彩福皇宴 (置富都會)

營業中

休息中

食咗咁多間酒樓，都係覺得彩福皇宴最抵食，海鮮又多選擇，次次同屋企人食飯，夠媽都係話 諗唔到食咩就食彩福啦！今係彩福點咗個帶子海鮮雜菜煲，真心覺得好好食。見到佢海鮮鋪晒係面，帶子都有成5-6粒，粒粒原飯帶子勁鮮甜；仲帶蝦，脆口有肉感，珊瑚蚌係老豆至愛，佢話好好咬口，差不多全部比佢食晒～～招牌小炒皇都幾有驚喜，佢落咗好多帶子大蝦一齊炒，加埋韭菜，勁有鑊氣喎！瑤柱蛋白炒飯，香氣撲鼻，唔叫白飯叫呢個仲抵，因為白飯都$14一碗，4-5個人都要$80，叫個炒飯仲好啦！我地仲叫咗個孖寶套餐，因為太夜食好多都食唔到，叫咗果皮蒸南非十頭鮑魚同埋客家咸菜蒸龍躉班頭腩，唔洗$300食到晒兩款海鮮，老豆好精明。

前一排同屋企人食飯，一家四口樂也融融，都係離唔開酒樓架喇！我地去咗紅磡食，呢間彩福皇宴不嬲幫趁開，晚市啲孖寶套餐抵過去大排檔食，最重要係多海鮮，岩晒我呢個海鮮怪！孖寶F餐有鮑魚配陳皮咸酸菜蒸龍躉腩～鮑魚有四隻，隻隻都掌頭咁大，用刀切開，非常新鮮！即撈即蒸，配上豉油食，爽口有韌性，頂瓜瓜！蒸龍躉腩，媽子大愛，話佢好多肉，真材實料唔會骨杉杉。龍躉肉蒸埋咸酸菜一齊食其實好夾！另一大愛就係客家蒸腩肉，聽到個名都知正野，送飯一流！帶子海鮮雜菜煲，海鮮好新鮮瑤柱蛋白炒飯，炒到粒粒分明，好香

同家人同朋友食飯，一般都係揀酒樓食中菜，環境夠舒服同乾淨，可以坐耐d。呢間雖然有華麗既飲宴裝潢，但價錢就好親民，所以我地都係常客。燒汁松子繡球珍菌炒花枝柳 $88第一次接觸繡球珍菌，原來外形同口感類似雪耳，爽滑口感，同鮮味既花枝柳幾夾~虎皮椒腰果牛柳粒 $118三樣都係我中意食既野，合併成一個惹味小少，虎皮椒香甜多汁唔辣，牛柳粒軟嫩，份量好足~演唱會三寶 $298呢個可能係紅磡分店先有既套餐，$298有三樣野好抵食，又有我地最愛既脆皮雞，皮脆肉滑，咸咸香香，肉汁充足~套餐仲有個小菜煲同上海浸菜，清清地又爽甜~紅豆桂花糕 $18不得不食就係甜品，兩款糕都係$18，價錢好平~但就好足料好好味~金箔芝麻卷 $18芝麻味香濃，口感又滑又爽~

前一排試左彩福，覺得太好味啦！於是今次又食！但係我今次揀左另一間分店，睇下係咪間間都咁多食先，好開心，完全冇令我失望呀！今次我地叫左粉絲大元貝，再加上京蔥牛仔骨、西芹珊瑚蚌、菠蘿咕嚕肉、仲有甜品！逐樣講下先，粉絲大元貝都算幾大粒，加上係用炒過既蒜蓉去蒸，鮮味完全帶到出黎，本身冇乜味既粉絲加埋，非常好味道！京蔥牛仔骨，我平時少食京蔥，因為怕好辣，但呢度唔會，唔會煮得太熟，但都唔會辣，牛仔骨一如以往好味道。西芹珊瑚蚌方面，一個字：滑甜品上次食左芝麻卷，今次食椰皇燉燕窩，入面既燉奶好滑，椰肉都好好食，我地直頭刮哂d椰肉出黎，哈哈！滿足的一天

臨近新年，一家四口一齊去酒樓做下節咁，黎到呢間酒樓，好特別呀，佢有幾間房咁，好似小天地，冇咁嘈。門口係咁既，感覺幾grand!因為人多呀，佢呢一日冇左平日既餐牌，只有以下呢幾張。我地心大心細，最後叫左唔少野食！雖然同行有人唔食，但我地照叫左鮑魚！呢隻鮑魚都幾唔錯，有果皮蒸同蒜蓉蒸，我地揀左後者，一啖食落好鮮味呀，蒜香都加分不少。仲叫左元貝，又係照舊蒜蓉蒸，真係好好食，粉絲加埋又係絕配，個汁我地仲撈埋飯tim仲叫左咕嚕肉、珊瑚蚌、牛仔骨，值得推介係牛仔骨，d牛唔會硬或者難咬，之前食過有d好難咬，牙骹都酸埋，呢間完全冇呢個問題又係好入味呀咁樣加埋都係800幾!! 做節推薦

時日飯局揀在紅磡彩福皇宴，餐廳環境與宴會酒樓無異，寬闊嘅埸地，華麗嘅燈光，今人用餐時都有著舒適嘅感覺。今晚幫我地落單係位風趣嘅經理，而且向我地推介幾款新菜式都唔錯。好似演唱會三寶，個名改得幾得意，可能因為餐廳喺紅館附近講反轉頭三寶其實係分別由燒味部，廚房同海鮮部組成嘅優惠。我地所揀嘅係脆皮南乳雞，薄薄脆香嘅外皮，嫩口帶肉汁嘅肉點上南乳醬更顯美味。海鮮部就揀左乾燒啫啫班頭腩一般啫啫我都係食雞，今次炒班頭腩外有一反風味，微辣惹味，廚房方面就濃湯菌皇浸西生菜，清淡口味可平衡有菜有肉。但講到菜我更中意呢度燒汁松子繡球珍菌炒花姿柳繡球菌有雪耳嘅口感，鮮菌嘅香好特別，甜豆彩椒配花姿送飯一流。清蒸沙巴龍蠆斑，或者係我個人中意食魚所以我地每次都會點蒸魚。仲有虎皮椒腰果牛柳粒，味道近似宮保，但無咁辣，同埋較乾身都特別。最後外母同女皇中意嘅紅豆桂花糕同金泊芝麻卷大滿足。

突然好想食中餐，就即慶約咗兩個朋友食中菜，但又想坐得舒服D，所以就揀咗呢到，由於無訂位，職員開頭話要等一個鐘，但突然有客埋單，等咗唔使三分鐘就有枱，真好彩呢！一路行入坐位時，都有留意下其他食客食D咩，最多人係食龍蝦伊麵，可惜我兩個朋友都唔食，所以就揀咗個孖寶E及其他餸菜由於好肚餓但又未齊人，叫咗兩款小食食住等先到咗個脆皮燒腩仔，個皮夠脆，又唔會太咸，肥瘦度適中，其實食咁多次都未試過食到熱嘅燒腩仔，最多都只係微暖，呢次真係有驚喜，因為上枱時仲係熱呢！另外一個小食，脆滷豆腐，豆腐滑得黎唔會一夾就散開，而且內裡都好入味食肉嘅朋友見到個名就站一家要叫呢個餸- 客家燜豬肉，原本諗住只食半碗飯，但因為呢個餸，我食咗一碗，豬肉燜得好淋好入味，個汁送飯又好正到個孖寶E蝦、蟹都好新鮮，朋友朋哂D蝦、蟹後，連蔥都唔放過，佢話蔥、蒜爆得好香，要拎埋黎送飯呢！埋單計埋加一茶位，每人都唔使$300原本想叫埋原個椰皇燕窩嘅甜品，但個肚真係再放唔落食物了另外一提，大部份嘅職員都忙到爆嘅時候，有個女員工掛住玩電話而我地係咁叫埋單都睇唔到聽唔到，反而另一個遠D嘅跑過黎幫我地

同四個老友收工約埋晚飲，喺紅磡區好自然到西鐵站對面嘅商場，睇見彩福招牌，即刻都唔使諗就決定食中菜！ 依間連鎖店以辦婚宴聞名，婚宴場地都好有氣派！而哩間啲裝修紀特別好西化歐洲式好脫俗清新！去到遇上有婚宴，幸好有位被安排到另一邊廂房，大家都唔想用腦，費事諗於是揀左個； 供四位用一）花旗參燉烏鷄湯二）清蒸沙巴龍躉班三）美味胡麻脆蝦球四）脆皮一品燒雞（半隻）五）濃湯鮮茄浸菜六）紅米瑤柱炒飯七）桂花百合紅豆糕以上套餐650元，好抵食！仲有其他晚飯小菜 ，聚餐酒席等都好經濟抵食！ 個湯上檯時熱辣辣香噴噴！個芝麻蝦好香口！惹味！條魚好嫩滑，啖啖肉！唔錯！燒鷄外皮非常酥酥，肉嫩！碟飯足夠四人食，好大碟！甜品甜度啱啱好！道道菜味道都好好，認真抵食！約朋友食飯首選！

彩福皇宴是主打婚宴節日等喜事，無論是裝潢設計、舞台、餐桌等都附合題材。門面一入去即侍客區，粉系花架連糖果色系飾物，旁邊一個電子屏幕可展覽婚相，無論是拍照宴客也十分得體。國民偶像華仔連續一個月在紅磡體育館開演唱會，早上致電酒家訂位時，店家詢問是否看演唱會後還建議了開飯時間，還有獨家演唱會套餐優惠，貼近民情，哈哈!芥蘭炒臘味店家臘味用料很足， 把臘味切成條片狀再爆香炒芥蘭，以燈籠椒作佐料。芥蘭脆嫩不硬身，入口帶臘肉香，臘味油潤香口，配飯一流。北菇紅燒豆腐紅燒豆腐外面是金黃色的油豆腐皮，內里卻是白滑柔軟的豆腐，入口富豆香而無渣，北菇滑身入味，伴了幾顆清脆爽口的菜心，味道咸度及火喉剛剛好。臘味糯米飯上桌已覺大氣而色澤明亮鮮麗，臘腸和膶腸滲出油脂，香氣撲鼻，糯米粒粒分明，口感軟硬適中，咬下質感軟糯卻煙韌，臘腸和膶腸大大條厚切，配上臘肉蔥花，香口而惹味。原個椰王燉燕窩蛋白倒入椰王里燉，蛋白溫熱滑溜帶椰香，甜度適中，配上燕窩，冬季滋補養身之選。

彩福皇宴原本是普通中式酒樓集團，後來大換裝後主推婚宴酒席。去過的幾家分店，都是以淺粉色和寶藍色為主調，裝潢風格不算矜貴華麗，但不失光潔明亮，也有點少女童話風，碰上婚宴日期，還會見到白紗紅玫瑰。餐廳內空間寬敞，枱椅排佈不算密集擠擁。假日午市和下午茶都較多人，如碰上婚宴日，在七點前可能要忍受麻將竹戰之聲，如在七後下單還要與婚宴爭奪廚房，但平日晚飯時段人流不多，有時人少也能坐到大枱，運氣好的還會坐到“二線海景”，還算是便飯閒聊的好地方。酒樓就位於紅磡火車站對面的置富都會商場，顧客平時以紅磡街坊和車站乘客為主，而且交通極為方便，不少朋友想集齊全家大細吃飯，家庭成員又遍佈港九新界，也會選這裡，我們這次就是如此。懷舊金獎叉燒，色澤明亮，屬半肥瘦的厚切叉燒王，肥瘦分明而肥膏不會過多，肉質有豬肉的鮮嫩鹹香，醬汁也夠甜。脆皮南乳雞。離遠已香味飄溢，看上去份量十足，金黃脆皮賣相吸引。吃了幾塊入口，外皮皮薄香脆，內裏肉質嫩滑軟熟多汁，夾著淡淡南乳香，很香口滋味。以前吃過它們的脆皮一品燒雞，配料不是南乳沾醬而是淮鹽而不是，同樣另有風味。柚子爽蕎頭京燒豚肉粒，豚肉外層有薄薄脆皮炸漿，豚肉肉質幼嫩，有咬勁但不乾硬

不久前在红碪 置富都會的參加朋友婚宴，發現這個婚宴場地裝修很清雅漂亮。 今晚一家人外出晚飯我都選擇到這裡，環境舒服，又有多款抵食經濟小菜套餐，今晚我們揀選了; 优惠商務套餐， 供四位用 $ 650原盅豐料燉靚湯材料有烏雞，瘦肉，花旗參，鷄腳……等。湯味甘而濃郁，夠鲜甜！真的足料！美味胡麻脆蝦球外脆内爽，十分美味！另加一個小食……猪仔腳滷汁很入味，夠嫩滑！濃湯鮮茄浸菜苗濃湯令蔬菜更鲜甜！脆皮一品燒雞 (半隻 )皮脆肉嫩！點上南乳醬汁更'滋昧！非常出色的一 道菜！清蒸沙巴龍躉斑 ( 約一斤二兩 )鲜甜，肉爽嫩滑，蒸得時間恰到好處！紅米瑤柱炒飯飯炒得很清爽一點都不油膩，而且份量非常大，四人吃過以上小菜已經飽了，飯再也吃不下了，只好打包帶走。甜品桂花百合红豆糕吃完精美甜點~很飽足！一家人都讚美這頓晚餐，抵食！份量足！味道美！

臨近年尾，是和一眾親友吃飯的時候，大伙兒喜歡圓枱中菜，又要地點方便，又要有質素保証，那就去臨近紅墈車站的彩福吃晚飯吧！金湯淮山茄粒泡時蔬以小白蔬、淮山及蕃茄為主菜，味道清新，湯底鮮甜，健康之選。懷舊金獎叉燒厚切叉燒大大件，沒有太多肥膏，色澤光亮。脆皮旺金南乳雞金黃色外皮香脆可口，雞肉質感嫩滑，值得一讚。果皮蒸南非鮑魚，及客家咸菜蒸龍躉斑頭腩屬於孖寶推介，以$288就可以品嚐鮑魚及龍躉斑頭腩，價格吸引。雖然只有4 隻，但每隻外型胞滿。鮑魚煮得夠軟腍，容易咀嚼。龍躉斑以咸菜調味，還配上紅棗、薑及蒽蒸煮而成，色香味俱全。豪門炒手米粉大伯指定點選的主食，本以為是普通的雜鏽炒米，但原來是以海鮮為主調的主食。主要配料包括魷魚、豆干、蝦乾、貴妃蚌，及配以冬菇絲、青椒絲等多種材料炒成，香口滋味，一點也不油膩。

今晚與多位舊同事飯聚，當中有人現在理工大學工作，也有人在紅磡居住，所以有人提議去紅磡火車站對面商場的彩福皇宴晚膳。柚子爽蕎頭京燒豚肉粒 - 今晚最喜愛的菜式之一，豚肉粒有咬勁但不乾不硬，外層脆皮的脆漿調味獨到，帶點柚子的清新，而又十分脆口，個人非常推介。脆皮南乳雞 - 全晚最喜愛的菜式之二，雞肉嫩滑無比，雞皮燒得香脆而不過硬，夾著淡淡的南乳香，很是滋味。金湯准山茄粒泡時蔬 - 非常清新的一個菜色，鮮准山十分爽口，配上蕃茄粒增加口味，白菜仔也新鮮，一同泡在清湯裡，所以湯底十分鮮甜好味。黑松露秋葵帶子炒滑蛋 - 另一個人比較喜愛的菜式，炒蛋本身已很幼滑，加上黑松露的香味，帶子的鮮甜，再配以營養十足的秋葵，美味得來也感覺健康。臘味糯米飯 - 非常適合秋冬時節，生炒的糯米飯本身已有臘味粒，上桌前也有數大片的臘腸件，賣相及風味不錯。整體食物質素不錯，菜式時有創新，地點也就腳，適合親朋戚友飯聚之選呢。

上星期朋友生日飯我們去紅磡站附近那間彩福皇宴叫了一枱食晚飯！😊青瓜拼海蜇，爽口彈牙！青瓜都好入味！脆皮豬腩仔，好香脆！😋豐料燉雞湯，好足料，個湯好好飲，清清不油好有雞味，仲要是烏雞, 正！炸子雞好脆！半隻唔夠分，如果全隻就更好！😆翡翠扣原隻鮮鮑魚六隻，每隻鮑魚都不算小。櫻花蝦XO醬花生苗露筍炒蝦鬆, 好惹味，送飯就最好不過！剁椒雪裏紅南瓜蒸班球，魚好滑，都入味，如果南瓜淰些就更好。什菜湯清清地不錯燒汁松子繡球珍菌炒花枝柳，燒汁好惹味，如果再多些汁就更加好！芹蒜咸酸菜炆班頭腩，魚好滑好入味。今餐好豐富！😋

舊同事飯聚，搵左呢間近火車站既酒樓，超方便。 一行8人，看了好一陣子餐牌，決定點一個餐外加幾道小菜。初時以為小菜只是小小一碟，後來發現份量也很足，很超值。這個是餐中的一個小食， 海蜇拍青瓜。青瓜切得頗粗，醬汁調得酸酸的，加上爽脆海蜇、青瓜，非常開胃。 櫻花蝦xo醬炒花生苗: 非精有趣的一道菜，看像很粗的芽菜! 第1次看到花生苗，幹子很粗但脆口，苗頭真的像芽菜頭但口感卻真的很像在咬花生! 特別…… 一吃就喜歡上! 燒汁松子繡球炒花姿: 健康菜式，蔬菜味很强，最喜歡那四季豆、黃椒微甜的味道，加上花姿片的口感，我覺得比單吃菜更有口感。 孖寶是芹蒜鹹酸菜炒斑頭腩加剁椒雪裏紅南瓜炒斑腩: 2款都是魚，芹蒜鹹酸菜炒斑頭腩比較入味，味重送飯最好，我更喜歡的是剁椒雪裏紅南瓜炒斑腩。 剁椒雪裏紅南瓜炒斑腩啖啖肉，非常鮮味，而且有點剁椒加片南瓜… 味道一條也不單調，喜歡! 說到我們點的套餐，非常抵! 我最欣賞那道燉湯“雞湯”非常濃，湯渣亦很腍，我簡直愛死那些雞腳! 以形補形! 翡翠扣原隻鮮鮑: 鮑魚很大隻，彈牙入味好食! 小棠菜沾上鮑魚汁非常好吃! 賣單每人也不用200元! 吃得滿足又超值。