廣記粥店

營業中

休息中

估唔到呢間粥舖嘅海帶綠豆做得幾好，食落去唔係死好甜食完會乸喉嗰種，雖然個海帶量係唔多嘅，佢係切咗幼絲，不過有就ok啦，有海帶嘅綠豆沙係正d嘅。蒸蘿蔔糕口感質感都唔錯，軟綿綿，雖然冇乜蘿蔔絲但係都有蘿蔔味。綠豆鹹肉粽質素一般，都係平時粥舖食到嗰啲粽咁樣囉，糯米多綠豆少少冇乜鹹，不過佢係有鹹蛋黃嘅。炒米粉唔算好乾身，所以都係一般。

呢幾日病咗要食得清淡啲，就喺屋企附近買咗幾間粥店，返工又幫襯過一粥麵一係就太多味精，一係就太鹹，食完好口渴本身都住喺大埔20幾年，一直都知道呢間老店以前病嗰陣都買開廣記既粥，因為又平又好食環境都算幾乾淨(開左咁多年算keep得好好!!!)之後搬咗屋距離遠咗就少幫襯左了..今日放工想繼續食粥清吓腸胃，就專登喺廣記附近落車買外賣返屋企食叫咗一個粟米粥同蘿蔔糕因為唔想食白粥咁寡所以呢幾日食既全部都係粟米粥冇比較真係冇傷害，廣記嘅粟米粥清甜到啲粟米又爽口新鮮記得以前都只係有粟米粒喺入面，而家見到成嚿粟米一齊煲，唔怪得咁甜🫶🏻冇食咁耐水準依然保持到仲比到驚喜我以一個平時好憎食粥嘅人嚟講呢間粥店真係一啲都唔令我抗拒我願意行遠少少過嚟食🤍🤍希望呢間老店可以多啲人知道同幫襯大力支持

呢幾日個胃唔係咁舒服，所以就諗住去食啲清淡嘅嘢，突然諗起有一間懷舊老字號嘅粥店，就立即入去叫咗一碗皮蛋瘦肉粥，一碗滑牛粥，一份炸兩同埋一份魚片腸粉。皮蛋瘦肉粥及炸兩成碗粥都好足料，不單止有好多皮蛋仲有唔少瘦肉喺裏面，而且個粥底好棉好好味重點係冇乜味精，食完唔會覺得好口渴。而炸兩就一般般冇咩特別。滑牛粥一樣都係好足料，有好多塊滑牛喺裏面，而且再加咗一啲生菜碎，令到個口感豐富咗，成碗粥都好棉好清淡，唔錯唔錯👍🏻👍🏻魚片腸粉平時去其他粥舖好少會見到魚片腸粉，所以一見到就叫左一份黎試吓啦，結果好有驚喜。腸粉好滑幾煙靭，而且魚片都好滑身，再加上有少少薑絲調味，一啲都唔腥，好好食。

Won’t come here again! 啲食物越來約差，油炸鬼不新鮮。重點是，過去幾次來，有位長髮女員工態度差到不得了，下單沒記性，要我多說一次其實沒問題，但我提醒還有一樣的時候，她會悔氣地嘆氣。我買的是外賣，因為見她好像什麼醬料也沒有放到袋子裡，所以就問一下，然後她悔氣地回答「沒有說就沒有的啦」。上兩次這個女員工已經是這樣的態度，平常其他員工也不怎樣有禮貌，但還可以接受，但這員工根本連基本禮貌都沒有。反正食物質素也越來越差，不會再來

講起煲仔粥嗰種滋味，真係可以話係人間煙火嘅一大慰藉。呢日去左間店食咗碗生滾豬膶粥，一啖啖粥滑過喉嚨，暖笠笠嘅，喺涼颼颼嘅天氣裡頭絕對係正！豬膶煲得啱啱好，唔會太老，咬落去得意得意，有種鮮甜味道喺口腔裡面悠悠揚揚，啱哂。另外添單牛脷酥，呢個又脆又香，感覺起身嚟好過癮。😌👌行過粥麵店門口，望入去啫啫响嘅鍋仔聲傳出嚟，腸粉啲仔喺碟上面走嚟走去，滑到喺碟仔上面打轉🌀，一啲都唔會黏笠笠。蘿蔔糕味道真材實料，有家鄉嘅味道，咬一口，蘿蔔香溢出嚟，重溫兒時嘅美好。平民價格入面，味道同份量都係一流，期待下次再嚟！🍜🍲總之，啲粥啲腸粉啲麵啲糕，每樣都係實在嘅好味，餐廳都算係我嘅常光顧喇。真心希望，呢啲帶有人情味嘅店鋪，可以一直咁留落嚟，成為我哋生活中嘅小確幸！🥢🥣💛

講起今次試嘅呢家店，真係使到我心花怒放🌸🌼🌸！首先，碗艇仔粥面頭嘅食材洋洋灑灑，咁嘅堅離地價錢下仲可以咁多餸，嘩，真係好窩心！粥底滑溜溜，啖啖肉香，淡中透鮮，咁嘅口感實在係咁滑咁順，一啖接一啖停唔到口。跟住個蘿蔔糕，都算係正！金黃酥脆嘅外皮包住軟滑嘅內裡，一咬落去真係彈牙到不得了，香味撲鼻，個稔清香爽口，仲唔覺得膩。跳過去講下嗰碟炒米粉，香噴噴嘅，搭配咗啲瘦肉同韭黃，咸香得嚟唔膩口，質地上比較偏硬，但間中食到啲脆口嘅豆芽同蔥花，嗌醒味蕾。最後，講下件叉燒腸，叉燒係真材實料，肉味甜潤；腸粉絲滑嫩滑，越嚼越有味，撈埋啲醬，微甜微鹹嘅調和，太適合我呢個愛好傳統港式點心嘅胃口。總之係，食物好食，價格公道，真係值得推介，好過癮！👍👍👍

【大埔區】【廣記粥店】嚟到大埔呢個人傑地靈嘅地方，今次係過嚟睇醫生，所以可能冇以往咁好心情去欣賞路上嘅靚人靚景。然而大埔的確係一個盛產美女嘅地方，作為一個喺城門河長大嘅人，都不得不承認，大埔林村河畔先至係顏值嘅天花板。作為一個病人，都想食清淡啲，因此去咗一間粥舖食嘢。叫咗碗好似係 $36 嘅「及第粥」，佢哋啲粥都唔錯，而啲豬雜都中規中矩，冇咩好講。唔知點解我睇餐牌呢碗嘢係 $32，但係佢就收咗我雙拼價錢 $36，當時冇問就冇計。雖然病人係應該食清淡啲，但係我都忍唔住叫咗碟 $20 嘅「叉燒腸」嚟開心吓。佢個份量唔算好多，味道亦只屬一般，正正常常咁囉。食食吓見其他客人叫蘿蔔糕，我又用 $14 叫碟「煎蘿蔔糕」嚟食吓，「人有我有」嘅心態。咁食落佢都唔差嘅，不過可以再煎得好啲，香口啲，好味啲吖嘛。飲品係唔少得嘅，叫咗 $12 嘅「豆漿」，係普通杯裝，感覺少少貴。埋單 $82 係差唔多架喇，畢竟都嗌咗四樣嘢，冇可能要求太過份，係粥嗰度唔知點收錢啫。。。（地址：大埔安慈路1號海寶花園地下13號舖）

Honey 住在大埔多年，故此我也不時會幫襯廣記。他即將離開香港一段時間，故岀發前要吃傳統中式食品，尤其廣東人必吃粥品和腸粉，所以今晚到廣記吃粥。廣記是傳統老粥店，無論座位格局、粥品類別……全都是最傳統的。點了艇仔粥$20和炸兩$12，價錢不貴，很公道。艇仔粥粥底很綿，而且材料豐富：碎牛、咸瘦肉、豬肚、魷魚……不過，就稍嫌粥底過鹹。炸兩呢？油炸鬼仍然是脆的，不過，豉油過鹹 。味道如何，都是「家鄉的味道」，也是「大埔的味道」。

呢間粥店，但係每次諗起食粥會去嘅粥店🙈尤其是滑牛粥，全部生滾粥都係即叫即整😀😀😀粥底軟熟，好香牛肉味，唔會太鹹，份量啱啱好再嗌多杯竹蔗水🎋🎋清熱解毒，甜甜地好入口係咩時候食，咁啱食 ❤️之前仲食過佢其他嘅粥都好好食🤤🤤🤤菜乾豬骨或者柴魚花生都好濃味，一定係好足料油炸鬼又唔會太油膩，食炸兩就啱啱好😍之前都有食過佢哋嘅炒麵，炒麵嘅豉油味唔會太鹹亦都好香，但今日就唔想食咁多啦😀😀大家有興趣可以嚟試吓

今日因為病咗，所以落樓下搵粥食😋因為依家好多連鎖店，所以好難搵到一間正宗嘅老字號粥品😢但係我就最鍾意食呢間好傳統嘅小店，因為全部都係真材實料呀嘛😛我就叫咗一個艇仔粥外賣真係好多料，裏面有我最鍾意食嘅花生、仲有魷魚🦑 整體來講水準唔錯💗餐廳：廣記粥品💗評分：6/10但如果外賣嘅朋友就要注意啦，因為好快會凍，所以外賣左之後返屋企可以再叮翻嚟食，又或者煮一煮，咁樣就可以保持到味道㗎啦😋👍🏻

我口味其實都幾傳統，尤其是廣東粥，一路都係我嘅Top Favourite，無論天氣熱定凍啊，有啖熱辣辣嘅粥落肚，都會好滿足。對我來講，係喺老粥店先至食到嘅味道係特別滋味，而比起生滾粥，我更鍾意食灼熟粥，粥底綿滑之餘，啲料又入晒味，味道豐富好多。今日食嘅係南瓜排骨粥，芋頭同南瓜都聞到好淋身，壓爛佢之後，同個粥底溝埋一齊，再出味咗👍🏻👍🏻滑牛粥，生滾嘅粥底一樣綿滑，牛肉調味啱啱好吊起粥味。炸兩嘅腸粉就厚身咗啲，但入面嘅油炸鬼都幾夠脆

今日唔知點解冇乜胃口，天氣又涼涼地，諗起附近有間傳統粥店，就去買咗碗粥食☺️生滾豬膶粥($28)+牛脷酥($11)豬膶粥係我每次食粥都會嗌嘅嘢，呢間嘅粥底唔算係好棉果種，入面有生菜，食落唔重味精，豬膶有4-5塊，食落好滑，煲完都唔老，擺係粥入面浸一陣，粥仲會更濃味😆 $28好抵食👍🏻牛脷酥拎到返屋企有少少凍咗，但外面都仲係脆卜卜🤩 甜甜哋嘅外皮同粥真係好襯😋 n年冇食過牛脷酥，再食返好有童年回憶☺️

難得到訪大埔太和 路過見良心粥店 即使不餓亦進店一試皮蛋瘦（下火）好味又地道90分以上 老闆有良心 這種正氣舊粥鋪難得 路過既必食之選～！店員阿姐細心有禮 意料之外既好地方

今晚沒什麼胃口, 經過這粥店, 看那簡單而悠久的裝修, 要不老字號, 要不美食出眾, 也不能在疫市中留下吧！叫了一碗碎牛粥, 靜心的期待着！不用一分鐘已端到面前了. 分量偏少, 隻碗比我想像中細一圈, 一般人是要另加其他食物如腸粉、油炸鬼、炒麵...... 等等才能吃得滿足的. 第一啖的感覺是：偏咸！但個粥底做得唔差, 都幾綿的.碎牛的牛肉真的很碎, 碎到一攪, 好似都溶於粥中, 吃起來沒甚口感. 看得見都是炸米粉碎的多. 其實碎牛的材料是攪碎牛肉+炸米粉碎混合, 貴的是牛肉, 平的是米粉. 料是相信是好的, 但份量及材料比例如果再好些會更好！

良心老粥店💛💛💛💛門面古老，但冷氣好夠，衛生情況好好店員好友善親切粥底好棉密，食得出無落生粉水，碎牛肉好多 ，好足料，就算大熱天時 ，都有一半人坐。鮮蝦腸即叫即整，腸粉皮好有彈性，係小時候的味道。醬料自己配搭！價廉物美！絕對會encore！店舖仲有學生優惠！食到一半先記起要影相，呢間店絕對有驚喜💛💛一路食，一路聽到d伯伯食客都係同路人，真係好感動💛💛💛💛希望同路人可以大家一齊支持！