彩aya

營業中

休息中

彩係bookmark左好耐終於試左既隱世小店，位於石塘咀既巷仔入面，平日夜晚7點度去到，有幸坐到最後一張枱唔洗排隊😛餐牌選擇唔多，只有三款湯底供應，包括係豚骨湯，黑蒜油湯同埋蝦味噌湯，試左前2者😆豚骨湯都幾清新，食到入邊加咗柚子調味👍🏻黑蒜油就相對地重口味啲😂不過最特別都係佢哋嘅自家製麵🍜都係有三款揀，包括係小麥麵、黑胡椒麵同埋今日Special麵(黑芝麻)☺️黑胡椒麵夠特別，食到粒粒胡椒😆而且麵夠煙韌同掛湯，回頭率極高呀😍

因為佢個舖頭嘅位置同埋鋪面嘅裝修，以為係一啲隱世美食。原來，都不外如是。佔麵，最重要就係個湯底夠杰。但係佢個湯好浠，浠到好似拉麵。。。唯一加分係啲麵係佢地自己整，個麵質幾好。同埋佢唔會太咸，之前食過幾間沾麵都超咸。本身第一啖都滿意，但發現啲湯咁浠就開始有啲失望。黑蒜偏苦，所以我借左我同伴既原味豚骨湯嚟沾隻蛋幾好食，叉燒都夠淋既（但叉燒唔算inspiring)試一次就夠，住得好近都未必會再幫襯了。因為，有更好食既沾麵值得我哋去試。如果個湯杰啲真係會好好多。。。

朋友之前食過，嗰排咁啱呢間沾麵店竟然出咗芫荽拉麵😳😳雖然我唔係超級芫荽控，但咁特別✨✨都有興趣一試😝😝🦐蝦味噌湯沾麵 - 🍀芫荽麵蝦味噌湯底蝦味道算濃郁，叉燒各方面都正常，但唯一芫荽麵冇芫荽味有啲失望🥲🥲 已經就咁食麵冇沾湯🥲🥲🐷原味豚骨沾麵 - 小麥麵豚骨味濃郁～ 小麥麵不過不失，正正常常嘅沾麵，冇咩大驚喜🙈推介指數：⚡️⚡️⚡️餐廳環境：⚡️⚡️⚡️服務態度：⚡️⚡️⚡️ 再訪：maybe

餐廳內大把位，我哋食完碗麵，即刻收走，然後馬上要埋單。男員工，長髮帶眼鏡，連講4次（埋單出面…）。因為佢，只少我哋5人不會再幫襯。之後聽返留言，先知道，原來佢係常常被投訴的一男子。其實去餐廳食飯，食物固然緊要，環境配合，員工服務線係把關的重要一環。如果員工對服務水平，根本不達標準。如果佢唔耐煩，辛苦，根本佢不適合做服務業。如果有旅客，只見到OpenRice評分而去，跟住接受咁嘅服務，有失身份。服務如果改良，我相信店舖的生意會更好。

全香港最好食沾麵✨呢度嘅面底都有好幾款選擇，有普通嘅小麥麵，仲有幾過癮嘅黑胡椒味道！麵質好有咬口彈牙，卦汁能力都幾強，重點食完之後唔會好口渴！沾麵方面今次叫咗蝦味味噌，濃郁嘅蝦油好夠鮮香！蝦油仲係來自北海道嘅添！另外叫咗一碗黑蒜油湯，濃郁嘅豬骨湯配上黑蒜油同炸蒜，重口味人士大愛💕兩碗沾麵嘅湯底，入邊都有大量筍絲同蔥粒😋同埋入邊塊叉燒好夠軟淋，夠入味✨彩aya (西環)西環石塘咀屈地街16號金陵大廈地舖

話説今日中午12:45p放午飯時間同朋友去彩食麵，走時漏拿一支2015年浸得梅酒（用绿色樽装住，入面用保鲜紙封住得），5:35pm朋友打來話忘了拿樽酒，我5:40pm入去找，負責人話當垃圾扔了，又話我地唔打電話去叫佢地不要扔，我好嬲，邊有餐廳咁㗎态度，我話客人留低滴也起碼要留一天俾人地取返，我話下次改進下，佢話下次都係咁~照扔，這是啥态度？估唔到佢話下次都係咁樣做，呢句真係太過分，簡直就冇人情味

自從北角俺之沾麵冇左之後，一直都未揾到一間深得我心嘅沾麵小店，經日本朋友介紹，黎到係元朗發跡嘅彩aya西環店🎏位置有少少難揾係個巷仔最入面。真心環境不算十分舒服，但帶有一種去左日本小店之感覺。好多人話有渠味，我真心唔覺😆😂佢地麵係自家製！仲會不定期係麵到加入不同口味，今次我哋主要食胡椒味嘅麵同原味。輪到湯底啦我哋決定食晒三款：黑蒜、豬骨、蝦湯😋真心深得我心，無論麵質同埋湯底都一流！自家製麵嘅好處就係非常彈牙，我食胡椒味嗰款都覺得好得意，而湯底入邊我最鍾意黑蒜同埋豬骨，好濃郁😍👍🏻雖然環境真係麻麻哋，不過對於我來講，為咗尋訪美食，大排檔同街市熟食市場我都坐過，呢一間真係唔算係啲乜嘢，而且的確有幾分去咗日本小店嘅感覺😎評分✴️(五分滿分）環境:✴️✴️✴️食物:✴️✴️✴️✴️性價比:✴️✴️✴️✴️回頭率:✴️✴️✴️✴️✴️

經朋友介紹去食，價錢無特別貴，同其他拉麵舖差不多價位。麵：自家製麵係舖頭特色，我就揀咗今期限定柚子麵。果然自家製麵有料到，彈牙！冷麵熱湯，基本合格。湯：我揀咗普通豬骨湯，有啲豬味但唔濃，個人覺得配沾麵可以再濃厚啲。湯希望係即滾即出餐。環境：無乜環境可言，座位同走道偏窄。沾麵舖嚟講幾不錯，可encore，可惜住得太遠😂

黑蒜油湯沾麵 配 黑椒麵🍜麵質有咬口，亦有黑椒香，不錯。🍜湯係豬骨base 加 黑蒜油，味道偏咸，個黑色油亦不太食到黑蒜味，以沾麵嚟講湯比較稀，不太掛汁。🍜配料: 蛋，不錯，生熟適中。叉燒ok，無乜特別。仲有啲荀，ok。🍜正常份量，如比較大食/ 肚餓要加底。👌🏼特別在手工麵，有原味，黑椒，以及daily special，當日係芫茜。覺得湯可以做好d，沾麵但沾唔到😖西環好似無乜其他拉麵競爭，所以好難話會唔會再食。

元朗起家既真。隱世小店，每日新鮮自家製麵，提供小麥麵、黑胡椒麵，以及每日限定三款口味麵.而家已經殺出元朗，落户西環屈地街KongU附近，由日本人砂田先生以小店形式經營，店面超有日式感覺，提供原味豚骨湯沾麵、黑蒜油湯沾麵及蝦味噌湯沾麵.至於每日限定口味麵底每次去都好有驚喜！例如試過櫻花麵、柚子麵、花椒麵以至伯爵茶麵，令人每次去都可以大有驚喜！.回頭率為100%！***
⭐️蝦味噌湯沾麵***💰預算: 人均約HK$100

Once in a while, I crave for a hot bowl of ramen or tsukemen. Heard some good things about this tsukemen place hidden somewhere near HKU station. Got a chance finally when I was nearby. And here is it! Situates at the end of the alley. Do look like a ramen place in Japan somewhere. Simple design. Very homey. prawn soup tsukemen Love to see the shining orange colour in the broth. Got a strong seafood fragrance. Generous amount of noodles. I did request warm noodles as i want to avoid noodles stic

西環普通拉麵應該就唔會有下一次舖內冷氣弱，無冷水提供食物我就order 左蝦味增沾麵加叉燒麵就選擇了小麥其實無冰水提供都還可以，但成餐飯好似無冷氣咁，食完仲要成身汗有少少離左題，講返食物啦筍，紫菜，同蛋都屬於正常，但無咩驚喜湯就比較偏咸同單一味道濃度又唔算好濃，事後都會比較口渴的麵條就份量足夠嘅，但係就有啲啲散同埋鹼水味好重掛湯能力很弱叉燒就...薄切比較乾身同柴成餐飯其實就無網上之前講到咁樣有驚喜，翻食機會都比較低。唯一可取係當日無需排隊，直接入到去唔洗大熱天係舖外邊排隊

超臭渠味，臭到無曬胃口。純粹因為太夜同唔知附近有咩食而食左。問個侍應係咩間餐廳有咩問題，佢答：「咁你想點？」沾麵湯又太稀唔掛麵，整體而言真係好失望，食譚仔都開心過食呢間。😞

根據以下節錄於政府安心出行網頁，食客可以透過安心出行以外的方法出示針咭，亦都可以不儲存針卡係安心出行。到訪當天職員堅持我不能進入餐廳因為我的安心出行二維碼為紅色，亦唔接受亦我用智方便出示我合法的針咭，態度十分惡劣。我可以不儲存電子針卡/新冠疫苗接種醫學豁免證明書到「安心出行」流動應用程式內嗎？除了使用「安心出行」，你亦可透過「醫健通」及「智方便」流動應用程式展示其電子針卡或豁免證明書。此外，你亦可以直接攜帶紙本或相片（例如儲存在手機）針卡／豁免證明書以供相關處所員工確認。

拉麵係日本隨處可見.係HK要搵間好食既就有D難度~~🥲山長水遠去到係香港大學站既隱世小店.總算不負所望!!😍CP值好高!!!份量多.味道好.真係食到日本既風味!!!一解思鄉之愁!!😎👍🏻餐廳位置係小巷.都幾隱蔽..離遠見到有中式燈籠. 都懷疑左一下呢間係咪食日式拉麵~係門口睇到個MENU得以確認.就入去了!!餐廳內裡裝修都好中式但又播住有D古式既日本音樂🎼廚房係開放式.可以見到日本老師傅係到整麵~~😆好特別既體驗🥰🥰食物選擇唔算太多.簡而精~😆湯底可以揀豚骨/黑蒜油/蝦味噌😌麵底就有小麥麵/黑胡椒麵/Special麵😉Special麵每日都唔同.要問下店員🙈💥黑蒜油湯 沾麵黑蒜油湯 散發住青蒜既香味😄入口好香蒜味.但食落會慢慢滲左D澀味出黎😳OVERALL 係濃而不濁又不肥膩!!!好好味🤤🤤麵雖然唔係凍麵. 用左常溫但口感同掛湯汁既能力都好好~每啖都食到D汁!!仲要好大份.叉燒都有2-3大塊.好食!!😍最驚喜係個原隻溏心蛋.好入味!!!💯一食落去.都仲有流心!!好勁!!大滿足!!🈵