廣東燒味餐廳

以前有食過呢間，廣東燒味以前排晒隊而家反而冇乜人今日晚上七點左右嚟到人流比起早幾年差咗好多而佢亦都與時並進改咗裝修，加咗三餸飯可能佢知道生意差咗好多而佢嘅三餸飯生意睇到佢唔差但堂食嘅人七點嚟講坐一半都冇一啲都唔樂觀今日嗌咗兩個燒味雙拼飯叉燒雞，叉燒鴨佢嘅叉燒喺幾好夠晒淋，其中一個仲有窿邊但係鴨就好一般般食落去好乾，好柴好似擺咗好耐咁雞就不過不失$75嚟講性價比麻麻哋真係要加油，如果唔係好容易被淘汰…查看更多

今天下午和朋友滿心歡喜去到葵芳，打算每人買隻鹽焗雞，揀咗兩隻，個阿姐叫我哋去俾錢，轉頭發現阿姐換咗隻鹽焗雞，問佢時仲大大聲講都係你自己揀嘅，心諗細隻少少啫算啦，點知返到屋企打開好過分囉，冇咗隻雞翼，又乾又柴又貴，好激氣，以後都冇幫襯佢。…查看更多

岩岩去左葵芳呢間廣東燒味買2個剩餸$42, 俾左一舊魚+一塊肉餅, 我覺得好奇怪, 冇可能得甘少, 甘岩見到有人買2餸飯$28, 同我一樣一舊魚一塊肉餅, 走去問佢地, 收銀態度好差好唔耐煩, 話: 我唔理, 你自己去搞, 入去問返果個夾餸嘅態度仲差, 答我 : 甘你咪買2餸飯囉, 真係好痴線🤬🤬🤬之後我再去問另一個人, 佢應該都覺得有問題嘅, 但係態度都唔好, 一粒聲唔出, 敷衍下俾多一舊魚我呢間餐廳d人態度全部都好差, 仲要亂甘黎, 真係成肚火勸大家千祈唔好幫趁…查看更多

$66雙拼燒味叉燒燒肉飯叉燒似臘肉，燒肉剛剛熟例湯鹹到飲唔落味道同二十幾蚊嗰啲飯盒冇分別環境衛生麻麻，看得見的污跡（比一般茶餐廳污糟少少嘅程度）侍應服務正常水吧好快手，30秒唔洗就有收銀肥大阿嬸態度極惡劣俾八達通，佢報老爺機嘟唔到攞現金俾佢，佢話而家啲人鍾意俾現金我話：係呀⋯方便呀ma⋯唔洗下下走去撳錢佢話：再唔撳錢個腦都冇用我當堂O晒嘴黐線！食飯有俾錢都俾人鬧冇腦，我又唔係玩嘢拖時間俾錢，點解咁都要俾你鬧，唔會再幫襯！…查看更多

員工態度極差，裡面很多位，但仍要錯近出面桌，很不明白，熱氣驣出，極難受，燒味普通，環景差，員工不要得，大哂，冇胃口再食。以後再不會問津，冇下次。。。太差的熟食店。…查看更多

見到牆上面嘅單張嘅鐵板餐好靚，於是心思思就叫咗蒜蓉鐵板雞扒餐點知第一次食咁難食嘅鐵板餐d雞扒唔醃過冇鹹味，又係凍冰冰然後啲配菜都未煮熟， 好硬啲蒜蓉汁係生粉溝水完全冇味嘅雖然份量好大，但係食咗唔夠一半就走咗完全係煮咗好耐靠鐵板嘅熱力令到佢溫度有50幾度嘅冇誠意鐵板餐上菜都係凍冰冰不得不提嘅係有環境全間餐廳都立痴痴和油淋淋第一次食咁難食嘅鐵板餐完全係冇誠意叫唔上餐廳，好似買咗好耐都賣唔出拎啲冷飯菜汁服侍顧客…查看更多

佢有三款扒既 ， 有🐮牛扒🐣雞扒🐽豬扒既 。五十蚊一個咋 😳😳 超級超級抵食 。 我叫左兩份牛扒 。 個鐵板上面除左有你個想要既扒之外仲有蔬果既 ， 有番茄🍅、三色豆🌽、薯條🥔、 甘筍仔🥕 。咁平唔好以為會好un喎🤤🤤 ， 佢咩問題都冇👍🏽👍🏽 。 同埋唔夠汁可以叫佢比多d 。 佢好似有三種咖 ， 好似係黑椒汁同蒜蓉汁同唔記得左咩汁 。環境方面 ， 佢間鋪d位都好闊落嘅 。 都有成十二十三張枱咖 。 總括而言，🥰我係會再幫襯既🥰 …查看更多

標榜燒味的店，燒味毫不出色！下午茶點了個燒肉雞河，不含飲品！賣相不吸引也罷，河粉粗硬， 燒肉質梅，雞味咸！ 性價比低！總之係令人失望，口感極差的一次經験，以後唔會再光顧！…查看更多

今次食嘅係呢間廣東燒味，顧名思義佢賣點係燒味，我緊係要試試佢啦！餐廳環境舒適啦，有傳統茶餐廳嘅間隔。瞓醒見時間有啲晏就去咗食佢嘅下午茶餐。叫咗個切雞燒鴨米粉，好好彩佢冇比啲骨我，燒鴨仲有隻髀添佢嘅燒味唔叫超水準，但都算好味而且都幾大份。最後再整多杯凍檸茶，非常完美啊～溫馨提示廣東燒味嘅午餐價錢比較貴，如果想享受又平又抵食嘅燒味套餐可以揀去下午茶時段去食下午茶餐。另外店員嘅態度真係可以稍為改善，可能叔叔姨姨都上咗年紀，講嘢會大聲啲，有啲冇禮貌，令到食客有時會食到一肚氣。…查看更多

下午茶時間 入到餐廳 問係咪有下午茶有咁我叫左個下午茶餐叉燒油雞脾瀨 加杯凍檸茶呀姐好熱情咁up sale我食$65果個雙拼飯餐我問佢係咪飯 我想食瀨粉佢話$65果個餐你鍾意可以轉瀨粉我婉拒 心諗下午茶雙拼$30點解要叫個$65飯餐再轉食瀨粉🤨最後食飽雞脾加$10雙拼餐$30凍飲加$6埋單竟然係$61我拎埋個餐牌到櫃面問收銀姐姐收銀姐姐當然係單野唔係佢跟開 睬我都有味叫返個霸氣落單姐姐嚟跟我照問多次我叫下午茶雙拼餐叉燒油雞 $30 轉雞髀 係加$10點解會係$61總數？霸氣姐姐大聲夾惡 答我唔係跟你咁計！係跟我咁收！而家已經收少你$5！寫住單拼$45 雙拼$50！我望左下 答佢 我無食乳豬 無食燒鵝喎淨係普通雙拼 轉雞髀加$10🧐🧐霸氣廢老姐姐最後都係大大聲講多次唔係跟你咁計！係跟我咁收！我唯有照俾由細食到大 心淡 完…查看更多

問店員叉燒點買，佢答25$。咁25$都有話幾大舊架！我仔細少少問我買半條要幾多$。佢答25$就25$咁多啦。咩服務態度吖？唔通你一蚊銀咁大舊我又要俾25$咩！由頭到尾都冇答過有幾大舊。…查看更多

我媽七十幾歲，去買燒味，收錢呀姐態度十分差，算啦，可能多野做，去到燒味師父，問都唔問成舊燒肉就咁放落盒，到我媽見到講要切，就大大聲講又唔早講，依家買燒味要講先切？葵芳雖然唔大，都唔係得你一間燒味，唔好見老人家就惡死，以後都唔會幫襯…查看更多

每個月 #小秘書 總要去葵生走一轉，去水貨店買吓啲 #護膚品、去整吓指甲咁😌 香港地而家街坊餐廳買少見少，不過 #葵芳 都仲保留咗一部份👍🏻呢日我又嚟到 #廣東燒味 食下午茶，雙併燒味米線加埋凍飲都只係$36🤩 真係邊度搵！我叫咗碗 #叉燒油雞米線 配 #凍奶茶，份量一啲都唔少嘢，叉燒夠淋滑、油雞都入味呀，杯 #凍奶茶 好有 #茶餐廳風味 👍🏻 咁啱今日落大雨，人又唔多，我哋仲可以坐喺度吹陣水先走😉 臨走 #小秘書 仲斬咗半隻 #切雞 比媽媽加餸添呀👍🏻👍🏻…查看更多

夜放工又懶得買餸返屋企煮飯，所以就買個外賣飯盒返屋企食～ 雙拼飯連例湯都係$35！買咗個燒肉燒鴨飯佢份量都幾多，食果時燒肉皮仲係脆架！今日仲有鴨髀添正仲有埋例湯今日嘅湯係菜乾…查看更多

小秘書平時放假只會幫襯「廣東燒味餐廳」嘅下午茶，因為真係好難要我咁早起身😅 今日為咗要夾朋友時間，唯有就範💣因為大家都遲咗出嚟，諗住簡簡單單食個燒味飯就起行，之不過我見到隔離食緊個焗意粉好似好正咁🍝 我又馬上變心喇😝 咪以為喺燒味舖食意粉一定流流地，我覺得比起大家樂、美心... 呢個焗意粉好食好多🤤 熱辣辣又足料，兩個人share再加碟菜都已經夠哂飽喇✌🏻…查看更多