彩福皇宴 (iSQUARE國際廣場)

營業中

休息中

我哋今日四個人食飯，嗌咗招牌雞煲包翅，翅份量可以，湯好味，再叫一碟南非椒鹽鮑魚，一人一隻，好淋好好味，再叫左個鹹菜豬肚鯛魚片煲，份量超小，極唔抵，仲有一碟懷舊金獎叉燒，抵食好味，甜品就叫左楊枝甘露同埋黑芝麻卷，個菲林卷味道一般

呢度海景已經無敵，無論啲嘢好唔好食，都抵哂不過一定要提早打去訂位，因為海景位置好搶手，同埋如果唔係訂6點時段，多數俾唔到枱，因為8點時段通常只有門口附近位置，如果帶酒去，佢哋都會問您要唔要冰桶晚市嚟過幾次，水準不變，服務員唔錯，曾經聽到隔離枱差唔多食完哂碟餸，投訴入面碟餸啲味道，佢哋都保持笑容幫佢哋取消，但大前提係嗰碟餸佢哋已經差唔多食哂呢間酒樓好處係，佢哋唔會趕您走，唔會不斷響您隔離望下您食完碟餸未，因為我真係好討厭嗰啲不停望住我幾時食完就收走隻碟嗰啲！每次去到都會必點佢哋嘅芝麻卷，微甜，好好食

媽媽生日，訂左25樓彩薈軒，點知去到，話擺酒，叫我上26樓彩福，無龍蝦優惠，算。真係想食，照叫，芝士加50蚊，伊麵又加50蚊，未見龍蝦已加一舊，算。上到來，啲龍蝦臭既，明顯未放尿，鰓都未剝，黑色一舊舊，啲伊麵仲精彩，水一樣，唔知以為叫左個湯麵。客家炆豬肉，豬肉騷既！金銀蛋白菜，白菜生既！阿姐沖茶都可以錯兩次，問你死未。。。叫伊麵時，問佢可否芝士焗，個阿叔點答你呀？你想點整都得，加錢啫嘛！好好笑呀？真係想煎巴佢。服務差過樓下屋邨酒樓，野食難食過茶記，下次真係請都唔去！

酒樓装修貴氣光猛又衛生，坐得舒服，飯聚傾計，空間感， 私隱度高~蝦乾芥蘭煲~介蘭淋甜，配合有咬口的蝦乾~脆皮炸子雞~ 外皮香，肉質嫩~芝士龍蝦伊麵~芝士味濃， 啖啖龍蝦肉 ~豬腩肉雪菜煲~豬腩肉肥瘦適中，非常入味~清蒸海鮮~~椰汁桂花糕~不甜不淡~芝麻卷~ 6件因為太耐未食過芝麻捲，上枱後，食了一件才記得影相，但芝麻味不夠濃。整體食物味道冇得輸，最緊要在尖沙咀區，晚市時段冇限時， 放工後，嘆吓茶， 同朋友傾下偈，一樂也

國際廣場26樓的彩福場面非常高雅不過我覺得其出品太花巧華而不實一碗蝦球湯伊面45元兩條菜心3個雪蝦球少少腥湯底鮮甜伊面雖然略少，但連湯吃，味道很滿意得獎名點鮑魚燒賣三大個燒賣每個上面都有一隻細細鮑魚好識做生意這樣的點心精品只收35元一籠雖然燒賣粗粗地但也用左三個蝦仁我意思係燒賣味道不算鮮美但鮑魚就可以非常林和入味總括而言綽頭是吸引不少人間中吃吃是幾得意的甜品只有幾種6小條的芝麻卷20元上面竟也鋪上金萡外表真係高級但味道麻麻不夠香滑質感鞋鞋地覺得集團很有興趣做得耐獎有點誇張的中式點心但基本上用料不捨得用上最新鮮的以致食客見到食物好靚但味道和食物質素只係一般

星期一，預定4位到彩福吃龍蝦，叫6只龍蝦，2只開也清蒸，4只上湯開邊。先吃清蒸，算不錯。再來一盤上湯，3塊開邊龍蝦，其餘全部碎上，朋友高談闊論，也叫很多其他菜式，一時不為意。彩福尖沙咀店估不到咁樣呃秤，最後問明友大家計各自食幾多，才發現上湯開邊4只，根本不夠數，開邊變成碎件上呃客（.朋友估有可能昨晚食剩），以後不會再來。今時今日，疫情下難得客人幫襟，還出這種小動作，加上整餐服務員態度又一般，真不知該店日後何以生存。

來iSquare飲茶可以放心，進內需先量體溫，確保沒有發燒跡象才可進內！環境非常好，大玻璃可遠眺港島景色；場內檯與檯之間距離寬闊，空間感十足！點心食品種類多，還有不少款式是得獎名菜。得獎款式亦只需$30左右，不需付上天價才能品嚐得到。雙併飯只需$51，有4款燒味選擇。肥叉配燒肉無得輸！XO石煱腸粉，上桌時能保持熱騰騰溫度胡椒豬肚鍋，份量多，豬肚清洗乾淨切底；味道不會太咸還辣。還有旋風流沙包，比起其他食店的流沙包更勝一籌，吃過的人就知道

呢間嘢啱啱裝修好喺呢個時勢開一間新嘅酒樓真係好大勇氣不過呢間比起其他分店真係要高級好多裝修 同service爭好遠價錢一唔一樣我真係比較唔到佢連啲點心都精緻好多佢有個 鯪魚肉丸但係冇蜆介個樓面話唔駛喎我唔知佢係咪慳番定係廚房冇呢樣嘢不過都幾好食但係佢個布拉腸粉出嚟嗰陣時候唔熱我同個樓面講話唔熱喎跟住佢話唔係我就話你試下啦佢走去問經理然後佢就換咗畀我都好好味嘅仲有 佢嘅小籠包 真係幾好食嘅價錢又ok都真係會返去食嘅

特別喜歡tst ISquare 晚飯，被維港夜景吸引了，選擇了彩福皇宴。新開不久，大集團，質素夠穩定😌😌book枱時特別希望坐在窗旁，很開心，安排到🥰🥰🥰整體好靚，以花為主題，相信特別為婚宴而設吧！真的吸引🥰🥰店員會為我們推介菜式，主動有禮😊小炒王-有鑊氣，帶子蝦仁超多🤩🤩韭菜翠綠👍👍爆炒惹味象拔蚌同樣夠晒鑊氣，呢個價錢真係值回票價😍😍滷水拼盤，份量很多呀，特別喜歡食豬耳😌😌重點在於可以對住個咁靚嘅維港夜景非常賞心悅目！街坊平價錢，高級中菜廳環境和服務，一定會常光顧😀😀

好久不見的老朋友相約食飯，中菜當然是首選，朋友建議尖沙咀iSquare 26樓，新開了彩福皇宴！可以對住個維港夜景喎，一於過嚟一探真偽😝😝😝一進門口感覺很不同，不像傳統的中菜館裝潢感覺很文青，以花為主題給人溫馨嘅感覺🌹🌹嘩😛果然可以飽覽維港夜景，店員服務也很周到不時添茶，換碟，而且坐得舒服，座位很闊落🤗 滷水拼盤，比得上專門滷水店，非常入味，而且份量很多豬耳豬肚掌亦，即刻要叫一碗白飯😬😬爆炒惹味象拔蚌，以翠玉瓜搭配，感覺很match，象拔蚌爽脆鮮甜😍😍小炒王夠晒鑊氣，還有很多帶子蝦仁腰果菜譜，送啤酒一流🤤很不錯的一家中菜廳，對住醉人嘅維港夜景同朋友共聚傾計，真係一個好地方，新出還有冬至團年盆菜，可以考慮下喎🤭🤭

放工同屋企人食飯，睇開我blog都知屋企人愛中餐多多聲。出lift無知客姐姐時，仲以為去左西餐廳。花牆外仲有可愛兔子！茶位晚飯$15大眾價啦。有埋維港景睇，一流啦！鏡反光影唔太好。睇煙花日子應該會爆場，今晚星期三都大半場爆！依加睇中餐茶樓menu都有英文外，仲有刀叉！好international~蜜梅柚子京燒骨 $88上枱一舊舊金磚咁，炸到金橙黃色，底部有汁好吸引！蜜梅比柚子味濃郁，甜香帶小酸。肉係硬身有肉厚，唔係死硬個姐。哈哈，係過過油，個肉身定左形再炸既樣子。另外肉還帶有香茅味道ok啦。帶子海皇錦江豆腐煲 $95微辣桂花蚌好脆爽口，好微辣帶到鮮味。冬菇切大片，嗅香辣但食落唔辣。帶子都大粒仔爽爽地。豆腐就外皮內豆重香嫩既，味道濃中多汁！清蒸沙巴龍躉斑 $148題外話，餐具有心思小小凹凸藝術紋。一斤二兩夠2-4個人食啦。未沾上豉油白雪雪，大條魚背白肉！蒸得岩岩好，一d都唔老！拌飯岩哂！依加食飯要主動拎單，個店員話唔問就唔會比返，要拎就會印多張。未夠錢免費泊車添。

適逢假日，當然要同屋企人出去飲茶啦！今日去左I Square上面既彩福皇宴飲翻個早茶😘😘食物高質，環境舒服不在話下。呢度既服務好好啊！所有侍應姐姐都笑得好甜😆不得不讚既係龍皇野菌腸。口感好特別好創新，難怪會攞獎🏅🏅 腸粉皮唔太厚，入面有一層脆，又包住啲野菌。一啖食物有多層享受！🤤🤤原粒瑤柱魚翅灌湯餃都好高質啊。呢樣懷舊點心應該係太多功夫，所以好多地方都冇。😿想懷舊嘅朋友可以嚟呢度試吓😆 灌湯餃湯底非常鮮甜，皮簡直可以形容為吹彈可破😍餡料亦都非常新鮮，絕對可以encore!!!黑桃合桃馬拉糕好好食！又鬆軟，蛋香味同合桃香混為一體，中和甜味，恰到好處🙌其他點心都幾好食，可以一試🤤🤤🤤

平時每個星期日都會同屋企人飲茶，今日因為要去尖沙咀睇戲，所以喺阿媽極力推薦之下我地就去咗彩福飲茶。 酒樓環境好靜好舒適而且可以望到海景，雖然坐窗邊比較熱，但係望住個海景飲茶已經值哂☺️ 呢度點心選擇好多，全部點心都睇落好吸引！我地都叫咗好多款一齊食，上菜既速度都好快，食物黎咗2,3round都差不多齊哂～ 呢度嘅燒賣蝦餃都好出色，蝦夠哂爽口彈牙，大大隻，皮薄餡靚。燒賣仲係呢個鮑魚燒賣，睇落去高級，食落好鮮味好正！之後介紹埋呢個流沙包都好正🤤 真係夠哂流沙，好濃蛋黃味，包都好鬆軟💗

今日跟朋友約會，去左ISQUARE 26樓「彩福皇宴」，估唔到個景好靚喎👍🏻可以望到維港景色，連對面海都好清楚，外面仲有個高空平台，淨係個景都已經贏晒🤗而且成個大堂無乜柱位，空間感夠，配上紫、白色主調，好啱結婚擺酒，真係唔錯👍🏻入番正題，睇吓有咩點心先，睇落都唔貴兼好有特色，嗱嗱聲點番幾款先，價錢都係三十元起，OK喎😬彩福蝦餃皇$30，旋風黃金流沙包$30，兩款都要趁熱食，唔好以為係好普通嘅點心，呢度真係做得好有水準，蝦餃皮薄蝦爽口，流沙包，蛋黃醬又香又滑，正👍🏻特別推薦呢個芝心海皇千絲春卷$33，酥軟香脆，口感好特別，值得一試🤗雙拼燒味飯$51，係尖沙咀區咁嘅環境，都係收咁嘅價錢，真係講都唔信，而且叉燒鬆化又入味，燒腩仔，又脆又香😋金箔芝麻卷$20，已經有6件，係我嘅童年回憶，加埋金箔，零舍矜貴🥰中午時段都好旺場，客似雲來，呢度招呼好、環境掂、食物又得，真係唔錯😄

平時酒樓多數是地下個層或者上一二樓，外面比廣告牌遮蔽陽光，但是這間彩福就位於26樓，景觀開揚光猛，而且還對住個無敵大海景，真係食都食得開心d。原隻鮑魚燒賣皇：得獎點心一定要試啦，雖然鮑魚唔係好大隻，但都幾有咬口，燒賣的豬肉肥瘦均勻。黑松露帶子鳳眼餃：淡淡的黑松露香，有帶子的鮮甜及爽口的蝦仁，鳳眼餃餡料十足。咸菜胡椒豬肚：原煲胡椒豬肚上枱，咸菜又不會太咸，豬肚爽腍，湯底有濃香的胡椒味，味道都幾辣。鹹水角：炸至金黃煙韌，比一般的較細粒，但有四件，餡料有肉碎及菇等。海螺片滑雞扎：雞扎裏面有片爽口的螺片，味道都正常。XO花姿片蝦球炆伊麵：伊麵大碟而且有很多人花姿片及蝦球，海鮮十分新鮮，伊麵亦都不會太腍，還有些金菇芽藥木做配料，不過XO 醬略嫌較少。