廿一堂

營業中

休息中

今日突然好想打邊爐，因為一個人食得唔多就去左廿一堂，叫左壽喜燒火鍋～湯底都算夠味，份量都算滿足。但衰在飯轉烏冬要加錢😫同埋如果好似其他連鎖式快餐店可以追加多d野食就更好啦。

早排去完旅行返嚟，太耐冇食過日式火鍋，實在有啲掛住😣 所以翌日放工即刻嚟到廿一堂食！可以七點幾尚算早，所以我地一嚟到就有位。冇幾耐座位已經滿了，好彩早到一步💨我每次食都係揀牛肉壽喜湯火鍋轉烏冬（+$10），感覺烏冬比飯更搭一些。飲品則選擇了玄米茶，食完可以清新返個嘴😂 呀！話明係壽喜湯，當然有配返隻蛋啦～牛肉一共有八片，睇落幾新鮮，而且肥瘦適中。火都算幾大，所以個鍋等咗一陣已經可以開動了🔥 火鍋配料有金菇、鮮冬菇、粟米、福袋、芝士竹輪、蟹柳、娃娃菜等等，十分足料🤤 不過之前有個更正嘅係有海鮮，唔知係冇咗定我叫錯，變咗福袋。味道方面，因為啲配料都好乾淨新鮮，所以好好食。值得一提的是粟米十分甜！我見有好多人都唔食，好似有啲可惜呢😢 烏冬係讚歧個種，食落好有口感，加上索埋壽喜燒嘅味，好正！食哂成個火鍋十分飽，但又好滿足😙💓 值得一試！

嗨大家，夜晚喺將軍澳可以試下廿一堂啊～佢喺區內係罕有嘅日式燒肉飯，其他食厭咗或者覺得太貴都可以去望下餐牌，總有個啱你，因為佢有埋烏冬㗎😋掛住食影得衰唔好意思😬 叫咗多飯多汁都唔算多就知咩料啦，但都算夠食嘅。味道同溫度都好好，肉邊有焦香，啲油keep住舊肉啲溫度，入口即化，連埋啲飯一齊食就非常幸福（單身狗的浪漫🙃）。價錢方面我覺得有少少偏貴，因為份量唔多，揀嘅肉都係普通貨色，唔係特別突出，環境同服務都一般。

第一次來這餐廳，感覺似吉野家，要了廿一燒牛丼加大福，如午餐就只50，晚餐就60。牛肉有些「鞋」，飯就很多，飯有些「綿」得黎有「彈」嘅感覺，味道不錯，很像吉野家的飯。因太飽所以沒有吃大福。

呢間餐廳留意左好耐終於有機會黎試食全店大部分都係自助形式點餐可以自助拎食物自助裝水自助餐盤交還都可以自助，仲有環保錢2蚊下次用感覺都幾方便食物選擇都唔算少，價錢尚可同媽一齊揀左牛舌飯可以自選飯量/汁量同配菜漬物要唔要感覺唔錯！賣相都幾好牛舌都幾厚雖然得4塊，但都夠食！牛舌煮得幾淋👍好過吉X家果個好多揀左多汁，所以用黎送飯剛剛好不過感覺飯粒唔算飽滿嘅日本米

係開業初期已經食過，但當時不知是不是剛營業，各方面店員還未上手，食過牛肉飯的牛肉韌得可怕.....燒鳥丼淡而無味....過了那麼久，因想不到吃甚麼中午飯好，便決定再給它一次機會，看看有沒有改善。這次再一次叫了炭燒鳥丼，味道比第一次吃有進步，雞肉總算有味道，可以配著飯吃，但雞肉還是有點嚡，雞肉份量可以。以午餐一個$52的價錢還算過得去，但晚餐價來吃的話便會覺得好唔抵食。希望店家可以加油努力愈黎愈進步。

適逢蒙面法無需咨詢，經立法會三讀，就已經推足的第二日，市面一片狼藉，營業又唔洗排隊既餐廳少之又少，行左幾轉後，終於俾我揾到佢，由於地理同新開，並唔係太多人認識。所以我毫不猶豫就入去點左佢既推介雞肉飯。本人唔想食吉野飯，但若與此比較，則大大不同，廿一堂的雞甚是新鮮，而且味道及醬汁皆是遍淡及較為健康，我就幾欣賞，亦覺得大家不防一試，但你如堅持是個重口味之一，那大可不必及應叫其他款式。價錢平均五十幾六十，合理啦😆

平日中午自己一個食，想快，又好食，又吾太貴，於是去試下呢間廿一堂！通常吾知食咩好，就會試佢既推介紹牌菜式，檸檬炭燒雞飯。咪道算不錯，醬汁剛剛好，令每一啖飯都有點濕潤，不會太乾。同樣，雞肉肉身都很嫩滑，加上檸檬汁更清新開胃。一碗的分量都算多，都好想食清一碗，但實在太飽，如果加多一點配料，例如酸薑絲或香蔥其他菜，就更完美。平日時間都吾太多人，很容易找位置坐，現在還有下午茶優惠券，可以再來encore!!

其實一開張已經去食，本來覺得ok , 但愈來愈差，食物質量差左，豚肉成日燶，但反轉放，以為我見不到，個份量也少左，好鬼求其，仲有收銀d妹妹眼啤啤，禮貌好差，完全不想再去幫襯，貴又不抵食

商場角落見到個名叫廿一堂完全唔知道食乜嘢， 集團式嘅餐廳經營， 喺門口睇過電子屏幕， 啲嘢食都唔錯就決定係度填肚。可能當晚時間已經好夜， 客人數量唔算多， 可以揀位坐。 喺門口大螢幕做自助點餐， 等咗十分鐘左右就有飯食。 兩個餐， 因為係套餐都有啲選項 揀飲品，凍飲加3蚊，泡菜或大凍，大食嘅我仲要加飯， 因為超鍾意有味道嘅汁送飯。 雖然係自助下單，職員會過嚟幫忙 。 食客不乏打邊爐嘅客人 ，環境舒適闊落，同朋友食個另類快餐好選擇

假日早上周圍都好多人食早餐 見廿一堂仲有幾個位 就入去試下價錢中上 唔算太貴 質素則一般叫咗個炸魚配迷利烏冬炸魚叫咗之後睇番英文先發現係魚手指 😂 不過都算有少少魚味 而且唔會話炸到燶唒或者太老 都尚算鬆脆 所以都唔錯多士同炒蛋就同普通茶記分别不大 迷利烏冬嘅分量尚算足夠 湯底亦夠味 (不過可能係味精 因為食完有少少口渴) 所以整體嚟講唔錯。同行友人叫咗標準 size 嘅牛肉烏冬 牛肉味唔錯 而且亦煮得啱啱好 唔會太老不過我都係覺得 set 有幾款嘢食 好似抵食啲。大家大妨一試！

不過不失的日式快餐。突然好想食燒肉，但呢附近冇。平時最鍾意呢就係食呢個嘅海鮮湯 Shabu Shanbu 壽喜燒牛肉 再加埋鐵板牛肉粒紫菜蛋飯。都不錯丫！如果冇時間食牛肉燒嘅時候，呢個set都叫做頂得下😬

廿一堂好似高級快餐店咁，主打日式料理，因為店員推介我食鐵板角切和牛配銷魂丼，我就一於探個究竟☺️！1️⃣鐵板角切和牛配銷魂丼🍱 $80我自己就覺得佢個丼就真係比較銷魂啦，仲好食過d和牛🙈前菜:🥗青瓜絲加沙律醬，仲有少少蟹子喺面，好清爽。🍚用咗珍珠米，粒粒都好有咬口。脆口嘅紫菜更加鋪滿哂係🍚上面，溫泉蛋一整穿佢果下，啲蛋漿擁晒出嚟，超治癒🤤。撈埋啲飯咁樣食，真係好爽😹🐮和牛就汁嘅味蓋過和牛啦，鹹甜交集，同埋就相對油膩。和牛都有啲咬口嘅，唔會過分乾身。🙆🏻‍♀️美味指數:6.52/10💡性價比一般，如果佢餐廳嘅環境冇咁似快餐店嘅話，我可能會覺得佢性價比高啲。食物水準唔差。

呢間餐廳成日經過都好想試下，難得今日放假，但只係得一個人食，所以就是是但但食飽就算。。叫咗個豚肉飯送汽水豚肉燒得香口，啲飯應該係日本珍珠米，粒粒分明，加上佢哋嘅汁配搭得天衣無縫！平時食飯都係食半碗左右，但今次食完都唔夠喉😂😂😂但啲飯唔係少應該有一碗有多。我見下午茶時段有好多人嚟食，不過只有烏冬沒有飯，下次會試埋個手打烏冬🤗🤗🤗

星期日難得早起，肚子感到很肚餓，就決定馬上去附近找早餐吃。於是即刻換衫去附近最近的廿一堂，話說有一段時間經過也想試一試，但每次經過見很多人排隊，打消了念頭，難得今天早起床，馬上去廿堂看一看有沒有機會試到先點了炸手指魚條配炒蛋多士烏冬，炸手指魚條夠熱夠脆滑蛋夠滑夠香烏冬十分好吃，看起來平平無奇，誰不知每吃一口，就要追吃下一口，記得要把湯喝完，因為精華是在湯裡，喝完你會感到很滿足。最後有一點失色是那杯熱咖啡，味道很淡，奶味不夠。總括而言，食物是讚的，飲料一般，可以再來吃