彩福皇宴 (iSQUARE國際廣場)

朋友約咗喺呢間酒樓食飯，原本仲諗住只係一般酒樓好冇新鮮感，但係結果食物水準又唔錯，有意外驚喜。環境方面，裝修乾淨企理，仲可以睇到維港海景。座位方面當晚有一個宴會，我哋坐咗喺偏廳，位同位之間頗迫，有少少嘈，講嘢都要幾大聲。 片皮鴨 估唔到居然頗有水準。上檯嘅時候賣相已經幾靚，外皮切得整整齊齊，油亮光滑。因爲皮切得頗大塊又工整，就算用薄餅皮包住，都會有食到脆脆嘅口感，好味。蜜梅柚子香荔京燒骨 呢個都有驚喜，外皮整得幾酥脆，肉都容易咬開。味道唔係咕嚕肉嗰種茄醬味，而係夾雜着陳皮同柚子味嘅酸酸甜甜，仲有陳皮果陣甘味，唔錯。脆皮燒腩仔上碟賣相有d 單調。味道方面皮脆肉嫩，符合預期。小小偏鹹，但係可接受。👌🏼地道椒鹽鮮魷外皮爽脆，肉都柔軟易咬。唔錯。👌🏼蒜甘炒豆苗正常酒樓水平👌🏼真味帶子小炒皇  正常符合預期嘅味道👌🏼臘味糯米飯比平時食嘅糯米飯多咗一條條蛋絲嘅味道同口感。甜品紫醉金迷 個名好靚，其實就係芋頭糕。但係整得硬硬實實，完全冇芋頭嗰種軟軟懦嘅口感，只係得凍凍硬硬嘅口感，麻麻。好處係唔甜。 紅豆桂花糕 符合預期嘅味道。👌🏼滋養桃膠燉紅運 勁多桃膠，好養生。不過太甜啦。如果少啲甜就會完美好多。…查看更多

今晚同家人去咗iSquare嘅彩福皇宴食晚飯，整體感覺幾好，食物水準穩定，價錢合理，適合家庭聚餐。我哋點咗幾款菜，**酥炸台山蠔**真係值得一讚，蠔身飽滿，外層炸得金黃香脆，咬落去保持到肉汁，蠔味好出，一啲都唔腥。另外叫咗**半隻燒雞**，皮燒得啱啱好，帶少少脆，肉質幾嫩滑，唔會太油膩。**蒸頭腩**都ok，魚肉鮮甜，豉油同蔥絲配搭得幾好。一家人食得幾滿足。最令我印象深刻嘅，反而係一款懷舊小食**芝麻卷**！呢度嘅芝麻卷做得唔錯，口感軟滑又帶啲彈性，芝麻味香濃得嚟唔會太甜，食完一舊忍唔住想encore。而家好多酒樓已經唔整呢款傳統點心，難得佢哋保留得咁好，仲做得咁有水準，真心值得一讚。環境方面，座位闊落，坐得都舒服。總括來講，彩福皇宴係一間實而不華嘅酒樓，食物質素對得住價錢。下次再嚟，一定會再叫芝麻卷同酥炸台山蠔！…查看更多

今晚同朋友去咗尖沙咀 iSQUARE 26樓嘅彩福皇宴食晚餐，環境真係幾舒服，座位寬敞，唔會逼迫，好適合一家大細或者朋友聚會🥳。樓層高，有小露台可以遠望維港夜景，氣氛一流✨。人流幾多，但服務員都幾有禮貌，等位時間合理。上湯加拿大龍蝦🦞龍蝦肉爽彈嫩滑，湯底香濃，完全帶出龍蝦鮮味，啱晒鍾意鮮甜海鮮嘅朋友。加埋伊麵吸滿湯汁，真係一啲都唔浪費！每一口都食到鮮味十足，好滿足🤤。蜜汁叉燒叉燒色澤油亮，肥瘦相間，入口先甜後香，肉質軟腍又帶嚼勁，仲見到邊角微焦，香味更上一層樓！呢個叉燒絕對係半肥瘦控嘅福音，食完會想再叫👍。酥炸台山原裝桶蠔🦪每隻蠔都超大隻，炸得香脆熱辣辣，外皮唔硬但好香口，內裡鮮甜多汁，口感層次豐富，係必試招牌之一。唔想食太重口味，呢個就啱晒你啦！總括嚟講，彩福皇宴晚餐食物質素高，選擇多，火候穩定，環境舒適，服務貼心，價錢合理，係尖沙咀聚餐嘅好地方！…查看更多

【🔥彩福月餅2025｜電子禮券勁方便！雙黃蓮蓉經典之選💛】.中秋就快到喇！今年送禮唔使再拎住疊紙本券周圍走啦😬.彩福婚宴集團突破傳統，推出✨電子月餅禮券✨買完即刻可以經WhatsApp秒速Share俾親友，慳時間又環保🌱仲唔使約實體交收，真係都市人恩物啊📱.重點推介💯【彩福雙黃蓮蓉月餅】嚴選油潤起沙嘅鹹蛋黃，配搭綿密細滑嘅白蓮蓉🌟甜度岩岩好，真係夠哂滋味😋😋.原價$278/盒，而家會員網店限定優惠$228/盒❣️慳$50仲唔快啲入手？🥮.✅ 一買即Send電子券，唔怕遺失
✅ WhatsApp轉贈超方便，長輩都識用
✅ 自用送禮兩相宜，快啲入手啦.今年中秋，就用彩福嘅創新電子禮券，將心意同傳統完美結合啦🎑 #彩福月餅 #電子禮券 #蓮蓉月餅 #中秋送禮…查看更多

今日去咗尖沙咀一間中式酒樓出席晚宴，酒樓位於 iSQUARE 26樓，有個小露臺可以遠望維多利亞全海景，所以呢棟大廈有多間中或婚宴場地。乳豬全體例牌第一味餸，豬皮脆，唔肥，肉就一般。富貴炒花姿珊瑚蚌都係正正常常，西蘭花芡汁比較厚。翡翠玉環瑤柱脯瑤柱處理很好，海味味道突出，生菜底有點過火。柚子水蜜桃脆蝦球個汁幾好味，蝦都爽脆，但個炸粉皮就太硬，影響晒個口感。紅燒竹笙海皇翅 翅湯調較幾好鮑魚合格，龍躉新鮮，火喉啱當紅脆皮炸子雞炸得外皮好香脆，雞肉嫩滑甜品比較新式唔太甜…查看更多

今晚去咗尖沙咀嘅彩福皇宴，正值佢哋嘅彩福龍蝦節，可以以優惠嘅價錢無限任叫龍蝦，有得揀上湯或蒜蓉蒸嘅做法，今次我哋兩款都嗌晒。上湯加拿大龍蝦🦞龍蝦肉食落爽彈嫩滑，上湯香味濃郁，吊起龍蝦嘅鮮味。我哋額外加咗伊麵，完全吸收晒上湯嘅湯汁。蒜蓉蒸龍蝦🦞一上枱蒜蓉嘅香味撲鼻而嚟，每一隻望落都好肥美。我地額外加左粉絲，粉絲吸收咗龍蝦嘅鮮味同蒜香味，係完美嘅配搭，令人忍唔住一啖接一啖。🤤石鍋真菌百福豆腐食落豆腐滑溜，配合菇菌嘅鮮味，口感相當豐富，唔想食太多肉嘅話，叫呢個餸都係一個不錯嘅選擇。酥炸台山原裝桶蠔🦪每隻蠔都有半隻手板咁大隻，一上枱熱辣辣，每隻都炸得香脆可口，食落鮮甜多汁。蒜蓉炒白菜仔🥬最後叫咗個蒜蓉炒白菜，普普通通，份量略嫌較少。…查看更多

如果你想用「街坊價」吃到「宴會級」火候，彩福皇宴很懂你。- 蜜汁叉燒：上桌一看邊角微焦，糖色油亮。切得厚，肥瘦交錯，入口先甜後香，黏唇但不滯。要是你也是半肥瘦派，記得開口講，師傅切得更過癮。- 脆皮燒雞：皮薄而脆，像輕拍一下就會「答」的一聲；肉汁鎖得住，蘸點醬更提鮮。這級數放在酒店也不失禮。- 燒腩仔：切口見層次，皮面起泡，咬下去先是喀嚓，再是融化的油香；鹹度收得穩，不會只靠鹽巴博出位。- 小炒王：清脆爽口，蒜香與鑊氣齊飛，是那種「以為是配角，結果掃光半碟飯」的下飯菜。- 清蒸老虎班：豉油清而不死鹹，油溫澆得對，魚肉剛熟，連膠質位都保持滑嫩。這道最能看出廚房的穩定度。- 椒鹽鮮魷：完全唔推介呢度餸- 石鍋五花腩：上枱還在滋滋作響，蔥段甜味被逼出來，醬香巴住食材，很下酒也很下飯。- 份量對得住價錢：每道都切得厚、上得足，圓枱多人共享剛剛好。- 火候穩定：燒味、清蒸、爆炒三路齊發，沒有短板，這在同價位很少見。- 宴會友善：菜式選擇多，從長輩到小朋友都照顧到，聚餐不會踩雷。味道： 😋😋😋😋😋😋😋環境： 🤩🤩🤩🤩🤩🤩🤩🤩服務：🫡🫡🫡🫡🫡🫡🫡🫡性價比： 🤑🤑🤑🤑🤑🤑🤑🤑…查看更多

朋友約飲茶，揀咗去尖沙咀 iSQUARE 26樓間彩福，閒日12點鐘已經好多人企門口等叫 no 。因為太多人等，所以亦有好多人怕等而走咗，而我哋算好彩，只係等半個鐘就有位啦，估唔到俾兩個人嘅枱都好大張，而且每張枱嘅距離都好闊下。我哋叫咗蜜汁叉燒腸粉、豉汁香芋蒸排骨、蟹子燒賣皇、灌湯餃、魚肚高湯鮮竹卷、紅燒豆腐，全部都整得唔錯，味道及賣相都做得好好，最後職員推介我哋依椰皇蛋白燉燕窩，真係好正，又滑又唔會太甜，椰子肉都俾我食哂。總結：食物質素好，環境乾淨，坐得舒服，而且遇到嘅幾位職員，佢哋嘅態度都好好，下次有機會我會再去飲茶。…查看更多

中午飲茶，限時90分鐘。在上午11:30am入座。在使用掃碼點餐，食物全部上桌，但是，仍然有碟主食（鴛鴦飯）未食完的情況下，侍應走來詢問，是否需要加添甜品？回答不需要後，被要求立刻結帳。當時距離入座時間約70分鐘，回答希望繼續坐吓，不想離開，才能獲批坐足90分鐘。當完全食晒所有食物時，已經距離入座時間85分鐘。當時附近仍有少部份空置枱，而且時間已經過了午膳繁忙時候（約1:30pm)。感覺不太舒服。覺得酒樓沒有需要要求我們90分鐘內離開。亦覺得侍應的態度不太友善，令人不舒服。…查看更多

食物水準好好，當天叫了特價三寶的雞，魚和芝麻卷都非常好吃，也好抵食但服務態度有待改善。有其中一個女部長態度非常差，比一般侍應還差得多。如果能改善一下服務態度便非常好。…查看更多

《中秋佳節慶祝 尖沙咀海景》平時佳節彩福飲早茶多今次試下晚餐套餐主要係酒樓個景好靚 望住維港 好天睇到日與夜🔥酒樓仲有專為維港煙花而設酒席⭐️秋月喜慶餐有 8個菜但最後兩個菜 係 兩籠點心 糯米雞 同 壽包😂不過好食龍蝦伊麵 幾正 龍蝦新鮮彈牙🤤燒肉皮脆口 肥瘦均勻😋小炒皇 鮑魚西生菜 蒸龍躉 等食材新鮮 不過油味較重 但調味唔鹹整體滿意✨彩福皇宴 (iSQUARE國際廣場) (尖沙咀)尖沙咀彌敦道63號iSQUARE國際廣場26樓#tg31尖沙咀 #view…查看更多

在iSQUARE 26 樓既彩福皇宴可以維港景致，白日觀賞壯闊海港，晚上感受都市繁華。 在呢個環境食飯，特別心擴神怡！鮑魚燒賣，賣相精緻，口感怡人！蒜蓉妙菜，最近食肉太多，來過中和，味道不錯！炸鲍魚，惹味又夠鮮美！ 龍蝦伊麵，蝦鮮甜之外，伊麵吸收了肉汁精華，好食呀！…查看更多

小學同學聚會，我們選定以中菜來提前慶祝中秋節。同學們想帶白酒來暢飲，詢問之下發現竟然不收開瓶費，真抵贊！侍應極力推介一個12人用的【笑聲歡聚親情宴（平日）$2680】全包宴會套餐，與另一個8人套餐$2280相比，這個套餐還不收茶芥及加一服務費，真是超值，於是立即拍板。菜式包括：📌 鴻運吉祥乳豬全體📌 碧綠炒花姿翠蚌片📌 金沙南瓜拼黃金海蝦📌 翡翠野菌扣原隻鮑魚📌 清蒸游水龍躉斑📌 蜜梅柚子香荔骨📌 生菜包欖菜滋味四季豆📌 當紅脆皮旺金雞📌 風味臘味糯米飯📌 彩福驚喜大蟠桃另外我們還預早一日訂了一個冬瓜盅，價錢為$258，雖標示只供4-6人用，我們一行10人，最後每人還是能夠分到大半碗。由於是12人套餐，份量相當豐富，我們吃剩很多需打包。此外，大蟠桃（壽包）真的非常巨大，裡面還有一顆很大的蛋黃藏於蓮蓉內，大家都覺得驚喜不已。值得一提的是這裡的服務十分周到，非常貼心。唯一的不足之處是枱與枱之間稍顯擁擠，但在有海景的環境中，這餐廳真是中菜聚會的首選。…查看更多

一班老友見面聚舊，訂了尖沙咀彩福皇宴飲茶，貪呢度交通方便，地方寬落，坐得舒服價錢亦唔貴。可以望到海景，環境的確唔錯炒得唔錯亦唔算辣，用石窩上，保持熱度义燒上桌是熱的，入口尚暖蝦餃皮厚，差咗啲.點心味道整體合格第一次食炒米粉同粉絲，加入海鮮炒飯就濕咗啲整體這裏點心雖然不是頂級，但大部分味道都可以，埋單每人才百多元，可説是經濟抵吃，加上環境好，值得推荐！…查看更多

舊同學週年聚餐，有人建議去尖沙咀國際廣場 iSquare 26樓，話呢度位於尖沙咀上蓋，出地鐵可乘商場電梯直達，交通地點方便，食物可以，價錢亦算合理加埋個煞食海景view，一邊欣賞維港夜景，一邊談笑用餐一致通過，同學即時訂了26樓海景臺，效率甚高本人首次到此晚飯，入內見到環境的確唔錯，裝修都算靚，七個人點咗七個菜及大壽包蝦乾味道較為濃烈且油膩涼瓜得少少，味道一般賣相一般，食味一般🐓皮炸得香脆, 肉質尚算嫩滑, 但無乜雞味個人認為稍肥，肉質普通，價錢唔算平蒸得不錯，肉質算嫩滑，優惠價$98，抵食頗為失望，似中豬多啲，比較老身，脂肪肥膏較多肉較小，感價格不值整體來說，個人認為食材用料一般，食味亦屬一般，但優勝在環境一流，地方開揚闊落, 坐得舒服，對住個無敵海景，乜都抵番，食味已不重要，在尖沙咀區內是抵食之選，平日晚上七點左右，已坐滿人，好旺。…查看更多