影片
以上資料只供參考, 請與餐廳確認詳情
今時今日咁嘅服務態度真係要僱員再培訓抑廚魔之名而來，真係都抱好大期望！首先入到去係畫紙仔拎飛，員工有張A4 size寫低幾號no 幾多位入座（午市繁忙時間搭枱就是常識啦）我哋拎咗75號飛，2人入座。見張紙前張紙要等4張枱咁多，企旁邊1對情侶都提示我哋入座management 超差，果刻我心諗劃埋飛都會差！原來員工係會叫咗入座會冇刪除，又會叫叫下都會跳咗號碼+叫錯，都唔俾返啱號碼入座！冇啦啦去傳菜咗5-6分鐘（餐廳有位都掛住傳菜），成間餐廳冇人安排客人入座，冇位冇得坐！-最funny係用qr code落單，落好單，又話我哋冇落單，人手過嚟點餐，點完1次又復述多一次！咁做咩一早唔人手落單，好混亂！ d utensils 真係眼見咁污糟😅 疏乎厘西多士，好明顯個底係冇勁好啲油，成個底都係油，一口油，真係就咁食個西多士仲好！-眼見對面落咗單嗰位哥哥叫焗豬扒飯，奶茶多奶少甜！我哋都差唔多食晒嘢啦，個員工就話冇晒焗豬扒飯，跟住上咗個凍啡俾人哋，磚頭員工就話個奶已經到咗，哥哥哥哥懵然不知，就收咗人哋喺個口飲緊個杯凍啡就俾返一杯多奶！ gosh!😅 係咩體驗！ 跟住我哋叫咗個鹹牛肉蛋芝士三文治，烘底麵包係的確幾好，但係麵包就略嫌佢冇搽到牛油上去，蛋就比較老，鹹牛肉就唔太多，唔可以話好好食，唔係難食，中規中矩，但係比我想像之中係差好多！跟餐可以加$9叫紅豆冰，紅豆的而且確係夠林夠甜，soso la!其實食物方面係中規中矩，千萬畢業袍太大期望！但最敗筆就係啲員工嘅態度，因為眼見有幾張枱係冇招呼客人入座，我哋都有善意提點嗰度有位喎係咪可以安排入座，員工都係只會掛住傳菜同埋同你講一陣，果一陣真係好一陣！😅😅😅
繼續閱讀
主理人係餐飲業界知名人物，自然吸引得多人一試究竟，睇到唔同評論各走極端，決定咗要嚟試。餐廳環境、外觀、內裏裝修，都凸顯出主理人就係呢間餐廳嘅最大賣點。同意其他食評家所述，店員服務態度係優先需要處理一項；姐姐還好、男仔嘅態度真係不敢恭維。焗豬扒飯 - 飯底本身已經係一個招倈，有香氣嘅蛋炒飯做底，已經唔係好多間餐廳嘅焗豬可以做到。比較遜色嘅係除咗芝士同蕃茄肉/醬，冇其他嘅配料伴菜，食落有啲寡。豬扒係夠腍，但用嘅部位都係偏向肥膩，食完成個飯已經接近食唔落其他嘢。蝦多士條 - 表面有櫻花蝦咗點綴，但其實對味道冇乜太大幫助。蝦味同麵包融為一體，兩者平衡程度剛好。明明落單揀咗蕃茜千島醬，但最終係俾咗蜜糖芥末，醬汁係大路嘅味道，冇乜特別。凍奶茶 - 正常發揮，茶味夠，甜度稍弱而不夠回甘效果，但老實說已好過好多其他茶餐廳。梳乎厘西多 - 外觀好睇但過份油膩，切落去嘅時候不停有油咇出嚟😅 食落外表鬆軟，內裏同一般西多士無異。的確係幾有特色，但並唔係必須要試。總括而言，呢間算係一間值得嚟試嘅茶餐廳，食物質素係交到茶記應有水準。
繼續閱讀
之前可能係啱啱開業所以comment有食物好多不足但係今日去係冇所之前見到嘅問題肉餅方面唔知之前係咩樣，但今日睇落就唔似焗飯，但係千島醬加得啱啱好，中和左肉餅嘅油膩，肉餅有咬口，炒底亦好香，只係側邊嘅白汁係普通茶記味道另外嘅梳乎厘花生醬西多係邪惡mvp，之前有comment話係油浸西多，今日完全唔係依回事，外表乾身，即使拎起睇，張紙都係得一兩點油，梳乎厘本身都夠香同鬆軟，點埋煉奶平衡返鹹甜，又邪惡又好食另外中年staff姨姨都有禮貌
繼續閱讀
好少寫食評但真係太失望，呢個價錢呢個體驗真係極低性價比我最後先寫食物質素因為味道嘅野比較主觀，但服務質素差就絕對係客觀情況補充少少資料先，我係食$568 個2人餐問題一：侍應expect客知道晒啲野(但其實我連餐牌都冇...侍應知我哋係book咗二人餐之後，就直接問我哋揀咩前菜，但又唔講有咩揀，要我主動問之後問牛扒要咩汁，又唔講有咩汁揀，要我主動問然後問我哋飲咩，又唔講有咩可以飲，要我主動問有menu嘅話就話啫，menu都冇咁係咪應該你話我知有咩揀?問題二：唔夠侍應成間餐廳得一個侍應，要出餐，落單，執枱等等餐具喺枱面，但幾枱都唔夠/冇刀，個個都要問佢/自己拎(因為侍應忙緊執枱大佬你收緊$280/人呀，餐具侍應都唔夠，你估真係茶記咩，茶記就唔好收呢個價啦問題三：侍應唔熟menu問佢前菜有咩揀，點知佢都er er下，淨係噏到蝦多條問佢咩係蝦多條，佢就答 「好呀，多人叫蝦多條」，完全九唔搭八去到最尾我都係問唔到咩叫蝦多條，只可以估係蝦多士啲朋友甜品又係，問係咩甜品，侍應答梳乎里，的確外表係好似梳乎里，但明明係包嚟，類似西多士咁大佬你做侍應可唔可以專業少少...額外資訊：聽到隔嚟枱塊牛扒講咗 唔要 鐵板上，侍應都話OK，結果都係鐵板上...侍應淨係識講唔好意思，同咗廚房講...然後我哋食牛扒想要鹽，侍應話要$20，雖然我知佢好多款鹽，好似好勁，但抵唔抵俾，就見人見智喇講完客觀野，到主觀評價1. 龍蝦唔霉，但唔彈牙，啲肉會散2. 煲仔麵似唔熟，多過似彈牙(可能我唔識食呢啲"高級野"所以分唔到掛2.5 煲仔麵overrated，味道冇特別3. 牛扒叫咗3成熟，但冇肉汁，冇肉味，鐵板嗰邊極柴(我知柴係合理，但餐廳係咪都應該搵方法serve一塊冇咁柴嘅牛扒？3.5 牛扒比ig條片嘅size細頗多，但算啦都唔好食，4. 甜品同蝦多條好食，蝦多條即係條狀嘅蝦多士，夠脆，咬落有油香5. 廁所好乾淨Overall而言非常失望，令我對廚魔極度嘅能力同要求有極大懷疑
繼續閱讀
去開尖沙咀天文臺道附近嗰個位，中午時間想食下茶仔，間間都排隊，想人少同避開同胞遊客，唯有去多次廚魔，估計應該冇乜人，點知又有驚喜，$81午餐係咁樣，估計塊雞扒來貨應該好貴，所以先可以切得咁細。竟然仲做得住，好嘢👏🏻
繼續閱讀