御の味

我在6月頭已經致電御の味訂購3位$1280廚師發辦套餐~7月底是吃飯日, 前一天都沒有收到booking提示, 所以我再致電跟餐廳確定一下人數, 時間, 點什麼的omakase?接線生說了confirm booking, 但因信用卡機壞了什麼的, 所以要求我們帶備現金~我要求餐廳豁免加一收費~對方說好的~本來覺得服務質素一般的, 因豁免加一收費, 我們都接受了~吃飯當天, 我們是下午12:30入座. 早上11點30分御の味致電給我, 通知我說因當天太多人點了廚師發辦, 所以壽司師傅沒有上班, 只淨一位不是專業做omakase的師傅, 加上上菜不是一碟一碟上, 而是一大盤的送上. 那我早2個月前訂餐意義知在? 加上我們點的套餐一點都便宜, 下午飯每人消費要一千多元, 只要求基本服務, 都沒有.未食已經劣評~提早2個月訂黎同老闆食飯, 一野比你地Q起曬~ …查看更多

之前有介紹過佢個omakase👻！今次趁係佢結業前再食多次：-今次嘅「魚生丼 Sashimi Doburi🍣🍚」同「燒鯖魚Grilled mackerel set🐟」都唔錯！魚生丼有7款廚師發板刺身，而燒鯖魚就煎到外皮好脆，肉質嫩滑juicy🤣～-另外當日有幸食到特製甜品 - 「南瓜芋頭西米露 Pumpkin taro sago sweet soup🎃🥣」，超好食😳！香濃嘅芋頭香同南瓜嘅鮮甜味完美融合，唔甜，jeng！「抹茶雪糕Matcha Icecream🍵」都ok濃，有dd回甘~-⚠️：老闆話menu可能有變，所以唔寫價錢luClose permanently at the end of July…查看更多

朋友請食生日飯，知我浮誇港女愛打卡(利申我係麻甩佬)，加上知呢間野就嚟俾業主逼遷，所以帶我嚟食呢度師傅發板午餐！食物就不過不失魚生都好新鮮，刺身帶子厚身…可惜服務態度簡直係地獄級地差！混亂到啲客要同侍應講“我趕住返工㗎可唔可以快少少”日本餐廳上茶，可以講係必須你飲完杯茶幾分鐘內要有加茶，但佢根本忙到冇人會做呢樣嘢！跟餐入邊本來有蒸蛋，原來冇貨又唔同個客講自己改咗做第二樣嘢！上壽司師傅發板套餐，上咗個主菜所有嘅烏冬啊前菜啊全部都冇上，要追佢三次先到，第一個餐影要等半個鐘頭有多，第二個餐直情接近等咗一個鐘！員工訓練及危機意識不足，根本追唔到個客嘅進度！係，你哋就嚟俾業主逼遷係好慘，你哋係同路人小店都應該支持，但你係一間中高級嘅日本餐廳，除咗食物OK之外招呼都要有基本！對唔住講句你仲差過茶餐廳！最尾嗰杯咖啡個杯就好靚啦，但咖啡你竟然上白砂糖俾我！你好嘢啊我真係服咗你！其實同路人小店可唔可以爭氣！同一個理念只係會令你人多一個幫襯你嘅理由，唔可以因為有理念而沒有質素！希望貴店如果有機會重開的話，注意下服務質素！認真今次生日飯真係食到一肚氣！…查看更多

御の味 (灣仔)灣仔omakase 每日生活都很繁忙，難得有一日唔使OT ，所以就帶女朋友去食餐好嘅！ 我地去左位於灣仔嘅御之味，兩個人叫左一個12 貫壽司定食同一個牛肉照燒定食。兩款定食都有跟沙律同一個茶碗蒸！沙律新鮮，番茄清甜，配埋帶酸醬料很開胃。茶碗蒸非常滑同鮮味！壽司定食有6 款魚壽司包括金目鯛等等，魚新鮮， 油脂適中，肉質細膩另外6 款就是較濃味的壽司包括海膽，鰻魚，魚籽，蝦，帶子同埋一個細細嘅吞拿魚腩飯，海膽甘甜，入口即溶！ 牛肉照燒定食以一個特別的碟盛上， 牛味香濃，份量足夠。比壽司定食多一個蓮藕片前菜同埋味噌汁！ 飯後仲有紅豆雪糕同綠茶雪糕， 綠茶味香濃！…查看更多

Omakase set👨🏻‍🍳 $660/2位個set有沙律、刺身🐟(深海池魚、石鯛、牡丹蝦、目張魚)、碎吞拿魚腩飯、銀鱈魚西京燒、安格斯牛扒、茶碗蒸、野菌烏冬同雪糕(有抹茶同紅豆揀)👐🏻沙津個汁夠酸 超開胃刺身幾新鮮😉迷你飯啖啖都係碎吞拿魚腩個銀鱈魚掃咗燒汁燒得好香牛扒略嫌熟 韌咗啲茶碗蒸滑嫩🥚食埋熱辣辣烏冬再以香濃嘅抹茶雪糕收尾🍵🍨不得不提 呢到嘅店員好有禮貌👍🏻…查看更多

御の味 (灣仔)灣仔軒尼詩道256號The Hennessy 3樓今日係我同女朋友幾個月嘅紀念日當然就係要去佢最鍾意食嘅日本餐廳食啦，而今次我哋揀咗依間廚師發板來講佢哋嘅環境同埋食物都一個唔錯水準廚師發板壽司值得推介佢哋嘅海膽真係非常之新鮮，另外鰻魚肥美又好食照燒汁和牛定食果然係和牛級嘅水準，佢哋嘅照燒牛唔會煮得太老啱啱好味道，牛味豐富又好食😋配上麵豉湯同沙律同埋蒸碗蛋簡直係一個說給人壽甜品紅豆同埋綠茶雪糕，值得出嚟佢哋嘅雪糕都係真材實料紅豆味濃郁，綠茶味清新…查看更多

今日中午個人攰攰地，天氣又熱，成個人都好躁，最啱就係食壽司啦😋同朋友揀咗呢間門面裝修好靚既日式居酒屋，卡位闊落，燈光微暗，好適合同三五知己喺度傾計。一坐低，就留意到餐具設計有小巧思，筷子托直接用一個蜆殼，好有創意👍🏻一睇menu真係花多眼亂，一時間唔知叫咩食好，呢個時候餐廳侍應就推薦咗廚師發辦套餐比我地，師傅會將當日最新鮮既海鮮整成壽司。最後我地叫咗一個廚師發辦套餐，同埋一個日本地雞定食。👍🏻廚師發辦12貫壽司套餐（包烏冬、前菜、沙律、甜品）🍣一上枱已經見到每件魚生都好鮮美，擺盤非常之靚，好吸睛！鰻魚好大件，食落油脂溢出，好滿足！玉子好有驚喜，同平時食既玉子唔同，食落有層次，蛋香重，亦唔會太甜。12款壽司既飯都落咗少許醋，食完12件都唔會好滯，加上有少少炙燒，食落有焦香味。👍🏻日本地雞定食（包米飯、味增湯、茶碗蒸、前菜、沙律、甜品）🐔店舖用上日本直送地雞，雞扒煎到表面焦黃，雞皮咬落好脆，肉質鮮嫩，唔會煎到太老。茶碗蒸出色，非常滑之餘，裏面仲有大大粒帶子。配埋柚子醋沙律一齊食，感覺唔會太heavy。🍦食到最後已經好有滿足，原來最後驚喜喺個雪糕度！而家只要讚好店舖FB同IG，就會獲贈雪糕。我地分別叫咗紅豆味同綠茶味，紅豆味有一粒粒大紅豆，好有口感，而綠茶味好濃茶味，食落透心涼，啱晒熱辣辣既天氣。總括而言，如果想咩都食啲，同埋搵個地方傾下計既，呢間係唔錯既選擇。…查看更多

廚師發辦就是由廚師為客人選擇當刻新鮮當造食材, 客人基本上不會知道將會吃到甚麼的, 一直覺得有點像扭蛋機, 也挺過癮! 而omakase不限於晚餐, 來個午餐omakases 12貫壽司($358)也能滿足一下心癮.  灣仔御之味Kappou UOn 的午餐選擇很多, 有多款定食之餘, 更有一款是Omakase, 好奇之下點了一客,  圓盤上的有我愛吃的三文魚籽, 好甜略帶咸鮮; 玉子則略為不夠軟滑.   另有深池、石立、金目鯛、左口魚、鰻魚等, 米是赤醋飯, 比一般的壽司米更好吃.  雖然這款omakase的呈獻方式與慣常逐件上的有分別,  但朋友說魚生也夠鮮甜.  另外6件壽司包括鯛魚、赤貝、帶子、牡丹蝦黏黏的口感最誘人.盤上的茶碗蒸超級香滑, 內有蟹肉及冬菇片等; 還有一碗迷你烏東, 吃過壽司後, 吃一口溫熱烏東也不錯~   與朋友點了一客有機岩鹽燒鯖魚定食($88), 燒得很香口啊~   前菜是充滿麻油香味的脆爽蓮藕片、田園沙律伴泰式醬、麵豉湯及茶碗蒸,  吃得很飽.午餐包甜品或咖啡, 我們都選了雪糕, 有綠茶及紅豆味選擇, 當然每款口味一球, 與好友分享啦~  …查看更多

最近同朋友係灣仔搵到間抵食日本野😋😋$660就有個二人套餐 性價比超高啊😝而且餐廳環境好寬敞寧靜🥰店員都好nice 為我地介紹菜式😙😙 -二人套餐:沙律🥗 牡丹蝦什錦刺身🦐 (4款)碎吞拿魚腩飯🍚燒物🍢安格斯肉眼網燒🥩燉蛋🥚野菌烏冬🍄甜品🍨-沙律菜非常新鮮 令人胃口大開🤤🤤什錦刺身包括有金目鯛 深海池魚 石立魚 同 牡丹蝦🦐4款都好鮮味 特別鐘意牡丹蝦 超爽口🤩碎吞拿魚腩飯 幾鮮味 唔錯配上煙煙韌韌既日本醋飯🤪今日既燒物係 鱈魚西京燒🐟燒得好香 魚肉仲keep到滑溜👍🏻 安格斯肉眼網燒 肉質偏有嚼口 牛肉同個汁都好夾😋😋燉蛋雞湯味好濃郁😆 入面有雞肉 蟹柳等等最後甜品有雪糕😙😙揀左紅豆味 好香😻入面仲有粒粒紅豆嫁😻…查看更多

在日本和香港，廚師發辦這種日本料理的料理方式均十分流行，由廚師精心挑選最優質、最時令的食材，雖然沒有菜單，卻能品嚐新鮮、珍貴的日本食材，因此用餐的平均價格亦較高，卻依然大受歡迎。最近，朋友介紹了一間性價比相當高的日式餐廳 - 《御の味 Kappou UO n》，午市廚師發辦 12貫壽司只售三百多元，咁抵？！又怎可不試？《御の味 Kappou UO n》的裝潢以木系為主調，高樓底，配合柔和的燈光，餐廳內還設有壽司吧枱，及寬敞的卡座，高檔次的日式餐廳。午市時段，套餐選擇蠻不少，而我當然心中早已選定廚師發辦 12貫壽司；另外，還點選了一客日本地雞定食，方便與友人一同分享。先來 6貫壽司，搭配套餐的前菜、沙律、茶碗蒸及烏冬。赤貝、牡丹蝦、拖羅、伊佐木魚、深海池魚、石立，各具特色，每一件都非常鮮味。BeautySearch 最愛拖羅，這吞拿魚的魚腩部份，久違了的肥美，未食已經聞到拖羅的氣味，雪花紋雖然不算十分豐富，入口卻有即溶口感，令人難忘的感覺。伊佐木魚、深海池魚、石立，驟眼看，三款有點相似，魚肉都是白皙呈淡紅色，不過，BeautySearch 還是第一次品嚐伊佐木魚，夏季是最佳賞味季節，更肥美，口感柔軟多脂，而且富含DHA 和EPA等不飽和脂肪酸，對降低膽固醇、保護心腦血管有一定幫助，絕對值得一試！再來 6貫壽司，有三款火灸：金線鯛、金目鯛、鰻魚；另有三文魚籽軍艦、海膽軍艦及玉子燒。火灸後的魚邊，口感變得更香，而 BeautySearch 最愛當中的火灸鰻魚壽司，不過如能加入芝士，一定更芝味！沙律內除了有新鮮沙律菜，還有 BeautySearch 喜愛的車厘茄，整體色澤鮮艷，搭配酸甜醬汁，不但鮮味，還令人胃口大開！ 茶碗蒸，嫩滑的蒸蛋內藏雞肉、蟹柳及冬菇，小小一份滑嫩鮮味。 隨餐配上烏冬作主食，口感軟稔彈牙，搭配 12貫壽司，這個套餐作為午餐分量絕對夠飽足。另外添加的一客日本地雞定食，當中已包括有前菜、沙律、茶碗蒸、味增湯和白飯，同樣豐富。日本地雞外皮煎得香脆，肉質非常軟嫩，肉汁豐富，雖然沒有拌入豐富的醬汁，味道卻已足夠令人清碟！…查看更多

一間好的日本料理店需要有一位用心的總廚，一餐由廚師發辦的日本菜就需要一位樂意分享的朋友製作。紮根於灣仔The Hennessy 3樓的御の味，由小編從社交媒體初認識的Kappou UO n，是一位曾患絕症的好爸爸接手經營的良心居酒屋、是以整色整水的招牌創意料理為名創作出廚師發辦套餐，欣賞創意的會感覺驚喜滿足，相對唔欣賞的當然亦難阻有負評，小編對創意呢樣野就連條鐵都唔識多條，所以晚餐時間來訪，就來一個omakase最基本的十二貫壽司套餐吧。店員細心安排入座簡單介紹廚師發辦餐單後，第一驚喜位到，眼前準備食材的正是老闆店長Joe的發辦，由開始認識佢打開話題後，乜都傾一餐直到最尾唔捨得離開，創意、心意、誠意、樂意分享嘅親身經歷。首先來個前菜三點:清香蠶豆、香甜甘栗及脆炸過的宮城縣澤蟹蟹打頭炮，精品式原隻澤蟹需要慢慢品嗜，前菜沙律清新一下胃口。開始十二貫壽司之先店長先介紹兩款會用的壽司飯，頭段是用偏酸白骨醋，後段是用較濃味赤醋，細心地因應剌身魚款的肥瘦、濃淡而安排的醋飯選擇，飯粒大細SIZE亦可以由客人自己喜好選擇。驚喜點二, 店長提醒以左手放右手拿上口食的日本新流行食法進餐，而每貫壽司已放上芥末醬油，所以即放即吃無需要再自行點醬油，「每顆壽司都有生命的」就是他以壽司在手中的那份細緻所表達出來的新鮮。=̶天草平目壽司=̶=̶子持槍烏賊壽司=̶頭兩款壽司相對有咬口，平目偏向腩身位置，花紋烏賊上加上少計墨汁調味粉飾。=̶油甘魚壽司=̶小編的最愛就無需特別解釋，完美!=̶北海道富美丸海膽軍艦=̶富美丸頂級海膽完美保證，值門票價!=̶黃金三文魚子軍艦=̶名為黃金，就是將醃過蛋黄加入醬油混合三文魚子之中，令三文魚子在爆發之中帶多一份滑溜黏Lim勝口感。=̶大間赤身醬油漬壽司=̶醬油漬咸度滿意，提鮮之餘作為過場的結尾壽司剛好。6貫壽司後店長加插熱食讓舌頭保溫一下，熱食先上銀鱈魚西京燒，好食! 塗上秘製醬汁烤燒，魚皮肉身脆滑平均。喝上暖胃海帶清湯、吃了兩款白蘿蔔小食中和味覺之後，準備第二輛壽司環節，店長由第七貫壽司開始用赤醋製作，=̶黃金池魚壽司=̶拿上手有如精品一樣，紋理賣相美豔，轉了醋飯更顯滋味。=̶北海道牡丹蝦=̶巨型得誇張! 將蝦頭的蝦膏再壓落蝦身上，。新鮮鮮甜入口有講不出的滿足。=̶地金目鯛壽司=̶比金目鯛更上一層的地金目鯛經過炙燒後，omg 將紫菜輕輕包上咬入口肉質感甚為豐富，絕對極品!=̶酒蒸鮑魚伴肝醬=̶繼續高級精品系列，將肝醬混合整個鮑魚壽司，定會讚賞一句H YUMMY!=̶近海白魚伴清酒=̶將淡淡清酒倒入醉意白魚之中，一啖放落口，一輛魚兒在口中跳動的感覺是小編的初體驗~~=̶吞拿魚腩壽司=̶=̶吞拿魚腩手卷=̶壓軸登場的兩味吞拿魚腩魚油脂肪亮晶晶，肥美的口感、最濃厚的味道感，完滿了十二貫的整體精華!壽司之後還有再下一層的暖肚烏冬及豐富蒸蛋(茶碗蒸)最後來一個有如蛋糕一樣口感的玉子燒作為餐後甜品，完結就少不了一片日本蜜瓜，來結束一餐omakase成為完美句號。👅美味: 8/10 😮驚喜: 10/10✨環境: 9/10 💆‍♂️服務: 9/10💡性價: 7/10 🐽飽肚: 9/10💫回頭: 7/10 👍推薦: 9/10…查看更多

這天跟好友來個午餐相聚，她在灣仔區工作當然就在附近搵吃吧！大家也想吃日本菜在飲食網站看見這間御の味 Kappou UO n，很近便她工作的地方一於就去這裏試試啦！餐廳內裡裝潢也挺為骨子，以一貫木系的日式風情裝修，除了壽司吧枱位置之外還有寬敞的卡座供應。這天我兩就被安排坐於寬敞舒適的卡位中，全程吃得很愜意我跟好友也十分滿意。看過午市餐牌後我倆決定各選一份心水定食，然後當然開心Share那大家也可試多點不同的美食。我們分別選了這一客有機岩鹽燒鯖魚定食＄88，內裏已包括有前菜、沙律、茶碗蒸、味增湯和白飯，好大堆頭真是超級豐富喔！沙律內除了有新鮮沙律菜外還有車厘茄我看見便歡喜，配上帶點泰式風味的酸甜醬汁吃下去又挺有新鮮感呢！這天我們的前菜得到的是充滿麻油香氣的蓮藕片，吃下去幽幽的麻香加上脆脆的口感很讚，所以很便被我吃光光了！另外味噌湯喝下去味道也不錯不會過鹹，內裏還有滿滿的海帶和蘿蔔片令味噌湯更具口感。茶碗蒸質感弄得很滑溜吃下去富有蛋香，內裏還有雞肉和蝦肉點綴味道和口感也是吸引的！燒鯖魚弄得皮脆肉香魚味頗濃而且丁點腥味也沒有很是吸引，配上一碗白飯成件事來得豐富之餘也十分美味。另一客就豐富了因為我們點了廚師發辦12貫壽司＄358，足足12貫新鮮的壽司看見也心花怒放啊！同樣地定食也有前菜、沙律和茶碗蒸，但這個會跟上烏冬一碗作主食，相信大胃口的您也能吃至捧腹而走。侍應先上頭6貫壽司上檯！六件壽司分別是石立、左口、赤貝、牡丹蝦、鯛魚及帆立貝壽司，我就吃了石立和左口兩款也新鮮度十足，而且配的是份量恰好的赤醋飯我表示滿意非常。來到剩餘那六件壽司包括有玉子、三文魚籽、穴子、金目鯛、鰹魚及深海池魚壽司，這一碟我最喜歡那件魚油豐腴的深海池魚壽司，入口肉質爽彈更滿嘴油香送上美妙的餘韻。最後講個小貼士俾大家知，記住讚好餐廳社交平台，那便可像我們一樣免費獲贈雪糕一球真係大快樂！…查看更多

香港人鍾意去日本旅遊，疫情下屈左近兩年，其實係香港都食到高質日本料理可以解解鄉愁! 之前睇youtube餐廳介紹已經bookmark左呢間，今日就同媽媽來灣仔軒尼詩道吃omakase, 記得提前預約啊師傅兼老闆之前在飲食業界有多年經驗，手藝很好，店內服務也不錯，常常添茶又有禮，餐廳吧台幾大可容納2-3組客人，也有3個靠窗卡位和一般座位前菜：由一道3款小食開始，是栗子、蠶豆和蟹仔，特別一讚來自日本的栗子，香甜軟糯接下來是壽司環節，坐吧台的緣故仲睇到師傅現場握飯，師傅話江戶時代是以手吃壽司，現在日本用手食壽司既餐廳數量比以前增多，今晚就體驗下用手食（吃之前都有清潔雙手～）先嚐兩款醋飯，個人鍾意啡色那款赤醋飯，微酸不膩十多款壽司都好新鮮，中段安排吃一些漬物，是蘿蔔 、青瓜和葫蘆瓜，清清味蕾再繼續吃，講幾款令我眼前一亮的壽司北海道馬糞海膽：外形像小坨馬糞因此得名，呈鮮艷橙色，甘甜度很高魷魚：有別平常爽口的，師傅用刮子刮肉，魷魚好綿 !超鐘意呢個質感拖羅：入口即化，油脂充足金目鯛：口感軟身，鮮嫩順滑最後是暖胃熱食，燒銀鱈魚、烏冬／湯，再黎一個日本蜜瓜做甜品，大滿足了全程無一樣伏，每一道菜都恰到好處，我諗就是師傅用心挑選食材同安排上菜次序的成果，成為高質omakase之選吃了兩個多小時，細味品嘗美食，和師傅聊聊天，愉快的晚上就係咁簡單～…查看更多

呢日同屋企人去左灣仔呢間日式餐廳到食dinner，間餐廳既環境唔錯，感覺好高級。我地點左個二人套餐，有沙律、牡丹蝦什錦刺身、吞拿魚腩蓉、燒物、安格斯肉眼網燒、燉蛋、野菌烏冬同埋抹茶雪糕，好豐富啊！沙律幾新鮮！刺身有三款，係牡丹蝦、油甘魚同北寄貝。仲有呢個迷你吞拿魚腩蓉丼,壽司飯上面有滿滿既吞拿魚腩蓉，勁吸引。燒物係燒呢個魚，幾惹味。安格斯肉眼網燒好多汁，肉質嫩滑，唔錯！仲有野菌烏冬，清清地。甜品係抹茶雪糕，正！…查看更多

今日中午同同事出去食飯，因為啱啱整完個大project，我地都想食返餐好既，所以就揀左哩間餐廳試下。餐廳環境舒適，卡位非常闊落，而且因為座位數量唔多，所以環境比較寧靜。睇完餐牌之後，我地今次就豪氣地揀左一個廚師發辦同埋日本地雞定食share。🎈廚師發辦12貫壽司🍣 $358包前菜、沙律、茶碗蒸同烏冬。前菜係辣藕片，爽脆微辣，茶碗蒸滑溜好味。橫碟上👉🏻石鯛、左口魚、深海池魚、牡丹蝦、赤貝、帶子圓盤上👉🏻深海池魚、石鯛、金目鯛、玉子、鰻魚、三文魚籽出現左好多自己未試過既魚👀但估唔到肉質都幾鮮美，深海池魚經過火炙，左口魚有油香，牡丹蝦肉質新鮮彈牙，鰻魚有焦香有魚油，赤貝非常彈牙。而且全部壽司飯都係用赤醋，比較醇香。🎈日本地雞定食 $168包前菜、沙律、茶碗蒸、麵豉湯同飯。用既係日本走地雞，所以肉質比較結實，雞皮焦香夠脆，而且塗上柚子醬汁，能減少油膩感，味道亦較清新。🎈綠茶及紅豆雪糕🌟店舖牆身貼左張紙，寫住只要讚好餐廳既社交平台就可以獲贈雪糕，咁我當然即刻行動😂紅豆同綠茶味都非常濃郁，紅豆味裏面仲有粒粒紅豆，我地都估唔到雪糕好食有驚喜！整體黎講，餐廳環境舒適，食物亦唔錯，好啱同朋友傾計相聚。…查看更多