彩晶軒

今日公司食收爐飯 平時嚟飲茶其實都覺得好貴 d 點心係特別 而且都好味 但今次貴夾唔好食 份量又少 食完成餐同同事都唔夠飽 尤其是翅 除左本身已經唔係翅之外 真係稀到以為飲緊生粉水粉絲都唔多條跟住就係嗰兩味龍躉 其實只係拆開左做兩個份量係得一個送 嗰個黃酒煮 d 魚真係好鞋 又唔係腩如果無糯米飯 真係可以落去食番個譚仔 …查看更多

中午去咁岩好少人可以靜靜咁飲茶，坐得好舒服呀😇蝦餃同燒賣係每次去酒樓都會叫嘅😍大大粒！味道都ok!煎蘿蔔糕 上面有好多蝦米呀！不過個人覺得可以再煎香d ! 拿破倫脆脆鮮竹卷內餡係一般酒樓都會食到嘅茹鮮竹卷但呢到會加左鮮茄醬🤔個人覺得有d 唔match !最後呢個霹靂海皇泡飯好好味呀😍鮮魚湯底～好鮮甜😍連平時唔太鍾意魚湯嘅我都飲左2,3碗！我會每次食一碗先加米通！因為唔想搞到d米通Lum晒！😌不過酒樓呀姐話一次過落晒，整lum d米通仲好食wor!! 😛下次試下先！…查看更多

彩晶軒係好彩集團其中一間食店，比起好彩酒樓當次是較高一級，食品較為精緻當然價錢就會貴一點啦，今日同屋企人來食晚飯慶祝生日，一行5人點了一個4人套餐$888再加一個黑魚子砵酒蠔，餐有一款菜色是蟠龍雙弄是一人一份的，套餐只有4份見餐牌可獨立叫一份$68便加多一人份。蟠龍雙弄其實是一隻大蝦兩食，蝦身與糯米同紅米用蒜蓉籠仔蒸，個籠仔是超迷你的所以d糯米飯兩啖便吃完，蝦肉彈牙感覺是新鮮的蒜蓉糯米飯亦是好吃的只是份量實在是太小，另外蝦頭煎香並配以秘製醬汁非常好食，個汁好野味，蝦頭仲有d蝦肉同蝦糕，平時好少食蝦頭既我都食晒😋，雲吞雞湯濃足料亦唔錯，砵酒蠔有6隻蠔肉夠肥厚炸得剛剛好非常juicy, 其餘3個菜不過不失，但白灼西班牙黑豚肉聽落個名都幾靚但就好像一般打邊爐豬肉片抄牙菜，味道是還可以的，只是上桌時大家都感覺不太對版，酒樓侍應服務亦不錯，但部長則有代改善，話說最後送上甜品是四小杯外貌精緻分別不同顏色貌似布甸及啫喱物體，但因感覺是很色素，見隔離枱同樣食呢款甜品但其中一杯是法色焦糖燉蛋，隔離枱要求部長將另外三杯亦轉為焦糖燉蛋，部長亦即時幫那枱客人換了，但當我們也要求更換時卻拒絕為我們更換，只藉口隔離枱是散點所以可以更換，我們當然不相信亦覺不公平啦，我們再向另一侍應要求更換，侍應便即時為我們更換了，最後埋單亦有小插曲，個蟠龍雙弄明明餐牌列明散叫一份$68，但卻收了$88，問另一部長解釋稱此菜沒有散叫只可叫餐再加但要$88，餐牌是錯的遲d會換，因家人不想再拗，數目不多所以就算數，但本人就認為這樣做法是違反商品說明條例囉，認為酒樓應檢討。…查看更多

千祈唔好點果個冰鎮咕嚕肉，肉得3-4件，其他全是冰，晚餐建議大家真的不要選擇這里，同一集團，其他好彩酒樓好很多，這里碟頭好細，價格就比其他同集團酒樓貴一倍，味道也是一般般的…查看更多

平時會黎飲早茶，覺得味道不錯，夜晚同家人食飯 冇乜提議 就諗起呢間🤔估佢唔到 夜晚水準仲好過日頭wo😂😂首先黎個一口鮑魚酥 個鮑魚都ok 個酥做到一層層鬆化 頗有心思💕第二黎左碟龍蝦🦐啖啖都好大舊肉 好正第三黎左酥炸小元貝 開頭見到個樣 心諗食完會好dry 但佢冇wo 竟然 食完一口又一口 超好食😂😂😂真係不可以貌相第四黎左豬軟骨 又係入口鬆化 不俗第五係魚 又係好多肉 食極都仲有😳😳而具且肉質鮮嫩第六黎個湯 好好飲吖 個菜又好味 清甜所以真係估佢唔到 夜晚都咁有水準 讚…查看更多

新年放假的日子當然要同老人家去歎下茶！去親荃灣飲茶，都係揀好彩。今次轉轉新意思，去左如心商場嘅彩晶軒。地方不算大。枱同枱之間的距離有點太近。不知道係咪新年關係，所以d位set得密左。。。 叫左8樣點心。覺得佢地嘅餃整得不錯。餃皮夠煙韌，而且不會痴住哂。味道都算不錯。但價錢方便比較貴。感覺不太成正比。蛋散👍🏻👍🏻👍🏻平時很少叫蛋散食。但老人家話想食，所以就點了一個。呢度嘅蛋散確實不錯。值得推介！蛋散極之鬆脆！再加上佢地灑了芝麻同煉奶，味道更香！糯米卷細細粒容易食。食完都唔會滯帶子菜餃味道偏濃味。淡返少少會好d。但個餃皮確實不錯！燒賣無肥豬肉，感覺幾健康生財好市粥粥底好有味道，食到有蠔豉味。不錯潮州粉果鮮蝦腸粉大大粒鮮蝦。幾爽口。腸粉好滑溜鮑汁炆鴨掌👍🏻👍🏻勁多鮑汁！鴨掌好入味同淋。d汁真係好味。撈飯一流…查看更多

平時係酒樓食既套餐差唔多間間都十分相似...今次竟然讓我發掘左有野...荃灣楊彩晶軒既套餐好有特式...不得不介紹佢既冰鎮咕嚕肉!一堆白雪雪既冰，唔講都唔會知宜碟係咩菜呀~冰鎮咕嚕肉既味道同一般食開既咕嚕肉無咩分別，都係酸酸甜甜...但因為係冰鎮既原因，醬汁會無咁多，無咁油膩~砂窩鹽甑雞好惹味，雖然係鹽焗，但唔會好鹹令人難忘既皇室甜品，賣相一流，十分精緻!甜品味道偏淡，而且係一細舊，夠健康!…查看更多

又嚟做孝順女， 晨一個早早入去荃灣， 同老人家飲茶飲茶係唔可以唔食腸粉嘅，我哋就嗌咗個牛肉腸粉， 如圖所示腸粉確係真係好薄，牛肉就係牛肉球嘅牛肉質地就偏淋， 不過個腸粉皮真係好正， 薄薄的一層一層卷住牛肉， 沾點豉油滋味無窮又黎整個健康菜苗餃啦， 今次說好的鮮蝦真係有鮮蝦，而且個皮比起喺黃大仙新光酒樓食嘅嗰個更加薄，菜苗餃入面嘅菠菜苗好鮮嫩，而且個餡嘅味道亦都唔會太鹹，雖然只係得兩粒不過兩粒都好大粒蝦餃仔， 又係做到皮薄下午都ok啦不過就唔係好有蝦味金蒜蒸排骨，蒜味真係好香啊，排骨亦蒸得啱啱好，不過排骨嘅肥膏嘅油，都蒸曬出嚟啦真係好肥呀雖然真係好早起身個人都好攰但係食到好嘅點心都唔錯呀， 放假陪下老人家都係一個好節目嚟㗎…查看更多

之前爸爸生日食飯，一家人都係食中菜多。今次就到彩晶軒。諗住連鎖茶樓質素都係平穩，點知今次算係有啲驚喜。令我最印象深刻係呢啲文昌雞同埋紅棗糕。文昌雞唔係用雪藏雞，因為雞味好濃，有肉味而且仲好嫩滑，配埋薑蔥豉油十分之入味。紅棗糕煙煙韌韌唔太甜，紅棗未亦都濃郁，用來做飯後嘅甜品一流，成家都好滿意！…查看更多

荃灣的飲茶地方屈指可數，沒有太多選擇，今次跟父母試試較有名的彩晶軒。星期天喝下午茶的人特別多，我們也差不多等了二十分鐘才有位置。彩晶軒內部的裝修還算華麗，還有很多中式掛飾，與門口的設計一貫始終。茶杯上寫著：「對酒當歌 人生幾何」，特別有詩情畫意。今次我們點了普洱，很可惜，翠晶軒只把茶包呈上。當然，第一泡茶最清甜，最回味。可惜，茶包裡的茶葉太碎太不入味，第二、三泡已幾乎沒有味道。對茶當歌，似乎還未入味，意識還在。作為傳統順德和澳門人，在香港茶樓罕有見到雙皮奶（HKD22），自然要點。香港不止寸金尺土，連雙皮奶也要小品見客，真的是正牌細嘗幾口。一如其他在香港出產的雙皮奶，面頭不見雙皮。不過，盅內的燉奶還算香滑。彩晶軒的腸粉好像很有名，餐牌上有不同選擇，連豬大腸也有。不過，黃老太覺得豬大腸不值三十元，我們點了一個較為精緻的（HKD30），這個配搭還算新穎。以香港人口味，大家可能覺得這腸粉味道過淡，一定要多點豉油。帶子味道尚可，但鹹味比帶子自身的甜更濃。彩晶軒另一著名之作為蜂巢脆芋蓉（HKD26），其實即是鹹水角餡料。味道尚可，但下次會否再點，現在還不能確定。每次到新的茶樓飲茶，我也會點那兒的菜餃，一嘗其餃皮的手功。松子上素餃（HKD24）的外表很精美，有橙有綠，單看賣相已覺得那很健康。入面都放著花生和雜豆，很香口。不過，我還是覺得陶源的靈菇用料較為上乘。餃皮倒弄得不錯，爽口彈牙。彩晶軒那麽多點心，我最愛吃的還是陳皮叉燒酥（HKD22）。我本來不太喜歡陳皮味道，但這兒把其醬汁又調教得剛剛好，為普通的叉燒餡加入輕微甜味。我覺得這比起添好運的菠蘿皮叉燒酥更好吃。我們又分別點了宮廷桂花糕和鮮銀杏手磨芋泥。桂花量多清香，但面頭的朱古力碎有點不倫不類。十元一件桂花糕，也實在有點貴。至於鮮銀杏手磨芋泥，我倒吃不出何來銀杏味道，味道太像平時的包裝版芋泥啫喱，香滑但沒有什麽特別，不推介。半小時的下午茶，茶客也一個一個離開座位，離開彩晶軒。又一個圓枱碌碌碌在身邊碌過，侍應在身旁大叫「那一張枱埋單了沒？」的叫聲此起彼落，我們變成唯一還在品茶的茶客。我們不喜歡受壓，父親大人以Enjoy Card埋單，不過，付款等了十多分鐘也未到來。焦急、煩躁等等負面情緒自然湧上心頭。等了十多分鐘，侍應終於把Enjoy Card呈上，單上寫了七碟點心，一個中國傳統上不太吉利的數字。這時候，大家對這地方的印象都由正數減至負數。有些地方，去過多一次便夠了。彩昌軒，也真的是後會無期。乃念部份點心水準以上，今次就給你一個OK吧。…查看更多

今日我阿P的父親大人叫我陪他倆老飲茶，我當然要做個乖仔啦，由於時間都幾早，唔想叫醒熟睡中的阿J及小松松，所以無預佢份。彩晶軒是倆老常來的地方，他們喜歡這裡的點心質素穩定，服務亦勤快。先來香煎蘿蔔糕 ~ 火喉剛好，蘿蔔份量都幾多，糕身亦不會太腍。蜂巢脆芋角 ~ 外皮炸得香口，芋頭很香，連同雞肉香菇蝦仁這些餡料一齊食，好味。蘿蔔絲炸兩腸粉~ 這個炸兩水準很高，蘿蔔絲切得很幼細，份量亦很多，油炸鬼新鮮出爐，腸粉皮拉得很薄很滑，推介 。鮮蝦餃皇 ~ 我P爸爸的最愛，皮薄，蝦爽亦大隻。潮州粉果 ~ 到我P媽媽喜愛的食物，餡料很足料: 豬肉碎，冬菇，沙葛，花生，韭菜，菜脯的比例對板。松茸北菰燒賣皇 ~ 豬及蝦的味不算太突出，松茸及北菰的味我更加不太食得出，可能是我當日的味蕾有啲事...豬骨粥 ~ 排骨都幾多，但粥不夠綿，一般酒家的貨色，好普通。整體來說這裡的點心用料及質素都算中上，只可惜樓底不高，加上為生意要盡量擺多些枱，所以繁忙事段時要有心裡準備會幾噪吓。…查看更多

好耐無飲茶，另一半放假可以飲茶hea下時間平時飲開果幾間，好似食來食去都係果d野..見依間未試過又去試下呢! 酒樓地方唔算大..檯與檯之間都好貼不過最唔like張椅套..套到落椅腳底，習慣對腳放入櫈底都唔得點完食物..好快已經送到上檯。標榜腸粉係手拉..又試試點個"懷舊豬腸粉"($26)~份量好少..但腸粉真係好軟滑加埋甜醬+花生醬..少少豉油~好味"蜂巢脆芋角"($26/3件)炸層好酥鬆香口，芋頭茸好香..口感粉糯入面仲有少少冬菇粒,蝦米,豬肉，味道唔錯"南瓜翡翠帶子餃"($26/3件)餡料有蝦,帶子,南瓜..皮層帶煙韌整體配搭好清新"潮式糯米卷"($24/4件)糯米餡比較甜左d，糯米夠軟糯..包身都好軟綿綿"鯪魚苦瓜餅"苦瓜好苦，依個配搭唔太好味，同埋..上檯係凍又多油整體食物都唔錯，服務普普通通…查看更多

幾個朋友相約飯聚，開開心心的歡聚了一個晚上。前菜四小碟濃濃的醬汁包著茄子，加上花生碎好好味。海蜇本身冇味，要有好味的汁拌勻才會好吃，呢碟海蜇做到了。第一次吃鮮淮山，上面淋上士多啤梨汁，賣相好特別兼幾好味。呢碟燻蹄我吃了幾件，甜酸汁加上芝麻，實在太好味了。牛肋條腍滑兼好味，但個人覺得比較腍了些沒有口感。蝦球炒西蘭花，蝦好新鮮爽脆。金銀蛋莧菜要有好多汁才好吃，呢碟菜好好味清蒸海班夠嫩滑。呢碟炒飯有蝦同帶子，我吃了很多。細細杯的甜品份量剛好，就算吃飽了也可以吃得下。…查看更多

是日約咗母親大人一行5人，預祝母親節dinner, 雖然部長提議母親節套餐好d, 最後我地選咗個貴少少套餐-大茶飯，4位加多一位 ，因為起碼條星班係成隻上，唔係斬件。。。仲有一人一鮑魚同蝦，翅係夾到唔係羹上。 翅overall ok, 係湯底&雞肉唔夠鮮，d 雞柳有雪藏味。 虎蝦有咬口，good! 飽魚，冇驚喜，飽汁唔得鮮，晒咗個飽魚。 大星班，overall最得！ 北寄貝，蕃茄，麻薯粉，用料簡單，但係最好味。 最失望係個皇室甜品，個名令人有expectation, 點知都係平平無奇，寧願佢俾d紫米露我地好過。 :( 雖然只係距離mother's day 1wk, 但都好多吉檯，明顯套餐勝價比低，唔抵食。係勝在坐得思服，環境&服務都唔錯。…查看更多

是日pre慶祝母親節，一行5人，雖然部長說我地選母親節餐，但我地最後決定叫咗個大茶飯套餐，勝價比母親節餐高d, 因翅係砂鍋上，用夾到而唔係羹上；一人一鮑魚&虎蝦；星斑大條原隻上，唔係斬件上；但甜品差d. 寧願有傳統糖水e. g.紫米露吃。Overall 環境唔錯，冇趕人走因好多吉檯，服務ok, 但嘢食唔值呢個價。本身個套餐寫明包茶芥加一，點知簽單時，先話個餐係原本for 4 位，雖然加咗$700/位，個另加一位係要另計芥，仲要加一，顯得咁大個集團，咁做法，有d 小家lor.…查看更多