張記口水雞 (卑路乍街)

營業中

休息中

第一次幫襯，買咗半隻麻辣手撕雞，拎到返屋企，打開盒睇，裝得好滿，原來個底係塾咗啲木耳喺度，都可以，味道算唔錯，啲雞，味道都唔錯，因為同樣都係嗰啲汁，肉質感覺上比較鞋，可能係食緊雞胸肉，然後，再食多幾舊，越食越唔妥，點解食嚟食去都係雞胸肉？雞皮都無塊嘅？我想問剩係得雞胸肉，點定義為半隻？自問食過唔少手撕雞，叫親半隻，都真係有翼有脾有皮，仲有返半隻雞嘅骨比我噒吓，呢間只係得啲雪藏雞胸肉，唔會再有下次囉。。

今日lunch叫咗外賣送過嚟公司食，叫咗個口水雞涼粉，加咗個蒜泥白肉雖然其實我一早單聲要分開裝，但係我真係冇諗過全部嘢裝埋一個兜度，一係就雞同埋蒜泥白肉一個兜，涼粉一個兜，一係就雞同埋兩份一個兜，蒜泥白肉一個兜。明明係叫口水雞，涼粉嘅湯浸到個雞，完全好似白切雞咁。蒜泥白肉，又係個湯浸到啲蒜泥完全唔見晒。。。但係咁樣唔計車手費都要80幾蚊味道同埋質感係唔錯嘅，起碼都有啲雞髀位食吓。。。但係啲餸就沖淡晒啲味成個Mood都好似俾啲空沖走晒咁。。。

熱辣辣嘅夏日，啱晒去試試四川口水雞，係西環撈到一間賣家常式四川菜嘅食店，引人入勝。我點咗招牌口水雞，加埋涼拌三拼，真係冷氣機開足都幫唔到忙嘅炎夏，尋味可算找到心水推介。開袋瞬間，嗰陣香味撲鼻而來，啊～即刻流晒口水！口水雞嘅麻辣醬汁夠哂味，辣得黎唔驚人，嗰陣麻香好撩人，肉質鮮美得嚟又滑，真心想讚聲👍！涼拌三拼（牛肚、豬耳同雲耳）簡直係夏日解暑聖品，每樣都脆口得嚟又清新，醬汁夠晒惹味，淋上去啲菜就唔覺得悶啦。每一啖都令人回味無窮，而且嗰份量，實在係有滿足感，唔洗太多高深術語嚟形容，我只想講，梗係好食得點解唔試呢？講完都要再款去食多次！ 🍗🥗👅

這家店位於港大和堅尼地城之間，味道還唔錯，不過，我點的幾款，豆腐，雞腳以及元蹄和牛展的味道底都是一樣的，有點換湯不換藥的感覺，但是整體來說還可以試試，畢竟香港很少這種味道

味道夠，但麻辣手撕雞份量也太少，贈送的雲耳份量都比買的手撕雞還要多，真的很誇張！麻辣豆乾份量還算可以，手撕雞份量少到回家自己煮雞胸肉放進去拌，實在覺得比價性非常不高！

Glad to learn it was open during the public holiday, and was craving something spicy with some leftover noodles at home...decided to get a few dishes, and none seem to disappoint...beef shank was super tender...chicken was good, but the marinate is the star....and the cucumbers was a nice side dish pairing....place never fails, and owners are friendly....a winner every time!

四川夫婦製作正宗川菜😎「張記口水雞」係一間外賣店，但好乾淨企理，衛生一流，唔會將啲食物攤哂出嚟。而且選用嘅膠盒硬淨挺身，唔會漏油漏汁，好食到已經兩三次特登過海買🤤。招牌口水雞(半隻)/雞肉滑雞皮爽，唔會覺得油膩，嗌小辣辣度好溫和，好有辣香味，入口只係微麻微辣，下次可以叫中辣。北川涼粉/極具四川風味嘅一道菜！滑溜涼粉晶瑩剔透，染上鮮豔紅色，好吸引，口感爽口開胃，比起涼麵涼皮，涼粉真心唔係周街買到㗎！必試。！

晚上路過此店兩次，見隔了一個多小時還是大排長龍，咩料？ 雖然巳經好飽，但check 完 openrice 呢度d食評，寫到咁誇張，見又唔係貴，便決定係咁易順便外賣個口水雞同麻辣牛脷回家試試。成個鐘後回到家，刷牙前又係咁易試一件雞同一件脷...... 嘩！終於明白呢度d師兄師姐點解寫到咁誇了！大家有冇試過，又香又濃但又「清新」口味的口水雞？ 好茅盾...... 明明好多油，點解完全冇肥肥利利的感覺.....？？件雞明明灘凍左好多個鐘，又蓋上了大量口水醬同油，但點解仲會有「清新」的口感味道？？太似星爺片裡頭 d 夢幻感覺了！最大鑊係，食完一件後，明明好飽，都變成越來越肚餓，但又剛剛刷完牙，但又好心掛掛...... 未試過忍住唔消夜忍到咁辛苦......我好想俾 rating，所以强迫自己寫夠200字，請大家忍耐一下我d廢話。🙏3個字，「冇老點」！

我自己所理解的辣，一定要辣得有靈魂，光是味覺上的刺激是不夠的，張記的調料就很好！西環張記，秒殺其他所謂的川系涼菜，吃出家鄉正宗味！！！上班上得頭昏眼花，想吃點辣的提提神。是張記拯救了我，一口下去，醍醐灌頂！乾脆把湯也喝光了。最愛小辣加酸。口水雞是正宗，夫妻肺片也是不得了，無法用言語形容的好吃。關鍵是量也足，除了點的菜裡之外，還會配好些小菜。兩個老闆都很熱情，店鋪雖然很小，但是真的有很多人願意在那邊排隊，因為是真的好吃。我愛張記，排再長的隊我都等～ 吃得太激動，一定要來寫個點評

用網上外賣平台嗌外賣 價錢好似貴啲 要71蚊 因為好想食口水雞 又見到啲人話呢間既涼粉好推介就買來試吓一送到過嚟 打開 嗰陣味好濃烈好香 睇落好似好辣 但係食落真係唔太辣 佢嘅小辣冇譚仔三小咁辣 所以大家可以衡量下 食得辣嘅可以叫辣啲 佢啲涼粉質地好滑同嗰啲辣汁撈埋一齊係絕配 涼粉下邊就有口水雞 口水雞都好滑 大約有 5-6舊 唯一缺點就係我覺得食涼粉好似唔太飽 飯應該會飽啲

為咗清埋宿舍D烏冬麵，叫咗夫妻肺片38，涼拌雲耳28。兩樣都叫咗細分，本身齋叫咗夫妻肺片。因為唔知夫妻肺片都有雲耳鋪底而且驚唔夠食先叫多樣雲耳。但事實證明我冧多咗。對於我咁大餸噶人，一份細份就夠一餐了。結果要擺雪櫃留第二日食。老闆娘粵語落單，老闆負責整同遞，兩個態度都好好。我話比微信，老闆娘仲提醒我可以掃紅包。佢同好多外賣服務平台合作，而且接受好多種支付方式，加分。食物冇咩特別噶缺點我都會比滿分。夫妻肺片吃落冇怪味，而且有齊牛三寶同雲耳，餸飯一夫妻肺片就夠雲耳是爽的好多汁雖然鍾意吃辣，但唔係好受得，所以要咗小辣。但其實小辣係唔夠刺激噶，好似拗痕咁。我鍾意辣到流小小眼淚個種程度。下次要中辣試下，有機會仲想試埋麻辣。

張記口水雞，無錯，請你記住依個名，因為佢舖位細細但帶俾你極大既美味成日都排晒長龍你就知，四川夫婦努力在港做好自己的傳統好味唔試對唔住自己口水雞，外賣一開盒，香氣濃郁，調味料勁足，份量好多完全忍唔住放入口，雞好嫩，好好味有好多啫喱，滑到呢麻、辣、風味夾得一流，最正係如佢既賣點，辣汁超正但唔油，湯一樣好正涼拌雲耳，記住要醋，加左好味好多都係同一個辣汁底，都好正，雲耳比木耳更好味紅油皮蛋，如果你覺得味太似，可以叫青椒，味道仍然超班皮蛋夾辣汁都真係好正，皮蛋黃溝左落辣汁度個味........每樣都份量十足，又多又好味夫妻肺片，細份都幾大份，食齊牛脷、牛肚、牛𦟌，可以享受美味川味同不同口感同牛小吃既配合好好味，牛肚特別值得推薦，下面既雲耳都正，仲有牛味太好食勞蘇食推介 —— 就係張記口水雞！！！所有野#我希望你去到買仲有口水雞#唔食辣都可以叫小辣#我食譚仔小辣建議食中辣或大辣

住石塘嘴平時唔多過來，今日西環食完點心行返屋企途中聽見有人講四川話，然後見住大大個四川口水雞。以前做嘢成日飛成都迷上川菜，就想試下師傅手勢，因噚晚食咗雞就外賣麻辣牛展。等外賣期間觀察鋪面雖然細細地，但收拾得比較乾淨企理。返度打開外賣盒即刻聞到花椒香味，牛展係師傅滷完有客人就即場切，口感唔會乾且有咬口，加上麻辣醬好入味😛😛😋。麻辣醬因客人需要現場調味，我要咗小辣，但我口味重下次可要中至大辣。值得一提的是花椒 - 香港餐廳通常很少吃到四川成都的麻味（可能餐廳改良至一般香港人比較能接受嘅口味），但呢間就融合川椒同陝西花椒提高味道，食入好惹味，幾塊就飆細汗。不知覺食咗半盒，留返半盒今晚飲住啤酒睇電視慢慢嘆😆🐷🤤🤤😋以前為咗搵正宗四川菜，香港好多有名川菜館都去咗一半以上，原來自己屋企附近就有一間隱世正宗四川味

好耐之前、蝦子餅外賣過一次俾我食，已經覺得好好味。今日咁啱路過，要咗個雙拼麻辣木耳牛脷。老闆好細心，所有食品都可以選擇要辣定唔辣，又或者大中小辣嘅程度。呢排個胃麻麻哋，本來唔應該食辣，但都忍唔住要咗個小辣， 加醋。個人認為一定要加醋，因為酸酸地仲好味。掛住食都唔記得影相，牛脷切得好薄，木耳好爽口，當然最好食嘅就係個汁鋪頭雖然細細地，冇地方堂食只提供外賣，但絕對感覺到老闆嘅用心，而且鋪頭整齊乾淨，令顧客食得好放心。誠意推介。

張記是家庭式外賣店，店子小小，只賣口水雞及少量涼拌小食。今天買外賣時囝囝在門面幫忙落order收錢，雖然他不太熟悉"架步"，動作稍慢，但很欣賞他年紀少少放學後願意在鋪頭內幫輕父母買了涼拌三拼: 豬肚、牛肚、豬耳 $58師傅將食材切片後放在膠盒內，再立即調味，將不同香料調味料拌勻成醬汁，澆上食材上。看見這個顏色令嚐辣的我大感興奮回家後急不及待品嚐，食物被滿滿辣椒碎、蔥花和白芝麻覆蓋著，辣度不錯，稱得上大辣，醬汁不算出色，沒有特出的味道，而且食材切得太薄，沒有口感性價比不太高。