內軟，食落完全無炸嘢嘅油膩味【游水沙巴龍躉】$238晚市三寶之中嘅游水龍躉～條魚蒸得唔錯，魚肉好滑勁鍾意食蒸魚嘅蔥！【金沙脆涼瓜】$88好似黃金山丘咁 🏜蛋黃好薄脆，裡面係苦瓜條苦瓜唔太苦，好甘 😋【足料煲老火湯】$128係烏雞同雞腳煲花旗參個湯勁足料，好有花旗參嘅味道【呂宋芒果布甸】$28係細個去飲茶食嗰種心心布甸！好懷舊呀 😍😍😍不過呢度嘅布甸就多好多芒果喇！啲芒果仲要好甜𠻹 👍🏻另外嗰兩寶～

一家人做節, 去酒樓食真係不二之選!叫左半隻皇者燒鵝, 棗紅色既鵝皮，光澤而挺身, 油亮鵝肉，肉嫩結實無渣, 霸氣咁大口咬一下，鵝皮香脆鬆化，濃郁鵝味在口中散開，隱約帶有陣陣八角香料芳香。滿嘴鵝油緩緩從嘴角流下的滋味，妙不可言!開始入秋, 飲多d 湯水係常識吧!, 老火花旗參竹絲雞湯, 足料非常, 竹絲雞湯, 雞湯味濃郁, 湯面少油脂，濃稠度適中, 烏雞的甘香, 味道先是甘香，餘韻帶鮮，湯渣足料, 點醬油食真係唔錯清蒸游水沙巴龍躉, 清蒸的方法可以最大限度的保持沙巴龍躉的營養之餘, 清蒸最能突出其鮮味, 肉質細嫩肉質細嫩刺又少，味道又鮮美, 蒸魚鼓油真係居功不少!

平時都好少會去天后食野，因為一直都覺得天后冇啖好食不過今次難得同幾個朋友係天后行完街，大家都覺得肚餓個陣就見到依間鋪頭咁緊係一於要入去試下啦！間野好易去，係天后港鐵站A1出口一出就見到。大家食夜左少少都唔怕因爲唔識路而搭唔到尾班車睇左一陣餐牌就已經決定好食咩啦首先試左個茄汁焗海虎蝦 $168個茄汁超濃，唔似出面有啲餐廳就咁用一啲超市都買到嘅茄汁。蝦頭有勁多蝦膏，一咬落去已經流晒出黎蝦身有多肉，值得一試之後要左一盎花旗參燉竹絲雞湯 $138第一啖飲落去已經覺得好清甜，完全唔會覺得油膩尤其食飯個日成31度，飲完會令人個喉嚨好舒服勁足料嘅湯渣作為平時都係食肉獸嘅我今次都點左兩味菜，希望調和返今餐(一陣你就知仲有咩好野食)第一樣試左竹翠銀杏 $88個名已經夠晒好意頭，食落去都覺得西芹同蓮子好清新用依個價錢就已經可以試到算係好唔錯啦第二樣試左京蔥彩椒鮮淮 $88依個組合好少可以係其他中菜館試到，之後經理都話依個係佢地嘅新菜式成個菜式比到好大嘅新鮮感我，尤其淮山係新鮮淮山黎，絕對要食多幾嚿！之後終於要試下佢地嘅招牌菜啦皇者燒鵝（半隻）$238皇者燒鵝依個名夠晒霸氣，咁緊係要試下佢點解會咁大口氣叫自

今晚和親友聚會，揀咗御名軒，都係因為貪佢近地鐵，在自港九新界親友都非常方便，一出地鐵直達酒樓，正！今次揀咗超級龍虎宴，因為想食龍蝦。第一道菜是高湯焗生猛龍蝦伊面底（不錯嘅，龍蝦的確新鮮，不過伊面底個汁太杰）、還有風味大拼盤（好味但有點細份量）、醬皇花枝蚌仁（呢個好有少少辣好開胃）、蒜蓉粉絲蒸元貝、紅燒花膠雞絲翅、清蒸海老虎斑（條魚夠大又新鮮蒸得火路啱啱好）、蟹肉扒翡翠（呢個汁也是太杰）、脆皮一品燒雞（普通啦）、太極鴛鴦飯（呢個係我至愛）、壽桃（大個又多蓮蓉），另外精美甜品係紅豆沙，成個餐不過不失，如果送埋生果更理想。每席$3180。

今日來了天后御名軒飲茶，一行五人叫了很多點心，飲茶最好人多，加上天氣熱飲多啲茶水好! 我們集合大家心水，點了御名蝦餃皇、小籠包子、原隻大蝦燒賣、豉蒜蒸鳯爪（非常入味）、梁太豬腳薑（連汁都撈埋，可以叫、香煎蘿蔔糕、鮮蝦腐皮卷、上海小籠飽、金菇牛肉腸粉、蜜汁叉燒腸粉、薑汁蒸軟糕（薑汁味十足），佢哋嘅點心，的確有水準，樣樣熱辣辣，真係要讚一下個師傅。因為叫得太多食唔晒最後要外賣回家，不過為了支持環保，我諗下次都係自備環保盒好啲。

日上三竿假日當然要睡到自然醒囉～♥️亦因爲這個「好」習慣往往早餐便是「下午茶」時段🙈🙈🙈兩點來到天后忽發奇想來個一盅兩件🍤地鐵站一出就見到「御名軒」佔盡地理優勢👍🏻看到門口人頭湧湧便打算一試可能因為兩位關係竟然立即有位😱😱😱♥️一坐下點心紙寫著「下午茶時段」🤤🤤有種莫名的幸福😂😂😂兩個人點了馬拉糕、燒賣、鮮蝦腐皮卷、鮮蝦腸粉、蛋撻仔、唐生菜和燒腩仔河🙈唐生菜幾新鮮而且都幾大碟👍🏻蛋撻仔超冰凍😰皮也不鬆脆👎🏻👎🏻鮮蝦腐皮卷味道是不錯👍🏻料也十分充足可惜太油了☹️鮮蝦腸不過不失冰鮮蝦不過味道還可很脆👌🏻馬拉糕偏甜還好我愛甜😂所以👌🏻燒賣的蝦跟腸粉是一樣的😂所以只能說不過不失最後是下午茶精選燒腩仔河粉份量一個人剛剛好👍🏻燒腩仔是脆的♥️$20.8一碗 十分超值題外話：雖然這裡點心沒有很出色但服務卻超水準♥️♥️深信這是人頭湧湧的原因!!

首先，講環境，大路港式酒樓裝修，不過可能有d舊，天花都發晒霉，真係有d感覺唔太衞生。至於嘢食，第一次食到點心係暖嘅，粥又係凍嘅，咸水角係深啡色（唔知係隔夜定翻炸)，蛋撻散開嘅，最好係個蝦餃，至少係熱嘅。點心最基本要求，就係要熱都做唔到。同埋唔知點解一樣係蝦餃，不過有兩個價錢，視乎你填邊張紙入單，所以一定要問清楚，如果唔係就好傻仔，因為一個計特點，一個計$13.8，我哋同經理反映，不過都係依舊計你係用邊張單入而計錢。所以綜合環境，服務同食物，兩個人都要二百幾蚊，真係有d失望。

因為剛由汶萊回港。家中無飯開。所以兩老就帶我嚟食好嘢。因為都幾遠架。所以搭咗幾個站電車。呢間係抵食。但要上落樓梯無𨋢。 所以兩老話因為咁都少嚟咗飲早茶。希望有所改善啦！

經常聽人說結婚不是兩個人的事，而是兩家人的事，這不單單在籌備婚禮上看到，你試下唔理四大長老睇下有咩後果？即使結婚後，除非你的另一半是一個孤兒，否則每年過年做節，或父母親節，除了自己屋企人外，還要預埋6299。由於自少跟媽媽兩人居住，所以父親節在我的生涯中只停留在小學時期製作父親節卡，但由於不幸地星仔不是一個孤兒，所以今年開始，我都要慶祝父親節，為免正日人多價格又被抬高，我們就早一個跟6299飲茶當慶祝。＊＊＊＊＊＊＊＊＊＊＊＊＊＊＊＊＊＊＊＊＊御名軒雖然名氣不及連鎖茶樓大，但在街坊之間都凝聚了一定人氣，所以中午時段很快就滿座，如果要吃建議早一點來找位子。御名軒除了像普通茶樓搬可以單點外，還有中午套餐，價錢由$148至$448不等，星期六日及公眾假期另加$10。我們由於只有四個人，就點了套餐C($248)，套餐包括三款點心以及主食、燒味和小菜各一款。京滬小籠包京滬小籠包一籠有四隻，皮非常薄，夾起時後容易就弄破包皮，建議待小籠包稍涼才夾起。入面的湯汁多而鮮甜，豬肉又腍又滑，即使不蘸醋都好吃。蜜汁叉燒腸叉燒腸腸皮不算特別薄，加上食物上枱速度都頗快，食物都差不多同一時間上枱，所以可能我們過了一

It has been awhile since i had dim sum with my parents and i decided to have dim sum with them today. I brought them over to this dim sum restaurant, that was quite famous in Tin Hau area. It was located just outside the MTR exit. When i reached around 130pm, the place was still quite crowded, almost full. Since there were few of us, the waitress recommended us for their set lunch as it was newly launched. It was available after 11am and after some consideration, we decided to choose set D. It c